グリル滿天星

营业中

休息中

一口厚切牛舌咖喱蛋包飯 ($238)招牌滑蛋選用日本蘭王蛋，入口軟滑，蛋香味十足，炒飯有帶子、提子乾及青豆，配料豐富。一口厚切牛舌厚身軟腍，配搭香濃咖喱汁，佐飯一流。白汁芝士漢堡扒焗飯 ($208)漢堡扒厚身，口感鬆化，肉汁豐富，油香豐盈而不膩，白汁芝士味道濃厚，增添了一份奶香滑溜感，滋味十足。靜岡蜜瓜疏乎厘 ($158)疏乎厘富有蛋香，口感鬆軟輕盈，淋上楓糖漿，味道很夾，吃得滿足！靜岡蜜瓜芭菲 ($128)牛奶雪糕口感幼滑，奶香十足，摻入蜜瓜果蓉、忌廉、麻糬及靜岡蜜瓜果肉，冰凍香甜，呈現出多層次滋味，在夏天裡吃超消暑。炭燒咖啡奶昔 ($78)炭燒咖啡味道非常濃厚，質地順滑Creamy，甜度適中。

滿天星肉汁漢堡扒蛋包飯🍳 $238蛋皮嫩滑多汁，唔會煎到乾柴柴😋，連平時唔鍾意食蛋🥚的朋友都大讚，而個蛋包飯汁同漢堡扒普通， 冇咩特別，正常發揮日式炸雞🍗 $88炸雞係新鮮熱辣炸出黎，咬開果陣仲會有煙，入面充滿肉汁，配埋佢個檸檬🍋，食多兩粒都唔太滯脆炸洋蔥圈🧅 $88洋蔥圈係真材實料，入面真係有成圈洋蔥，而唔係麵粉，所以食落係有驚喜👍士多啤窩夫 🧇 $128士多啤梨窩夫🍓食完都唔夠，會想再食，窩夫蛋香味勁重，配上忌廉同雪糕🍦，仲有啲脆脆粒，成件事勁夾，一定要食🤤

🧇紫薯藍莓窩夫 ($128)🍠份量少，呢個價錢識到嘅份量係平時其他餐廳嘅一半左右🤔。窩夫脆身，紫薯cream嘅紫薯味都香濃👍，不過紫薯cream嘅比例可以提高啲，同埋如果可以配返紫薯雪糕會更加好，會比藍莓雪糕更加吸引🙄。脆炸洋蔥圈 ($78)比我想像中大碟，大約有八個圈，係熱辣辣脆卜卜😃，個脆漿令到本身細細圈嘅洋蔥變大。本身係跟蕃茄醬相，然後問店員攞咗啲蛋黃醬，兩個點埋一齊食更加好食😋。🐟三文魚刺身半滿天星醬汁 ($98)🥗失望😔。三文魚刺身有啲腥，加埋檸檬汁都依然聞到，自助餐嘅質素仲好過佢，感覺個汁係用嚟減低啲腥嘅味，不過似乎幫助唔大😔。份量唔多，係薄切。

