禪

Open Now

Now Closed

之前喺佐敦食過嘅甜品店，無論主食同甜品都好高質。今日帶埋朋友過嚟試吓分店。🆕🆕見到新出咗：濃．蝦湯烏冬💜可以揀烏冬或者意粉，我揀咗烏冬。個賣相真係好吸引，湯底係勁濃郁嘅蝦湯配上彈牙嘅烏冬，成個烏冬充滿好香嘅奶油味。加$28仲可以升級做定食，有沙律同飲品揀。🫖飲品：加咗$16轉左荔枝玫瑰花🌹茶，個茶真係好香玫瑰花味，個壺都幾精緻，啱晒打卡用。💜午餐：拿破崙汁大蝦意粉🍝，蝦肉好新鮮彈牙，套餐包：是日甜品🍮、滿滿嘅朱古力😍頭盤係蟹肉蟹籽沙律、勁足料又新鮮，連啲菜都好爽脆。個沙律汁勁開胃落咗好多醋。前菜揀左明太子玉子燒 2件，個賣相好吸引，略嫌食滑有少少硬。🍹飲品：加$17轉左洛神花水果茶，入面超足料，超濃郁嘅水果味同埋洛神花茶味😚😚甜品🍨：抹茶蛋白卷入口好鬆化，唔會太甜，面頭仲有幾粒細細粒嘅白玉小丸子🍡。伯爵奶凍呢個甜品真係超正，除咗食到淡淡嘅伯爵茶香，仲有超濃郁嘅奶味。而且布甸口感好滑。櫻之抹茶窩夫🧇超多抹茶醬，食到抹茶嘅苦澀味。窩夫充滿奶香又香脆。