4口

Open Now

Now Closed

睇完戲搵飯食，見咁多好評，又話高級又話精緻，咁即管去試吓，結果晚餐兩個人找數$420，真係寧願去食吉列豬扒。頭盤尚算可以： 叫咗萵筍同炸黃花魚。唔怪得知人地話精緻，因為份量好少 $48 一碟差唔多啦。黃花魚夠脆，萵筍夠爽，算係成餐飯最好食呢兩樣。主菜叫咗一碗海鮮麵和紅燒肉，簡直冇眼睇。 海鮮麵除咗蝦之外，其他海鮮 (eg蜆) 細細粒兼且好腥。 個湯底味精味濃厚，完全沒有誠意嘅製作。 酸菜紅燒肉更加慘不忍睹。見到上菜嘅顏色已經知道唔對路，一啲都唔入味，肉質亦都非常之嚡。就算肥肉連皮嗰部份都係煙煙韌韌一啲都唔淋。 好失望，都係夾硬為咗醫肚而食。真心唔知道點解呢間有咁多好評， 我一定唔會推薦朋友再去。