凱悅軒

Open Now

Now Closed

呢個夏天，唔知大家冇食過涼瓜？聽講涼瓜今年都好當做，清熱解毒、下火消暑就最啱。凱悅軒呢個夏天推出涼瓜為主題的限定菜單，主廚黃師傅匠心用上了中國、日本及泰國的優質涼瓜，當中有唔少苦瓜更加係第一次，如果你係苦瓜粉絲，一定不能錯過。前菜話梅桂花浸杜阮涼瓜用左有隻叫雷公鑿之稱的杜阮涼瓜，肉質最爽最脆，以鹽醃過後完全無左涼瓜的苦澀嘅味，加上以話梅桂花醋來浸過，吃到的是很開胃而又包羅苦酸甜味的涼菜，夏日一流。個人當然最愛白玉涼瓜雲腿扣花膠，個樣非常高貴，無諗過中國白玉涼瓜味道強勁，皮厚多汁，切成厚片與花膠一同放入雲南火腿與雞件熬製的濃湯中慢煨入味，之後花膠同涼瓜之間夾著片厚厚的雲南火腿提鮮，淋上濃烈的南瓜芡汁，非常完美。呢個鴛鴦涼瓜子薑豚肉卷樣子相對遜色，不過味道就最複雜，豬腩肉同來自中國白玉涼瓜，加上子薑、甘筍條和唐芹條，炸完再同日本涼瓜片及濃郁的豆豉汁同炒，食到兩款涼瓜嘅口感之餘又可以比較，不過個人都係鍾意日本嘅苦瓜多啲，唔知下次師傅會唔會用日本嘅涼瓜去整扣花膠，日本嗰種鮮甜味道似乎更能突顯出其他菜式嘅味道。除左苦瓜menu外，朋友推薦脆皮茶香雞，師傅將原隻龍崗雞慢油炸熟，加上香片及普洱混入白

涼瓜又名半生瓜懂的愛之不喜敬而遠之！半百的我自小已經非常喜歡吃涼瓜，此物更是我跟已故嫲嫲的親密聯繫所以很有特別的感覺。尖沙咀凱悅酒店凱悅軒主廚黃皓勤師傅又有新作！嚴選中國、日本及泰國的優質涼瓜來炮製合時的涼瓜菜式，喜愛吃的我當然要第一時間去潮聖啦。話梅桂花浸杜阮涼瓜$148！又名雷公鑿杜阮涼瓜肉質厚實顆粒感滿滿，經過話梅桂花醋的洗禮後爽口Juicy甘甜可愛，配點神石榴籽共嚐更能添加清新味道。陳皮脆鱔$328！白鱔依舊烹得皮脆肉彈口感豐富，甜蜜中滲出絲絲誘人的陳皮甘香非常可口。梅辣汁涼瓜脆鱈魚粒$388！用上泰國涼瓜薄片包裹著鱈魚粒和日本涼瓜片炸至金黃酥脆，裹上恰到好處的梅辣汁，吃下外脆內滑味道酸酸辣的兩件下來也沒膩感超級惹味。白玉涼瓜雲腿扣花膠$298！皮厚多汁的中國白玉涼瓜及花膠以濃湯煨至入味，花膠的軟滑加涼瓜的腍拼出完美口感，配搭鹹鮮的雲腿及清甜南瓜芡一起品嚐好享用。脆皮茶香雞$328/半隻！新鮮龍崗雞以茶葉及白米燻製後再炸至香脆，幽幽的煙燻香氣引人入勝皮脆肉嫩百吃不厭。魚湯浸竹笙蘆筍$268！竹笙厚身爽口索滿了魚湯的鮮香更加迷人，配襯的翠綠嫩口的蘆筍清甜不已，最後別忘嚐一口奶白濃

喺酒店既中菜廳，精緻優雅地食一餐蟹宴，都係一個幾有趣嘅體驗。今餐幾乎所有嘢都同蟹有關。 前菜蟹肉沙律盞拼炸蟹鉗。 蟹肉鮮甜同沙律好夾，炸蟹鉗亦相當飽滿彈牙。魚香炒蟹，魚香係正常平時見開嘅魚香，但茄子竟然係炸嘅。 同蟹加埋呢個組合相當有趣。花雕蟹伴粉皮，是日最大驚喜。 外觀好似奶油既花雕汁，好香花雕味。 而粉皮就吸收晒花雕既酒香同埋蟹既鮮味。酒釀蕎頭乾燒蟹，一個相當長既菜式名。 而上枱後最大既感覺係 …… 番茄炒蛋，無論外觀同味道都係。 當然，係酒店中菜廳水準既番茄炒蛋，所以都係好味既。荷塘炒鴨甫同蒸菜心都合乎預期地精緻。蟹肉淮山麵，蟹肉同淮山麵都好好，只係調味比較鹹。最後，以薑茶芝麻湯圓作完美總結。

