Video
9-min walk from Exit A1, Tsim Sha Tsui / East Tsim Sha Tsui MTR Station
continue reading
Telephone
23833366
Opening Hours
Today
12:00 - 15:30
18:00 - 22:30
Mon - Sun
12:00 - 15:30
18:00 - 22:30
Public Holiday
12:00 - 15:30
18:00 - 22:30
Public Holiday Eve
12:00 - 15:30
18:00 - 22:30
Above information is for reference only. Please check details with the restaurant.
位於尖沙咀海港城既高質Omakase🍣鮨 央泰總店係位於東京銀座的米芝蓮星級食府食材高質又新鮮，加上師傅嘅用心製作品質一定有保證👍我地揀左LUNCH OMAKASE 清雅 $680係由日籍師傅主理先付係 沖繩 水雲酸酸甜甜，入口順滑茶碗蒸用高湯蒸既蛋，又滑又清甜，面頭配上舞茸，好香握寿司-十貫左口魚🍣油脂豐富，肉質細緻入口即溶。金目鯛🍣用火槍輕輕燒過，魚香咪濃郁深海池魚🍣鮮甜爽口鹿兒島縣 車海老🍣肉質鮮甜春子鯛🍣 肉質軟滑，魚味濃北海道 帆立貝🍣好厚肉，鮮甜好味池魚🍣比深海池魚個味更濃郁，面頭有師傅手磨蔥蓉，鮮味🆙青森大間 拖羅🍣經熟成過，入口即溶，魚油味濃郁，油脂豐富肥美北海道 馬糞海膽軍艦 🍣係我至愛🤤creamy 口感，入口溶化，超鮮甜😍大愛海鰻🍣 平時唔食鰻魚既我，因為好怕有骨，但🐢🍯試完話完全無骨仲要好好食，咁就試一次啦😝點知塊海鰻一入口已同舊飯溶為一體啦🤣真係零骨之餘，仲要入口即化👍👍👍令我一試愛上鰹魚玉子燒無加麵粉整，但賣相好似蛋糕，而口感都有海綿蛋糕嘅鬆軟感，蛋味香濃配淡淡魚香，好特別赤味噌湯🍲（內有新鮮紫菜）Dessert 🍨係抹茶雪糕鮨央泰📍尖沙咀廣東道3-27號海港城港威大廈地下G111號舖
continue reading
1430 views
表妹近年申請咗張「滙豐卓越理財信用卡」，其中最具吸引力嘅就係全年可於指定食肆享用買一送一嘅餐飲優惠，好多仲要有星星架，所以半價絕對抵玩！嘻嘻，小肥表哥同表妹感情咁好，不時都有機會做「送一」，舊年暑假就過咗海一試由銀座開到黎香港嘅壽司店「鮨 央泰」。位於尖沙咀嘅餐廳傍晚準六時開門。落地玻璃窗同室內以木為主嘅間格時尚簡樸得黎自然地流露出日系和風。店子中央為師傅嘅大舞台，光鮮企理，衛生非常。當晚為兩口子備製魚生嘅係Raymond師傅。每位席上擺有自用嘅筷子，埋位即有熱茶及熱毛巾。由於信用咭優惠只適用於指定嘅「忍冬」廚師發辦晚餐（$2,380/位），所以不用費神點菜。