影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
食家推介
大前日（18-4-2025 Fri）复活节假期第一日，同老公返到荃湾食晚饭，由于又早又唔太饿，而且我哋少饮汤，不如嚟呢喥食啦，因为都有点心，我哋嚟到坐低，周围望吓menu，决定要：3. $32.00嘅百花酿鱼肚等咗15分钟左右到嚟，热腾腾嘅，虾滑爽弹，鱼肚口感到正常冇问题。5分4. $24.00嘅潮州粉粿同样热腾腾，size正常，食落，个皮太腍，蒸过龙喇，馅料味道正常，不过都系冇沙葛。2.5分1. $78.00嘅猪肺炖罗汉果南北杏菜干打开睇，咁深色嘅？我以为系老公嘅炖肉排，呢个味道同样唔咸，汤甜，猪肺冇问题，但肉排就嚡。4分2. $68.00嘅西洋菜陈肾陈皮蜜枣炖肉排跟白饭白饭竟然系煲仔上，个汤都系正常唔太咸，有好多西洋菜，正。5分一如以往，坐低后会俾壶红枣桂圆杞子茶，个茶系无添加，唔太甜，而每位茶位系$5.00。抵食系2.5分上次食评系2013年5月31日刊登嘅呢篇：https://www.openrice.com/zh/hongkong/review/yeah-%E8%AE%8A%E5%92%97-e4844613
继续阅读
茶钱（$5）坐底即刻有一大罂红枣杞子圆肉茶，清爽微甜，十分解渴。胡椒猪肚鸡汤饭（$88）有一锅胡椒猪肚鸡，另加一砵仔饭。汤底很重胡椒味，除咗猪肚同鸡件，仲有肉排、绍菜、豆卜，所以十分足料。猪肚厚身，少少爽口，无臭味。鸡件同肉排正常滚过汤嘅味道及口感。药膳鸡脚（$48）鸡脚有五只，份量适中。药膳味浓，鸡脚够哂入味，而且又够腍，啲汁（有沙参、黄芪、当归、川芎、甘草、党参、大枣、圆肉、杞子）好啱用嚟捞饭。
继续阅读
我系资深‘’汤控”，香港专卖靓汤的地方越来越小，荃湾嚟讲只有2、3间，这间店我帮衬咗至少5年，由佢哋系大窝口便帮衬，到佢哋搬近荃湾。佢哋啲汤好好饮，除咗点心小菜款式越嚟越多，镇江骨、梅菜蒸肉饼、金银蛋浸时蔬，通通都好味，至少俾好多系荃湾主打家常菜的舖好味。佢哋价钱都合理的，打电话叫外卖好快有得拎。我最钟意个汤，罗汉果煲雪梨雪耳，转天气，喉咙干喉咙痛，饮完条喉咙都顺啲，佢哋嘅灵芝红枣竹丝鸡也好好饮。
继续阅读
今晚我喺荃湾一间平民街坊小店食晚饭，呢间小店主打点心、蒸饭同炖汤，环境虽然简单，但好有街坊味。今次我叫咗一个豉汁金钱肚煲仔饭，真系好满足！首先，讲下呢间小店嘅环境。虽然唔算华丽，但好有亲切感，感觉就好似返到屋企咁。店内座位唔算多，但佢哋安排得几好，唔会太挤迫。### 豉汁金钱肚煲仔饭而家讲返主角，豉汁金钱肚煲仔饭。当我收到餐嘅时候，𠮶个香味已经扑鼻而来。打开盖，金钱肚嘅香味同豉汁味道融合得非常好，真系叫人食指大动。金钱肚煮得啱啱好，食落去脆口又有嚼劲，完全冇腥味，豉汁嘅味道更令整个煲仔饭增添咗层次感。米饭方面，煮得几好，底部仲有少少焦香，食起来有种特别嘅口感，搭配住金钱肚同豉汁，味道更加丰富。份量真系好多，对于一个人来讲，完全系食到饱！### 配菜店里仲有少量嘅青菜，增添咗一啲清新感，令整碗煲仔饭唔会太腻。其实佢哋嘅青菜都煮得几好，保留住鲜嫩嘅口感，搭配米饭一齐食，真系好正。整体而言，呢间平民街坊小店真系一个好地方。如果你想揾一个平实而好味嘅晚餐，呢个豉汁金钱肚煲仔饭绝对值得一试。环境虽然简单，但味道同份量都好有水准，价钱亦合理，让人感受到真正嘅街坊情怀。下次我一定会再返嚟，试下其他佢哋嘅招牌菜！
继续阅读
西洋菜陈肾陈皮蜜枣炖肉排（$68）跟白饭，而个白饭并不是一碗，系一个砂锅，饭蒸得好好，干身唔过湿、唔烂、软。炖汤系用正常紫砂炖盅，入面起码有一半系汤料，西洋菜尤其多，淋但唔烂，仍有菜味，汤清甜，不错。镇江骨（$88）同样跟一砂锅嘅白饭。镇江骨有五旧，酸酸甜甜，味道比坊间清淡（似屋企feel），有两旧骨嘅肉偏瘦。烧卖（$30）之前食过记得唔错，的确无记错，大粒，肉质实但有咬口，猪肉唔肥，食得出系自家制。鲜竹卷（$26）好似好耐无食，于是叫嚟食吓。腐皮比坊间好似卷多层，厚身少少，入面猪肉唔肥，同烧卖近似，另外食到少有嘅芋粒。凤爪（$26）有六只，味道正常，大量豆卜垫底，索哂啲味。茶钱（$5@）绝对抵俾，杞子红枣圆肉，消热明目，足足饮咗四杯。
继续阅读