一遊

营业中

休息中

一遊灣仔皇後大道東183號合和中心3樓320-321號舖經開灣仔，老友推介高質居酒屋，環境舒適，食材新鮮，一番。😁金目鯛薄切刺身新鮮空運到港，鯛魚肉口感鬆軟，鮮甜的味道慢慢滲出，好味道！😍海膽吞拿魚壽司面層放了香蔥，新鮮海膽、赤身，內層有吞拿魚蓉，鮮味十足，魚油豐富，壽司飯口感煙韌，酸度適中，吃到中段，加子薑、醬油和 wasabi 提升層次，好正呀！😽海鮮天婦羅盛合盛合有炸蝦、帶子、魚塊、南瓜、鮮菇、秋葵和皇帝蟹棒，蝦肉新鮮爽滑，蔬菜新鮮爽口，蟹棒口感鬆軟，炸粉薄，加天婦羅醬汁和蘿蔔蓉效果更佳，推薦！😍免治雞肉、年糕燒即叫即製，年糕燒口感煙韌，雞肉鬆軟，醬汁惹味！😄芝士厚玉子玉子燒口感鬆軟，鹹度適中，佈滿香濃的芝士味，大滿足。😉炸豬扒即叫即炸，炸油新鮮，豬扒外層香脆，口感煙韌，沙律菜新鮮爽口。😋柚子豚肉石頭湯豚肉和蔬菜的精華融入湯中，鹹度適中，鮮甜好飲！😸生薑豚肉石頭燒飯配料有泡菜、紫菜、香蔥、洋蔥、芝麻和豚肉，將配料攪勻，焦香味慢慢滲出，配料新鮮。😺燒鰻魚飯原條蒲燒鰻魚份量十足，口感鬆軟，醬汁惹味，送飯一流，好味道！😻日本綠茶、藍莓茶、熱檸檬茶茶膽香濃，清香果味，檸檬新鮮，健康之選。

一有4人或以上聚餐，就會唸起黎呢度😆😆上次同朋友黎食，覺得可以無限encore，所以今次同屋企人黎食前菜：白身魚薄切（胡麻風味） $280白身魚薄切透光，可見刀工犀利！連埋中間既爽脆海草一起吃，同加啲醋醬油汁，為今晚豐富美食熱好身😂主菜：海膽吞拿魚壽司 $268海膽新鮮，吞拿魚有油脂香，好正既一個壽司卷！海鮮天婦羅盛合 $248有炸海膽、魷魚、茄子、秋葵、南瓜、蕃薯、海老、炸蝦、帶子、蟹鉗、魚塊超多海鮮種類既天婦羅，脆漿只係薄薄一層，鎖住海鮮既鮮甜味，無流失到海鮮精華。蔬菜天婦羅出色，食到南瓜、蕃薯等蔬菜原味道，無炸過火，點埋蘿蔔蓉天婦羅汁減熱氣，確係得喎！炒雜菜 $78雖然略帶多少少油分，但鮮雜菜仍然保持新鮮，份量算多，食落清脆口感，尤其小菇菌同椰菜好出色。泡菜牛肉石頭鍋飯 $98服務員親自幫我地兜兜個飯，好好服務。比較重口味既石頭鍋飯，有泡菜既少少辣，同炒牛肉好夾，所以餸飯一流！生姜豚肉石頭鍋飯 $98食到飯焦，脆卜卜，比泡菜牛肉鍋飯無咁鹹。屋企人好鍾意，仲「照鏡」添😆😆😆豚肉豆腐鍋 $92日本豆腐滑嘟嘟，所以每次都好喜歡叫佢地既湯鍋，一定有豆腐的。有豚肉就令到個湯底更鮮甜。明太子

同屋企人嚟到灣仔呢間一遊度食日本料理，佢哋啲魚生好新鮮，而且有其他各種各樣嘅日式料理，選擇多元化！刺身拼盤好新鮮，三文魚肥美甘香，帶子鮮甜爽口，仲有吞拿魚，牡丹蝦，油甘魚！而壽司拼盤都好吸引，有各樣嘅吞拿魚，三文魚，白身魚同埋赤貝，最緊要係佢哋嘅海膽勁鮮甜，一啲都冇異味！芝士玉子燒芝士玉子燒入面軟綿綿，蛋香濃郁，食落仲拉絲！芝士鹹香同蛋嘅甜味好夾，食落去暖笠笠。紅酒煮牛舌粒牛舌粒燜到好淋，紅酒嘅醇香完全滲入肉裏面，仲有啲洋蔥嘅香味。咬落去juicy又冇筋，濃味得嚟帶少少甜，送飯一流！蕃茄海鮮湯呢個湯酸甜開胃，蕃茄味好出，仲有大蝦、蜆肉，飲完成個人暖晒！雜錦天婦羅天婦羅炸到金黃酥脆，外皮薄脆，入面嘅蝦肉/蔬菜依然保持嫩滑。蘸埋天婦羅汁，淡淡哋嘅鹹甜味，食完一啲都唔油膩！

