Video
Telephone
34888021
Opening Hours
Today
12:00 - 21:30
Mon - Sun
12:00 - 21:30
*Last Order:21:00
Above information is for reference only. Please check details with the restaurant.
今日嚟到新蒲崗，見秋拾米線終於冇咁多人排隊，似乎有機會試到啦！嗱嗱聲拎個位先~平時行過聞到佢都好香，要食餐豐富嘅慰勞吓自己炭燒豬頸肉米線 $56+首先梗係要嗌個最出名嘅豬頸肉米線啦~湯底係秘制酸辣湯，bb辣啱晒我呢啲唔食得辣嘅人。欣賞佢米線可以轉芽菜底，索湯得來感覺又輕盈啲😎豬頸肉果然世一冇介紹錯！😇😇😇嗰種脆邊、焦香，加上豬肉嘅彈牙口感，同埋神埋支筆自家調製酸辣汁，我敢講比泰國地道嗰啲更Juicy香口🤤🤤重口味但好值得+$6 魚腐：自家製魚腐原來係讓咗魚肉，比一般魚腐再實淨啲冇咁Puffy+$15 豬軟骨：我食嗰舊肥嘅超級軟嫩，另一舊瘦嘅老公話煮得耐咗+$6 酸甜齋：酸齋同米線其實都幾夾，過下口癮+$6 幼滑奶茶：食住辣嘢梗係要飲返杯熱飲。加$6真係唔貴呀 自家製手作蝦多士 😍😍😍$24呢個又係另一必食推介！$24兩件實在超值，蝦大隻彈牙，多士脆口，味道調得剛好，仲有蜜糖芥末醬增加風味。唔係賣廣告，真係好抵食紅油拌海蟄 🤩$30 另一款小食都有驚喜😬唔食辣嘅我都將佢清晒盤。海蟄有咬口，青瓜特別爽脆，呢個價錢好無敵上湯翡翠苗 $30食得太多辣要加個菜苗。放落豬骨湯零舍鮮甜日本芝士年糕-2件 $22又一抵食之選~價錢平得來質素唔差，年糕軟糯，爆漿流心😆飽到上心口都想叫舊食吓 秋拾豆花撈米線 🤩$36++$1就可以轉通心米線。幾特別，不過通粉比較長，生熟程度可能有啲唔同。都係鍾意食普通米線多啲，同豆花會超夾+$10 麻辣雞球：幾有驚喜，雞件肉質唔錯，我幾鍾意❤️+$10 滷水雞翼：雞翼炆到好腍，一咬就已經離骨，滷得幾入味+$8 炸醬：其實米線入邊已經有，貪得意叫多兜愛嚟撈豆花啫🤣+$8墨魚春卷：墨魚滑質地實淨，超飽肚+$8 滷水腩肉：腩肉好多肥膏，老公默默食，入口即溶 睇到呢度都想像唔返到第二個晚食咗幾多嘢😝真係超豐富、超抵食、超飽肚！重點係咁食法都只係$299，人氣平民美食絕非浪得虛名。冇乜嘢我下次都係默默地排隊再食啦~
continue reading
呢間米線未被報道之前已經經常嚟食自從報道之後經常大排長龍上次紅日下晝三點諗住唔使排點知前面有成10幾個人果斷放棄咗今次星期六7點幾到都等咗差唔多成個鐘入到去仲要等多半個鐘先上餐🥲🥢豆花撈米線$42 + 魚腐$10+ 甜酸齋$6叫咗BB辣，對唔食得辣嘅我嚟講啱啱好魚腐係自家製，有魚味，炸得啱啱好甜酸齋酸酸甜甜好味米線係用江西米線，佢嘅米線係偏淋身，我自己幾鍾意配料有豆花，肉碎，花生撈埋一齊食好惹味🥢炭燒豬頸肉米線$57 +墨魚頭$8 + 雞軟骨春卷$8叫咗BB辣豬頸肉煎得啱啱好，帶點油脂，點埋佢嘅醬汁👍🏻墨魚頭好爽口雞軟骨春卷幾特別，每一啖都食到雞軟骨，口感唔錯今次嘅米線份量比較少，男仔食可能唔夠🌸🌸🌸🌸🌸總括食物保持到水準但要排咁耐，真係太辛苦下次可能會叫外賣提外話呢間米線人龍不絕，小店做街坊生意見到有人叫錯芽菜底老闆都加返個米線俾佢感覺幾有人情味
