炭兎

Open Now

Now Closed

放工同朋友去左一間樓上日本居酒屋，一進店就被滿滿嘅日式氛圍包圍，木系裝修嘅環境，日籍師傅喺開放式廚房用心烹調。鐵盒燒廣島生蠔廣島生蠔用鐵盒蒸熟，熱氣騰騰，仲要好大隻，鮮嫩多汁，另外加左Raclette Cheese，散發濃郁嘅奶香，芝士嘅絲滑與蠔肉的鮮甜非常夾。沙丁魚明太芝士沙丁魚炸至非常脆，明太芝士微辣鹹鮮味，夾住脆脆嘅沙丁魚另有一番風味，作為佐酒小食岩哂。薑葱醋鯖魚卷鯖魚肉質細嫩，醋漬後魚肉更清爽，酸度恰到好處，薑葱鮮香，口感豐富。拖羅大根卷拖羅脂香濃郁，肉質綿滑細膩，帶有淡淡嘅鮮甜味，入口即化。炙燒和牛卡爾帕喬薄薄和牛略帶大理石紋理，表面微微焦香，牛肉入口即化，肉質細膩柔滑，充滿油脂香氣。山芋明太子鐵板燒山芋口感細膩，明太子醬汁鹹鮮適中，帶著一絲微辣，放係鐵板熱辣辣。串燒牡蠣豚肉：烤得微焦嘅豚肉外皮略帶脆感，包住肉質滑順嘅牡蠣，多汁柔嫩，唇齒留香。鶏腿肉：雞皮烤得勁脆，雞腿肉多汁鮮嫩。夾餅紅豆雪糕（配士多啤梨雪糕）夾餅脆口，入面勁大球士多啤梨雪糕味雪糕，加埋紅豆餡料，充滿層次。梅酒甜甜地，好易入口。

今晚約咗朋友食飯，我哋去咗呢間灣仔樓上居酒屋，店內由日本師傅駐場負責炭火料理，手法純熟，坐吧台位可以欣賞到炭火慢烤過程。有多款菜式選擇，仲有創新嘅日式料理，感覺氣氛好好。鐵盒燒廣島生蠔（6隻)師傅現場即時蒸煮，即燒即開的廣島生蠔🦪好新鮮，大大隻肉質飽滿，奶香味重，鮮甜多汁。另外+$48加配 拉克萊特芝士，即場燒溶芝士🧀味道更濃郁，芝士迷不能錯過。炭燒 名古屋交趾雞名古屋名物交趾雞，肉質有彈性，而且雞味較香濃，仲有陣陣嘅炭香味，加少少柚子味辣醬，更加刺激味蕾，好特別～鰯魚磯邊卷鰯魚磯邊卷入口好鮮甜又充滿油香，搭配醃漬蘿蔔和蔥，清爽而不膩，味道層次豐富。小倉炸魚餅魚餅口感彈牙，魚味非常濃郁，雖經油炸但不油膩，佐酒小食不錯。明太子天婦羅口感外脆內軟，充滿明太子獨有的微辣鹹香。山芋明太子鐵板燒山芋蓉加上蛋黃、紫菜同明太子，幾特別口感帶少少鹹香的味道。蒜香牡蠣意粉牡蠣煮熟仍然大大隻好飽滿，再加上粒粒八爪魚爽口又彈牙，意粉煮得好煙韌，香濃嘅蒜香味特別惹味。自家製法式栗子蛋糕即場製作，將栗子蓉壓成一絲絲，口感更豐富，入面包住雲呢拿雪糕同蛋糕，柔軟香甜，這款甜品不要錯過😋正～

喺灣仔利東街行街之後搵到附近有間圍爐燒居酒屋 炭兎 一入門口就有好吸睛海鮮bar 擺滿各款生蠔、貝類、象拔蚌等 非常新鮮Signature 🦪 鐵盒燒生蠔生蠔好新鮮 師傅即刻蒸煮 保證新鮮 肉質肥美 味道鮮甜 三隻原味 三隻加咗🧀 拉克萊特芝士即席燒溶芝士 味道濃郁 🤤芝士控生蠔控不能錯過 ✨鵝肝伴法國麵包鵝肝醬味道濃郁 口感香滑 最啱配上法式多士✨ 醃製螢烏賊充滿咸鮮味 送酒一流✨山芋明太子鐵板燒第一次食山芋明太子配搭 有驚喜口感味道都好特別 入面仲有魷魚增加口感✨炭燒雞名古屋錦爽雞用上炭燒煮法雞肉非常香滑 醬汁辣辣地 好開胃✨太刀魚鹽燒圍爐燒煮法令太刀魚肉質更加嫩滑 ✨博多和牛飯和牛充滿油脂香味 撈埋蛋汁更加香滑

