Video
3-min walk from Exit B, Causeway Bay MTR Station
continue reading
Telephone
35204111
54020239
Introduction
It is designed with local vintage style. The hot pot soup bases are cooked with fresh ingredients and taste good. You should try the special meatballs and share with family and friends.
continue reading
Opening Hours
Today
12:15 - 16:00
17:00 - 23:30
Mon - Sun
12:15 - 16:00
17:00 - 23:30
*last order: 22:30
Above information is for reference only. Please check details with the restaurant.
About
About Reward Scheme
Offers
朋友食過一次夜晚 話氣氛好正有精選二人餐 性價比好高-約咗今日去食lunch 除咗米線套餐人均消費50至60左右-仲有火鍋lunch set 性價比非常高今次應承請佢食飯 所以就嗌多碟靚牛-環境好有大排檔feel但係最緊要冷氣充足先夠舒服呢度又有氣氛 又夠涼爽湯底方面揀咗一個胡椒湯另一款係麻辣湯-首先要讚吓佢哋嘅 手切 牛頸脊$168 /細感覺上比起我喺九龍城買嘅質素更加好果然係本地靚牛厚薄適中 肉質超靚完全值呢個價份量都唔少呢個蝦滑大大大推個名叫做「蝦籽蝦乾鮮蝦滑」$78勁新鮮 食得出真係新鮮打質素好高 仲有粒粒蝦籽更加香大過粒乒乓波🏓午市套餐就可以揀牛肉或者豬肉 平均唔使$100 一位有齊飲品 湯底粉麵另外仲可以加配料勁鍾意佢哋嘅金牌牛丸係爆汁嗰隻 勁正 一次過可以試到唔同的配料例如蔬菜 沙白 幾大隻仲有豬頸肉 牛柏葉等等平時比較少打邊爐有豬頸肉配埋胡椒湯底都幾正 勁飽肚懷舊雪櫃水晶燈 估唔到感覺都好夾啱晒打卡影相 lunch都幾多人 但係都坐得舒服嘅比較闊落啲 地點又幾方便喎時代廣場行過嚟都係兩三分鐘一人套餐 鍋底 好快滾 呢個設計唔錯因為可以防風 自己一個食都開心
continue reading
Happy Friday 想搵間餐廳🍴食得開心啲，就黎左燈龍街入面嘅永光中心覓食！呢間十下火鍋食物及服務質素向來都幾好，當然要入嚟食啦～精選二人餐 (餐廳建議3人食, 所以全部都係女士既話, 呢個二人餐絕對合適)湯底：卜卜蜆煲一上湯底，中間係一球蒜蓉伴隨住超大隻嘅蜆肉，每一隻都好新鮮，無任何沙粒，師傅清洗得好乾淨～大刀手切本地牛頸脊（小）厚切牛頸脊，食落去好濃郁嘅牛味，而且唔會有太多筋，一啲都唔鞋口，基本上不用蘸任何醬汁，都食得牛肉嘅鮮嫩～蟹肉蟹粉餃蟹肉蟹粉香濃飽滿, 咬落去整個口腔都充斥住蟹的鮮味, 清香甘甜, 每一口都是享受, 真係非常滿足肥美大沙白除左本身個湯底有沙白之外, 套餐仲包埋大量沙白, 所以基本上3個人食呢個餐絕對足夠, 尤其全部都係女士~十下三寶滑店員好好服務, 會幫客戶將蟹籽拌勻, 然後放落湯底煮~鮮打鹹蛋黃墨魚滑: 有微微的鹹蛋黃, 而最重要既係, 墨魚滑真係非常彈牙! 食得出師傅絕對係即場手打!蝦籽蝦乾蝦滑: 平時蝦籽蝦滑食得多, 加埋蝦乾真係第1次, 真係好濃郁蝦味, 絕對係真材實料~發財好市牛筋滑: 包含左蠔豉和髮菜, 牛筋本身已經彈牙, 變成牛筋滑, 再拌勻蠔豉和髮菜, 鮮味提升更高層次~頂級野生竹笙超級大條, 食落去吸收晒湯底既海鮮精華, 非常滿足~醬爆瀨尿牛丸一咬落去會有醬汁吱出黎, 所以咬落去真係小心燙口, 要慢慢食!不過真係好juicy既牛丸~懷舊果皮魚蛋好濃郁既果皮香味, 而且魚蛋也挺彈牙的~再有餐廳播放住各種懷舊金曲襯托住, 真係好有懷舊風~紫菜響鈴響鈴入面包住紫菜, 再放入湯底一起煮, 基本上煮5秒左右就可以即食,有外軟內脆既感覺~蔬菜拼盤有清甜蘿蔔, 翠綠生菜, 新鮮娃娃菜, 大粒冬菇, 爽甜粟米~前面食得咁豐富, 當然要食返D蔬菜平衡一下~竹蔗茅根打邊爐當然最不能缺少既生津解渴既飲品啦!係潮濕悶熱既夏天，飲返一渣竹蔗茅根, 絕對可以清熱降火、滋潤身體!
