香江花月 (百誠大廈)

Open Now

Now Closed

今晚揀咗一間非常豪華嘅火鍋套餐，湯底揀咗美顏花膠雞湯，湯底入邊已經有半隻鮮雞，夥計非常貼心，專人幫你將鮮雞切成雞件，正當你點菜嘅時候，夥計發現雞件已經煮熟，就會幫你撈起，所以雞非常嫩滑，雞皮黃黃的，好香鮮雞味，好足料。湯底好香濃，煮完嘅肉，唔需要點醬油，都好入味。湯底入邊仲有好多花膠，真係好抵食，感覺好健康，好有營養。火鍋配料方面，揀咗「特選牛圈」，上枱時覺得非常驚喜，牛圈係指圓形木板，上面放滿新鮮嘅肉類，啱啱好圍住個火鍋。打卡必備。而牛圈包括咗牛唔同部位嘅鮮肉，仲有豬肉，好多選擇，肉類新鮮嫩滑，切到細細片、好薄、好易入口。我哋仲叫咗白鱔片、脆肉鯇魚腩、羊肉卷、豬頸肉、黃沙豬潤，全部都好新鮮，好美味。兩個人食，真係好豐富，一定要再嚟，非常推介。