Video
Exit B2, Wan Chai MTR Station
continue reading
Telephone
21520369
69777721
Introduction
It is helmed by a Japanese ex-chef of a MICHELIN restaurant. It sets up an irori to serve part of grilled items, such as kichiji. Besides, some traditional and creative Japanese dishes are also provided. You can pair with sake to level up the enjoyment.
continue reading
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
*Last Order: Lunch 14:30 ; Dinner 22:30
Above information is for reference only. Please check details with the restaurant.
About Reward Scheme
來到灣仔一間真正由日本人主理的居酒屋，從裝潢到食材都充滿地道日本風情。這裡主打是日本直送的高品質牡蠣，絕對是新鮮度爆表。剛好碰上有食客慶生，店員為全場每人送上一杯清酒，齊齊舉杯祝賀，氛圍熱鬧得猶如置身日本祭典。🎉🇯🇵🍶👭🍽️✨ 免治鷄肉捧（$38），先由串燒打頭陣，雞肉棒即叫即燒，夠晒火候，肉質鬆軟多汁，蛋黃醬香濃滑順。🍢🐥✨ 牡蠣豚肉卷（$38），肥美牡蠣包入豬五花中炭燒，油脂香氣滿滿，同時蠔肉的味道也是很重味濃厚，簡直是創意十足。✨ 魩仔魚法包（$88），香脆法包放上了滿滿白飯飯，鹹香酥脆，越嚼越香幾開胃的前菜。🥖🐟✨ 栃尾油炸豆腐（$78），豆腐經過油炸後，非常有彈性，炸後外皮微脆、內裡極具彈性，放滿了香蔥和白飯魚，又是另一款不同的滋味。🧈🐟🌿✨ 鐵盒燒廣島生蠔（$240），以蒸的方式來呈現生蠔的濃郁鮮味，蠔肉肥美具備彈性夠晒飽滿，食前加入檸檬汁、辣韭菜和芫荽作為點綴，同時也保留了蠔肉的原汁原味。生蠔本身是六隻，因其中一隻較為瘦削，於是餐廳補多一隻俾我哋。🦪💨✨ 明太子芝士蛋卷（$108），放在鐵板上熱辣辣，芝士如熔岩般，蛋卷高身蓬鬆、口感綿軟，內餡滿滿明太子鹹香帶微辣，視覺與味覺雙重享受。🍳🧀✨ 鮎魚（$108），經過細火慢烤，只是簡單用鹽醃在魚身的表面，魚肉細嫩軟滑，微微的細骨也是非常軟身，加入少少檸檬汁令味道更提鮮。鮎魚的賣相似是一份藝術品，份外吸睛。🐟🍋✨ 吉列半生熟三文魚（$118），外層炸得金黃酥脆，內裡三文魚保持半生熟狀態，油脂香氣四溢，加上大粒鮭魚籽作為裝飾，提升了整體的口感層次。🍣💥✨ 炭燒地雞（$168），選用日本地雞，炭火直燒鎖住肉汁，肉質緊實帶有雞香，上枱後放在鐵板上保溫，邊吃邊烤更香口。🐥🥘✨ 自家製法式粟子蛋糕（$128），一絲絲的栗子泥打得很細滑，入口即化，內裡就是淡淡的雲尼拿雪糕，入口冰凍，透心涼幾滿足。🌰🍰
