古琴雅苑 (利舞臺廣場)

Open Now

Now Closed

烤北京填鴨(半隻)食剩指數：0/100半隻一碟都有成二十片，呢度唔會淨係得皮, 仲有肉，鴨皮烤到香脆，鴨油香味濃厚，配料除左傳統甜醬/酸梅醬/青瓜絲/京蔥絲等，仲有蜜瓜同砂糖配蜜瓜有水果甜味中和左個油膩感砂糖就係配皮不配肉, 香脆既皮加砂糖有種鬆化感佢既鴨卷餅都唔錯,幾有口感有彈性.清炒鱔糊食剩指數：10/100鱔糊炒得好香，不過淨食會濃味少少！記得叫個飯/麵.高湯嫩雞湯麵湯麵好濃郁，唔會死咸，好多雞粒同菜粒.古琴雅苑地址:銅鑼灣波斯富街99號利舞臺廣場8樓B號舖

呢個二人餐A，價錢$398，包含精品雙小拼、半隻烤北京填鴨、白菜同埋兩位茗茶，份量上嚟講，兩個人食好足夠。首先，精品雙小拼包括雞絲粉皮同揚州水晶肉，可以一次過試到兩種唔同嘅前菜。雞絲粉皮配搭麻醬汁，清爽開胃。揚州水晶肉，口感不錯。主角烤北京填鴨半隻，份量啱啱好兩個人享用。最重要嘅係鴨皮要烤得香脆，鴨肉要保持嫩滑，配搭薄餅、蔥絲、甜麵醬同埋黃瓜🥒、等，口感豐富。另外套餐有一個上湯津白，清清地，份量夠多。套餐仲包茗茶兩位。

餐廳位置絕佳，就在銅鑼灣的時代廣場對面的利舞台，逛完街去吃飯真的超方便～玫瑰堂煌～是茶介裡可選的項目之一，比較特別，比較少喝到，玫瑰的香味也非常香濃，花的香氣還令人很放鬆，喝起來舒服～北京烤填鴨～很多鴨肉，不太肥，配料也多，麵皮也夠，每片可夾上2到3片鴨肉，而附上一小碟的一口酥，脆香口感更是超級美味，沾糖吃後更可口～開水白菜～上湯都充滿金華火腿的鹹香味道，令白菜都吸收了上湯的精華，味道變得很吸引～高湯嫩雞湯麵～濃濃的鮮雞味道，還有很多菜粒，小朋友或老人家吃最一流～

見到呢間餐廳裝修都幾靚，仲有片皮鴨食，而且價錢好似都幾抵，就去試吓茶有四款選擇，除咗常見嘅香片普洱之外，仲有瑰荔堂煌同桂花烏龍今次試咗瑰荔堂煌，淡淡香同埋荔枝味，幾特別古琴酒糟烤北京填鴨 $245半隻從來都只係食過原味嘅片皮鴨，呢間餐廳有酒糟版就梗係試吓啦你都已經聞到濃郁嘅酒味，食落酒味唔會太搶味，淡淡地，又幾特別呢間舖頭有個特別嘅係除咗平時常見嘅青瓜同京蔥作為片皮鴨配料之外，仲配左哈密瓜，京醬同秘製蜂蜜黃梅醬，用甜味令到鴨既味道層次再提升仲有好特別，佢哋會附送幾舊片皮鴨嘅小皮仔，店員介紹叫做一口酥，教你點砂糖同埋黃梅醬食南翔小籠包 $85/6件呢個價錢CP值都幾高，仲要好貼心個底放咗塊蘿蔔片，令到小籠包個皮唔會黐住張紙小籠包入面湯汁都幾多，要小心啲食，如果唔係會流晒出嚟木桶包菜飯 $118見到佢嘅造型好得意所以嗌，點知嚟到有驚喜，有一陣好香嘅甜豉油味道，飯粒炒到粒粒分明，但又帶點黏性，好似介乎於白飯同生炒糯米飯中間，味道真係好唔錯仲有現金禮券可以即買即用，有九折仲可以送半隻片皮鴨

好耐之前都食過古琴雅苑覺得好唔錯，尤其是北京填鴨，所以就再次encore再食過！😆烤北京填鴨半隻同以往一樣都燒得好好食，仲要有一卷份量都好足夠嘅鴨卷餅！配上哈密瓜青瓜，仲有其他醬料，最正係可以配料無限任添加！🎊🎊蟹粉撈麵份量都幾足夠，兩個人食都夠晒呀～～蟹粉嘅份量都唔錯㗎！撈落去同個面都幾夾！南翔小籠包估唔到好耐冇去食，依家最鍾意竟然變咗小籠包🤣🤣小籠包裏面好多汁啊😍蒸得啱啱好😛😛仲要係小籠包底有紅蘿蔔～費事黐住咗個底～所以個底好完整啊！真係好貼心呀！

