釜山商會

好友約我去位於尖沙咀金巴利道79-81號金柏閣地下A-C號舖的《釜山商會》食韓式午餐，環境舒適，裝修簡潔。店員好有禮貌，我地坐低就送上前菜，前菜有泡菜、甜黑豆和辣菜，幾惹味。可惜我食唔到辣，店員提議 Signature Menu 的章魚豬肉湯麵（走辣）2份。釜山商會的豬肉湯麵係餐廳的招牌食餚，大大個鍋送上枱時，原隻章魚好吸晴呀！心裏想著怎樣吃呢？店員已送上夾子和剪刀，答案已清晰。豬肉湯熱辣辣，湯底奶白色，味道濃郁，薄切五花肉好食，配有韮菜。麵條軟腍好味。