兩隻酒鬼只需從電子酒牌揀選佳釀。應推介開咗樽「釀し人九平次 纯米大吟醸」（$1,080/樽）。季節限定嘅日本清酒芳香馥鬱，配上妹妹仔預先雪凍咗嘅白酒杯，炎炎夏日尤其清爽！先付け – 五點：晚餐正式由前菜拼盤作序，右手邊隻杯仔內有味淡腍身嘅昆布水茄子、左邊嘅磯粒貝則煙韌有嚼勁、上方件門鱔南蠻漬就最唔啱細佬口味，勁酸且有幾條細骨。接著嘅九州黑鯛刺身用黑色嘅碟盤上，唔知係咪要專登襯返個名呢？！應建議用魚肉捲入頂面啲薑蓉同木之芽葉仔，再黏上秘製嘅蕃茄紅椒醬一啖過食，效果酸甜甘香，但感覺似食汁多啲，魚魚只能淪為配角。小碟中嘅鰹魚二重奏就似乎重口味咗少少，除咗兩件都偏咸之外，左手邊輕輕燒過嗰件帶有一陣強烈嘅煙燻味，幸好連同白雪雪嘅日本嘅新洋蔥絲食可以略為中和返；個人反而比較鍾意右手邊以醬油醃過嗰件，起碼質感柔滑得多。轉入壽司環節前，先有爽脆嘅淮山、蕎頭、薑粒，三款漬物均無限添加。握り寿司 – 十二貫：Raymond師傅講明所有壽司都已調好哂味，如果覺得唔夠咸都歡迎食客加點醬油。為方便貴客用手進食壽司，每人都派多條濕巾抹手指。第一件呈橋形嘅北海道帆立貝壽司爽脆得黎滲出青檸香，醒神又醒胃。師傅好神秘地介紹第二件為一種好特別嘅「鯛魚」，叫XO仔食後品評過感想佢先加以說明。真係冇諗到外表最平庸嘅「鯛魚」油潤得黎散發出陣陣果香，兩老表就懶醒咁估魚身上搽咗層果汁啦，師傅即開故此魚為源自愛嬡縣嘅蜜柑鯛，得此其名全因其飼料內含蜜柑，如果魚魚夠肥，當中嘅油脂就會洋溢著芬芳嘅蜜柑香，堅有驚喜，實屬整晚之最！黑邊白肉嘅深海池魚壽司厚潤肥美。呈半生熟狀態嘅牡丹蝦壽司Q彈潤澤，頂面以炒香咗嘅蝦膏點綴，組合契合惹味，蝦身爽脆尤甚。油光亮澤嘅北海道櫻鱒壽司魚味清香，肉質柔潤細緻。不經不覺已經食到中間位，跟住嗰兩件壽司都係由同一條熟成咗嘅沖繩吞拿魚度切出黎嘅，只係不同部位及不同調味。第一件赤身壽司厚潤得黎柔韌度較高，當中夾咗片紫菜令魚味明顯濃郁突出過平時。第二件唔講真係食唔出佢係中拖羅，因為絕冇溶喺口，雖則唔可以話佢嚡，之但係好似食得到啲魚紋咁，其魚味濃郁得黎係咸咗，而並非鮮咗，甚為失色！擺盤好似成幅畫咁靚嘅汁煮北海道水八爪魚厚肉爽彈，吸盤位置尤其脆嫩幼細，就咁食最食得出八爪魚本身嘅鮮甜，點上附配嘅山葵會香啲，但加點柚子胡椒就太搶。銀光閃閃嘅手釣池魚壽司鮮爽肥美，莫非一定要手釣先咁油潤？！凹凸不平嘅北海道北寄貝壽司爽就夠爽口，唯一當中嘅椒香味似乎蓋過咗北寄貝嘅鮮味。鹿兒島車海老成隻手掌咁長，睇頭十足！壽司握好後好型咁掛於碟邊。橙白紋理鮮明嘅靚蝦肉肥爽厚，超強呀！熱辣辣嘅茶椀蒸內含菠菜及高野豆腐，蛋蛋香滑得黎好夠湯汁，因為上面加咗肥嘟嘟嘅節令芝海老肉及其打造咗嘅芡汁，倍添爽甜與鮮濃。焼物：兩片厚厚嘅鮫碟魚西京燒魚油豐沛，不用咀嚼已滑嫩得絲絲入扣，細膩得很！直接從師傅手接獲嘅北海道馬糞海膽壽司卷一啖放入口，脆薄嘅紫菜皮層即化於舌上，海膽嘅細滑濃甜直迫齒頰間嘅縫隙，爆！