再訪呢間主打日式圍爐裏即燒喜之次餐廳，環境依然熱鬧，餐廳會為是日壽星打鼓、祝酒、同埋唱生日歌，有氣氛鐵盒燒廣島生蠔 $240加配拉克萊特芝士 $48有七隻生蠔，當中有三個都加咗芝士，蠔口感肥美，帶有明顯嘅海水味，加咗芝士之後，味道鹹香，兩種食法都唔錯炭燒雞 $168雞肉切成小塊，用鐵板送上以便保溫，肉質彈牙，側邊嘅明太子醬味道香辣，一齊食好惹味栃尾油炸豆腐伴魩仔魚 $78豆腐炸到外脆內軟，魩仔魚令到清淡嘅豆腐帶有一絲鮮味山芋明太子鐵板燒 $78鐵板燒除咗山芋蓉、明太子仲有生蛋黃同埋紫菜絲，口感黏糊又滑順鰯魚伴明太子 $118鰯魚皮香口，面頭有明太子、蔥絲點綴，不過要小心魚骨比較多( 汁 ) 牡蠣雞翼 $68( 鹽 ) 牡蠣雞翼 $68兩款雞翼都去咗骨，入面就包住生蠔，分別在於係用汁燒同埋鹽燒，前者會比較多汁一d，後者就鹹香味明顯栗米天婦羅 $68粟米切成條狀，薄薄炸皮包裹上粟米，香甜又脆口鐵板明太子芝士玉子燒 $108明太子芝士玉子燒熱辣辣上枱，玉子燒口感嫩滑，入面嘅有滿滿嘅明太子，芝士餡仲會拉絲海苔卷 $42海苔卷係紫菜卷雞柳，並且加上芥末，芥末就令味道變得清新

由前米芝蓮餐廳🇯🇵日籍師傅主理，主打傳統及創意日式料理，設有傳統炭火圍爐即燒料理，感覺置身於日本，好有氣氛！✦鐵盒燒廣島生蠔（6隻） $240即燒即開的廣島生蠔大隻又肥美😍鮮嫩多汁，有蠔味，可配上各款醬汁！+$48加配上拉克萊特芝士，半熔的芝士，奶香味濃，配上生蠔🦪味道層次豐富😋必食！✦鐵板明太子芝士蛋卷 $108呢道菜有驚喜！熱辣辣又嫩滑的蛋卷包住滿滿的明太子，再加上拉絲芝士，味道香濃，口感一流，好好味！✦合鴨圍爐炭火燒 $188坐係吧枱，可以睇到師傅製作的過程，真係用圍爐炭火慢慢燒🔥鴨肉粉嫩，外皮非常焦脆，鴨味好濃郁，而且有炭香味～✦牡蠣雞翼 $68雞翼去骨，包住脹卜卜的生蠔，外焦內嫩，有蠔味，口感幾豐富。✦山芋明太子鐵板燒 $78山芋蓉配上明太子，再加上蛋黃、紫菜，口感黏黏糊糊，少少鹹香，幾特別。✦薑蔥醋鯖魚卷 $98醋鯖魚加埋爽脆的酸薑片 、蔥段，口感清爽開胃✦自家製法式栗子蛋糕 $128賣相好精緻😍特製機器將栗子蓉壓成幼絲，撒上糖粉，底下有雲呢拿雪糕及蛋糕，口感柔軟細滑甘甜🫶🏻

