嘆撈

Open Now

Now Closed

去了屯門一間港式小店歇腳，小店有自選湯麵、撈麵、涼菜、小食及糖水，款式都多，就同朋友點了2碗自選湯麵，各自加$12配龍眼水及荔枝烏龍，第一碗自選湯麵配日式叉燒配豬頸肉，另一碗配炸軟殼蟹同蟹柳，必配搭芫荽、炸黃豆、炸花生及蒿筍等配菜，辣度級數也可選擇，我揀了少辣，味道濃郁同酸辣味調配剛好!另外，揀咗2款小食。炸墨魚卷: 薄薄的春捲皮著蝦墨魚肉, 外皮爽脆, 配上酸辣汁,真喺好味。炸雲吞: 炸的雲吞，入口香脆，蝦肉彈牙。嘆撈地址 : 屯門井財街15號金銘大廈地下4號舖

今日同老公又入屯門探爸媽，多數會在附近先搵食，今日去嘆！？嘆咩呢？小店地方不大，裝潢簡簡單單，很有小店的特式。主打撈麵、滷水、甜品，亦有湯麵和涼菜。我要自選嘆撈BB辣（$30）加配辣味帶子裙邊 （$10）、中華海蜇 （$10）和帆立貝（$16）共（$66），而嘆撈本身有多款配料，包括青瓜、芫荽、炸黃豆、炸花生和芝麻，好豐富！吃前先撈一撈，涼麵沾上香辣醬料，好惹味！涼麵口感不錯，有咬口，唔會太腍或太硬，伴埋清爽嘅青瓜、香脆嘅炸黃豆和炸花生一齊食，滋味！帶子裙邊和中華海蜇都好爽口；帆立貝柔軟，三款味道都不錯！老公要碗大盛嘆撈轉湯粉麵（$69+$2），共有五款麵料，包括啖啖肉嘅手撕雞、爽口嘅豬頸肉、牛柏葉、鹿茸菇和木耳，加埋湯嘅配料，有芫荽、雪菜、酸菜肉碎、炸黃豆和炸花生，大滿足！佢揀了晶瑩剔透嘅紅薯粉配酸辣湯BB辣，滑身入味，酸酸辣辣，好滋味！自家龍眼水（$0/午餐奉送）好好味！用料足，甜度剛好，好滋潤！白桃烏龍茶（$0/午餐奉送）很清新解渴，茶香港有些桃香，好喝！究竟辣五寶滷水拼盤（$59）有邊五寶？原來有雞腎、萵芛、牛柏葉、金錢肚和鹿茸菇，五款都好爽口入味，最鍾意係雞腎。想香辣一啲就再

夏日炎炎想食麵，可以揀涼麵，“嘆撈”除左麵之外，仲有小食同甜品🍧，一定要支持小店🤝。🌈日式叉嘆撈 $58爸爸揀左吾辣🌶️，叉嘆撈有叉燒及豬頸肉，配料有青瓜絲🥒、芫茜、炸黃豆、炸花生🥜，涼麵撈埋配料青瓜絲更顯爽口，我哋額外加12蚊有手撕雞，雞肉唔韌。🌈燒賣(6粒) $11檸茶最近♥️愛上既小食之一，如果食得辣可以揀口水燒賣。🌈蟹噗撈 $62蟹噗撈有炸軟殼蟹🦀同埋炸蟹柳，我揀左涼皮中辣，涼皮原來即係紅薯皮，口感煙煙靭靭。🌈芒果蘆薈小丸子 $43本身跟套餐加14蚊就有糖水食，但檸茶話要食芒果（其實媽媽都想食），用匙羹撈起除左蘆薈粒，芒果粒，小丸子，原來仲有西米露。📍嘆撈📌屯門井財街15號金銘大廈地下4號

✨紅橋多嘢食係人都知，一到咗夜晚，真係成條街都香噴噴🤩🤩今次我哋去咗食✨嘆撈✨✨餐廳環境餐廳環境以白色設計為主，座位唔算太多，大約坐到10-15個人左右，呢度好多人叫外賣😎✨食物方面佢哋主打唔同嘅撈法😎包括有涼麵、涼皮、紅薯粉，配料可以自己揀又得，跟佢配又得🤩辣度都係自己揀👏🏻小食都有好多款，可以另外加配，而且仲有甜品可以叫埋🤭真係幾好👍🏻👍🏻✨爆撈味付什錦呢碗材料不得了，有芝麻八爪魚🐙味付螺肉、辣味帶子裙邊、中華海哲，而且辣度岩岩好，勁大碗，食唒都好飽🤣🤣✨爆撈蟹籽雞軟骨呢碗好有以前細個食撈麵既懷舊味道🤭勁多蟹籽，加上雞軟骨，食落口感好好👍🏻👍🏻👍🏻✨炸墨魚卷炸得岩岩好，而且好彈牙，好有口感，加上甜酸醬點埋一齊食好好味🤤✨檸檬愛玉🍋食完撈麵食番個糖水就最正😎有濃濃檸檬味，加上愛玉，食落感覺好清新🤩🤩✨椰汁西米露傳統糖水😎又吾會太甜👍🏻而且西米夠淋，入口有口感🤩吾會好粉👍🏻👍🏻👍🏻✨白桃烏龍茶勁香烏龍茶味😎真係飲落勁清新🤩🤩加上白桃味勁易入口👍🏻大家可以試一試😎😎😎嘆撈 (屯門)屯門井財街15號金銘大廈地下4號舖

