香江花月 (百誠大廈)

Open Now

Now Closed

餐廳裝修華麗，以懷舊為主題，座位寬敞舒適😌湯底叫左牛乳玫瑰鍋 （$168）入面有靚靚牛乳玫瑰花形冰粒，加上七彩繽紛嘅食用花😍打卡一流！湯底食到香濃牛乳味，仲有香甜滋潤嘅木瓜，店員仲會幫忙切開木瓜👍🏼香江拼 （$798）係全牛宴😆好啱鍾意食牛嘅我😋裡面有安格斯肥牛、牛柳粒、牛舌、牛白肉、黑柏葉…仲有啲唔太識🫣肥牛同牛柳粒牛味好濃👍🏼👍🏼好好味，全部都好新鮮食太多肉要食返啲菜…叫左個油麥菜（$48）份量都幾多，而且新鮮又乾淨😌將成個香港江拼併碟嘅蔬菜，全部都放入火鍋入邊清晒佢。蘿蔔絲、青菜，同埋紫色嘅椰菜，點咗醬之後都好好食🤤，健康又飽肚。瑰洛月（$88）🌹火紅嘅玫瑰花冰🌹🌹飲品係洛神花沖調而成，甜度唔高，味道濃郁，酸酸甜甜，餐後飲一流。自助醬料區，多款醬汁選擇，不斷會refill 。食飽仲可以去鏡房打卡，好多月亮🌕，花花🌺同兔兔🐰，燈會不斷轉色，好似去左team lab。火鍋店環境舒適，食物精緻，味道出色，絕對唔係得個樣。