鋿晶館

Open Now

Now Closed

千祈唔好睇佢係一間普通嘅點心店，佢啲嘢食真係好好食，有時候小店仲好食過酒樓。今日自己一個食嗌咗三個點心，每次去嗌點心都一定會叫山竹牛肉球，唔係每一間都做到呢種口感，牛肉嘅鮮味十足，咬落去唔係冧到散曬嗰隻，而係有口感真係食到有牛肉嘅仲有勁鍾意食嘅鳳爪，叫做名醬蒸鳳爪，個名真係不負眾望㗎，啲醬真係好好味，令到啲鳳爪好入味。同埋啲鳳爪係好飽滿嘅，唔係瘦猛猛。最後梗係要食返個飯先飽肚啦，呢個係梅菜肉餅金風飯。肉餅彈牙，啲肉汁滲落去啲飯度真係好送飯，再嚟多兩盅我都食得曬呀。如果一家人嚟食仲可以食到多幾種唔同嘅款式點心，住家湯都好正㗎，不過今日就未有quota再飲喇，下次過嚟試下啦。