continue reading
一上到嚟已經係俾裝修吸引住即刻想約埋班朋友下次着埋啲懷舊衫喺度開餐 實好有feel😂叫咗個二人套餐10分豐富 乜都有齊懶人一定要揀呢個餐✨醬料✨胡椒豬肚湯+十下麻辣鍋鴛鴦鍋底唔使加錢 大讚有啲地方鴛鴦鍋要額外加錢完全唔明點解😂我形容湯底係喜出望外胡椒豬肚湯10分足料有勁多酸菜同埋豬肚胡椒味超濃飲咗兩大碗個胃即刻暖晒 推薦！麻辣鍋亦都夠晒濃入邊仲有蜂巢豆腐同埋鴨血超級足料 冇得揀辣度但係個人覺得個辣度適合✨麻辣鴨血呢個係就咁食嘅 味道幾香濃不過感覺同佢湯底入邊嗰啲差唔多但係呢碗勁多花椒卡住咗喺個鴨血度😂會一齊食埋唔食得好麻辣嘅朋友 要小心！✨大刀手切本地牛頸脊份量足 牛味重 肥瘦適中我哋揀嘅兩個湯底都算濃但係淥完之後都仲食到牛味超正 推薦👍🏻✨十下三寶滑髮菜牛肉滑墨魚滑蝦滑三種嚟講個人最推薦蝦滑十分彈牙值得一讚 職員會主動幫我哋落服務好好👍🏻✨花雕醉雞花雕味好入味 雞亦都好滑喺濃味湯底下都有食到花雕酒味推薦👍🏻✨蔬菜拼盤✨鳳城水餃✨三星蔥醬爆貢丸✨懷舊果皮魚蛋✨脆炸響鈴呢個二人餐絕對係夠三個人食😂因為個湯底都已經10分出色啲配料乜都有啲 份量亦都十足連兩罐嘢飲 超級抵食！
continue reading
十下 suppa登龍街永光中心2樓午市1 人火鍋套餐套餐拼盤菜式包括海鮮，精選配料蔬菜，仲會不定期更換，很有新鮮感湯底揀咗藥膳養生白鍋好香濃藥材味，入邊仲有幾粒紅棗夠晒補血，加埋粟米令湯底鮮味更加突出，蔬菜吸晒湯底嘅精華每一條都入口鮮甜大蜆，非常大隻鮮甜好香嘅海鮮味道，大蜆鮮美、清甜，帶有海洋的鹹香味。肉質鮮嫩，口感滑順，咬下去時能感受到微微的彈性，隨之而來的是一股濃郁的海味肉類可以四選一五花腩片，黑豚肉爽，雞肉，美國牛肉，我揀咗黑豚肉爽，黑豚肉的味道豐富而鮮美，肉質細膩，脂肪分布均勻，帶有自然的甜味和濃郁的香氣，每一口都充滿肉汁，口感極為滑嫩主食苕粉，非常大條，有八大條，麵質彈牙軟身Q彈，夠晒飽肚唔夠飽，仲可以追加配料，款式眾多超過10款大力手切本地牛肩脊（80g) $98本地牛肩脊的味道非常獨特，肉質鮮嫩且富有嚼勁，帶有自然的肉香和微微的甘甜，脂肪分布均勻，讓每一口都充滿了濃郁的肉汁，口感層次分明，肉香四溢安格斯牛小排（80g) $78牛小排的味道極為鮮美，肉質滑嫩且充滿肉汁，帶有濃厚的肉香，牛小排擁有豐富的脂肪紋理，每一口都有濃郁的風味，口感細膩而有嚼勁魚皮鮫，韭菜餃，陳皮魚蛋，魚片頭都是打邊爐必須的，份量很足，一人一鍋可以選擇自己喜歡的湯底，可以一大班人一齊食飯，不用遷就別人