之前午餐嚟食個吉列芝士豬扒，小朋友覺得好好味，諗住晚上再嚟食，結果晚餐原來是沒有的。詢問店員下，店員話滑蛋豬扒飯入面的豬扒是有芝士的，但是我的孩子不吃蛋，店員話冇得就咁叫芝士豬扒，詢問店員可否叫滑蛋豬扒帶走滑蛋，店員不理會我就行開了，唯有問另外一個店員啦，另外一個店員就笑手口說不可以，真是奇怪哦！ 結果吉列豬扒像石頭一般的硬，小朋友最後食淨一半，我自己都試過，豬扒真係好硬食咗一舊牙都軟埋，真係大失所望。不過平心而論，其他食物都幾好味既

呢間日本餐廳已經幫襯咗好多次每次都好鍾意 🍱五點盛刺身帶子 新鮮 好爽口深海池魚 香濃嘅魚味三文魚 好肥美拖羅 入口即溶 冇得輸蝦 清甜鮮味🍢呢度嘅串燒都好出色叫咗幾款同朋友一齊食🐣雞心 內臟位置燒得啱啱好 冇內臟既奇怪味道🐙八爪魚沙律令人驚喜嘅沙律 用上師傅自家製嘅蕃茄醬汁 酸酸甜甜 好開胃 而且仲有木魚絲 蔥絲八爪魚薄片一啲都唔韌 連埋番茄醬一齊食 好好味🤪明太子燒魷魚一份估唔到咁大隻 幾有睇頭燒到好香 肉質爽口彈牙牛油煮蜆啲蜆隻隻都好大隻，仲好Creamy煮嘅時間掌握得啱啱好天婦羅蔬菜都好鮮甜 特別鍾意茄子 南瓜 秋葵鍾意嘅話可以加天婦羅汁 有助減低油膩感

今日同朋友去咗灣仔一間日本料理，出品精緻又正宗。雜錦壽司拼盤，師傅刀工了得，每件壽司都係藝術品！特別係拖羅壽司，魚油甘香，醋飯溫度剛好，鬆軟得嚟又帶微微甜味。最驚喜係個海膽吞拿魚卷，海膽creamy得嚟完全無腥味，吞拿魚蓉混入少少香蔥，味道層次爆燈！牛肉串燒，外層燒到微微焦脆，卷住烤到剛好嘅香菇，菇吸收晒牛油香，個配搭真係諗起都流口水！雜錦天婦羅，紫蘇葉包海膽天婦羅，脆衣包住流心海膽，視覺味覺雙重享受！茄子天婦羅保持到水嫩，師傅油溫控制功力深厚。牛肉石頭鍋飯上枱時「滋滋」聲好治癒！飯焦香脆得嚟唔會燶，牛肉片醃得入味，我哋爭住食飯焦添！海鮮蕃茄湯，用咗日本高糖番茄，湯底鮮甜到似飲緊海陸精華，入面仲有大蝦，飲完成個胃暖笠笠。牌仲有好多菜式我都想食，下次再約朋友再食過。

今日同朋友去灣仔搵食，發現間日本餐廳，真係有料到！雜錦壽司一擺上枱，即刻被吸引， 唔同顏色嘅魚生拼埋一齊， 靚到爆炸！仲要每件都好新鮮。接著有我喜愛的海膽吞拿魚卷，海膽黏黏稠稠、吞拿魚軟綿綿，夾埋一齊食，滿足感爆棚。 串燒牛都唔錯，燒得焦香又多汁，同菇夾住食，原來咁可以撞出新滋味。中場休息飲碗海鮮蕃茄湯，唔使花巧調味就好正。另外推薦牛肉石頭鍋飯， 焦香嘅飯焦脆卜卜 ，夾雜軟滑嘅日本飯，層次分明，食得好過癮。嚟灣仔想食日本嘢，記住呢間，保證唔會踩雷！

