一鍋堂 (大鴻輝(荃灣)中心)

营业中

休息中

食咗好多年一鍋堂了性價比高!!❤️價錢不會好貴 食物質素都ok 唔會好劣~🤤湯底都有十幾款，揀了養生藥膳鍋都真係見到好多藥材係入面😹晚市放題120分鐘 自行QR code落單 上食物速度都算快和朋友一邊傾偈一邊食 兩個鐘都夠食~☺️揀了最平A餐 $208有進口牛板腱 西班牙栗飼豬肉 紐西蘭羊卷肉除此之外 原本以為包嘅野得好少~原來唔係!!!海鮮都有得食😹海蝦 沙白 脆魚鯇 手打墨魚滑等都可以叫即刻覺得抵返!!蝦都唔係又霉又爛 !食完仲可以食雪糕🍦飲品除咗汽水紙包飲品 都有沙示同自家制洛神花茶等

秋風起系時候約埋一班爐友食個有營火鍋，📍位於大鴻輝中心19樓既一鍋堂，其吸引人之處以養生有營既湯底同材料為名。店內既有大枱亦有卡位等。以自助形式系走廊既一排雪櫃飲品及配料供隨意提取，養生茶亦會不時更替款式，雪櫃內裹蔬菜一碗碗形式供應，揀過既蔬菜清脆鮮甜，衛生又方便。而餐廳沿以手機QR Code點餐系統。操作簡單，非常方便。建議飲湯先，湯都幾甜，有濃濃嘅蕃茄味。一D都唔覺得酸。因為今次揀左C餐，所以瘋狂點左好多澳洲A5和牛🐂，切得好薄，睇得出肥瘦分明。基本上放落湯內一陣就可以食得。然後就一直再嗌。😝火鍋食物種類好多，特製8吋長蟹柳好少見。手工墨魚滑全手工鮮製海鮮滑，好有台灣火鍋的味道！帆立貝肉質夠爽口彈牙。蝦滑釀油炸鬼-唔好淥太耐，味道有油炸鬼既香口。十分創新!!值得一贊系佢地既服務，不論佢地上菜抑或清走D碟，都十分有速度同效率!!👍

Australian Wagyu + Angus All you can eat Hotpot buffet@Tseun Wan My families and I went to a restaurant called "E hotpot" (一鍋堂) located 19/F, Tai Hung Fai (Tsuen Wan) Centre, 55 Chung On Street, Tsuen Wan荃灣眾安街55號大鴻輝(荃灣)中心19樓..SET C which costs HKD$288 per adult.There are Australian M5 Wagyu ,US Angus beef,Spain corn fed pork,New zealand lamp,hanger steak that are all you can eat.The beef is fresh and good quality.Australian Wagyu is not available in set BIt is incredibly tender,soft and succulen

話說身邊的朋友和同事都高度推薦一鍋堂打邊爐，我竟然未去過！今次一早訂位，看看為什麼人氣一直高企！這天來到大鴻輝，一入去見到餐廳地方都好大，有3個餐可以選，我們選了C餐，可以任食澳洲和牛！坐低之後選了湯底，有16款湯底，選擇困難發作，好多都好吸引！選了杏汁豬肺，滋潤一下！奶白色的湯底，不馬虎，真材實料，好清甜，豬肺洗得好乾淨，爽口！望下菜單，眼花撩亂，好多火鍋配料選擇，如果C餐來說，重點當然要試澳洲M5和牛板肉，還有安格斯一口牛粒、美國安格斯牛肉、封門柳、牛脷心托、牛板腱！朋友是牛魔王，十級興奮！出去自助區行一轉，有熟食、火鍋配料、蔬菜、涼拌，我好喜歡麻辣拌手拉麵，拉麵好煙韌，椒麻味十足，辣得好過癮！蔬菜都非常新鮮，有羽衣甘藍！丸類也不少！飲品也有自家製的茶！全部都微甜，感覺養生！返到位見到點的牛牛都到了！澳洲M5和牛板肉真的不得了，這個質素，吃兩碟都差不多回本了！好嫩滑，不會有過多肥膏，不會有油膩感，食完一塊好想又食第二塊！封門柳的牛肉味較濃，口感也一樣出色，軟嫩！超喜歡吃牛舌，薄切，淥十秒左右就ok，食得出新鮮，爽脆，不是那些雪到無味的牛舌！另外要一讚的是，這裡有很多特別的配料，例如

