グリル滿天星

营业中

休息中

今日中午同家人去滿天星食午餐，排隊大約15 分鐘左右就入到去，就點左咖喱吉列豬扒蛋包飯，吉列豬扒咖喱飯，鰻魚咖喱蛋包飯，原本都好期望有日本🇯🇵滿天星的水準，因為價錢都唔平三個合共790幾蚊，但係食咗之後感覺值零分，啲飯硬度簡直食唔落，啲飯又凍，雞蛋又吵得佬，豬扒半舊都係肥豬肉，（各位如果想食好食嘅蛋包飯介紹你去西灣河太安樓對面街）雖然40幾蚊一個飯好食過佢一百倍。其實啲服務員問去吉列豬扒同黑豚豬扒嘅分別佢只係答一樣。答左好似無答，一啲都唔專業。收到二百幾蚊嗰餐應該俾返啲質素啲客人。好失望下次一定唔會幫襯。

收工時間排左1個幾鐘🤣🤣🤣排到男朋友就發脾氣🥶不過不負所望！！！食到我地心目中好好味既蛋包飯！！！入面係西炒飯feel，有d提子乾～雖然我平時好憎食提子乾，但佢炒埋一齊唔係好覺，完全食到！個蛋超滑超厚，連埋咖喱汁超夾～炸蝦炸蠔都好滿意，炸粉唔厚，夠脆！最驚喜係有好日式既海鮮salad! 有三文魚，帶子刺身同大蝦，沙律菜好新鮮！值得試！本身好想試埋個梳乎里，但真係太飽，留返下次閒日冇咁多人再黎食過！！

呢間日本過江龍嘅蛋包飯店，次次行過都大排長龍。有日經過見到條龍唔係好長，即管試下係咪咁真係咁好味，值得排隊。好彩等咗十分鐘就有位，當然要試下蛋包飯，於是叫咗個漢堡扒蛋包飯。呢個蛋包飯都幾大份吓，蛋係嫩滑，但炒飯同個汁就好一般，漢堡扒都係好一般，問心呢個飯唔係好值二百幾蚊。再叫咗個梳乎厘班㦸，呢個都ok鬆軟，但係我覺得幸福pancake好味啲。抹茶芭菲都ok嘅，正正常常，無乜特別，唯獨雪糕好快溶😅

每次經過海港城，滿天星勁多人排隊今晚5點35分排，已有10人排隊用餐時間只有90分鐘，我食完有幾十人排隊賣相是靚，但食物質素一般，與價錢不成正比雞蛋太老米唔好味食緊茶餐廳的西炒飯薯仔沙律，薯仔太溶幸而班戟夠滑食蛋包飯，去灣仔的貓之眼又平又正連鎖店Co Co 也不錯

叫咗招牌嘅鰻魚蛋包飯，鰻魚燒得非常好食，比唔少專飯鰻魚日式舖頭都整得更好！蛋香非常濃，果然係用蘭王蛋！雖然價錢有啲貴，但用海港城coupon後個人覺得超值！另一個就帶咗都係招牌嘅漢堡扒蛋包飯，漢堡扒整得非常林，肉味濃，不過對比鰻魚，個人就更喜歡鰻魚，但如果想食漢堡扒嘅朋友都唔會失望！一間唔係主打班戟嘅舖頭來講，佢算做得好唔錯尤其啲集妹好甜幾新鮮如果想揀甜品都可以考慮！有啲後悔冇嗌到近期限定嘅靜岡蜜瓜聖代，見到隔離枱叫啲蜜瓜好似好正，下次一定要食

呢間滿天星次次經過都超多人，難得平日20:30行過冇人排隊，就去試下啦！我同家姐2個人叫左3樣野：🍽牛油果大蝦凱撒沙律份量都好大，蝦都好大隻，健康之選🍽蒲燒鰻魚蛋包飯賣相好靚，鰻魚好大條，蛋包飯我至愛，好好食！🍽雜莓疏乎厘班戟疏乎厘班戟都食過好多次，不過呢個真係堅好食，因為幾款莓都唔會好酸，連埋cream同pancake一齊食好夾，一啲都唔覺漏。有驚喜總結：2個人埋單$500幾，食物樣樣都好食，尤其蛋包飯同pancake都好靚，而且份量唔少，我地今餐食到好飽。如果唔駛等位的話，會再嚟試下其他野。推介👍🏻