由於之前食頭盤時食鱔鱔已經差啲哽骨，酒精影響下陰影更難消，所以壓軸上陣嘅長崎海鰻壽司就轉贈咗俾鱔后表妹。玉子焼き：貌似海綿蛋糕嘅玉子燒完全冇麵粉嘅成份，除咗蛋蛋同蜂蜜之外，竟然混入咗個用海鮮淆製嘅鰹魚高湯焗出。平心而論，玉子燒鬆就幾鬆軟，不過自己食唔出任何蛋味，唔咸唔甜怪怪地咁，或許個高湯有啲喧賓奪主？！椀物：赤麵豉湯味道偏咸且唔夠熱，未能暖胃實為大忌也！デザート：可能喺雪櫃放得太耐，日式蕨餅微微偏乾同開始有啲硬化，唔得柔韌黏潤。日本過江龍壽司專門店「鮨 央泰」環境雅緻，服務生專業周到，師傅仲一啲架子都冇。壽司高質味佳，可惜非壽司類菜式嘅質素卻頗為遜色，包括前菜、湯湯、甜品等，廚房失手難免會殃及池魚，直令廚師發辦晚餐整體分數下降，如果唔係有信用卡嘅買一送一優惠的話，$2,380/位依個價位實無說服力！
continue reading
東京銀座🗼總店更是米芝蓮星級食府⭐️師傅Mike好專業👍🏻😆 詳細介紹每一品每季用上時令食材! 現是主打秋冬時令廚師發辦餐單江戶前omakase 與其他Omakase 的分別在於· 壽司料醃製 —— 魚貝類經醋、鹽、醬油醃漬，或煮、烤等加熱手法，甚至是塗上醬料· 調製醋飯 —— 常用紅醋並不加糖來調味要說最 Iconic 的就是超粗的軟煮水八爪魚腳就連日本最高級的白身魚品種之一的赤鯥也有!現正夏、秋季正值繁殖期入口油脂感重、肉質鮮甜環境設計都好有氣派環境夠大! 可以看到師傅席前表現香港少見的江戶前 Edomae omakase▍皇 · 廚師發辦 SUMERAGI OMAKASE | 1780/pp■ 前菜忌廉芝士松露蟹肉蛋卷 北海道三文魚子炸蓮藕片配炸銀杏■ 刺身剝皮魚配魚肝秋刀魚磯邊卷北海道軟煮八爪魚■ 壽司炙燒北寄貝石目鯛赤鯥車海老稻草煙燻獅魚青森大間 醬油漬赤身青森大間 大拖羅北海道馬糞海膽海鰻■ 燒物柚子味噌燒太刀魚啖啖肉，外皮香脆有油香，肉質juicy!! ■ 玉子燒■ 吸物 大蜆湯■ 甘物 晴王提子 · 貓眼提子 · 梅酒寒天
continue reading
一星期總有幾次想吃Omakase🍣🥢，今次就黎到無人不曉的廣東道一間【東京米芝蓮】一星🌟鮨店～又來個摘星之旅。東京銀座🗼 總店是米芝蓮星級食府🌟，在海港城就品嚐到了❤️ 江戶前料理。餐廳招牌名物🐙餐廳選料全是季節性食材，「江戶前Omakase」特色就是壽司經已調味，不用再蘸點額外醬油。整體氛圍大氣，今次包房一共可坐16位客人，不侷促、節奏也不急不慢。【Sumeragi Omakase】 $1,780 p.p先付三點：🔸日本汁煮茄子 (超甜）、螢光魷魚、響螺 (爽甜）刺身二點：🔸北海道真蠔 (麻油煮）& 金目鯛 配紫蘇花 (肉甜）🔸禾稈煙燻bb吞拿魚 (配京蔥芥末 & 蔥薑油 2款口味）招牌燒物：🔸北海道水章魚 (招牌名物）經慢煮4小時，再浸足24小時，軟腍入味。