今日放工約咗朋友喺灣仔合和中心一間日式居酒屋食飯。餐廳環境舒適，好適合同朋友飲酒傾偈。菜式選擇豐富，有好多下酒菜，例如串燒同刺身。 我哋試咗火炙三文魚卷，魚肉鮮味，醬汁配搭得宜。另外，汁煮魚頭煮得好嫩滑，入口即化。野菜天婦羅炸得恰到好處，外層脆卜卜，裏面嘅蔬菜依然保持水分，唔會太乾。 最後驚唔夠飽，加咗豚肉燒飯同牛肉飯，份量適中，調味出色，大家都食得好滿足。清酒煮蜆亦係驚喜，蜆肉大隻鮮甜，酒香提鮮，令人回味。 成晚大家有傾有講，時間過得好快，食得開心又盡興，絕對係聚會好地方！

終於約到table for 4 既gathering!!!!頭盤白身魚薄切超級新鮮！胡麻火炙三文魚香味十足，口感層次分明。再來係道湖淺蜊，鮮甜嘅淺蜊，肉質彈牙，每隻都超大隻。講到天婦羅，椰菜天婦羅盛合外脆內嫩，椰菜味道清新，搭配醬汁更添風味。而炒雜菜就係色拉配上新鮮嘅時蔬，清爽又健康！雞肉京蔥卷+雞肉明太子呢兩款串燒好開胃，京蔥卷香氣四溢，串燒則帶有微微的鹹香。今晚好lucky ，有期間限定嘅汁煮魚頭，湯汁濃郁。豚肉生薑石燒鍋飯+牛肉石頭燒飯好好味，肉質鮮嫩，等佢一陣就會炒到有飯焦飲品叫左新鮮生果茶、藍莓茶、海鹽荔枝梳打、巨峰燒酎梳打，每一款都好清新，特別係夏天飲，真係太舒服啦！

朋友說 ，灣仔合和中心3樓 一遊(灣仔） 的日本料理十分出色。 於是今天晚上， 我們便去試一試。我們首先叫了一瓶一心五神纯米大吟釀的冰涷清酒，味道清新，容易入口。#十種壽司拼盤 $288十款壽司：拖羅、三文魚、 魷魚 、牡丹蝦、海膽，全部都是新鲜，又甜美。#石鍋清酒蛤蜊 $120清酒煑蜆，蜆肉大大粒；湯除了有蜆肉鮮味，還有清酒清香；我们連湯都全部飲清。#炸雞 $64炸雞，是日本的名菜，入口時雞肉外脆內軟，十分好味。#雞肉 $64及#鰻魚串燒 $156兩串烧雞肉及兩串鳗鱼， 炭燒 得剛好，咬落溢出肉汁。#泡菜牛肉飯 $98皆用真珠米煮成，米飯粒粒粒分明；加上生薑 及泡菜不同的烹調方法， 十分美味。#豬肉餃子 $55五隻豬肉煎餃子，煎得香口，肉汁飽滿。#荔枝梳打$42、#桃子梳打$42荔枝梳打、桃子梳打， 入口冰涷；在這炎熱的夏天，消暑解渴。我們一邊談天說地， 一邊享受 放在枱上的 各款日式料理，真是 人生一大樂事。朋友果然冇介紹錯。

今天晚上， 我們去到灣仔一遊(灣仔） 晚餐。一遊是一間高質素的日本居酒屋， 位置在合和中心，港島的鬧市區。我們首先叫了一瓶一心五神纯米大吟釀的冰涷清酒，味道清新，容易入口。#五種刺身拼盤 $320隨著上枱，是一碟五款刺身，有油甘魚、拖羅、三文鱼，带子及甜蝦，油脂丰富，新鲜肉厚。#海鮮天婦羅拼盤 $248海鮮天婦羅拼盤，用鮮蝦、蟹、魚及蔬果，掃上薄漿炸脆，入口鬆軟。#炸雞 $64炸雞，是日本的名菜，入口時雞肉外脆內軟，十分好味。#雞肉 $64及#鰻魚串燒 $156兩串烧雞肉及兩串鳗鱼， 炭燒 得剛好，咬落溢出肉汁。#薑炒豬肉飯 $98皆用真珠米煮成，米飯粒粒粒分明；加上生薑 及泡菜不同的烹調方法， 十分美味。#荔枝檸檬酸 $54、#葡萄酸 $54荔枝檸檬酸、葡萄酸 ， 入口冰涷；在這炎熱的夏天，消暑解渴。我們十分享受今天晚上在合和中心一遊(灣仔）的晚餐。