之前同老婆食過兩次，一次食燒魚，一次食sukiyaki，兩次都好好食，氣氛係唔錯既，同埋頭兩次都有日本人老闆座鎮，打理得好好，但今次個日本人老闆唔係度就出事喇，話說老婆突然好想食sukiyaki，所以我就book返呢一間黎食，因為佢上次真係整得幾好食，今次去到再食就完全兩個世界，變左大快活打邊爐。上次同今次我地都係坐bar枱，但佢今次話唔夠位要煮完先拎出黎 ，咁無問題既，好食就得啦，結果第一塊肉拎出黎嗰時煮到好似肉碎咁，仲要唔好食，上次覺得好食就係第一塊肉佢地煮得好好的，今次煮到仲衰過茶記，好喇，食完佢上埋個sukiyaki煲，嗰下差啲D左出黎，喂！我叫sukiyaki，你比個sabusabu我做咩？成個煲一啲味都無，啲湯又無色，我唔係清湯底wo，我係食sukiyaki wo！跟住問佢地發生咩事，佢話係咁wo，跟住就拎返個sukiyaki個豉油加返落去，我頂，我啲和牛已經比佢煮壞左，同佢講完先加返啲豉油落去有用咩？唔係應該煮過一煲比我咩？我無同佢理論，我同老婆照食，因為老人家教落要有衣食，我淨係埋單嗰時同佢地講，個sukiyaki好難食，跟住個員工既反應係，哦.....唔好意思，完。

🥒青瓜梅肉爽脆清新青瓜配酸甜梅肉，仲夾雜住鯊魚軟骨，非常脆口。👅燉牛舌伴蛋OX燉牛舌入味又軟淋，而且肉厚，配半熟蛋入口再香滑啲。🥢鯛魚磯邊卷適逢春節，食鯛魚就最應節，寓意長壽富貴，祈願健康！鯛魚鮮甜，肉質亮澤，以紫菜包卷起，夾紫蘇葉及醃蘿蔔。
🥢特製韮菜豆腐醃製咗嘅韮菜脆口且鹹鹹甜甜的，令滑嘟嘟嘅豆腐入口多個口感。🐤炭燒雞以鐵板加小火爐送上，烏黑色雞肉但沒有半點炭焦味，雞肉彈牙肉脆！配上特製辣醬，鹹辣好惹味！🦪鐵盒燒廣島蠔配raclette cheese 用鐵盒燒保持水份及温度，燒出來嘅蠔每隻都脹卜卜，大大隻。raclette cheese 同廣島蠔味道夾，芝士有軟有脆，少少鹹味令蠔味再出啲，仲可以加上餐廳準備嘅配料。🍤天婦羅盛合有炸蝦、香菇、茄子、南瓜及番薯，炸醬輕脆，無油膩感，新鮮油炸熱辣辣，尤其係南瓜同番薯，入面綿綿的，好香甜。🥢白燒鰻魚炭火燒烤，更品嚐到鰻魚肉質嘅可口彈牙，油脂豐富甘香。

呢日嚟到位於灣仔嘅《炭兎》，係一間主打圍爐燒嘅日式居酒屋，由日本人主理，提供備長炭爐端燒和多款傳統及創意日式料理餐廳裝修時尚，提供席前座位，可近距離欣賞師傅嘅精湛廚藝，除此之外還提供多個吧枱位和卡位，令整個用餐環境和氣氛都相當好🥢沖繩香檸汁生牡蠣 雖然不算大隻，但還是厚肉，鮮甜多汁，唧少少香檸汁來吃，增添多一分鮮味🥢蟹肉水雲醋 水雲口感黏滑，混和蟹肉和酸醋來吃，清新又醒胃，前菜之選🥢魷魚苦瓜天婦羅厚身魷魚配上沖繩苦瓜製成天婦羅，外層薄薄嘅麵衣，酥脆可口，一點也不油膩🥢苦瓜炒選用沖繩苦瓜，微甘帶甜，與芽菜、午餐肉和蛋炒埋一碟，幾有創意的一道料理🥢魷魚納豆納豆本身沒有味道而且質感很黏，配搭魷魚就突出咗魷魚嘅鮮味🥢明太子蛋黃醬pizza 批底酥脆得嚟帶煙韌，面頭鋪了明太子醬、蛋黃醬和紫菜，味道豐富，滋味十足🥢燒飯糰 (三文魚)外層燒到如飯焦般香脆，滿滿飯糰包裹著三文魚肉，味道香甜🥢黑糖布甸 質感有點煙韌，灑了黑糖粉在面作點綴，甜度恰好