(簡單再配上醬汁wasabi & 柚子胡椒）🔸燒大刀魚 (腩位） 配蘿蔔蓉手握壽司八貫： (漬物：子薑、淮山、牛蒡）🔸左口魚 (肉質腍滑帶甜 白身魚）🔸池魚 配蔥蓉 （鮮嫩 蔥香惹味）🔸北寄貝 配青檸汁 (炙燒後帶出鮮甜味）🔸鹿兒島車海老 (肉質厚實肉甜）🔸喜之次 (炙燒完迫出油脂 更香）🔸青森大間大拖 (熟成10日魚味更出）🔸馬糞海膽 (超清甜 入口溶化）🔸海鰻 (穴子） 醬汁用鰻魚骨熬製 & 山椒粉調味🔸玉子燒 Tamago (蛋 、蜂蜜、蝦肉、白身魚）口感海綿蛋糕般鬆軟，亦滲出淡淡魚香。椀物：赤味噌湯 有大王蜆，暖暖胃。甜品：士多啤梨、香印提子、梅酒啫喱..×××××ש尖沙咀廣東道3-27號海港城港威大廈地下G111號
continue reading
雖然平時又要返工又要湊女，但間唔時都會同朋友去食個飯，好好relax 下話晒忙裏偷閑，當然要食得好，今次同朋友去左食位於尖沙咀海港城的鮨 央泰（Sushi Hisayoshi），主打江戶前風格嘅Omakase(廚師發辦)，佢地總店就係東京米芝蓮一星餐廳「銀座いわ」，食材主要都係黎自北海道同九洲新鮮又珍貴食材，招牌料理 #就有軟煮八爪魚🐙、#熟成大拖羅鮨 央泰裝修採用全淺色木材設計，店內以吧枱為主，我哋揀左「皇 」性價比相當高，絕對承傳日本本店嘅水準❤️Appetizer有精緻擺盤，汁煮茄子👉🏻 螢光魷魚麵豉醬汁 👉🏻 汁煮磯粒貝，按次序食👍🏼汁煮茄子口感柔軟滑嫩，醬汁味道醇厚，帶有一絲甜味；螢光魷魚搭配濃郁嘅麵豉醬汁嘅鹹香相輔相成，令人增加食慾；至於 #汁煮磯粒貝，磯粒貝質肉彈牙，而且味道鮮美刺身有 目拔魚刺身 配 麻油慢煮北海道生蠔，目拔魚係 ‼️極高級嘅深海魚，刺身食落柔嫩細緻、油脂飽滿，加埋紫蘇花食，仲突顯到魚嘅鮮味；而北海道生蠔麻油慢煮就肥美鮮甜重頭戲之一，當然係 北海道水八爪魚，水八爪魚又叫深海八爪魚，生長喺日本北部水域，師傅利用蘿蔔、清酒、醬油、味醂烹煮嘅醬汁嚟慢煮四個鐘，加埋柚子胡椒加多少少咸味，口感一絕壽司方面，一共八款，包括🍣火灸北寄貝配青檸汁，🍣 剝皮魚蓉拌蔥同芝麻；🍣車海老；🍣 炙燒金目鯛；🍣青森大間藍鰭吞拿魚赤身；🍣青森大間（熟成）藍鰭吞拿魚大拖羅；🍣北海道馬糞海膽壽司；🍣深海鰻魚燒物方面，太刀魚酒盗燒，酒盜即係取自鰹魚内臓製成的鹽漬下酒菜醃製過嘅太刀魚，用炭火燒烤，在香脆外皮下係光滑細嫩嘅魚肉，充滿鮮味！另外，用稻草煙燻過嘅BB吞拿魚，配蛋黃醬，茗荷同蔥，多種口感，獨特味道最後有玉子燒、大和蜆赤味噌湯同甜品作結。玉子燒非一般玉子燒，並無加麵粉，使用江戶前做法，海鮮汁煮蛋漿，口感似蛋糕而且充滿空氣感。大和蜆赤味噌湯鮮味十足甜品，包括岡山香印提子+熊本士多啤梨+梅酒啫喱，連裝飾都特別有心思要下次同老公再黎食
continue reading