第一次黎食，因為見到有7折，試吓新嘢。餐廳環境舒適，服務都幾好。見佢哋推介今期新菜式苦瓜，咁啱我又好中意食苦瓜，試左話梅苦瓜，苦瓜凍糕，微微嘅苦味，先係苦瓜嘅精髓，清新又開胃。小食炸山藥，蟲草花，香脆可口，食到停唔到口。再試埋傳統菜式燻雞，雞滑得黎啖啖有煙燻香味。欖角骨，酸酸甜甜，肉質鮮嫩。最後食埋甜品蛋白杏仁茶，紅豆沙，芒果布甸，三個之中我最愛杏仁茶，因為食到自家製的味道。酒店嘅中菜果然有啲水準。如果長期有7折就真係好抵食。酒樓既價錢食到酒店嘅質素。下次可以再試埋其他菜式。

【尖沙咀必試】凱悅軒夏日限定涼瓜宴🌿苦盡甘來嘅味覺盛宴🍈.🔥夏日消暑首選
夏天熱辣辣，尖沙咀凱悅酒店「凱悅軒」由即日起至2025年7月31日，推出以涼瓜為主題嘅限定菜單💖由主廚黃皓勤嚴選中國、日本、泰國三地頂級涼瓜🎊玩轉苦味變奏，打造六道「苦中帶甘」嘅創意粵菜🤟🏻.由前菜到甜品，每道菜都盡顯涼瓜嘅清涼魅力，仲要配合「不時不食」養生哲學，食完包你暑氣全消😌.🍽️ 涼瓜盛宴逐道試1. 話梅桂花浸杜阮涼瓜 🥗杜阮涼瓜肉質爽脆如青瓜，師傅先用鹽醃走苦澀，再浸入話梅桂花醋，酸酸甜甜完美中和苦味，仲加咗爆汁嘅石榴籽！入口先有甘香涼瓜味，隨後係話梅嘅酸甜同桂花香，層次超豐富！2. 白玉涼瓜雲腿扣花膠 🍲中國白玉涼瓜皮厚多汁，苦中回甘，同花膠一齊用雲南火腿雞湯慢煨，吸盡精華！中間夾住一片金華火腿提鮮，淋上南瓜芡汁，入口綿滑又滋補。花膠膠質滿滿，涼瓜嘅甘苦同火腿鹹香碰撞，味道高級又和諧！3. 梅辣汁涼瓜脆鱈魚粒 🐟泰國涼瓜薄片包住日本涼瓜片同鱈魚粒，炸到金黃酥脆！鱈魚外脆內嫩，涼瓜嘅苦味被梅辣汁完美平衡～入口酸甜微辣，仲有開心果碎增加口感，食落爽脆又惹味！
4. 蜂蜜涼瓜凍糕 🍮甜品竟然有涼瓜？上下兩層係

已有一段日子沒來凱悅軒了，聽說近日有人蔘主題菜式，夠晒滋補養顏。餐前先來個三式點心，分別是「腿蓉遼參燒賣」、「鮑魚燒賣」及「星班百花卷」。遼參泡浸得軟稔，入口滑溜，配以豚肉的味道，相得益彰。鮑魚燒賣是常見，但鮑魚Q彈入味，豬肉吃得出的鮮味，我喜歡。以星班片來包裹蝦膠，來種截然不同的口感，清淡怡人。前菜的「紅棗人蔘豬手凍」，真是佩服大廚的心思，晶瑩剔透的人蔘雞湯凍，內裡是嫩滑的豬手，連皮切片後，與鮮人蔘粒、紅棗和蜜豆籽表面放上黑醋啫哩，不單平衡了油膩感，更有提鮮的作用。再來是帶懷舊菜氛圍的「杞子人蔘花膠鴿吞素翅」，靈感源自懷舊手工菜「仙鶴神針」，用上了體型較大的頂鴿，去除胸骨後釀入已煨煮入味的金華火腿、關西遼蔘絲及素翅，全鴿與花膠人蔘湯同燉。鴿肉厚實多汁，咬落酥軟，湯底清澈鮮甜，入口一陣醇香，喝起來舌底生津。「梅欖骨」又是一道潮州的家常菜，師傅先將排骨蒸三小時至軟糯，再炸至鬆化，配以Homemade梅膏醬及潮州菜常用的欖角，酸甜開胃，用來送白飯一流。菜蔬是「豉汁蘆筍炒帶子」，其實好簡單，食材新鮮已經贏了一半，帶子炒得恰好，肉質粉嫩，配以掛上豉汁的蘆筍，好味。單尾是「窩燒麒麟鮑魚人蔘雞飯」

