Video
Read full review
2022-01-07
484 views
老老實實講其實我真係鍾意食中菜多過食西餐，所以一有乜嘢新嘅中菜式推出我都心思思想去食㗎，好似喱一餐凱悅軒嘅大澳特產風味菜就引咗我去食喇。乜嘢都唔好講住一坐低先嚟一碟蒜香醬油秋葵吊桶仔，煙靭彈牙嘅吊桶仔加上有蒜香味嘅豉油好鬼惹味，配返條脆口秋葵即刻變得清爽好多。然後喱一個唔係普通嘅墨魚餅而係酥炸九肚墨魚餅，入邊面加咗肉地滑嘟嘟嘅九肚魚真係夠晒特別。喱一條係我勁欣賞嘅香煎原條鹹鮮馬友，老婆大人成日都會整蒸一夜情我嘆，喱條其實醃法都係一樣不過師傅就用嚟香煎，夾埋脆卜卜嘅炸薑絲一齊食真正食到咩叫做外脆內嫩。 跟住喱個肥嘟嘟嘅係金湯岩米釀原條花膠筒，喱個金湯雞香味好濃郁好夠火喉，花膠亦都煮得好煙靭同彈牙，入面嗰啲叫做岩米聽聞身價不菲，食落口感煙煙韌韌有一陣清香嘅味道都幾得意。菜方面我哋叫咗個啫啫蝦乾肉碎芥蘭煲，熱辣辣出晒煙嘅煲仔菜式梗係受歡迎嘅，加埋香噴噴又大隻嘅蝦乾都咪話唔惹味。大食嘅我梗係要有個飯墊底先至夠滿足啦，我哋就食咗呢個大澳三寶蒸肉眼筋鴛鴦飯。鴛鴦米其實即係糯米加日本珍珠米，加埋肉眼筋、魷魚、銀魚乾同埋啲蝦乾一齊蒸飯，味道鹹鹹香香食完飽晒。喱一日連甜品都特別過人係充滿童年回憶嘅
乜嘢都唔好講住一坐低先嚟一碟蒜香醬油秋葵吊桶仔，煙靭彈牙嘅吊桶仔加上有蒜香味嘅豉油好鬼惹味，配返條脆口秋葵即刻變得清爽好多。
然後喱一個唔係普通嘅墨魚餅而係酥炸九肚墨魚餅，入邊面加咗肉地滑嘟嘟嘅九肚魚真係夠晒特別。
喱一條係我勁欣賞嘅香煎原條鹹鮮馬友，老婆大人成日都會整蒸一夜情我嘆，喱條其實醃法都係一樣不過師傅就用嚟香煎，夾埋脆卜卜嘅炸薑絲一齊食真正食到咩叫做外脆內嫩。
跟住喱個肥嘟嘟嘅係金湯岩米釀原條花膠筒，喱個金湯雞香味好濃郁好夠火喉，花膠亦都煮得好煙靭同彈牙，入面嗰啲叫做岩米聽聞身價不菲，食落口感煙煙韌韌有一陣清香嘅味道都幾得意。
菜方面我哋叫咗個啫啫蝦乾肉碎芥蘭煲，熱辣辣出晒煙嘅煲仔菜式梗係受歡迎嘅，加埋香噴噴又大隻嘅蝦乾都咪話唔惹味。
大食嘅我梗係要有個飯墊底先至夠滿足啦，我哋就食咗呢個大澳三寶蒸肉眼筋鴛鴦飯。
鴛鴦米其實即係糯米加日本珍珠米，加埋肉眼筋、魷魚、銀魚乾同埋啲蝦乾一齊蒸飯，味道鹹鹹香香食完飽晒。
喱一日連甜品都特別過人係充滿童年回憶嘅迷你缽仔糕，多豆嘅砵仔糕由細到大都係我最鍾意嘅嘻嘻，喱個大澳特產風味菜3月31之前都食到㗎。
凱悅軒
地址：尖沙咀河內道18號香港尖沙咀凱悅酒店3樓
電話號碼：37217788
Post
