Video
Read full review
2025-04-06
451 views
前陣子同成班朋友去咗「香江花月」打邊爐，為朋友慶祝生日。一入餐廳，就俾佢嘅裝修靚到。懷舊復古風格，好似帶我哋穿越咗。望住Menu嗰陣，心諗價錢有啲貴，而且睇落每樣都好啱打卡，仲以為只係得個樣，味道唔會太好。點知一試之下，真係好驚喜！酥炸廣島蠔簡直一流，外皮炸得超酥脆，咬落去，入面嘅蠔肉又大粒又鮮嫩，口感好豐富。唔單止有好食嘅火鍋料，竟然仲有靚靚打卡Cocktail。色彩繽紛，味道清新，同火鍋好夾。每樣食物擺盤都好用心，好精緻。就連菜籃入面嘅蔬菜，都好似去咗郊外野餐咁，充滿田園風。呢度嘅牛肉，紋理好靚，落鍋輕燙幾下，入口軟嫩多汁。海鮮都好新鮮，鮑魚肉質彈牙。總括嚟講，「香江花月」真係一個又有靚景打卡，食物又好食嘅打邊爐好去處，好值得再嚟！
望住Menu嗰陣，心諗價錢有啲貴，而且睇落每樣都好啱打卡，仲以為只係得個樣，味道唔會太好。點知一試之下，真係好驚喜！
酥炸廣島蠔簡直一流，外皮炸得超酥脆，咬落去，入面嘅蠔肉又大粒又鮮嫩，口感好豐富。
唔單止有好食嘅火鍋料，竟然仲有靚靚打卡Cocktail。色彩繽紛，味道清新，同火鍋好夾。
每樣食物擺盤都好用心，好精緻。就連菜籃入面嘅蔬菜，都好似去咗郊外野餐咁，充滿田園風。呢度嘅牛肉，紋理好靚，落鍋輕燙幾下，入口軟嫩多汁。海鮮都好新鮮，鮑魚肉質彈牙。
總括嚟講，「香江花月」真係一個又有靚景打卡，食物又好食嘅打邊爐好去處，好值得再嚟！
Post