continue reading
差唔多要打風啦，所以今晚唔煮飯出街食先😆我同Bu諗諗下不如去打返個邊爐咯，其實係我自己想去打邊爐先啱🤭近近地揀咗銅鑼灣嘅「十下火鍋」，之前已經同朋友仔食過火鍋套餐，人均只係$300零蚊，最重要係食物高質，除此之外，店舖內會不停播放住8、90年代嘅歌曲，裝修方面充滿懷舊風格，仲擺放咗一啲舊式電器，氣氛超正👍🏻店員仲會推出一架獅頭餐車，介紹返當日時令海鮮，夠晒gimmick😆二人套餐$328/位胡椒豬肚湯拼酸菜辣肉鍋湯底方面有6款，可以選擇鴛鴦鍋亦都唔使加錢，打邊爐前先飲返碗胡椒豬肚湯，十分足料，有大量嘅豬肚、酸菜、黑椒粒，入口微微辣，十分鮮味😋酸菜辣肉鍋以半肥瘦嘅豬腩薄片同酸菜製成，豬腩片令湯底增添一份肉嘅鮮味，酸菜嘅酸味令人更加開胃，豬腩片仲可以配搭辣椒豉油食，又係另一種好正嘅新食法😆大刀手切本地牛頸脊手切牛頸脊份量亦不少，大大片色澤鮮明，口感緊致有彈性，牛味亦非常濃郁，淥幾秒一轉色就食得，靚牛果然係唔同啲👍🏻花雕醉雞推介👍🏻十下嘅醉雞醃得非常入味，就算放入湯底煮熟後，食落依然有一陣淡淡嘅酒香味，雞肉嫩滑鮮香，實在令人回味無窮麻辣鴨血鴨血係可以即食，入口滑捋捋，又香又麻又辣，刺激味蕾🔥三星蔥醬爆貢丸｜懷舊果皮魚蛋呢款醬爆貢丸亦係必食推介😋食嘅時候要小心一啖咬落去會爆汁，入邊嘅蔥薑蓉同貢丸嘅味道好match，果皮魚蛋食落有一陣陳皮香，QQ彈彈煙煙韌韌鳳城水餃水餃皮薄又滑，裏面滿滿鮮蝦仁同木耳等嘅餡料，雙重口感滋味脆炸響鈴響鈴酥脆香口，放入湯底3秒既食得，吸收晒湯底嘅鮮味但又依然保持住脆脆地嘅口感十下三寶滑鹹蛋黃墨魚滑｜蝦籽蝦乾鮮蝦滑｜髮菜蠔豉牛筋滑必食👍🏻三寶滑每一粒仲大過粒乒乓波，超巨型🤩手打鮮製口感與味道確實不同😋墨魚滑食得出墨魚粒粒嘅顆粒感加入鹹蛋黃增添鮮香味，蝦滑以鮮蝦肉切粒製成，入口爽口又彈牙，再加入蝦籽同蝦乾令鹹鮮味更加突出，口感份外豐富，牛筋滑就最特別，出面食唔到架🤭將髮菜蠔豉混入免治牛肉肉，口感結實並帶有海味嘅鮮味，三款我都勁鍾意食蔬菜拼盤娃娃菜｜生菜｜冬菇｜蘿蔔｜粟米一盤有齊晒各種蔬菜，粟米特別甜，蘿蔔煲到淋身好入味，又甜又多汁竹蔗茅根套餐加$15可以轉為一壺竹蔗茅根，兩人share啱啱好，打邊爐梗係要飲番杯下火嘅飲品啦😆📍十下火鍋 (銅鑼灣)銅鑼灣登龍街28號永光中心2樓人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️
continue reading