continue reading
《炭兎 - 灣仔》估唔到喺香港地都可以食到用炭火製作嘅爐端燒之前喺福岡體驗過當地嘅爐端燒文化，用簡單嘅調味，配上原始嘅做法烹調食物，好簡單就已經可以帶到食材嘅味道出嚟，嗰次嘅經驗令我印象好深刻😌早兩日同個朋友發掘到呢一間位於灣仔嘅居酒屋，當日去到嘅時候聽到周圍都係講日文嘅人，有大量日本人坐鎮，咁仲唔係獲得當地人認證嘅居酒屋😏一入到餐廳就已經好似去咗日本咁，食物嘅價錢同埋酒精都唔離地，幾十蚊就已經有一道酒肴，燒酎、威士忌梳打都係$6x 一杯，喺呢一區嚟講都真係算幾抵飲，平過去酒吧💁🏻♀️鐵盒燒廣島蠔六隻 $240 招牌嘅鐵盒燒廣島蠔，店舖會提供六大隻廣島燒蠔，如果蠔嘅size唔夠大隻，佢哋會補返幾隻細小小俾你，不過我個人覺得已經好大隻好肥美，食落係Creamy嘅感覺，喜歡食芝士的話可以加$48配埋即溶芝士，蠔嘅海水味同埋鹹香味十足嘅芝士一齊食勁滿足，但係啲蠔太大隻，配埋芝士的話會比較膩少少，一隻起兩隻止好啦🤫💁🏻♀️燒鮎魚 $108呢間餐廳必點嘅菜式之一，就係炭爐燒魚，你會見到好多日本人都有點燒魚，於魚肉身上抹上粗鹽，再用特製嘅叉魚技術，再放到炭爐旁邊烘乾同煮熟，啲魚肉唔會燒得過熟而柴皮，我呢條燒鮎魚配上青檸醬汁好新鮮，入面仲保留咗肉汁👍🏻燒得幾靚仔💁🏻♀️芝士卷青瓜天婦羅 $58我同朋友都鍾意食芝士，呢一個芝士青瓜天婦羅用咗薄切青瓜片包住Mozzarella Cheese🧀外脆內軟，可以點少少岩鹽食吊番個咸香味出黎💁🏻♀️吉列半生熟三文魚 $118平時都係食開吉列豬扒，用三文魚做吉列都係第一次，三文魚扒好厚身，外面熟咗嘅口感係比較結實少少，而裏面嘅三文魚呈半生熟狀態，有兩種不同嘅口感，上面仲放咗三文魚子提鮮，可以點餐廳提供嘅他他醬就更惹味啦💁🏻♀️名古屋炭燒雞 $168呢一度嘅名物之一，每一枱必點，唔好睇啲雞燒到黑卒卒，其實係用咗唔同嘅醃料再用炭火燒至黑黑地一層，雞肉醃得好入味，每一件雞肉都仲係保留咗肉汁，超下酒嘅一道菜式👍🏻推薦💁🏻♀️自家製免治雞肉棒 $38每次食居酒屋我都會點雞肉棒，好鍾意日式免治雞肉棒嗰種有雞軟骨喺入面但係啖啖肉嘅口感，點蛋黃配上醬油嘅醬汁勁濃味，去到居酒屋必點，而且價錢貼地，賣相又靚，打卡一流💁🏻♀️魩仔魚法包 $88呢一度都係下酒嘅菜式，魩仔魚即係我哋講嘅白飯魚，配上橄欖油同埋羅勒醬混合成沙律，配上車厘茄再放上法包上面，一啖一件，食落有海水嘅味道，相對較濃味💁🏻♀️山芋明太子鐵板燒 $78呢一個菜式好適合配白飯，日本人好鍾意食山芋，將佢整成煎餅咁再放上鐵鑊上邊烘至脆脆，配上明太子醬同埋蛋黃，攪拌勻後配麵同白飯都一流💁🏻♀️極上檸檬燒酒蘇打 $78朋友嗰杯檸檬燒酒梳打有一串雪凍咗嘅檸檬片，睇落好打卡同埋好夠檸檬味，燒酒冰沙可以避免個酒變淡，飲到最尾都仲飲到燒酒嘅味道，朋友話如果可以落多一shot酒就好啦💁🏻♀️生果西柚燒酎汽酒 $78呢一杯酒要親力親為，個底係普通嘅日式燒酎，店員會比半個西柚我自己榨汁，再倒番落杯酒入面，西柚嘅味道同濃酒味道合拍，冇額外嘅糖漿，啱晒我呢啲唔鍾意飲甜酒嘅人，呢一杯酒精濃度OK，但係又飲到水果嘅香氣