「一鍋堂」之前幫襯過好幾次，對於佢地嘅食物種類，質素同埋環境都覺得唔錯。朋友非常喜歡打邊爐，夏日炎炎都無有怕，俾佢拉左我再次光臨。由於今日要去荃灣買d 野，所以就揀左大鴻輝分店啦。餐廳座位都算闊落，座位好多，環境都好清潔，地下唔會癡粒粒。午市時間有3個餐揀，一係唔食，一食就要食好d，所以揀左最多野食嘅C 餐，星期六日連加一每位$262，可以食足100分鐘。湯底都有十幾款，入座前先點了個湯底，叫左蘿蔔粟米豬骨湯，貪佢比其他湯底清，無咁易水腫。餐廳自助區可以拎到各式各樣嘅自助沙律吧、熱食、丸類、蔬菜，飲品同埋雪榚。熟食超多款式，有糯米飯、東北牛腩、紅燒豬軟骨、一鍋麻辣滷豆品、伊麵同冬瓜炆海鮮。不過由於要留肚食火鍋，所以都係食左少少沙律。菜嘅選擇都好多，講得出嘅都有，好似油麥菜，菜心苗，西洋菜，芥蘭苗，唐生菜，羽衣甘藍同娃娃菜，不過每一份嘅份量都幾多，如果可以自己夾，又或者整個雙拼／三拼，咁就可以一次過試幾款啦。飲品區簡直可以用「便利店」黎形容呀，真係好多選擇，除左有各式各樣嘅汽水之外，仲有自家製飲品，好似洛神花茶，金羅漢海底椰茶，碟豆花茶，薄荷烏龍茶咁。我就揀左金羅漢海底椰茶，夠晒清熱，一

今晚好想食火鍋，之前食過一鍋堂，覺得很好，咁就約朋友一齊食。入座前先揀定湯底，餐廳有十幾種湯底，我哋揀咗沙參肉竹鯊魚骨湯底，湯底濃郁好有滋潤的感覺。而火鍋價格就用牛質數來分等級，有A餐：精選進口肉$208，B餐：特選安格斯$248，C餐：高級澳洲和牛$288，因為剛出糧，決定食和牛餐。入坐後店員就比張QR code,自己用手機落單，快捷方便，上菜速度快，唔會漏單。仲有好多款熟食在自助區任取，我最鍾意食白雲鳳爪，飲品就更加多款，還有自家制飲料，我推介金羅漢果海底椰茶，飲住食火鍋都感到好滋潤。牛肉方面都有7，8款，我覺得牛板腱，封門柳同手切牛最有牛味，M5和牛就油脂分布均勻，入口即溶，簡直係我至愛，我同朋友order咗6，7碟，真係有超值的感覺。其他火鍋料，水魷爽口彈牙，自家制墨魚滑有口感，魚同蝦就好鮮甜，炸魚皮就好香脆，食飽仲有甜品乳酪，簡直有大滿足的感覺！

我們已經不是第一次來這裏食火鍋了，他有什麼吸引我一次又一次回頭呢當中有三點，第一，食物質素；第二，環境衛生整潔；第三，價格合理👍👍澳洲和牛：脂肪分布平均，入口有一陣淡淡的油香味，口感嫩滑封門柳：肉質有咬勁，牛味重，不斷重複之選羊肉卷：我最喜歡它有一點點淡淡的羊羶味，喜歡食羊的朋友一定鍾意烏魚片：脂肪油分比較重，入口有魚油的香味手打蝦丸墨魚丸：有咬勁彈牙脆肉鯇魚腩：非常有咬勁，鮮味 估唔到熱盤熟食同樣出色，證明每到食物都製作認真 牛肉飯：肉汁香濃，牛肉好入味👍👍蘿蔔牛腩：牛腩炆到好焾，牛腩汁都好香最後講一講湯底，我們點了豬骨湯底，和冬陰功湯底豬骨湯底：湯底濃郁，足料冬陰功湯底：不太喜歡吃辣的朋友不建議，因為味道太濃烈、太辣整體來說，這是一間優質的火鍋店，所以時常都有回頭客