開業快將一年的日本老牌洋食屋滿天星每次週末路過都排一串人 這次平日下班衝去終於如願吃到了 裡面空間偌大 圓形卡座 沙發座位都有佈置跟環境都有種日本商場裡吃飯的即視感 餐牌主打滿天星最經典的蛋包飯 另外還有焗飯 沙拉 甜點等 現在店內正舉行期間限定的「靜岡蜜瓜祭」𓋪 一口厚切牛舌咖喱蛋包飯餐牌列出的蛋包飯足有十款 選擇困難採用蘭王蛋 蛋味份外香濃 顏色鮮橙超誘人內裡飯底材料豐富 集合菇菌跟洋蔥翻炒牛舌配上惹味咖哩醬汁伴碟 質地軟淋 厚切成粒狀 又有牛柳般的口感整個蛋包飯都十分有質素呢𓋪 白汁芝士漢堡扒焗飯雖然外表看起來有點平凡 但實際很好吃面頭放著大塊的秘製漢堡扒 是鹿兒島和牛加上北海道和豚搓製而成喔肉質厚身帶 ᴊᴜɪᴄʏ 經過烤焗也不會乾身ᴛᴏᴘᴘɪɴɢ 的芝士帶點拉絲 超邪惡滿滿的白汁佈滿飯裡 變成綿密口感 很適合跟朋友分享的一道主食𓋪 靜岡蜜瓜芭菲把其中兩款期間限定的甜品都嚐了芭菲必須要吃 賣相實在太美了！ 靜岡蜜瓜切成大粒果肉 中間還藏著河粉型麻糬 (?) 形成多重口感 加上牛奶雪糕簡直絕配了 𓋪 靜岡蜜瓜疏乎厘 疏乎厘班戟一份兩件 比外間的份量略小一點但充滿蛋香 整體口感軟綿輕

呢間店早期開既時侯要排隊 ，排左兩次都因馮等太耐而放棄左。呢次去食改左攞飛，咁樣安排好好多😅🌟 肉汁漢堡扒蛋包飯$228不似預期嘅漢堡扒蛋包飯，好普通嘅燒汁配一片唔juicy 嘅漢堡扒😅性價比低，唯獨蛋方面處理得比較好，生熟程度適中兼且蛋味濃🌟雜莓疏乎厘班戟$138甜品反而唔錯，空氣感重😍👍🏻💫如果唔用coupon 認真唔會再去食🥲 價錢太高了

牛舌遇上蛋包飯＝美味的晚餐 來自日本的滿天星是咖喱蛋包餅專家，選材最靚的蘭王蛋，顏色鮮艷吸引，蛋香幼滑，我更欣賞飯是海鮮底，混了蝦、蜆、帶子、魷魚粒等，口感豐富。 一口厚切牛舌咖喱蛋包飯 $238蛋包飯類選擇多樣，今次選了一口厚切牛舌咖喱蛋包飯。 牛舌軟嫩入味，咖喱汁又香又美味，配合蛋包飯，吃得十分滿意。 白汁芝士海鮮焗長通粉 $158貪新鮮又試吓意粉，都唔錯呀！白汁濃郁份量足，與飯一様，海鮮有大大粒的蝦及細細粒的其他，鋪面芝士烤至金黃焦香添口感。 時令靜岡蜜瓜甜點正在推廣，我自然不走眼，點了兩款。靜岡蜜瓜芭菲 $108靜岡蜜瓜窩夫 $128 亮點在靜岡蜜瓜香甜多汁，配甚麼都好吃，表面上看，窩夫上的蜜瓜份量比較多，但其實在芭菲杯中心亦有蜜瓜片，所以不相伯仲。雲呢拿雪糕奶味香，窩夫柔中帶力其實幾好食。  士多啤梨奶昔 $78朱古力奶昔 $78飲品方面我們選了這兩款，奶昔裡面分別喝到士多啤梨或朱古力的碎粒，倍添口感。  

返工次次經過都見到呢間餐廳排長龍， 所以本身都好奇究竟係唔係真係咁好食。 尋晚同事想一齊食飯，於是就決定黎試下。グリル滿天星主打日式蛋包飯， 日式咖哩，同埋炸物， 我地 乜都叫左少少黎試下， 但令我最驚喜嘅竟然係甜品！！靜岡蜜瓜窩夫首先，蜜瓜冇花冇假100%係日本靜岡蜜瓜，舊舊都好甜好香。另外，窩夫都十分正，焗到外脆內軟，連埋cream食真係冇得彈。日式梳夫厘pancakepancake 蛋味好濃，而且好鬆軟， 好動L感整體都唔會太甜，因為個靜岡蜜瓜反而令成個甜品都好fresh唔會滯靜岡蜜瓜芭菲成個甜品都好有驚喜， 裡面唔係淨得雪糕， 仲有jelly，蜜瓜果肉， 口感好豐富