自從上次與朋友前來挑戰點心放題，都有一陣子沒來拜訪 尖沙咀凱悅酒店   既中菜廳   凱悅軒，是日相約友人前來餐聚，原來已換上了用「蔘」製作新餐目，以人蔘入饌，很特別，亦很期待 前菜選了人蔘餐目中既 紅棗人蔘豬手凍，賣相精緻，Q彈的口感，入面則是切粒的嫩滑豬手並滲出紅棗和人蔘的獨特香氣，還有黑醋啫喱，味道層次極為豐富陳皮脆鱔   也是大讚的！加入陳皮燒製，味道芳香無比，鱔肉厚身又爽口，一點泥味也沒有，真的很好吃！滋潤一下，有 杞子人蔘花膠鴿吞素翅，利用原隻頂鴿並釀入金華火腿、關西遼蔘及素翅等名貴材料來燉，再與花膠和人蔘燉三個小時以上，湯頭是極其清甜，並滲出陣陣人蔘香氣，加上厚身花膠，實在是滋補良物梅檻骨 乃這裡的名物，先將排骨蒸至軟腍，再炸至酥化，最後加入大廚自家製作的梅膏醬及檻角，入口肉質軟糯，酸中帶甜的，更是佐飯良伴哩豉汁蘆筍炒帶子 大大隻的日本帶子，爽口鮮甜，配以新鮮蘆筍，很清新的一道窩燒麒麟鮑魚人蔘雞飯 用鮑魚片、三黃雞件和北菇片等材料製作，並於飯內加入人蔘鬚粒，並再以鮑魚醬汁來焗，最後以「金華玉樹雞」的排列方式呈現於大家眼前，味道香濃人味，令人吃不停口再嚐甜品，吃完    蓮

母親大人生日，同佢出去酒店食吓中菜先，呢間餐廳我之前食過幾次，同埋飲過茶，覺得無論環境同味道都唔錯，所以想同母親大人慶祝，點知朋友仔話質素差咗好多，因為已Book位，原本唔抱太大希望。有啲菜式真係冇以前咁好味，例如：叉燒以前燶邊半肥瘦，以前入口後好甘香好好食，但而家好似燒得麻麻。但值得一讚嘅係片皮鴨同以前一樣，都係咁好味又唔會太肥。

星期二放假又去食好西！今次跟老婆大人同埋朋友一齊去食人蔘嘅菜式，啱晒我呢啲有年紀嘅人食補補佢嘛哈哈。再次嚟到尖沙咀凱悅酒店嘅凱悅軒開餐，我同老婆大人都好鍾意呢度招呼周到又坐得舒服。先嚟第一樣人蔘嘅頭盤紅棗人蔘豬手凍！個樣靚到好似甜品咁，其實佢係用咗人蔘雞湯整出嚟嘅啫喱凍。人蔘雞湯啫喱食落又爽又滑，入面仲擺咗有皮嘅豬手肉、鮮人蔘粒、紅棗同埋蜜豆，口感超級勁豐富個味仲好鬼甘香，人蔘味有得嚟又唔會太濃好易接受到。老婆大人最鍾意食鱔所以就叫咗呢個陳皮脆鱔過佢嘆！白鱔燒得個皮好香脆魚肉仲好鬼彈牙夠晒新鮮呀，最特別嘅係佢加咗陳皮嚟燒，食落去多咗一份甘香嘅味道出面比較少食到。跟住就要食呢個杞子人蔘花膠鴿吞素翅！大大隻嘅頂鴿入面有金華火腿、關西遼參同埋素翅，放入去花膠人蔘湯道一齊燉，就算你係一「翅」唔食嘅朋友都可以盡情咁食。一次過可以食到香滑花膠同濃郁鴿肉，仲可以飲埋嗰啖甘香嘅人蔘雞湯，話唔滿足都係呃人嘅。呢個時候梗係要整碟正菜嘆吓！豉汁蘆筍炒帶子夠晒惹味喇啩，大大隻嘅帶子好有彈性同鮮味，加埋翠綠嘅清甜蘆筍好食到不得了。如果你係食肉獸呢個梅欖骨就一定要試！呢個排骨肥瘦啱啱好咬落去勁彈Q仲好有肉香，重點