開學啦，真係要食返啲好嘢慰勞自己，諗起呢度超多火鍋店嘅大鴻輝中心！今次揀咗呢間一鍋堂，好鍾意佢哋有不同特色食物，CP值高！環境：相當寬敞，座位唔逼夾，光猛，冷氣夠大，相當舒適，適合一大班人嚟，或者自己嚟食都好開心🥳！服務：上菜速度快，員工雖然好忙，但係都唔會停手，收碟好快，有問必答，唔錯！而且完全冇漏單情況！湯底：佢哋有超多款湯底，今次叫咗個魚湯，相當濃，仲有好多魚片！冷盤：有不同醃製食物和沙律，喜歡他們的麻辣豆芽，好入味，沙律菜都有好多款選擇。熱食：估唔到火鍋店都有越式自助區，喜歡佢哋的炒蓮藕，相當新鮮可口！食品肉類嚟到嘅時候就可以食！另外仲好推薦佢哋嘅酸辣湯，竟然連上海菜都有，酸辣好開胃！肉類：喜歡佢哋上菜好快，而且肉類有多款唔同部位！最喜歡佢哋有牛頸脊，相當香濃！喜歡佢哋的辣牛肉，香香辣辣，好開胃！甜品：今次係水蜜桃牛乳雪糕，水蜜桃味清香，牛乳濃郁！為這個大餐完美作結！

葵芳一鍋堂之前幫襯過，感覺良好。今日朋友想打邊爐，book 唔到葵芳，就試吓荃灣分店。我哋今次揀咗C餐 - 高級澳洲和牛，胡椒豬肚湯底。店內地方寬敞，走廊位闊落，卡位較多。熟食區有多款炆牛腩、煮牛肉、涼麵、各式冷盤。甜品區有糖水、軟雪糕、蛋糕。飲品區有罐裝汽水、紙包飲品、自家飲品 - 金羅漢果海底椰茶、桂花烏龍茶、洛神花茶。個人推介金羅漢果海底椰茶，清熱潤肺，喉嚨好舒服。湯底方面，胡椒豬肚湯入面啲鹹菜，豬肚都唔多，味道偏淡。加湯後味道更淡。下次應該叫啲味濃啲嘅湯底比較好。肉質方面，大多新鮮可口。個人推介花雕安格斯和牛，佢似手切牛肉，肉質較厚，鮮嫰味濃。牛肩胛同澳洲和牛都唔錯，雪花分佈平均，雖然未到入口即溶，但都對得住價錢。值得一提係佢自選火鍋料區入面嘅牛丸，牛肉餅，牛味超濃。比坊間凍肉店嘅牛丸好食。軟雪糕係日本桃味雪糕，個人超愛。乳脂豐富，口感結實唔會水汪汪咁。服務方面，服務員都好細心周到，一叫就過嚟。加湯，問嘢都好有耐心。最後我想講一下，我印象中好似冇去過荃灣一鍋堂，主要原因係佢嘅位置問題！排隊等搭電梯係唔想去嘅主要原因。今日一試，下次應該唔會再去荃灣分店喇！

