Video
Read full review
2025-04-12
250 views
禪 ZEN by Tera📍 (沙田)沙田沙田正街18-19號新城市廣場一期1樓109號舖Happy Friday! 為慶祝朋友返工last day，我book咗佢屋企附近嘅一間和風餐廳，同佢食返餐好嘅。新城市廣場咁多嘢食，會揀「禪」主要因為信佢「Tera」呢個招牌。對上一次食元朗分店都非常滿意，知道沙田有分店，而且餐品更有特色，當然要帶朋友試試。 💰$138鰻魚半件照燒雞扒丼飯 🍱睇見menu圖片咁吸引，忍唔住叫咗個鰻魚照燒雞扒丼飯，半件鰻魚醬香味濃，無丁點魚腥味，拌入鰻魚汁，非常下飯。照燒雞扒份量十足，有半個碗咁大塊，雞皮焦香微脆，肉質嫩滑，淋上照燒汁，滿有和風口味！ 💰$114吉列大蝦・白咖哩烏冬 🍜朋友就鎖定白咖哩系列，仲揀咗4隻吉列大蝦配烏冬，成個定食都非常吸引。呢次係我哋第一次食呢種忌廉咖哩，原來白色嘅泡沫係由新鮮奶油加薯仔蓉冷打發而成，集creamy與foamy口感於一身，食落輕盈不肥膩，好新奇！將碗底嘅咖哩烏冬混好，本來甜辛嘅日式咖變得更加溫和，口感變得更加順滑，烏冬粗幼得宜，咬落相當彈牙，而且好掛汁，配合洋蔥同蘑菇，淨係個烏冬已經值得5粒星。再講吉列蝦，表面炸得金香酥
📍 (沙田)
沙田沙田正街18-19號新城市廣場一期1樓109號舖
Happy Friday! 為慶祝朋友返工last day，我book咗佢屋企附近嘅一間和風餐廳，同佢食返餐好嘅。新城市廣場咁多嘢食，會揀「禪」主要因為信佢「Tera」呢個招牌。對上一次食元朗分店都非常滿意，知道沙田有分店，而且餐品更有特色，當然要帶朋友試試。
[價錢 Price]
💰$138
鰻魚半件照燒雞扒丼飯 🍱
睇見menu圖片咁吸引，忍唔住叫咗個鰻魚照燒雞扒丼飯，半件鰻魚醬香味濃，無丁點魚腥味，拌入鰻魚汁，非常下飯。照燒雞扒份量十足，有半個碗咁大塊，雞皮焦香微脆，肉質嫩滑，淋上照燒汁，滿有和風口味！
[價錢 Price]
💰$114
吉列大蝦・白咖哩烏冬 🍜
朋友就鎖定白咖哩系列，仲揀咗4隻吉列大蝦配烏冬，成個定食都非常吸引。呢次係我哋第一次食呢種忌廉咖哩，原來白色嘅泡沫係由新鮮奶油加薯仔蓉冷打發而成，集creamy與foamy口感於一身，食落輕盈不肥膩，好新奇！
將碗底嘅咖哩烏冬混好，本來甜辛嘅日式咖變得更加溫和，口感變得更加順滑，烏冬粗幼得宜，咬落相當彈牙，而且好掛汁，配合洋蔥同蘑菇，淨係個烏冬已經值得5粒星。
再講吉列蝦，表面炸得金香酥脆，內裏嘅蝦肉鮮甜爽彈，呢個價錢有4大隻，性價比其高！
[價錢 Price]
💰$128
紫薯芋泥奶蓋窩夫 🧇
Tera最出名食pancakes，而禪最受歡迎應該係waffles，幾乎每檯都會點一份！要食得開心，朱古力、士多啤梨呢啲又點夠喉？朋友就揀咗人氣之選紫薯芋泥奶蓋窩夫，外脆內軟嘅窩夫有返咁上下厚度，上面倒有海鹽芝士奶蓋，並且鋪滿紫薯麻糬粒，再灑上紫薯粉，賣相真唔錯。碟邊仲唧有紫薯芋泥花，加以食用花點綴後更打卡able！
海鹽芝士奶蓋唔會過份甜膩，麻糬粒軟軟糯糯，芋泥濃郁香甜，配搭得宜。一人輕鬆KO兩塊waffles，推介俾大家一齊感受日式甜品嘅美學同滋味。
[價錢 Price]
💰$58
開心果慕絲撻 🧁
另一款甜品係開心果mousse tart，撻皮較硬身，盛住滑溜溜嘅mousse餡。以開心果碎配開心果醬裝飾碟面，頗有心思。甜品開心果味濃烈，無假甜嘅感覺，值得推介。
Post