🩵 炭兎由日本人主理，而餐廳出名備長炭爐端燒。晚餐期間又會有店員打下鼓，好有氣氛☺️🩵 之前見到有沖繩県期間限定MENU~ 因為係時間限定，所以我都叫左幾款限定MENU入面既菜式試下😊🩵 蟹肉水雲酢 $78 水雲具有獨特的滑順口感與嚼勁，啲汁酸酸地，連埋蟹肉一齊食幾開胃😆🩵 沖繩香檸汁生蠔 $178生蠔唔算太大隻，但好厚肉，咬落肥美多汁，青檸jelly🍋‍🟩都好夾🩵 苦瓜炒 $88唔知係咪沖繩嘅苦瓜唔同啲，竟然唔苦，仲有啲甜！😳 伴菜有蛋,芽菜同埋午餐肉，口感豐富🩵 魷魚苦瓜天婦羅 $118炸粉唔會太厚，魷魚咬落都算爽🩵 三文魚茶漬飯 $58實不相瞞，我都幾鐘意食茶漬飯😎 尤其是冬天暖笠笠好好食~🩵 明太子pizza $98超推薦呢個明太子pizza~ 餅底係煙煙韌韌的，上面有滿滿的明太子醬同芝士，好滋味~🩵 黑糖布甸 $48個名叫布甸，但係食落係似牛奶麻糬嘅感覺🤣🩵 沖繩香檸燒酒汽水 $78店員會喺你面前落一包燒酒冰落去😝 之後等佢慢慢溶，所以全程都好夠凍👍🏼

去咗喺灣仔呢間好有氣氛嘅日式居酒屋，入邊大部份嘅職員都係日本人黎，仲有新鮮嘅生蠔區，仲可以見到店員燒魚、包壽司等等，真係極有風味❤️鐵盒燒廣島生蠔6隻（$240）配加拉克萊特芝士（+$48）呢個鐵盒燒廣島生蠔真係好正，生蠔用鐵盒原盒蒸，生蠔肉質鮮嫩多汁，配上加拉克萊特芝士，濃郁嘅芝士香味同海鮮嘅鮮味互相融合，食落去非常滿足🫶🏻薑葱醋鯖魚卷（$98）呢個鯖魚卷好特別，鯖魚鮮美，配上薑葱醋，味道非常清新，食落去酸酸甜甜，口感好清爽🥰醃製螢烏賊（$48）螢烏賊鮮甜彈牙，醃製嘅方法令到味道更加濃郁😍博多和牛卡爾帕喬（$188）和牛肉質鮮嫩，薄切後拌上橄欖油同鹽，入口即化❤️吉列博多和牛肉（$118）呢個吉列博多和牛肉外層炸得金黃香脆，內裡嘅牛肉嫩滑多汁，配上特製嘅醬汁，味道更加豐富👍🏻名古屋炭燒雞（$168）呢個名古屋炭燒雞煮得啱啱好，雞肉嫩滑多汁，炭燒嘅香味非常濃郁❤️壽司5件（$128）每一件壽司都用咗新鮮嘅魚生，我自己最鍾意拖羅，軟熟新鮮👍🏻

日藉師傅主理，食物高質，坐bar枱睇到師傅製作認真，主打爐端！👉🏻鐵盒燒廣島生蠔 $240(六隻)👉🏻配拉克萊特芝士+$48鐵盒燒廣島生蠔，時間掌握得剛好，肥美又大隻，嫩滑到不得了，配上拉克萊特芝士，半熔芝士嘅奶香增添濃厚層次感！👉🏻炙燒博多和牛卡爾帕喬 $188薄片肉質柔嫩，有少少入口即融感覺，配上檸檬汁更開胃！👉🏻炭燒名古屋交趾雞 $168雞肉經過炭火燒烤，用熱石呈上，絕對不可貌相，外皮酥脆，肉質彈牙，微辣好惹味！👉🏻醃製螢烏賊 $48有Q彈感，細膩質地！👉🏻拖羅葱花卷 $88共六件，爆餡拖羅蓉，油脂香滿滿，帶有清新葱花香！👉🏻山芋明太子鐵板燒 $78好滑潤，山芋加上明太子，仲有海鮮，帶有鹹香味道！👉🏻燉牛舌伴溫玉蛋 $68牛舌軟嫩，配上流心蛋液不得了，有絲滑感！👉🏻燒牡蠣五花肉卷 $38共兩件，揀左鹽燒，豐富嘅肉香配上牡蠣，perfect match!👉🏻自家製法式抹茶蛋糕 $128一絲絲抹茶蓉整成麵條狀，包住抹茶雪糕，底下仲有銅鑼燒，濃郁嘅抹茶香氣，伴有紅豆蓉同抹茶蕨餅，非常精緻嘅甜品！