舖頭空間位置唔算大，但都唔會坐到好迫好唔舒服，老闆應該係一個K-Pop fans，全程聽到好多K-Pop🤣雞嘆撈（手撕雞+辣雞軟骨+青瓜）有唔辣、BB辣、小辣、中辣、同埋大辣選擇，自己嗌咗小辣，幾惹味，唔會話非常辣，但又會忍唔住一啖接一啖食，油面好煙韌，配埋啲炸花生，炸黃豆，青瓜一齊食好爽口，成個口感層次都豐富咗。成碗麵相對嚟講份量算大，食得好飽。三色芋圓愛玉芋圓煙煙韌韌，仲有咬口， 食落酸酸甜甜，愛玉好滑，凍冰冰涼浸浸，夏天食就最適合。鮮炸墨魚卷即叫即炸，端上台嗰下熱辣辣，墨魚味幾重，口感彈牙。朋友另外叫咗蟹嘆撈（炸軟殼蟹+炸蟹柳）炸蟹柳表面炸得脆卜卜，入邊係飽滿嘅蟹柳，好味。

星期五放工同男朋友去到屯門紅橋食晚餐，見到有間抵食撈麵小店，menu選擇多樣，配料組合新穎，十分吸引眼球，忍唔住入去試下～麵底就有涼麵、涼皮、紅薯粉同酸辣粉可選，之後揀撈法，有「嘆撈」（川式風味）同「爆蒜撈」（日式風味）兩種，最後再選擇辣度😋🍜雞嘆撈（$48）軟滑手撕雞配上大大粒充滿嚼勁的雞軟骨，青瓜絲同芫茜帶來清脆與清香，炸黃豆及花生粒增添酥脆感，灑上芝麻香氣四溢。麻辣撈麵汁掛滿麵身，與多款食材交織出豐富味道🍜叉嘆撈（$58）大大塊日式叉燒肉與豬頸肉的組合，配搭日式風味的紫菜絲同櫻花蝦，濃郁辛辣的蒜粒與清脆的青瓜絲、芫茜相得益彰，係蒜香愛好者嘅不二之選～🥢燒賣（$11）六粒只需$11，超抵食！配搭自家製椒麻豉油，更加令人回味🥢鮮炸雲吞（$28）外層金黃酥脆，內餡竟然有鮮蝦😍配以泰式甜辣醬，特別香口🍑白桃烏龍茶（跟餐$12）清新爽口，帶有淡淡的白桃香氣，茶味回甘綿長，消暑解渴🍒荔枝紅茶（跟餐$12）誘人的荔枝香氣，滋味甘甜醇厚，回甘悠長，清新怡人🍋檸檬愛玉（跟餐$14）綿密Q彈的愛玉清爽酸甜，係夏日絕佳解渴甜品

呢間係我係紅橋既其中一間最愛成日放工都有去食主打麻辣撈麵口味偏好都適合香港 辣度唔太誇張有唔同配料選擇亦有懶人專用既各種配搭好既套餐價錢非常親民雞。嘆撈主配菜有手撕雞 雞軟骨上而會有青瓜絲增加口感涼麵食落幼身爽口口感偏鮮同有辣香仲可以5蚊加爆芫茜真係大大一碗上 芫茜人必點大盛。嘆撈係大大碗既什錦餐有齊哂手撕雞 木耳 豬頸肉 牛柏葉 鹿茸菇個人好鐘意豬頸肉同鹿茸菇凍食有咬口亦都特別辣得過癮紅薯皮好少見 係圓圓一塊煙煙韌韌索汁得來唔會過軟口水燒賣非常推薦 辣油芫茜好惹味好快就清哂檸檬愛玉/五彩冰粉跟餐可以加甜品個人好欣賞檸檬愛玉酸甜解辣好岩夏天食