好友約食午餐，選址在她最愛的凱悅軒，無可否認這裏環境舒適、位置方便、最重要食物水準出色，難怪她會這麼喜愛！👍🏻原來每隔一段時間這裏也會有新的主題，而今次的主題係「人蔘的菜式」，有效日期由即日起至4月30日供應。首先上場的是這味「紅棗人蔘豬手凍」，外形和水晶肴肉有點相似；不過選用嫩滑肥美的豬手作為餡料，大廚先把連皮帶肉的豬手切開，再把鮮人蔘切粒、加入紅棗和蜜豆籽一同放進人蔘雞湯內製成果凍，最後在表面放上黑醋啫哩，增添口感。第二味是「陳皮脆鱔」、鰻魚食落鮮嫩肥美，火燒過後表皮酥脆，配上陳皮獨有的甘香，不但有效減低油膩感，而且非常好吃。第三味是「杞子人蔘花膠鴿吞素翅」、據說靈感來自懷舊手工菜「仙鶴神針」；大廚選用體型效大的頂鴿，首先去除鴿內的胸骨，再把金華火腿、關西遼蔘絲及素翅釀入其腹腔之中同燉；鴿肉嫩滑多汁，湯底清甜滋潤，加上味道甘香又濃郁的遼蔘，頗有驚喜。第三味是「豉汁蘆筍炒帶子」，採用大大隻刺身級的帶子，肉質肥美，軟腍鮮甜；蘆筍爽嫩翠綠，味道調配適宜，不錯吃。第四味是「梅欖骨」，大廚先將排骨蒸煮約三小時至軟糯，再以大火酥炸至鬆化，配上自家製梅膏醬及欖角，口感酸酸甜甜，什是開胃；如配上一

📍尖沙咀凱悅軒✨餐廳環境優雅、服務一流，今日同一眾好友一嚐全新人蔘主題菜式，真係好有驚喜😍😍🔹紅棗人蔘豬手凍嫩滑豬手連皮切片，再放入人蔘雞湯內製成凍盤，口感非常滑嫩。豬手肉質鮮美，搭配鮮人蔘粒同紅棗，味道清甜而不膩，表面嘅黑醋啫哩更有助增添清爽感，每一口都令人感到清新。🔹杞子人蔘花膠鴿吞素翅靈感來自懷舊手工菜「仙鶴神針」，選用之頂鴿體型較大，肉質厚實多汁，去除胸骨後釀入金華火腿、關西遼蔘絲及素翅，再與花膠人蔘湯同燉，湯頭入口香醇濃厚，啖啖清澈鮮甜，滋潤養顏。🔹梅欖骨由祖籍潮州黃師傅所製之潮州家常菜，排骨先蒸三小時至軟糯，再以大火酥炸，外皮酥脆，內裡軟嫩。配上自家製梅膏醬及潮州菜常用欖角，味道酸甜開胃，食落非常過癮。🔹脆皮茶香雞靈感源自日本玄米茶之炒米芳香～先將原隻龍崗雞慢油炸，再用香片及普洱混入白飯燻製。雞肉外皮香脆，肉質細嫩多汁，茶香濃郁，令人一試愛上，真係好特別。🔹陳皮脆鱔鱔魚炸得香脆，搭配香氣十足嘅陳皮，令整道菜更加提味，口感豐富。🔹豉汁蘆筍炒帶子巨型帶子味道鮮甜，搭配脆口蘆筍，入口清新。🔹窩燒麒麟鮑魚人蔘雞飯以經典「金華玉樹雞」方式呈現，有齊爽彈鮑魚片、滑嫩三黃雞件、鮮甜甘筍片

