漢發麵家 (大南街)

Open Now

Now Closed

小時候也常來這家～這家也是非常多明星光顧，前身也是大排檔。豬潤面，清理的非常乾淨，還有很厚。公仔麵口感和湯底都唔太咸，非常滿足！今次第一次食蛋牛治，居然非常厚，很足料，非常飽。豬扒炸過外酥里嫩，不錯！😊不過西多士不是我喜歡那種風格～沒有什麼蛋味，花生醬都多。可以選擇煉奶或糖漿。 行過食下以唔係錯，但未去到wow 的程度現在旺角，深水埗還有灣仔都有分店啦～這家在深水埗地點比較不太方便，有其他分店就方便好多！餐廳只做幾款生意，所以出品都穩定。

深水埗有兩間出名的豬潤麵，其中一間係就係漢發，位置在大南街。深水埗的南面，比起另一間就無咁近地鐵站，同埋有D難搵。可能當日LUNCH TIME唔洗等，門口無人龍，好易行過龍。豬潤麵賣相絕對唔差，睇得出豬潤係逐塊擺砌上去。因為就咁睇每塊都好似好大塊、好厚，但其實夾起係三角型咁，係角度問題。所以好明顯係好用心咁砌到好靚咁排列出黎俾我打卡。湯底有酒味、有少少薑味同咸咪，但就無乜豬潤味。豬潤唔粉，好爽滑，做到咁仲似唔似豬潤，就真係各有所好。麵都係爽口，好明顯係同豬潤湯分開煮完先放落去，所以麵無咁豬潤湯既味。舖頭就茶餐廳格調，不過價錢就貴過茶餐廳好多啦

久不久我都會去深水埗食下嘢行下街. 本來今日想去食牛雜麵,但諗諗下,知道這裏有一間出名食豬潤麵的店舖,便行了去.這店不是在深水埗的中心點,所以從地鐵站行去都要十分鐘左右. 店舖非常細,感覺有些迫,當然也要搭枱. 入到去,我便點了一個豬潤生麵, 麵底都算多, 豬潤也有很多塊. 食落去,豬潤當然很爽,可惜也有一些根. 51蚊一碗豬潤麵,這價錢相信合理. 因為出名,客人都多. 招呼都好,有善,可試.

早已聽聞這店的豬潤麵很受歡迎，今天便特意來到嚐一嚐。這港式茶餐廳面積不大，捧場食客卻很多，所以少不免要在門外等候一些時間才可入座。～豬潤公仔麵我們選的是公仔麵，不喜歡這麵底的話，也可選河粉、米粉、幼麵或粗麵。公仔麵煮得剛好，爽口彈牙，是我喜歡的。這店的豬潤是厚切的，大大片，入口爽脆又滑，完全沒有腥味，但美中不足的是間中有少許筋。這裏的豬大大片兼厚切潤賣相、烹調方法和味道都好獨突，令人一試便留下深刻的印象。

聽聞佢lunch 好多人, 特別早左去, 11:30 去到剛好有位唔使等, 但目測基本都坐滿問左姐姐咩好食, 叫左個豬潤麵, 炸雲吞, 西多士!! 係呀, 呢餐肥死好快個豬潤麵就到, 塊塊豬潤都好飽滿 大大件, 咬落去一啲都唔硬, 仲有爆漿既感覺, 係啱啱好, 真係好驚喜!!每一件都要分兩三啖先食得到!!試埋個炸雲吞, 啲皮炸到好脆, 真係入口即碎, 個雲吞相對無咩特別西多士外觀圓圓地, 睇落有同出邊食既好唔同, 切開發現係外皮係蛋, 佢個蛋味都好重, 加左練奶相對中和左油膩感, 值得一試.整體上都好唔錯, 值80分

每次來漢發，我都肥妹鬼上身嗌到成枱都係食物😆因為好多嘢都好食又想食😃今次就叫咗豬潤牛肉公仔麵、豬扒牛肉公仔麵、淨水餃同熱奶茶🤓每塊豬潤都係厚切，豬潤真係煮剛剛好，不會過火。有啲餐廳怕唔熟就會煮好耐變到乾爭爭。漢發煮出來的豬膶係外脆內嫩，很美味😋還有陣陣酒香味，其他地方食唔到的。水餃方面，粒粒都很大粒,每粒水餃入面都有全隻蝦入面，爽口的🤭奶茶沒有苦澀味，可以話香醇滑口，茶同奶嘅份量恰到好處，正👍🏻

深水埗大南街192號的漢發麵家，這家餐廳以其地道的粵式美食而聞名。最近，我有機會品嚐他們的招牌菜——豬潤米，這道菜讓我印象深刻。首先，豬潤米的米煮得恰到好處，帶有淡淡的香氣。搭配的豬潤則是這道菜的靈魂。豬潤的新鮮度和質感讓人驚艷，外脆內嫩，每一口都散發著肉香。廚師巧妙的調味，讓豬潤的鮮味得以充分釋放，並且不過於油膩，令我一口接一口。此外，這道菜的湯底清淡卻不失風味，恰到好處地襯托出豬潤的美味。整體而言，漢發麵家的豬潤米不僅僅是一道美食，更是一種情懷的表達。店內的環境簡約舒適，服務熱情周到，讓人有賓至如歸的感覺。這裡絕對是喜愛食麵不可錯過的好去處。我期待再次回來，品嚐更多他們的美味佳餚。

漢發麵家開業已經 50 多年的香港老店，周潤發也是他們家的常客，人氣也是非常高。他們家的豬潤麵，豬潤是厚切的，而且口感爽滑，沒有難入口的血腥味道；麵的湯頭也很香，卻是濃而不膩，即使跟麵一起喝也很順口。另一招牌，西多士做法只此一家，不蘸蛋漿，改以發至企身的蛋白包裹慢火炸成，口感份外逢鬆。