同事介紹虹橋有間撈面又平又抵食今日收工黎試試 鋪頭面積唔大 但都幾乾淨企理而家天氣咁熱 食碗涼拌撈面就最岩✨禽嘆撈入面有手撕雞 鵝腎同煙鴨胸 仲配左青瓜絲同紫菜 食落有啲似以前細個成日食一包包個種冷面蒜味都夠濃 手撕雞都好入味✨爆蒜味付什錦有芝麻八爪魚 味付螺肉 辣味帶子裙邊同中華海蜇 加埋青瓜絲同撈面一齊食 口感豐富✨麻辣雞軟骨份量都唔細 而且都算幾大粒食落辣度適中 雞軟骨有咬口✨鮮炸墨魚卷應該係即炸 熱辣辣 入口幾彈牙仲有配泰式甜辣醬 唔錯每款撈面都可以自己揀辣度同配料 仲有自家製飲品 試左佢既龍眼水都幾清甜價錢都唔算貴 性價比幾高而且見到仲有糖水個啲可以嗌 決定下次再黎試下🙌🏻

朋友介紹屯門呢間撈麵幾好食，搵日放工嚟試吓。舖頭唔太大，得10個位左右，晚餐時候要等一等位。都有幾多選擇，花多眼亂。揀咗蟹嘆撈＄62有炸蟹柳和炸軟殼蟹，即叫即炸所以好香脆。蟹柳都好大條，肉質厚實。軟殼蟹都鮮味好吃。揀咗配涼皮，感覺清爽，好適合夏天食。撈完味道啱啱好，唔會好濃味，都幾開胃。另外揀咗爆蒜味付什錦 ＄65入面有芝麻八氏魚、味付螺肉、辣味帶子裙邊、中華海蜇，撈埋青瓜芫茜紫菜絲等。配料分量充足，味道非常之夾，亦都有小時候回憶嘅味道。跟餐加$12 有自家龍眼水，味道清甜，而且有大量龍眼肉，非常足料跟餐加$14 有椰汁西米露，椰汁味濃，不會過甜，份量適中。再叫了一個芒果涼粉$41，芒果非常鮮甜，配涼粉好夾。

話說最近由住左十幾年既港島區搬左入大西北，一直人生路不熟，想搵啲美食同小店試下。眾所週知屯門紅橋係美食小店集中地，坐低隨便一間野食都好正。呢間嘆撈絕對係我心目中其中一間唔可以低估既舖頭。店面小小，但食物質素好高水平。佢地招牌海嘆撈紅薯粉係非常特別，一片片煙韌得黎咬落爽脆🤯一試難忘。同平時食既紅薯粉一條條好唔同！BB辣爆蒜撈有啲櫻花蝦咁幾正，好惹味。另一個叫左禽嘆撈涼皮，超級足料！入面至少半碗係啲手撕雞、鴨胸同鵝腎，鵝腎仲要用鹽水浸過咬落水潤，手撕雞嫩滑得來配埋清新既醬汁好適合炎熱嘅夏天！佢地最大特色除左人情味外，加$12有佢地自家製煲既茶。叫左龍眼水同白桃烏龍茶，冇香精味，龍眼仲要好多粒，誠意分滿滿！見到其他出品都唔錯，叫多左桃膠雪燕西米露同檸檬愛玉消暑～同樣唔差喎！超有椰味同埋煲到啲桃膠起膠，檸檬愛玉就酸酸甜甜咁，好岩呢啲天氣😆經營小店非常唔容易，尤其係依家興北上，呢啲小店真係好值得支持～仲要咁好食，非常抵讚

#屯門井財街驚世小店《嘆撈》邊個話天氣熱🥵唔好食辣野架，天氣熱更加想食，因為唔想食飯，食下麻麻辣辣嘅涼皮真係好正😍，食完配返碗甜品，真係絕配架店舖面積唔算大，但唔會話好逼嘆撈涼皮+配料：青瓜、芫茜，炸黃豆、炸花生、芝麻，加上辣汁，越食越開胃😋😋我另加金錢肚，夠淋，索哂d辣汁真係好正芒果🥭椰果愛玉芒果好甜，配上愛玉，清爽解渴芒果🥭芋圓涼粉咁熱天氣整配凍冰冰嘅涼粉就岩哂，芋圓好大粒，好有口感，芒果夾任何甜品都好出色