最新消費劵出招! 袋穩左一陣小編就已經出左街駛唔切啦 XDD皆因要即刻唔理三七廿一衝去Bookmark左好耐嘅蛋包飯過江龍消費一番。位於尖沙咀海港城３樓的グリル滿天星，基本上每次行開誠品再到海港城都會見到佢個大名。門口長期都有排隊的人龍，原因好簡單，咪就係想食返鄉下嘅味道囉！介紹返先，貴為日本蛋包飯專門店老字號，東京有8間分店，「グリル滿天星」於 1978 年由日本昭和天王御廚秋山徳蔵的入室弟子窪田好直創立，是多年來受日本人追捧的人氣老字號洋食餐廳。話明係日本原味，小編帶定頭盔先，定價稍為進取偏貴，而其實當細心研究佢價錢貴的原因之後，CP值可算是平衡有理。日系Menu 有圖有真相，蛋包飯、小吃、和風料理、新推出的焗飯及重點推介的甜品等，款款感觀上已吸引眼球。繼之前引人打卡嘅櫻花味甜品，今次主題以時令的靜岡蜜瓜作為招徠，即日至10月31日期間推出「靜岡蜜瓜祭」，將擁有「日本皇室御用綠肉密瓜」美譽嘅靜岡蜜瓜製作成:靜岡蜜瓜芭菲、靜岡蜜瓜窩夫及靜岡蜜瓜疏乎厘。每日限量供應，售完即止。一口厚切牛舌咖喱蛋包飯 $238推介:⭐️⭐️⭐️⭐️⭐️蛋包飯一定叫鎮店招牌咖喱蛋包飯肯定係入門級必叫之選!來自九州大

滿天星聽就聽得多，淨係知道成日都排哂隊，好似完coupon就排隊試下。排咗15分鐘左右入，坐底職員就放低QR code。落單都方便想叫咩就落咩，最怕啲職員行埋黎問食咩。叫咗咖啡奶昔，肉汁蛋包飯，大海老，蟹餅同鐵板漢堡扒。之前睇食評話蛋包飯一般，但都照叫試試。蛋包飯落枱都仲出緊煙，蛋味都濃同香，都有誠意又未去到其他話好差。反而鐵板漢堡扒喜出望外，拎埋枱就問使唔使落汁，職員會轉身倒汁。一落汁就渣渣聲，連隔離枱都望過嚟。個人鍾意食鐵板多啲，起碼會keep住個溫度，唔驚放得太耐會凍，如果下次有多啲汁就好。食埋大海老同其他嘢，已經飽咗。下次再食甜品，真係食唔落。下次再叫多啲人黎share

同朋友行街，先知原來BLT burger轉左呢間餐廳。門口menu都幾吸引，咁岩行到攰，下午茶時間就決定食佢試下。環境幾日本feel既西餐，食物選擇都幾多，有咖喱蛋包飯，burger，芭菲，梳乎厘pancake等。同朋友share 左個burger 同梳乎厘pancake。經典芝士漢堡：Burger 唔錯，牛肉好juice，薯條都冇炸到乾晒，整體唔錯，賣相靚仔增加食慾。雜莓梳乎厘pancake：Pancake 有蛋香，夠鬆軟，配雜莓酸酸甜甜好開胃

人氣蛋包飯專門店,今期夏天推出新限定口味靜岡蜜瓜甜品　靜岡蜜瓜窩夫＋慢煮10小時牛舌蛋包飯  今年推出「靜岡蜜瓜祭」有靜岡蜜瓜芭菲、靜岡蜜瓜窩夫及靜岡蜜瓜疏乎厘主食類全新的一口厚切牛舌咖喱飯及焗飯、焗長通粉 靜岡皇冠蜜瓜為日本的蜜瓜品種，在溫室栽種係頂級水果 甜度特別高同多肉汁由7月20起供應至10月底,限時供應限量供應,賣完就無炒蛋特別香滑,用上日本新鮮蛋,味濃口感滑嫩,包住炒過既西式炒底飯,配埋特製既醬汁口感味道豐富又好食飲品選擇多,奶昔都係特別推介既,抹茶幻昔,香滑之餘濃郁既奶味,慢慢飲到抹茶既甘甜尖沙咀海港城海運大廈3樓OT301-301A號舖消費$500