古琴雅苑既北京填鴨一直都令我念念不忘，加上餐廳轉咗春天餐牌，於是今日即興約朋友平日晚餐。🫓🦆烤北京填鴨半隻（ $235）：皮脆肉嫩的烤鴨，配上清新的青瓜、京蔥及哈蜜瓜，還有古琴雅苑自家製的蜂蜜黃梅醬和京醬，另外煙韌的餅皮包裹著上述配料，口感層次很豐富。另外仲附上一碟鴨皮，非常脆口，而油脂馬上在口中四溢，連平時唔食皮嘅都忍唔住食咗幾塊。🐟古琴酸菜魚（ $88每位）：呢度菜式需要兩位起叫，每碗酸菜魚十分足料，魚肉滑身彈牙非常新鮮，透明粉皮亦有嚼口。湯頭屬於小辣，味道正宗，令人一口接一口。🤤🍲上海粗炒麵（ $118 ）：炒麵有鑊氣，而且配料多，但略嫌有少許油膩。☕️茶錢每位（ $18 ）：有玫瑰茶，普洱，桂花茶等選擇餐前小吃需要額外收費，上菜前可以同侍應講不需要就不收費。另外，餐廳做緊推廣，如兩位以上慶祝當月生日，每位可得到壽包一個。如自行帶酒，則可免一支開瓶費。如果提前訂座，兩至四位可贈送花雕醉雞或四喜烤麩。五位則送特色拼盤。俾大家參考：兩個人最後連加一服務費，埋單$622

第一次來這間餐廳，除了北京烤鴨不錯外，其他食物水準真的很一般，性價比低，亦感覺這店不老實。清潔衛生還好，一般的侍應姨姨態度不錯。但是他們會在食物還未到一直叫你買優惠券，變相你至少要來這間餐廳三次才可以把所有優惠券用盡。優惠券是$1020（價值$1200）。第一次可以用$600 ，之後每次最多可以用$300。我們點了雪菜百葉豆腐，醃篤鮮，還有其他上海小菜。雪菜百葉豆腐完全沒有說雪菜味，只有稍微一點鹹味， 很一般。其他小菜稱得上一般中的一般，完全不值menu上的價錢，但是我們心想有了優惠券，所以繼續吃。在食的過程中，發現有好幾圍枱的人不停check單。到我買單的時候，發現賬單沒有把我北京填鴨的優惠券記錄在內，變相我要付多半隻北京烤鴨。我跟他們說，他們換了另一位侍應姨姨，再將賬單印出來給我看。但又發現他們多加了我們六人茶水，小食又特別多加了兩款，賬單十分混亂。我跟他們解釋我們點了什麼東西，要求他們看清楚，從新在打印準確的賬單。店長過來，幫我們重新列印，但是還是錯的！減了多付的小食，在賬單最後一欄再加回小食兩款。結果我要人，直接到他們的電腦前，一項一項跟他們說清楚，最後店長又說我們的餐沒有多

買套券要三思呀。推廣每份套券600蚊有九折實付540蚊。當消費滿800元就可以扣600套券。但如果一次性買兩份600蚊套券實付1020。只是平左60蚊。但係就有一個伏位要特別小心啦。原來推廣入面有細字列明第二份的600套券，每一次只可以用300蚊，條件都係要滿八百蚊才可以用套券。咁樣不如每一次来先買一份套券著數仲大啲啦。已中伏，買咗兩份。第二次去買，當埋單時先知有咁嘅條例。問咗經理，佢仲大大聲話套券已經推行咗兩年。好似有好多水魚咁。下次為了三百蚊套券，要再去食多一次，動力真的是不大囉。食物唔會有什麼負評。北京填鴨熱食就好味啲，但啲食物好快就會凍。一凍啲嘢就唔好食。兩次都坐同一個位，但每次的食物都好快凍。但體溫上又唔覺得個位好冰凍。所以總體覺得食感一般。本來打算用完二份套票，都唔會再去喇。點知中伏，套券用極都仲有，好似迫你要去消費咁。

佢哋唔係漏單，而係好遲出單…叫左條炸魚半個鐘到，但上湯娃娃菜同炒年糕要等成個鐘😩問佢淨係答你整緊，態度亦欠奉。其實上次去已經得兩個企堂，不過客人人數唔多，亦無爆場情況，但今次係等到唔想食，叫又無人理…雖然硬件上有問題，但佢地食物質素唔差、所以每次話完都會繼續幫襯，每次都會必點片皮鴨、雲吞雞、小籠包子同上海炒年糕！片皮鴨半隻已經夠我哋四個大人食，但膜膜就要兩底先夠，雲吞雞份量都好多，雞亦唔會「鞋」炒年糕亦非常入味

