Video
Read full review
2025-05-02
0 views
🌟先付三點🌟汁煮茄子、螢光魷魚、響螺。茄子滑新爽甜，配以鰹魚碎及高湯，鮮爽；螢光魷魚口感爽彈；響螺幾彈牙，有咬口。係一個好好嘅開胃組合🌟刺身二點🌟華漣真蠔及池魚。池魚表面燒過，令到油脂香味更出，而真蠔係深海生蠔，肉質結實，非常新鮮🌟燒物 北海道深海八爪魚🌟當師傅向我地展示嘅時候已經覺得好震撼，因為真係好大條！八爪魚肉質爽彈，唔會咬極咬唔開，表面淋左海鰻汁及柚子皮，再加柚子胡椒更能帶出第二種鮮味🌟手握壽司八貫🌟左口魚打頭陣，口感軟腍，比較軟身，加上柚子皮點綴網燒北寄貝，因為北寄貝燒過嘅關係肉質會收縮，一收縮就令到個口應更爽更出，個面再落埋青檸，就係鮮爽九州青海車海老，海老先烚一分鐘，保留左蝦頭及蝦膏，令到蝦味更濃，而且海老肉質爽彈喜之次，因為燒過迫晒油脂出嚟，非常香及好出味，肉質較軟身，加埋紫菜減左個油膩感，非常惹味吞拿魚，平時一般食嘅吞拿魚可能大約都係80至100g，而今次呢條只係約50g，魚肉更加滑，煙燻過之後更加香，用埋蛋黃醬漬油提高鮮度，加埋蔥及芝麻口感更有層次赤身，經過14日熟成而成，味道偏向酸一點，有陣陣嘅魚油香。而且搽過醬油漬，所以色澤比較沉一點超拖羅，帶有微微酸，有一定嘅
汁煮茄子、螢光魷魚、響螺。茄子滑新爽甜，配以鰹魚碎及高湯，鮮爽；螢光魷魚口感爽彈；響螺幾彈牙，有咬口。係一個好好嘅開胃組合
🌟刺身二點🌟
華漣真蠔及池魚。池魚表面燒過，令到油脂香味更出，而真蠔係深海生蠔，肉質結實，非常新鮮
🌟燒物 北海道深海八爪魚🌟
當師傅向我地展示嘅時候已經覺得好震撼，因為真係好大條！八爪魚肉質爽彈，唔會咬極咬唔開，表面淋左海鰻汁及柚子皮，再加柚子胡椒更能帶出第二種鮮味
🌟手握壽司八貫🌟
左口魚打頭陣，口感軟腍，比較軟身，加上柚子皮點綴
網燒北寄貝，因為北寄貝燒過嘅關係肉質會收縮，一收縮就令到個口應更爽更出，個面再落埋青檸，就係鮮爽
九州青海車海老，海老先烚一分鐘，保留左蝦頭及蝦膏，令到蝦味更濃，而且海老肉質爽彈
喜之次，因為燒過迫晒油脂出嚟，非常香及好出味，肉質較軟身，加埋紫菜減左個油膩感，非常惹味
吞拿魚，平時一般食嘅吞拿魚可能大約都係80至100g，而今次呢條只係約50g，魚肉更加滑，煙燻過之後更加香，用埋蛋黃醬漬油提高鮮度，加埋蔥及芝麻口感更有層次
赤身，經過14日熟成而成，味道偏向酸一點，有陣陣嘅魚油香。而且搽過醬油漬，所以色澤比較沉一點
超拖羅，帶有微微酸，有一定嘅油脂，介乎於赤身及拖羅之間
北海道海膽，非常非常非常鮮甜，配埋店家自家製豉油，鮮度爆錶
🌟鹽燒秋刀魚🌟
外皮好鬆脆，有咸香感，油脂比較出，加埋海鰻汁及山椒再次提升香味，好易入口，肉質結實又彈牙，未試過食秋刀魚都可以咁高級嘅感覺
🌟江戶前玉子燒🌟
唔好睇佢以為普通蛋糕或玉子燒，其實係用左蛋、味林、蜂蜜、蝦、魚肉及白身魚嘅蛋白質代替麵粉，似古早味蛋糕。都係非常非常非常鬆軟，食落魚香會慢慢滲出
🌟赤味噌湯🌟
暖胃一流，有大王蜆一同煮成
🌟甜品🌟
江山縣士多啤梨及梅酒啫喱。士多啤梨好鮮好甜，梅酒啫喱有啖啖酒香，幾爽口
Post