次次經過都見到咁多人排隊,閒日終於可以少啲人，試到佢喇！朱古力奶昔好足料，不過一個人飲有啲漏，好彩老公幫口飲，始終都係朱古力所以都比較甜，不過係好好飲嘅。另外叫咗個海鮮沙律，有蝦、帶子、三文魚同蟹子，蟹子好爽口，咬落去卜卜聲，三文魚帶子都算多。咖哩吉列豬扒蛋包飯，咖哩汁夠多，豬扒 小肥，有啲豬筋幾好味， 蛋包飯裏面嘅飯係咖喱炒飯， 連埋出面啲咖哩汁，雙重享受。士多啤梨梳乎厘係呢間鋪頭嘅招牌甜品，要下午茶嘅時間先可以試到，賣相吸引，呃like好幫手，的確好食，梳乎厘軟綿綿。今次揀呢間餐廳係因為有海港城coupon， 食咗六百幾蚊減番300蚊，幾抵食，但係如果冇coupon就覺得比較貴。

哩間日本大阪過江龍蛋包飯之神滿天星係香港已經一段時間，成日經過都見到排哂長龍，趁住仲有半價優惠券，今日難得有機會，決定一試。日式咖喱吉列豬扒蛋包飯用蘭王蛋整的蛋包飯，赤黃色的蛋汁，蛋味香濃，不愧係出自蘭王蛋。豬扒外脆內軟，唔會話好鞋口。未食過可以一試過江龍既日式蛋包飯。

weekday喺尖沙咀唔係午餐時段，JS cafe居然大排長龍，所以轉嚟咗滿天星諗住食佢嘅梳乎厘pancake.叫咗一個原味($108) ，一個係朱古力香蕉味($138) 。 首先，上碟係每碟都係得兩件嘅啫，而且每一件呢係比平時喺happy pancake嗰啲食嘅要細件！ 仲要埋加一，即係話一件已經要差唔多七十幾蚊！感覺唔係好抵！咁味道方面，原味我覺得ok嘅，但係佢個糖漿呢有一陣怪味，個牛油醬係好食嘅。佢texture係梳乎厘一啲，比較軟身嘅，即係d 醬係上面都好似會令到嗰個pancake塌落嚟嗰種。至於朱古力味，個朱古力醬單食係非常濃沃嘅，就好似直接將啲朱古力隔水溶咗咁，好濃味，但係偏苦澀嘅，加埋個梳乎厘就會冇哂pancake味，係唔夾嘅，會搶曬所有味，所以覺得非常一般。結論就係始終梳乎厘pancake都係要去專係買梳乎厘pancake嘅餐廳，呢度係貴+細件+味道一般。

見到個餐牌好似好多嘢食，門口又有好多人排隊，諗住試吓啦，結果失望而回。叫咗個漢堡扒蛋包飯，個蛋係好味嘅，好嫩滑，但係啲飯係凍嘅，味道非常一般，漢堡扒略嫌偏鹹。跟住叫咗個查忌廉蟹肉餅，味道OK，但係好似未鯨乾啲油，上碟嘅時候，個餅下邊有一攤油浸住。而最差嘅係黑豚扒，呢份扒要成$300，但係塊扒煎度又乾又硬，切嘅時候已經要俾啲力先至能夠切開，切開後即刻見到啲肉好乾好鞋，咬左一輪到吞嘅時候，有種kick住喺喉嚨嘅感覺，鞋到吞唔落。份扒要成$300，點都有啲期望，但係真係好失望，簡直係嘥晒啲食材。最後叫咗個靜岡蜜瓜窩夫，呢個係好味嘅，以後如果再嚟，都只係會食甜品。