continue reading
幾可肯定呢篇係咁多篇食評寫得最暢快又最回味的一篇；沒有之一。之前睇左Ricky San介紹的片，跟住佢去搵食，都唔容易訂位。終於訂到14/6，天文台話會狂風暴雨，我同朋友毫無考慮都話「風雨不改」。雖知道一個住沙田，一個住包門，餐廳係灣仔；就知我地係幾義無反顧。訂左1830，上到去，佢話用餐時段2小時，照去啦﹗對於兩個酒鬼黎講，2個鐘係唔上唔落。先叫左sake，再叫簡單串燒。雞翼、牛舌、露筍，雖然係簡單嘢，但個師傅就係你面前燒，未食都已經覺得正。之後叫左個吞拿魚蔥卷物，嘩﹗師傅係我面前整嘅時候，我心諗.....使唔使咁誇張呀？好澎湃喎，個D吞拿魚蓉落左幾浸....連D蔥都甜過人（仲回味緊）後來又見到人食蠔，唔好蝕底，照跟﹗6隻係蒸蠔，鮮味都唔講住，最好味係個sauce；老實講，就係圖中最左面個個，當時係問左師傅係咩？但而家又唔記得左，只記得好好味；其實都食到差唔多飽......點知，見到師傅之間講起魚鮫.....我又膽粗粗問有無吞拿魚鮫.....點知主廚話有，都幾大舊.....但由於佢話2小時用餐，我就話等得你燒完都要打包；主廚轉個頭就話「攪掂左」；咁好啦，又等30分鐘，等嘅同時，又開多支sake，其間又叫多左份山藥牛舌，真係攞命，飽都覺待好好食﹗魚鮫燒好了，肉厚味鮮，真係飽都食得落﹗不過就慢慢食了﹗到8點幾......原來有個環節係生日快樂﹗可能之前同主廚都傾左幾句，扮熟左.....佢話你好似生日，我話生左....佢「夾硬」幫我戴頂生日帽，又整左杯超級大的生果酒比我，老實講，生果酒就麻麻，但氣氛贏晒﹗全間餐廳都唱生日歌，主廚同日式大廚都每枱敬酒，之後仲有遊戲玩，每單位派一個人出去猜包剪X；我梗係唔客氣博晒命咁叫同猜....又比我贏左個爆三文魚籽壽司.....真係好過引﹗終於明白點解日本人咁鐘意去居酒屋，今次係香港同聲同氣，氣氛一流；係日本就係見到人地笑，但唔知人地講乜﹗我估餐廳除左贏在食材食物招呼外，更加重要係氣氛，一個字：正。食完到而家，我久唔久都loop返 Ricky San條片，見到主廚同日本總廚.....好似細個係街到見到明星一樣，哈哈﹗係貴嘅，但係值﹗會再去﹗
continue reading
週末同朋友慶祝生日，選擇咗QRE 6樓的日式居酒屋 ~ 炭兎! 之前去過氣氛超好! 採用日本直送新鮮食材, 餐牌主打炭燒料理，和式設計環境舒適. 🦪 鐵盒燒廣島生蠔 $240/半打 +拉克萊特芝士即叫即煮嘅廣島蠔肉質肥美厚實, 一口咬下Q彈多汁，原味海水味重可配搭檸檬汁或辣汁來提鮮！配搭熱溶的拉克萊特芝士；芝士拉絲口怠滑溜, 咸香四溢！🦑 醃製螢烏賊 $48醃製味道恰到好處, 口感爽彈, 十分適合作開胃小食。🍗 名古屋炭燒雞 $168雞肉以小爐上桌, 炭香滿滿,, 肉嫩甜美，十分好吃。🍣 炭火燒鯖魚壽司 $108新鮮的鯖魚肉質鮮嫩，炭火燒烤後更添香氣，份量十足。🍢栃尾油炸豆腐伴魩魚仔 $78油炸豆腐燒得乾身口感鬆化，配搭咸香的魩魚仔吃更滋味！🍄山芋明太子鐵板燒 $78 滑捋捋的山芋泥入面有軟嫩的八爪魚，配搭明太子及生雞蛋，口感順滑又健康！🍨自家製法式栗子蛋糕 $128終於吃到法式栗子蛋糕！口感綿密的栗子蓉入面是雲尼拿雪糕及海綿蛋糕，大滿足！炭兎📍灣仔皇后大道東202號QRE Plaza 6樓
