Video
Read full review
2025-04-14
0 views
位於中環地段，位置唔多，見booking就算有成11位客咁多，每組之間都會留返少少空間，intimate 得嚟又有似乎又幾適合小圈子networking event ～ 咁選得址係呢度，Omakase sushi set $880 都算正常，包咗18道菜：先付三點、鯛魚薄切、壽司十貫、燒物三款、湯品、甜品味付三點照顧埋重口味人士，除咗有爽口、小磚粒狀嘅玩味明太子沙律，仲有幾出色既黑松露醬蟹膏豆腐（咬落都真係以為分子料理咁），同埋少見嘅蒜頭漬～ 舖排亦係由淡至濃，以灑上黑炭鹽、肉質軟腍嘅鯛魚薄切展開序幕十貫壽司都係標榜獨特嘅自家風味壽司飯，依次分別以蝦、北寄貝、帶子、紋甲魷魚、炙燒左口魚、炙燒星鰻、赤身、池魚王、金目鯛、三文魚籽炮製～ 口感嚟講個人鍾意紋甲魷魚嘅爽口、比較肥美左口魚同星鰻（尤其醬油漬過嘅星鰻帶點鮮甜），而池魚王同樣係甘厚派，最後以鮮味為主嘅海笞三文魚籽收尾🤏燒物即席製作慢烤黑椒雞頸、面豉豚肉、雞脾菇，第一次食雞頸，帶點肥肉嘅口感都幾特別，而面豉豚肉亦有自家風味～ 師傅特地安排甜品前以一緒特色湯幫食客暖暖返個胃兼下火，幾貼心～ 同好多omakase一樣，都會以甜品收尾，今次
位於中環地段，位置唔多，見booking就算有成11位客咁多，每組之間都會留返少少空間，intimate 得嚟又有似乎又幾適合小圈子networking event ～
咁選得址係呢度，Omakase sushi set $880 都算正常，包咗18道菜：先付三點、鯛魚薄切、壽司十貫、燒物三款、湯品、甜品
味付三點照顧埋重口味人士，除咗有爽口、小磚粒狀嘅玩味明太子沙律，仲有幾出色既黑松露醬蟹膏豆腐（咬落都真係以為分子料理咁），同埋少見嘅蒜頭漬～
舖排亦係由淡至濃，以灑上黑炭鹽、肉質軟腍嘅鯛魚薄切展開序幕
十貫壽司都係標榜獨特嘅自家風味壽司飯，依次分別以蝦、北寄貝、帶子、紋甲魷魚、炙燒左口魚、炙燒星鰻、赤身、池魚王、金目鯛、三文魚籽炮製～
口感嚟講個人鍾意紋甲魷魚嘅爽口、比較肥美左口魚同星鰻（尤其醬油漬過嘅星鰻帶點鮮甜），而池魚王同樣係甘厚派，最後以鮮味為主嘅海笞三文魚籽收尾🤏
燒物即席製作
慢烤黑椒雞頸、面豉豚肉、雞脾菇，第一次食雞頸，帶點肥肉嘅口感都幾特別，而面豉豚肉亦有自家風味～
師傅特地安排甜品前以一緒特色湯幫食客暖暖返個胃兼下火，幾貼心～
同好多omakase一樣，都會以甜品收尾，今次我哋就食咗個抹茶雪糕先走～
📍一緒一番酒場(中環士丹利街11號Stanley 11 26樓)
Post