去到漢發已是五時多，就收工，豬潤賣完，改食牛筋腩粗麵。等了5分鐘送到，個賣相似模似樣，食落牛筋和牛腩夠霖夠入味，粗麵有咬口又吸湯汁，個湯底亦夠濃，整體食物質素不錯，略嫌價錢以深水埗地區稍贵。

豬潤麵雖然看似簡單🤡但食材處理和烹調手法其實都十分考功架😈漢發就憑著多年來的鑽研，成功將豬潤麵變成招牌名菜⭐️近年甚至成為遊客愛店，令平價食材都得以升價十倍☄️———————————————————————豬潤有五件，每件都大大塊而且非常厚切🤗表面口感爽脆彈牙，內裡綿密軟嫩😋熟度剛好👌🏻血水亦清理得相當妥當😚無腥臭味，愛好內臟人士絕對會感到滿足🥰湯底方面雖說不上清澈亦未算混濁🤓麻油味與酒香十分突出😃薑味偏淡，雖然與出前一丁麻油味有點相似😂但對比起來較為清淡舒服😌味精感覺亦不重，可以放心飲用😉醬料方面可以選擇配煉奶或糖漿🥞傳統的我選擇了經典的糖漿🍯西多光看賣相就知空氣感十足💨金黃的麵包充分吸收了蛋漿🐣口感十分鬆軟🥰甚至令我有少許在吃疏乎厘班戟的錯覺😂中層的花生醬份量亦夠慷慨🥜味道十分香濃，配合無限任加的糖漿，絕對是重甜人士的天堂😇———————————————————————雖然漢發兩款名物都的確頗有水準👍🏻但定價始終太過進取，CP值唔高😫令人回頭意欲大減🥲可能偶爾光顧一次就已經足夠🙂

見到咁多好評，專登過嚟試。等位等左大半個鐘，滿心期待。叫左豬潤牛肉麵同鯪魚球豬潤好厚漲卜卜，望落去好靚，一咬落去個口感完全唔知食緊咩，無豬潤味，似係梳打粉發水發到脹，勁難食，完全唔想食第二啖。個湯又味精，飲完之後勁口渴。仲要唔平。諗唔明點解咁多好評😓😓😓鯪魚球係可以的。但絕對唔會再幫襯呢間。

突然想食豬潤，捻吓維記宜家豬潤湯底薑味好重頂唔順，相比之下漢發朱潤大隻得黎又好溫柔，所以直撲漢發。🍜【豬潤公仔面】/ $52豬潤夠厚口感一流，也很爽脆，食落啖啖都係肉非常飽肚。不過可能熟過頭有D豬潤有些硬（講真豬潤熟D安全完全冇問題），50蚊算係咁喇。對比維記湯底薑味就好淡，清清地冇咁燥，飲咗唔會頸渴。🍪【炸菱魚球】/ $40菱魚球炸出黎好熱氣，我只敢食一個。食起身有魚味，又夠大粒窩，不過蘸醬唔夠食咁好似麥當勞茄汁（我食一包薯條要3包茄汁）。

我有個老友好鍾意食漢發，幾乎每個月佢都會揸車過嚟接我去大南街食，但大南街泊車好艱難，成日抄牌，但老友依然堅持一個月食兩次，有時等錶位等得耐，甚至冒住抄牌嘅危險double parking。講返漢發，嚟得梗係食豬潤，厚切豬潤夠曬嫩滑，但宜家唔係次次都咁高質，豬潤有時會有根，我覺得自從開咗灣仔同旺角分店質素係差咗少少，但整體都十分唔錯。如果三個人以上我哋會叫多一樣小食，通常係叫圓形嘅西多士，炸雲吞或蜆芥鯪魚球，佢嘅熱奶茶都好出色，但略嫌奶多咗少少，可以減返些少，茶奶比例平衡返會更加好。

今日瞓醒突然好想食麵 然後就諗起佢 十點幾呢個時段去漢發就一定唔會多人仲可以慢慢嘆早餐牛肉撈粗+凍央少甜=$86多蔥絲多炸蒜係呢度嘅標誌擺放得咁靚令人食慾大增圍邊嘅牛肉全部都灼得好粉嫩入口軟滑冇渣面頭灑左適量嘅蝦籽 加少許大地魚湯會更易撈均粗麵乾爽冇鹼水味 不過調味有d過咸（個湯都係）凍飲依舊大大杯奶茶&咖啡嘅比例啱啱好 少甜更嚐到凍央嘅真味飲到杯底冰粒依然健在解暑一流以前繁忙時間會限制一次過落單（冇得加單）不過依家呢個時勢就冇左呢個限制lu非繁忙時間仲可以慢慢嘆nice

漢發真係食咗好多年，佢嘅豬潤麵相信唔使多介紹，食過佢嘅厚切超滑豬潤就唔會再去第二間，可能真係食得太多年，雖然美味依然，但人就係咁衰，好食嘅嘢自然會希望更好食。自從佢開咗兩間分店之後，我哋都係keep住去返大南街總店，但發現豬潤水準差咗，偶然會有筋，雖然如此，但整體都有90分，我當然希望每次專程過嚟，食一碗豬潤麵係完美的。豬扒雙蛋飯飯要係必食，有一次撞到發哥同啲朋友嚟食，佢都係食呢個飯，燶邊豉油蛋再加即煎滑嫩豬扒，真係冇得頂。如果三個人或以上我哋會叫多一款小食，蜆芥鯪魚球，炸雲吞或西多士，今日就食佢嘅特色圓形西多士加煉奶，三個人share少吃多滋味。值得一提嘅係佢嘅奶茶都係冇得彈，冷熱都好好飲。