今晚來到荃灣，最想食的就是食火鍋放題，所以揀了大鴻輝的一鍋堂。餐廳一整層非常寬敝，入到餐廳已見到非常多人。餐廳有ABC放題套餐，我們要了C 餐,埋單價 $317/位。湯底都有十多款，入座前先點了個沙嗲湯底。餐廳的放題有自助沙律吧及熟食、蔬菜、飲品……等。熟食有一鍋麻辣滷豆腐、東北牛腩、冬瓜煮蜆、麻辣肥牛豬頸肉、牛肉飯、麻辣雞翼……等很多款式。除自助外，百份之九十都是網上自行手機落單，落單後非常快捷，一下子放滿了抬，而且疊得高高的，放題正式開始，好開心~~食火鍋當然少不了牛，餐廳的牛肉也有多款，澳洲M5和牛板肉、精選進口牛板健、封門柳、手切牛脊肉……。當然最有牛味、差不多入口即溶的是主角澳洲M5和牛板肉，而精選進口牛板健及封門柳也頗有牛味的，高質。手切牛脊肉第一次食，切得頗厚，廚師會將牛脊肉由不同位罝直切，而不會將牛肉切斷開，整個牛脊肉是一整件的，待牛脊肉熟了後，就可輕易斷開，牛脊肉肉質腍中帶滑，亦頗有牛味。手串生猛海蝦不是很大隻，帶爽口，很鮮甜。手切白鱔片薄切，有鱔的特別鮮味。最愛滑滑的新鮮魚雲……每款都很新鮮。手切白鱔片好鮮味，點完再點，還有真系花膠好爽口……自家制鮮蝦雲吞，裏面粒粒

耐唔耐就想打邊爐，呢間火鍋店已經去過幾次，變咗熟客仔😆今次就食咗C餐，$228/位100分鐘午市放題。揀咗艇家一品魚湯鍋湯底，有幾隻蝦、好多蜆😍，湯係淡淡啲，唔係好濃郁嗰種魚湯。我同朋友都係牛魔王，食咗好多牛，澳洲M5和牛板肉、美國安格斯牛肉、牛板腱都試過，我最鍾意M5和牛板肉😍，比較多油香，牛味濃郁😋，而且肉質柔軟。另外紐西蘭羊卷肉都好推介，切得好薄， 淥一淥就熟，羊味香，唔會羶到食唔到👍🏻我哋仲貪得意叫咗個魔鬼辣安格斯牛肉，真係辣得好勁好過癮😆如果唔係好食得辣就真係要小心🙈我哋食咗好多種手打丸，其中推介手打三寶丸、手打潮汕魚蛋、手作珍寶蝦丸、濃汁爽彈牛丸，爽口彈牙😋，有鮮味。自家製鮮蝦雲吞都唔錯，真材實料👍🏻另外打邊爐又點少得我最鍾意嘅炸魚皮，點一點湯食，脆得來又有少少濕，正😋食咗咁多嘢有咁多肉，梗係要食返啲菜啦。呢度嘅菜擺得好整齊👍🏻一棵棵咁排晒喺雪櫃，我就最鍾意食西洋菜😍都幾嫩，冇渣。最後食埋frozen yogurt，粉紅色嘅白桃味，香得嚟又唔會好甜😋，食到捧住個肚走。

星期五小週末，今晚同事話要去放鬆一下，一於食荃灣一鍋鍋啦！門口登記時店員已問我們今日想食咩餐, 今次試揀了C餐，120分鐘放題哈哈..! 為免浪費時間, 在登記時也都選擇埋 “胡椒豬肚湯”餐厅和其他分店一样, 都系入坐後在QR code 下單，同樣有小食区、饮品区域及酱油区域等等, 当然不可少的雪糕机啦！ 
蔬菜🥬多种新鲜碧绿时令蔬菜，生菜、娃娃菜、油麦菜、菜心..美国安格斯牛色泽红润， 肉質厚醇脂肪比例勻， 入口肉质鲜嫩滑甜。封门柳， 牛味浓郁， 充满油。巨型蟹柳、手打三宝丸、手串生猛海虾、西班牙栗饲猪肉、纽西兰羊卷肉、牛利心托、鲜鸡件、手切白鳝片、午餐肉、100%浓汁爽弹牛丸、麻辣捞鸡柳…，真系忘记咗翻了多少次单🥰🥰有自家嘅洛神花茶冰冻清热降血脂，正👍🏻今晚我们非常满意，环境够晒舒服卫生，但還未夠，最後還是要啟動第二個胃，品嚐我最愛的雪糕（清甜桃香）😁😁，一杯再一杯