依間日式餐廳真係好誇張嘅廚師都係日本人侍應都會用日文同廚師交流，連其他食客都會用日文同廚師交流，所以成個氣氛真係好似去咗日本。佢哋嘅嘢食都帶到好多驚喜佢哋嘅串燒都係即叫即燒，仲要係用炭燒可以望住一條完整嘅魚係到燒，真係好有氣氛而我叫一份炭燒雞，香嫩多汁，燒烤出來的雞肉帶有炭燒的香氣，調味豐富，小小鹹小小辣。當然，依到亦有生蠔，我叫左6PC鐵盒燒廣島生蠔，即叫即開，生蠔鮮甜多汁，燒烤後更顯香氣四溢。加配拉克萊特芝士，更添風味，仲識拉絲。

炭兔以其獨特的炭燒料理而受到食客的喜愛🥰，使用優質的備長炭烹飪，提升食材的香氣和口感，尤其是肉類和海鮮，真正在香港也可以感受到日本居酒屋的滋味。😄.好鍾意依度定期會有新菜式，😙更新唔同嘅菜單，好似之前有做過沖繩食品主題，而家就做緊博多和牛嘅主題，保持住有新鮮感，間中就會想上嚟食。😋.特別喜歡博多和牛天婦羅🐮，口感外酥內嫩，鮮嫩多汁，層次分明。見到好多人都有叫嘅炭燒雞，我都有叫嚟食，炭燒的烹飪方式讓食雞肉保持肉質鮮嫩，入口亦有炭火香氣，滋味無窮。整體各樣食物嘅水準都不錯，放心點餐🤪.依度好似嗰啲日本特色嘅居酒屋咁，會提供一些獨特的創意菜餚，同出邊一般嘅日本餐廳唔同，創新又好食嘅菜式吸引了尋求新鮮感的食客🤪

由日本人主理，店內氛圍熱鬧，吧檯可近距離欣賞大廚以備長炭直火燒烤的過程，展現了獨特風味，就像去了日本一樣，絕對是值得一訪的餐廳！餐廳不定期推出期間限定MENU，今次主題是沖繩県。沖繩香檸汁生牡蠣 ($178)生牡蠣滑溜，以微酸的酸汁啫喱提味，酸咪咪很開胃。蟹肉水雲醋 ($78)蟹肉鮮甜，配以入口滑溜的水雲，清酸開胃。魷魚納豆 ($68)兩種組合吃起來爽脆又黏糊，充滿嚼勁，讓人印象深刻。苦瓜炒 ($88)苦瓜炒蛋是沖繩標誌性名菜，又怎能錯過！芽菜爽口，炒蛋蛋香十足，苦瓜爽脆帶微微甘苦，加上午餐肉和木魚碎，散發着沖繩味道。銀鱈魚西京燒 ($188)肉質嫩滑，肉汁充沛，帶希濃郁的魚油香氣，具有鹹香滋味。拖羅蔥花卷 ($88)拖羅蓉口感綿滑，滿口魚油香，一口大小，剛剛好。黑糖布甸 ($48)質感軟滑，入口即溶，帶有淡淡的黑糖香，讓人欲罷不能！

今晚我同朋友去咗位於灣仔嘅呢間餐廳，由日本人處理，主打用備長炭炭燒食物，最近佢哋仲出咗沖繩特色Menu添。魷魚瓜天婦羅依度菜式用嘅魷魚非常之厚切，入口好有口感，口感彈牙。而苦瓜亦都係沖繩圓嘅特產，苦瓜入口但有少少苦味，食完仲有啲甘香。博多和牛飯呢一個飯用上博多和牛，上面仲有生雞蛋。和牛入口牛肉味唔算濃，但勝在有油香。明太子pizza Pizza烘到好脆，成塊pizza偏薄身，上面搽有一浸好薄嘅明太子，令到pizza除咗有芝士香味之外，仲有明太子嘅鹹香。燒飯團飯團燒得就唔算好香脆，但係米飯有口感，配埋紫菜一齊食都唔錯。黑糖布甸依家個布甸幾特別，入口有香濃嘅牛奶味，質感就比較似平時食到嘅麻糬。今餐嘅食物都幾特別，當中我自己比較欣賞嘅就係魷魚瓜天婦羅。