📍 嘆撈-屯門呢一間其實就係我屋企樓下～每一次夜晚經過都會想入去食一碗糖水🥄但係估唔到店內都有正餐食～可以撈起撈起🥢好耐冇食過涼皮配埋爆蒜撈～食完爆蒜，個口好爽😄粗身既涼皮，不規則既切法🗡️粗幼不一🥢✨ 大盛嘆撈手撕雞+豬頸肉+牛柏葉＋鹿茸菇＋木耳依一碗大撈起，材料己經好豐富～加加埋埋，碗麵勁大碗，夠哂份量🤭全部食材都撈埋一齊，原來都幾夾🥢✨ 爆蒜蟹籽+麻辣雞軟骨爆多蟹籽，連雞軟骨嘅份量都十分之多撈埋青瓜🥒一齊食，辣得嚟帶點清爽口感雞軟骨好脆口🐥兩樣都係我最愛😍兩樣加埋一齊，就超有口感🫶🏻✨ 口水燒賣魚肉燒賣香口彈牙 有淡淡魚香 正正常常 比較特別係個辣豉油係帶花椒麻辣味 嘴唇食完會麻痺果種🐟✨ 雞包翅第一次食雞包翅，係碗仔翅加雞絲～有齊晒我想食嘅嘢，而且好豐富嘅雞絲🐥碗仔翅既料十足，毫不馬虎！好味到食晒成碗🥄✨ 自家龍眼水滿滿的龍眼好吃，看起來又很滿足😌而且每日新鮮自家製，唔怕隔夜🫶🏻✨荔枝烏龍飽滿的荔枝味，以烏龍為基底沒想到荔枝烏龍蠻搭～

肥仔作為一個屯門牛成日都會嚟虹橋度食個便飯。今日就係試吓呢間街坊推薦嘅撈麵。除咗撈麵之外，呢度仲有糖水㗎。🍜大盛嘆撈🍜要撈就撈個最大嘅！啲餸有豬頸肉、牛柏葉、手撕雞，又有木耳、菇同青瓜等嘅配菜。我就自己另外加咗皮蛋。仲可以揀要嘆撈、爆蒜撈定酸辣湯。我就揀咗有炸花生、炸黃豆同爆多青瓜絲嘅嘆撈。麵底就揀咗涼皮，夠彈牙，又清涼，好啱而家熱辣辣嘅天氣食！🍰檸檬愛玉🍰凍冰冰，酸酸甜甜，愛玉「雪」一聲就滑入喉嚨，生津解渴啱晒熱辣辣嘅天氣。🍰綜合芋圈（涼粉）🍰本身仲唸住再加多小丸子，點知原來佢呢個綜合係咩都有齊曬，好岩選擇困難症人士 ！芋圓好大粒，味道好足，而且配上小丸子，大細一齊食好有口感 ！涼粉亦都好消暑。🥃龍眼水 🥃濃濃的龍眼味，而且又差唔多成十粒龍眼喺入邊，好足料，非常消暑解渴！總結撈麵，好惹味糖水好足料，係一間值得支持嘅小舖。

【屯門區】【嘆撈】同田慈仁入咗屯門，走咗過嚟虹橋呢邊覓食。見到呢間小店幾好，感覺係啲街坊食堂，就入去試一試佢。我試碗 $56 嘅「禽嘆撈」，佢有手撕雞、鵝腎、煙鴨胸做餸，麵底我揀唔辣嘅涼麵，款式揀返「嘆撈」，即係配上青瓜、芫茜、炸黃豆、炸花生、芝麻。食落幾清新，有味得嚟唔會話太濃，啱啱好。嘢飲方面我就加 $12 試「自家龍眼水」，好飲，龍眼肉又多，用膳期間仲有顧客特登嚟買龍眼水。田慈仁就試 $62 嘅「蟹嘆撈」，要雞湯紅薯粉，配萵苣、肉碎、炸黃豆、炸花生，佢話味道幾特別，係幾好食咁話。嘢飲方面佢就加 $10 飲「可樂」，都係消暑解渴之選啦。我哋仲叫咗兩款小食嚟試，先試 $29 嘅「口水燒賣」，有 12 粒，非常夠食，辣得嚟幾惹味。另一款小食係試 $28 嘅「鮮炸墨魚卷」，佢係腐皮卷嗰隻皮，非常脆口，正。埋單 $197，感覺唔錯喎。。。（地址：屯門井財街15號金銘大廈地下4號舖）@tanlotandessert#1amfoodie #foodie #hkfoodie #thatfoodiething #hkfood #food #instafood #yummy #foodlover #

呢排天氣真係好熱，唔想食熱野，所以今日同老公去左食涼麵。我就叫左個小辣牛嘆撈，我老公就叫個小辣大盛嘆撈。另外，叫左支自家制龍眼水。牛嘆撈個味道辣得來又好醒胃，好適合夏天食。大盛嘆撈份量再大碗D，裏面嘅牛栢葉好索味。嘆撈配料包含青瓜，芫茜，炸黃豆，炸花生及芝麻。加埋個辣味醬汁，成件事就好夾。雖然店舖面積唔算大，仍有自家制飲品，係誠意之作。一邊食，一邊飲支清甜龍眼水，好爽呀！飲完正餐，當然要叫個甜品。我哋叫左個楊枝金露，裏面超多芒果，份量十足，呢個甜品下次可以再encore😋。