灣仔合和中心的「一遊」充滿昭和風情的日式居酒屋，難怪食飯時間都常常爆滿，今日約埋朋友訂定位慢慢享受一下。居酒屋以木系裝潢配上暖黃燈光，營造出一種懷舊又摩登的氛圍，彷彿置身日本之中。巨峰乳酸梳打／桃桃梳打清新果香與微氣泡交織，小酌一下，確讓人陶醉。八爪魚沙律（洋風風味）八爪魚切至薄身，口感爽脆彈牙，配上酸甜醬汁及鮮味三文魚籽，更添開胃。海膽吞拿魚壽司海膽鮮甜濃郁，吞拿魚油脂豐富，兩者完美融合，一口咬下，口感滿滿，層次豐富。厚燒玉子蛋香濃郁，甜度恰到好處。雞中翼／牛肉靈芝菇串燒火候掌握得宜，雞翼外脆內嫩，牛肉與菇香融合，簡單卻令人回味。炒雜菜爽口不油膩，為整餐添上一點清新。海鮮天婦羅盛盒／野菜天婦羅盛盒炸漿薄脆不油膩，海鮮鮮甜、蔬菜甘香，配搭豐富，視覺與味覺同樣滿足。清酒煮蛤蜊石頭湯熱氣騰騰的蛤蜊鮮味清香，每隻都大隻飽滿，散發陣陣酒香，而且湯底清澈回甘，更是錦上添花。牛肉石頭燒飯鐵鍋上桌滋滋作響，牛肉香氣撲鼻，飯粒吸盡肉汁與醬香，鍋巴更添層次感。

放工相約朋友happy hour，來到日式居酒屋又怎少點得來杯清酒，輕酌一番。八爪魚沙律（洋風風味）八爪魚口感彈牙，加上酸甜開胃的醬汁，味道清新。海膽吞拿魚壽司色澤鮮艷，引人食慾，以鮮美的吞拿魚，配上鮮甜的海膽，滋味不已。厚燒玉子鬆軟多汁，散發濃厚蛋香，味道甜滋滋的。雞中翼雞皮焦脆，雞肉口感結實而又嫰滑，十分適合配清酒享用。海鮮天婦羅盛盒 & 野菜天婦羅盛盒色澤金黃，皮衣夠薄，入口香酥鬆脆而毫不油膩。清酒煮蛤蜊石頭湯蛤蜊體積相當大，肉厚嫩滑，帶有淡淡酒香。牛肉石頭燒飯熱騰騰，攪拌均勻時香氣四溢，脆卜卜的飯焦更是精髓所在！吃進嘴裡的一瞬間，味道充滿不同的層次！

🔥刺身盛合五點 $320 ⭐️9/10⭐️刺身包括有三文魚、中拖羅、油甘魚、帆立貝和牡丹蝦，由北海道和九洲直送，每款刺身都非常鮮甜味，特別是三文魚和油甘魚，非常肥美高質！🔥蟹肉忌廉 $88⭐️8/10⭐️外層酥脆金黃，內裡忌廉份量適中，口感豐富，不會太膩！🔥串燒 ⭐️9/10⭐️⭐️牛肉靈芝菇 $38⭐️雞肉京蔥串 $32牛肉靈芝菇串燒香氣濃郁，肉汁豐盈，靈芝菇更添口感！雞肉京蔥串外皮酥脆，雞肉鮮嫩多汁，京蔥清甜美味！🔥清酒煮蛤蜊石頭湯 $120⭐️8.5/10⭐️蛤蜊份量十足，湯底清甜，散發微微的清酒味道，不錯！🔥牛肉石頭燒飯 $98⭐️9/10⭐️牛肉份量十足，石頭燒飯有適量的鍋巴，還有泡菜增添味道層次，既抵食又好味！🔥柚子梳打/蜜桃梳打 $42

⭐️八爪魚沙律 $98八爪魚幾彈牙，配埋酸酸地既醬汁幾開胃。⭐️海鮮天婦羅盛合 $248✿海膽 ✿大海老✿魷魚 ✿鱈魚 ✿池魚仔 ✿帶子 ✿蟹柳 ✿蕃薯 ✿秋葵 ✿茄子 ✿南瓜呢個盛合共有11款食物，粉漿唔厚，每款都唔錯，特別鍾意大海老，夠晒大隻爽口。⭐️石頭鍋清酒煮蜆 $120蜆肉飽滿幾鮮甜，有一兩隻有沙，湯頭淡淡清酒味。⭐️汁煮魚頭 $300魚頭唔腥，煮到入晒味，配菜有豆腐、茄子、菇。⭐️炒雜菜 $78有茄子、翠玉瓜、椰菜、芽菜、菇。調味唔重手，清清地食感覺健康d。⭐️生薑豚肉石頭鍋飯 $98豚肉幾軟腍，份量都多。個鍋夠熱，成個個飯熱辣辣，仲有飯焦。⭐️Citron sour $54⭐️Suntory $59