漢發麵家 (大南街)

Open Now

Now Closed

今日在漢發買碗豬潤麵分湯返屋企食。門口妹妹好有禮貌，外賣大約等咗十幾分鐘就有。門外亦開始有人等位。漢發我大約食過4-5次，每次都食豬潤麵（覺得好食過另一間豬潤名店，因為厚切），亦有試過佢嘅西多士（好好食，今次因為外賣冇食），同炸雲吞（一般，以佢價錢不會encore)今次係第一次買外賣，唔知係咪因為外賣嘅關係，今次同現場食嘅味道真係差好遠。豬潤麵分湯，一碗係豬潤同埋湯，另一碗就係出前一丁，仲有丁麵麻油一包。自己組合返如下圖：返到屋企個湯仲係熱嘅，豬膶有四大件厚切，不過今日啲豬膶有筋，4 件入面3件都有，咬唔開，而且外賣返嚟比較鞋，冇現場咁好食。總結：食就現場食，不要買外賣。