烤北京填鴨（半隻）外皮非常酥脆，最中意沾砂糖，感受到它變成油脂在嘴裡化開，入口即化～另外，仲可以沾秘製的蜂蜜黃梅醬/京醬，搭配京蔥、哈密瓜、青瓜等配料一齊食，平衡了鴨肉的油膩感，餅皮帶少少煙韌，有口感層次，推薦要食！！南翔小籠包呢款小籠包咬下去時，外皮都幾薄，瞬間釋放出熱騰騰的湯汁！豬肉餡料柔軟而富有彈性，可以加入醋，能中和油膩感，可以食多幾粒～瑤柱蛋白炒飯炒飯粒粒分明，加入瑤柱、大蝦、蛋白等，增添了嚼勁口感，整體都健康，味道都唔錯～仲有訂座優惠，送左一碟花雕醉雞，味道都唔錯，淡淡花雕酒香味，雞肉幾滑！

古琴雅苑係一家傳承自北京「全聚德」嘅高檔餐廳,專注於正宗北京填鴨🦆呢度烤鴨選用上乘食材,經過傳統掛爐烤製,保證每隻鴨子新鮮出爐,外皮脆嫩,肉質鮮美。🍴搭配清新嘅青瓜、京蔥&哈蜜瓜,蘸上秘製嘅蜂蜜黃梅醬+京醬,超想再食🤗🤗除咗烤鴨,餐廳嘅瑤柱蛋白炒飯都唔錯架,咸鮮味道,好開胃。而南翔小籠包就咸香風味,回味無窮。搭配一壺桂花烏龍茶,成餐都升華咗🆙🫶而家餐廳推出現金禮券套裝,更加抵食,大家快啲約埋親朋好友茶聚下啦🍵🫖@ZitherGarden 📍地址:銅鑼灣波斯富街99號利舞臺廣場8樓B號舖#古琴雅苑 #北京烤鴨

午市時段有多款套餐選擇每款套餐已經包晒茶芥同免加一我哋揀咗午市全包宴二人套餐A -$398-ღ 精品雙小拼有兩款我都好鍾意食嘅小食滑滑嘅雞絲粉皮同嫩口嘅揚州水晶肉ღ 烤北京填鴨（半）香氣四溢✨皮脆肉嫩，肉質柔軟多汁，入口肥而不膩，包上餅皮同多款配料，實在令人回味無窮ღ 開水白菜食完肉肉再配返個白菜，好清爽————ღ 南翔小籠包（6件） $85戳破雪白嘅面皮，滑溜溜嘅湯汁一下子流出嚟好吸引🤩內裏滿滿粉嫩嘅肉餡，好鮮美餐前小碟 $18

上次係灣仔買左幾疊現金卷，但時限比較短所以今次轉去銅鑼灣分店食（因為灣仔員工態度冷淡、淨係掛住吹水唔理客），訂左位唔算人多，員工亦忙得不可開交，但唔會有黑面情況，上菜速度亦不錯，質素也保持到。

7個大人叫左10個餸菜，食物上除左片皮鴨比較好之外，對其他食物無太多印象，反而最後係對佢地員工印象深刻好多。1）未食完已經係咁趕收枱，其中有碟未食哂已經收左2) 女收銀員工計多小費和使用現金卷，改完用手寫，相關商場有儲積分計劃，但不容許人手改動的賬單。家人上次嚟已經因其賬單以手改而被拒儲積分，因此要求佢以電腦更改，我地反而俾人大聲夾惡問反我地想點..我地叫佢印過，就不停話唔得同問我地想點。另一男員工走埋嚟幫佢㩒幾下就出左張更改單，完全無歉意，只講果張內部用，自己培訓不足就嘈d食客。食餐團年飯好地地係都搞到人成肚火。

家人聚會外賣左一隻片皮鴨，喺利舞臺度攞。隻鴨味道一般，但其中一份醬汁味道唔錯！可惜個餅皮唔好食偏乾，連平時好鍾意食餅皮嘅小朋友都唔鍾意！鴨嘅味都係麻麻地！諗住近公司放工就行去攞，可惜真係唔會推介！外賣有八折，額外加咗一份餅皮$38 （但等咗好耐都冇找錢就由佢啦）買單共$400，講真我寧願俾多2-3百蚊去食北X樓仲好！不過因為公司附近冇，唯有揀呢一間！但真係唔會有下次！佢嘅質素就好似平時屋企樓下酒樓食飯加128有一隻片皮鴨嘅質素一樣(可能仲好食過佢）最好係佢有埋哈密瓜！其他都冇可取之處😂😂