公司搬咗嚟海港城，中午我就在商場揾食，每次經過滿天星都有人排隊，所以一直未試過，今日女伴要求唯有遵命，齊齊排隊，好彩星期一人唔多，15分鐘左右有得食。呢度主打蛋包飯，吃過一口厚切牛舌咖喱包飯，用最正嘅日本蘭王蛋，的確唔差，整得很滑，而且飯裏面有海鮮粒，是豐富的，個人最欣賞咖喱，幾香幾好味，配飯好夾，牛舌都好，很嫩，吸汁。女伴食意粉，見到她的白汁芝士海鮮焗長通粉好多汁，好好味咁，海鮮都唔少。正在推廣靜岡蜜瓜，所以點了芭菲及窩夫各一，幾相似一樣有蜜瓜及雪糕，蜜瓜非常甜，雪糕奶味香，窩夫口感好。凍朱古力好飲，有朱古力碎粒在飲品中，非常好。

日本過江龍蛋包飯專門店之前成日見到人龍平日下午5點左右到冇人龍即入環境乾淨企理服務員都好有禮貌叫了一個主菜一個甜品甜品可以後上【吉列日本黑豚咖喱飯】炒蛋真係好嫩滑炸豬扒就正常肉質比較硬身冇乜肥肉份量都算大份咖喱汁都係一般冇乜特別【日式梳乎厘pancake】甜品比主菜優勝梳乎厘空氣感十足影咗成五分鐘相賣相仍然同上枱時冇乜分別楓糖漿配上honeycomb牛油忌廉都好creamy 蛋香味濃入口即溶 一個人食晒兩件絕對唔多！

我認我係犯賤，雖然係食之前都有睇過食評，所以本身都唔會有expectation,但係估唔到真係差成咁，首先點左個周打蜆湯，結到以為自己食緊芡咁，mos burger 個周打蜆湯仲好飲過佢多多聲，盛惠$68一個，再嚟牛油果大蝦沙律，呢個就正常發揮，冇乜特別出色，因為主要都係靠個醬，主菜係厚切咖喱牛舌蛋包飯，首先講個重點炒蛋，仲炒得老過我屋企樓下間茶餐廳既茶餐，即刻大打折扣，咖喱汁就有啲似係加水個款咖喱磚，正常味道，牛舌個口感就有小小柴，似係湯渣既感覺，最後就係個炒飯，只係一個普通咖喱粉炒飯仲要係唔熱既。奉勸各位，未食嘅真係唔好嘥時間同金錢係呢一間野到，同價錢完全不成正比。三樣嘢總共食咗$477

グリル滿天星 (尖沙咀）人龍排隊店成日經過都勁多人排隊今次專登食完晚飯再去食甜品大約9pm左右去到唔需要排隊雜莓梳乎厘班戟🥞（$138)梳乎厘超鬆軟入口即溶軟綿綿好香甜雜莓都有好多但略嫌最入面仲有少少未熟透口感比較黏口同濕潤抹茶窩夫🍵（$128)窩夫好鬆脆抹茶醬超濃郁而且回甘配埋紅豆同微甜嘅雪糕一齊食真係超夾雪糕帶有抹茶味之餘仲非常軟滑個人認為比班戟更加出色藍莓芝士蛋糕奶昔（$78)賣相好靚之餘亦都飲得出好足料味道清新又唔會過甜呢間日本過江龍食物質素真係唔錯不過值得一提嘅係員工質素真係有待改善當日餐廳10pm關門我哋接近9pm左右去到門口兩名員工竟然對望反白眼極度唔情願接待實在令人失望😞