滿天星蛋包飯-海港城☝🏻日本過江龍之一過左咁耐都仲要排隊食架🤪❇️招牌咖喱蛋包飯$128日本不嬲咖喱🍛都同即食包味道無咩太大出入。主要喺餐廳食會多咗帶子粒同埋用蘭王蛋整既超好食蛋😜不過個咖喱上桌時唔夠熱🥲❇️炸雞$88普通😗真係好似食完都唔記得食過咁無記憶點😅但個醬幾好食❇️甜品—士多啤梨華夫🧇$108反而甜品係最好食鬆軟邊脆，熱熱地食嘅時候擺近咀邊個鼻已經聞到浸香味🥰外面好多人等位，我用咗34分鐘完食成餐飯同埋單🙃用餐過程好急趕，因為一坐低五分鐘內上菜，每碟食好即有人收走。服務因為時間短促無感受到😂但係feel到快啲讓反個座位出泥係員工身體力行表達出嚟嘅感覺🤣Instagram @ hkfoodies. ladies90s

成日經過都見到排哂長龍，今日終於有機會試下啦！日式咖喱吉列豬扒蛋包飯用蘭王蛋整的蛋包飯，赤黃色既蛋，好吸引喔～ 豬扒外脆內軟，果然正呀梳夫厘等左20分鐘先有，但絕對唔會令大家失望，鬆軟得黎好香濃，好想食多碟呀

₍ᐢ.ˬ.ᐢ₎┈┈┈┈┈┈┈┈┈┈┈┈┈開業咁耐都人氣滿滿既過江龍蛋包飯🥰永遠座無虛席呢！假期開11點30諗住11點到一定無死可以即入加坐到圓枱，點知11點15分到竟然已經大排長龍，有啲嚇親我😂不過人流都算快但如果想等圓枱就要耐啲時間了，我地都等左1個鐘┈┈┈┈┈┈┈┈┈┈┈┈┈┈𐂐 ⠜日式咖喱炸蝦蛋包飯 $178 (4/5)店家係選用蘭王蛋，所以色澤會偏深色，入口嫩滑有蛋香。而飯底係根據日本總店做法，日本米加入竹筍，洋蔥，粟米等再配上雞湯先煮後焗。入口不乾身🍛配埋醬汁一齊享用味道出色🤤中意食蛋包飯既朋友都表示滿意～至於炸蝦🍤都非常滿意，放左一段時間外皮依舊乾身脆口不厚粉，蝦肉色澤鮮艷又夠彈牙！┈┈┈┈┈┈┈┈┈┈┈┈┈┈𐂐 ⠜忌廉蟹肉薯餅 $148 (5/5)推薦！超愛呢家店既蟹肉薯餅，薯餅餡多皮薄，薯仔整得夠淋🤤內餡充實軟熟，口感滿足🥰配埋蕃茄汁酸酸甜甜幾開胃，而配菜份量都幾多當日就算食到好飽，我都會想食曬┈┈┈┈┈┈┈┈┈┈┈┈┈┈𐂐 ⠜朱古力芭菲 $108 (3/5)溶化速度快過我進食速度😂好彩底下有個碟仔唔係就成枱都係了🫠雪糕面有少許杏仁碎，焦糖香蕉🍌烤得金黃，火候適中。┈┈

我幾乎一星期去一次吃饅魚「蘭王」蛋飯再加埋個甜品。今日12點左右去到，又係排長龍，無辦法都係要等，鬼叫自己鍾意食咩。今次吃完飯便叫左個新出嘅waffle +雪糕及依舊我喜愛的梳乎厘班㦸⋯⋯居然兩個甜品好好食到一個點，超正！真係要舉起大拇指！

長期都排大隊嘅日式蛋包飯終於有機會試到✊🏻 賣相一流 滑蛋呈鮮艷橙黃色😍 炒飯底入味 鰻魚厚身 而漢堡扒係獨特自家整法 口感軟綿 用70%鹿兒島和牛混合30%北海道和豚搓成🐮🐽 個人覺得味道不俗但性價比唔算高 試過一次就算😛  📸1️⃣ 滿天星肉汁漢堡扒蛋包飯 ($238) 2️⃣ 蒲燒鰻魚蛋包飯 ($248) 3️⃣ 帶子刺身拌滿天星醬汁 ($118)