continue reading
3263 views
大肥爸爸最愛十三少，XO仔於父親節當日專登約咗枱麻雀俾佢消遣，晚餐就帶佢去灣仔一家幾人氣嘅居酒屋「炭兎」度歡樂一番。樓上餐廳佔用面積全層，門口左方位置展出多款是日精選嘅海材。週日晚全場爆滿，早於OR網上訂座嘅幾口子準時到步即有吧位坐。用餐大堂光線充裕，以木為主嘅間隔足以散發出和風味。開放式廚房就係前面，食物好自然地最為新鮮熱辣！餐桌上擺有企理嘅自助餐具、紙巾、牙籤及調味料。居酒屋文化，埋位第一時間當然係先黎杯啤酒啦！由於生啤早已售罄，最終就試咗枝帶甜嘅牡蠣司陶特啤酒（$88）。多頁餐牌可於網上參閱，細佬就冇特別去影，只係影咗黑版上嘅節令推介。炙燒和牛卡爾帕喬（$118）：碟底嘅炙燒和牛鬆潤多汁，揤上檸汁再撈埋舖面嘅蔥絲、蔥碎及芝士絲即倍添清爽，相當開胃。是日生蠔（$78/隻；$128/隻）：精選生蠔款式每天不同，歡迎貴客任點唔嬲，不過揀前記得問清楚啲海鮮價。兩隻唔同種嘅生蠔同樣白雪雪、滑嘟嘟、脹卜卜，入口柔滑細嫩，鮮美尤甚。蒲燒鰻魚（$148）：大肥讚個鰻魚燒得好香口。青椒仔（$28/串）、生海膽雞柳（$42/串）、鹽燒五花肉（$38/串）：串燒大多以拼盤上。第一碟中嘅青椒仔明顯唔係小肥叫嘅；生海膽雞柳一串有四件，以生海膽點綴雖則係濃味啲，無奈用紫菜包住嘅雞柳肉質比較乾嚡，組合唔係幾得；鹽燒五花肉肥瘦均勻，食落十分爽脆。鹽燒雞腎（$38/串）、味噌雞頸肉（$38/串）、味噌雞頸肉（$38/串）、鹽燒雞軟骨（$38/串）：兩串雞腎食落有啲燶，幸好夠爽口；雞頸肉就唔係好得，因為兩串都冇乜皮，好似食雞肉串咁，完全唔係嗰會事囉！雞軟骨串原來係胸骨嗰種，咬落唔算特別脆，不吃也罷。鹽燒牛舌（$48/串）：牛舌每串約有三件，鹽燒嗰串十分鬆爽，個人只係略嫌咸咗少少。汁燒牛舌（$48/串）：汁燒嗰串味道就甜美得多，不過唔知點解好似縮咗水咁。鹽燒雞尾（$38/串）：雞尾粒粒Q彈爽脆，依個食得過！汁燒免治雞肉（$38/串）：熱辣辣嘅免治雞肉軟嫩中帶著微微脆卜卜，黏上月見生雞蛋黃豉油迅即添上鮮濃與香滑，外層如果可以燒耐少少效果應更佳。鵝肝免治雞肉（$58/串）：球狀嘅免治雞肉串上加咗pat鵝肝醬，賣相認真唔吸引，又腥又嚡嘅肝醬直頭係污染咗串免治雞肉，典型嘅畫蛇添足呀！食到咁上吓，溫婉嘅服務生突然每人送咗杯清酒，講明係老闆請大家飲嘅。全場飲勝一刻成功掀起一度高潮，堅有氣氛！天婦羅盛合（$168）：炸至金黃嘅天婦羅外脆蝦彈牙。湯底燒冬菇（$45）：厚厚嘅冬菇半腍半彈，芳香不油膩，用湯浸住唔會覺得乾。北海道布丁（$38）：甜品北海道布丁香滑甜美，簡單可口。灣仔樓上居酒屋「炭兎」環境光鮮企理，服務生態度優良，送酒菜式質素就甚為參差，仍有頗大嘅進步空間，店子勝在老闆請飲酒識搞氣氛，可以一試嘅。
continue reading
You may be interested in