continue reading
新蒲崗小店，座位唔算多，環境尚覺企理。蝦多士多士上面大大隻蝦，揸得好鬆脆，蝦肉爽口，唔覺油膩，色澤鮮豔。八味豆腐豆腐粒炸得內脆外軟，香口惹味。椒麻爽魚皮魚皮好爽口，冇腥味。 麻辣汁配合青瓜、木耳、芫茜。 餐前小食好開胃。酸辣豬頸肉薯粉薯粉富彈性，吸到湯底香味。 湯底入面已有大量肉碎、芽菜等配料。 豬頸肉表皮十分脆，肉質嫩滑。 配合埋個醬汁更加惹味。豆花撈米線幾有趣嘅組合，夏天唔想食熱嘢嘅好選擇。 涼拌撈米線配合豆腐花，豆花嘅質感令撈米線多一分嫩滑。 不過留意撈咗豆花會令味道都變淡，可按口味調高一級辣度。
continue reading
今日同老公經過新蒲崗，見到一間米線店大排長龍，就排隊買外賣番屋企食先🌸炭燒豬頸肉通心米線（招牌豬骨湯）+蟹柳+響鈴+墨魚春卷+肥牛！炭燒豬頸肉份量都好足夠，脆邊炭燒焦香味，但唔會太乾，口感爽口彈牙，配埋特製醬汁一齊食，都幾惹味！墨魚春卷味道好香口！配埋彈牙嘅通心米線，都幾入味呢！🌸自家製魚腐淮山麵（招牌豬骨湯）+蟹柳+貢丸+墨魚丸+墨魚春卷，用新鮮魚肉自家製作嘅魚腐口感好彈牙，但又唔會好粉，份量都唔少！配埋招牌豬骨湯底，清淡清甜，幾鍾意佢地嘅湯底係唔落味精，配埋淮山麵一齊食，健康又好味🌸自家製魚腐米線（招牌豬骨湯小辣）+豬軟骨+肥牛！豬軟骨軟腍又幾入味，含豐富嘅膠質，又唔會太肥膩，配埋小辣嘅豬骨湯底，味道好夾🌸八味豆腐份量好多，每一粒豆腐都炸至金黃色，外表酥脆但內裡嫩口，入面都係滑溜嘅豆腐，調味調得啱啱好，幾好味🌸自家製手作蝦多士，熱辣辣香噴噴，新鮮炸出黎嘅蝦多士，薄身但口感脆卜卜，配埋芥未醬，味道更加突出
continue reading
今次專登搭車過嚟新蒲崗，就係為咗試吓呢間人氣爆燈嘅「秋拾米線」！門口成日排長龍，好彩今次下晝3點幾到，唔使點等位。鋪頭細細，裝修簡單，但勝在乾淨企理，坐得都算舒服。 八味豆腐 $25一上枱就聞到勁香！外皮炸到金黃脆口，咬落去入面嘅豆腐仲係滑捋捋，完全唔會乾爭爭。個「八味粉」帶少少辣同孜然香，食落好惹味，呢個豆腐嘅外脆內嫩，簡直係邪惡級別🤩 香茅豬頸肉米線 $56豬頸肉係呢度嘅招牌，果然冇介紹錯！炭燒過嘅豬頸肉外皮微焦，咬落去彈牙又多汁，仲有非常出既香茅味，唔會太油膩。湯底揀咗秘製酸辣（BB辣），酸度同辣度平衡得啱啱好，唔會搶咗豬頸肉嘅風頭。米線可以轉芽菜底，索晒湯汁之餘，口感更加清爽。 秋拾豆花撈米線 $40 +招牌魚腐呢個真係幾特別！凍食嘅豆花撈米線，豆花滑嘟嘟，豆味唔算好濃，但加埋花生碎、肉燥同辣醬，鹹鹹甜甜咁，口感好豐富。魚腐食得出係自家製，口感軟糯我覺得幾新鮮，夏天食幾開胃😛
continue reading