人參有藥中之王的盛名非常適合疲勞精神不濟的時候食用，初春濕氣重經常感覺疲乏的我早前去品嚐了真「蔘」滋味的菜式補氣血。這天跟好友去到尖沙咀凱悅酒店的凱悅軒午餐！特意來品嚐黃師傅新推出的人蔘菜式。打頭陣出埸是紅棗人蔘豬手凍$138！晶瑩剔透的人蔘雞湯啫喱入口爽滑味道好甘香，內地盡是嫩滑連皮的豬手肉、鮮人蔘粒、紅棗及蜜豆，綴以黑醋珠珠來增添酸香味道真的非常可口。陳皮脆鱔$328！熟悉的朋友也知道我十分喜歡吃白鱔，這個用上陳皮來燒的白鱔還是第一次品嚐。白鱔燒得皮脆肉彈嚼勁十足，於甜蜜的味道當中添上絲絲陳皮甘香味道挺不錯。緊接著服務員送上杞子人蔘花膠鴿吞素翅$698！釀滿了金華火腿、關西遼蔘絲及素翅的頂鴿跟花膠人蔘一同燉煮成湯。濃郁的人蔘雞湯喝下甘醇鮮美，養顏花膠口感香滑鴿肉也味道香濃，這口湯真的滋補又美味我喜歡啊。豉汁蘆筍炒帶子！用上碩大的厚肉帶子以豉汁炒香鹹鮮又惹味，而配襯的蘆筍清甜無渣好吃非常。梅欖骨$248！排骨用上自家製梅膏醬及欖角炒製而成，酥香的排骨彈性十足肉味香濃，味道酸酸甜甜非常開胃超唰嘴。脆皮茶香雞$328/半隻！新鮮龍崗雞以茶葉燻製後再炸至香脆，雞皮油潤香脆雞肉充斥煙燻香氣非

排住隊既開年飯，來到二月底終於接近尾聲，這次嚟到我熟悉既地方，凱悅軒。無嚟幾個月，餐廳又有新菜式，點了幾款來試試。冷盤的人蔘豬手凍，晶瑩剔透，看得穿裡頭的材料，頂頭再以魚子醬作點綴，伴以玫瑰花瓣擺盤，好靚好高貴。吃起來清新開胃，人蔘味道於我而言是恰好。另一款小食陳皮脆鱔，咬落微脆而香口，喜歡那點點的陳皮香氣，我「安哥」了一件。既然是吃開年飯，菜式自然會豐富一些，飲啖靚湯都是合情合理。杞子人蔘花膠鴿吞素翅，有如快將失傳的懷舊菜式仙鶴神針的變奏版，將煮至入味既金華火腿及素翅等釀入頂鴿內，再與花膠及人蔘湯同燉，成為清徹鮮甜的湯水，再食埋各式食材，很飽肚。豉汁露筍炒帶子，兩者都是我喜歡的食材，帶子巨型，火候拿捏恰到好處，加上爽脆無渣的露筍，簡單而美味。梅欖骨乃黃師傅的拿手好戲，印象中之前也品嚐過。排骨鬆化，伴以梅膏醬及欖角，酸酸甜甜夠醒胃，合晒我心意。脆皮茶香雞，皮脆肉嫩多汁不在話下，最欣賞濃郁的煙燻香氣，比起炸子雞更加吸引。單尾既米飯都好有驚喜，呢度窩燒麒麟鮑魚人蔘雞飯，有點懷舊菜式金華玉樹雞的影子，雞件、鮑片及北菇片舖在人蔘雞鬚粒的米飯之上，吃起來帶適度既人蔘味道，第一次食到咁樣既做法，好

好一段日子沒來這間酒店中菜廳吃飯，原來最近它剛推出了一系列以人參入饌的菜式，我便與一班好友來這裡一嚐美味。 先來一道特別的前菜「紅棗人參豬手凍」，這特別的前菜，賣相晶瑩剔透，色彩繽紛，口感清涼爽滑，添加了人參在其中的豬手凍，還加了黑魚子作點綴，作為前菜都幾吸引。「杞子人參花膠鴿吞素翅」是經典手工粵菜「仙鶴神針」的變奏版。這道加入了人參和花膠的菜式，雖然用的是素翅而非真魚翅，但有人參和花膠加持，就既不失名貴又更加環保，而且湯味清甜又夠滋補養生，著實不錯。「窩燒麒麟鮑魚人參雞飯」以另一道粵菜經典菜式「金華玉樹雞」的排列方式呈現在我們的眼前，三黃雞件、鮑魚片、北菇片等材料齊齊整整地滿舖在加入了人參鬚粒的米飯上，香氣撩人，每口飯都滲著人參獨特的芳香，味道濃郁，濕潤可口，讓人心生喜歡。除了這幾道特別地以入參入饌的菜式，這天的其他菜式也十分精彩。「陳皮脆鱔」味道適中而帶陳皮香，皮脆肉軟而無細骨。「豉汁蘆筍鮮帶子」醬汁調味甚好，刺身級的帶子，大粒厚身，軟腍味美，蘆筍爽嫩無渣，也很不錯。「梅欖骨」雖說是骨，其實啖啖是肉，排骨經先蒸後炸後，再配以欖角與自家製的梅膏醬，味道酸甜可喜，而且口感極佳。「脆皮茶