C餐嘅價錢就係$288@1而且仲可以食埋B/C餐嘅特選食材咁首先講咗呢個套餐先有嘅肉類啦澳洲M5和牛板肉食落去真係勁高質❤️❤️花雕浸安格斯牛肉食落去嘅感覺有啲似滑牛肉而西班牙橄欖飼豬肉食落去幾滑😋😋最後值得一提嘅係嗰個魔鬼辣安格斯牛肉（姐姐特登同我哋講呢個真係超辣🌶🌶）我自己覺得佢食落去嗰吓唔係最辣，而係嗰個麻+辣會keep好長時間）之後就講吓B餐嘅牛肉啦安格斯牛肉食落去比較煙韌有口感牛脷芯托食落去幾爽口😚😚之後封門柳食落去就比較入口即化跟住就講吓B/C餐嘅特選食材啦我覺得嗰個100%濃汁爽彈牛丸同埋醬爆瀨尿牛丸真心幾高質素🥰🥰兩者食落去都幾Juicy後者食落去口感就更加豐富之後我覺得嗰個蝦滑釀油炸鬼幾正☺️☺️食落去嗰個口感幾特別之後就講吓出面可以拎嘅熟食/其他打邊爐配料啦（通常每一次去食一鍋堂，出面可以拎嘅熟食都係唔一樣嘅😱😱）今次我就見到有東北牛腩同埋蜆肉前者食落去真係幾入味🤔🤔而且亦都有少少辣後者食落去就幾新鮮跟住落嚟嘅打邊爐配料就一定要食嗰個三星蔥貢丸‼️‼️因為真係好高質最後就講埋嘢飲同埋雪糕啦第一次飲嗰個金羅漢果海底椰茶😉😉飲落去覺得有少少先甜後甘嘅感覺之後依家嘅雪糕就係水蜜桃雪糕

熱辣辣緊係要食火鍋！今次我們就試c餐高級澳洲和牛火鍋放題 ($228/位)100分鐘仼飲仼食。湯底湯底方面我地揀左期間限定的棒棒牛魔王鍋，湯底好足料，有好多牛腩和大蔥小小辣，牛腩的口感軟淋一點都不韌，好有牛味份量十足。牛肉方面我地主要叫澳洲Ｍ５和牛板肉雪花紋好靚，肉質結實，口感嫩滑， 不禁地食了四五輪質素都能保持。App下單的火鍋配料App中的食物種類有好多，有好多手丸類、墨魚滑、蝦滑等等，最有驚喜的是自家製鮮蝦雲吞，蝦肉爽口彈牙。飲品櫃自取區有幾個雪櫃放著不同種類的飲品，當中最有特色的緊係樽裝冷泡茶，洛神花茶酸酸美美是我打邊路的最愛。自取區自助區方面有不同的急凍丸類，同埋有不同嘅菇類、芋絲、山根等。在蔬菜櫃亦有一兜兜唔同種類既菜，有不同的選擇慢慢擇。甜品甜品有水蜜桃雪糕，桃味清新配合香濃牛奶，解膩首選。

一鍋堂係其中一間我覺得性價比高既火鍋放題店，分店又多，上次試過旺角，今次黎到荃灣，午市有100分鐘放題，我地揀左C餐，有澳洲和牛，都只係$228/位。餐廳採用電子下單，既環保又方便。最鍾意係佢既份量唔會太多，一般都係按人頭俾，唔會浪漫食物。湯底選了經典沙嗲湯，好香沙嗲味，沙爹湯配任何野都好夾。澳洲M5和牛肉質好軟熟，雪花分佈均勻，美國安格斯牛肉比較有口感。另外仲有各款肉類、滑類、餃類、蔬菜等等。另外仲有熟食、菜、雪糕和飲品無限量供應，最值得一讚係有自家製養生玫瑰花黑枸杞茶、薄荷烏龍茶等等。雪糕仲唔係一般雲呢拿味，而係蜜桃味。