Video
Read full review
2025-05-09
0 views
今次專登搭車過嚟新蒲崗，就係為咗試吓呢間人氣爆燈嘅「秋拾米線」！門口成日排長龍，好彩今次下晝3點幾到，唔使點等位。鋪頭細細，裝修簡單，但勝在乾淨企理，坐得都算舒服。 八味豆腐 $25一上枱就聞到勁香！外皮炸到金黃脆口，咬落去入面嘅豆腐仲係滑捋捋，完全唔會乾爭爭。個「八味粉」帶少少辣同孜然香，食落好惹味，呢個豆腐嘅外脆內嫩，簡直係邪惡級別🤩 香茅豬頸肉米線 $56豬頸肉係呢度嘅招牌，果然冇介紹錯！炭燒過嘅豬頸肉外皮微焦，咬落去彈牙又多汁，仲有非常出既香茅味，唔會太油膩。湯底揀咗秘製酸辣（BB辣），酸度同辣度平衡得啱啱好，唔會搶咗豬頸肉嘅風頭。米線可以轉芽菜底，索晒湯汁之餘，口感更加清爽。 秋拾豆花撈米線 $40 +招牌魚腐呢個真係幾特別！凍食嘅豆花撈米線，豆花滑嘟嘟，豆味唔算好濃，但加埋花生碎、肉燥同辣醬，鹹鹹甜甜咁，口感好豐富。魚腐食得出係自家製，口感軟糯我覺得幾新鮮，夏天食幾開胃😛
八味豆腐 $25
一上枱就聞到勁香！外皮炸到金黃脆口，咬落去入面嘅豆腐仲係滑捋捋，完全唔會乾爭爭。個「八味粉」帶少少辣同孜然香，食落好惹味，呢個豆腐嘅外脆內嫩，簡直係邪惡級別🤩
香茅豬頸肉米線 $56
豬頸肉係呢度嘅招牌，果然冇介紹錯！
炭燒過嘅豬頸肉外皮微焦，咬落去彈牙又多汁，仲有非常出既香茅味，唔會太油膩。湯底揀咗秘製酸辣（BB辣），酸度同辣度平衡得啱啱好，唔會搶咗豬頸肉嘅風頭。米線可以轉芽菜底，索晒湯汁之餘，口感更加清爽。
秋拾豆花撈米線 $40 +招牌魚腐
呢個真係幾特別！
凍食嘅豆花撈米線，豆花滑嘟嘟，豆味唔算好濃，但加埋花生碎、肉燥同辣醬，鹹鹹甜甜咁，口感好豐富。魚腐食得出係自家製，口感軟糯
我覺得幾新鮮，夏天食幾開胃😛
Post
