鋿晶館

Open Now

Now Closed

除左去傳統洒樓飲茶外，原来坊間都有點心鋪可以一盎兩件，飲啖茶食個包。點心一共點左六款，款款各有特色，比洒樓有過之而無不及。黑松露北菇燒賣皇好大粒又足料 ！ 鮮蝦爽彈Juicy，唔會混入太多肥豬肉，蝦肉比例多，真材實料!鮮蝦菜苗餃肉質鮮甜爽彈 ，絕對係皮薄餡靚之選!香脆蘿蔔腸咬落先是滑身嘅腸粉，中間包住黃金脆皮嘅油炸鬼，裡面就係清甜帶爽嘅蘿蔔！ 入口滑、脆、甜，一次滿足不同層次味道!蝦餃晶瑩剔透，鮮蝦好大隻，皮薄餡靚!馬拉榚軟熟、鬆軟、富蛋香，吃下去不黏牙!

好耐無飲茶🫖，黎開荃灣就揾左呢間飲啖茶食個包😂，餐廳係自家製品牌🤗，所有點心都係現場即點即做，手作點心👍🏻，非常有誠意老爺子古法馬拉糕好鬆軟😃，仲勁大份，脹卜卜咁😍鮮蝦菜苗餃滿滿既菜苗，食落勁juicy，皮正餡飽滿月半彎晶瑩鮮蝦餃 (2粒)皮軟軟糯糯咁，口感好好，鮮蝦都大大隻，爽彈新鮮齒頰留香脆蘿蔔腸好有驚喜，食落口感好豐富，脆卜卜黑松露北菇燒賣王黑松露香味唔會太搶出，燒賣肉質都好嫩口，肉汁滿滿咁師傅仲曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富😎

星期日吾想煮飯，咪以為可以留港消費，但真系非常失望。— 豆鼓欖角鱔片飯($79)1分          — 可能豆鼓原粒上，所以無味，其實咬落亦吾香     — 欖角食完都吾知道，因為無味     — 主角鱔魚睇落好大塊，但一d吾彈口，無鱔味        —   鼓油水咁淡    —   附近四x湯館$5x就有又好,真系輸幾條街。—喜灼鮮嫩菜心($35)1分    — 以為佢夠膽寫 ”鮮嫩”，菜起碼有個譜，但睇相就睇到幾多根，嫩？？—鳳爪排骨飯($38)3分    —正常—半肥不瘦叉燒腸($34)1分    — 只有好細粒叉燒，反而多左通常只有在香茜牛肉腸的香茜，亦系我吾中意的味道。     — 咬開睇到皮有幾厚，叉燒有幾少。另外仲要收茶錢，要搭檯，仲只收現金，性價比好低。

去左荃灣荃灣廣場附近呢間點心連鎖店，旺角、上環、上水都有分店，餐牌好多選擇，有傳統主流既點心，都有新式既點心，而且食物質素高，唔收加一，只收茶錢，係好經濟既點心餐廳！蘿蔔絲腸粉呢個腸粉好有口感，腸粉個皮好煙韌，裏面夾住咗脆炸既蘿蔔絲，好味🤤！虎皮尖椒尖椒外皮煎得少少脆，上面的魚肉唔係純魚肉，而係混合左馬蹄，有心思，而且好有口感蝦餃食蝦餃就食得到師傅既工架，呢間既蝦餃外皮薄，蝦肉好大舊，非常好味😋

鋿晶館今次介紹喺荃灣呢間「鋿晶館」嘅即叫即蒸點心舖，佢哋點心舖個門口有一級，又係出動我塊斜板嘅時候，入到點心舖入面算幾大空間，牆身有有關點心嘅畫，仲有好多關於點心嘅霓虹燈，連吊燈都係鳥籠，每個鳥籠吊燈入面都有三隻雀仔，裝修都幾特別，好吸晴！1.咱家脆皮蝦多士$48（9.5/10）呢個蝦多士炸得好脆，多士上面搽滿咗蝦膠，花膠上面鋪滿咗芝麻粒，拎去一齊炸，食落非常香口，一共有4件脆皮蝦多士！2.流沙奶黃包$30（9/10）呢個流沙奶黃包嘅包係軟綿綿，一搣開好夠熱，真係即叫即蒸，奶黃流哂出嚟，奶黃餡爆多又唔甜，一籠有3個流沙奶黃包，好味！3.月半灣晶瑩蝦餃（2粒）$21（9.5/10）呢籠月半灣晶瑩蝦餃皮好薄，蝦仁一大粒，蝦仁肉質好爽口彈牙，好好食！4.鮮蝦菜苗餃$34（9.5/10）呢籠鮮蝦菜苗餃入面蝦仁好爽口彈牙，菜苗鮮甜多汁，差唔多係一半蝦仁，一半菜苗，皮又好薄，一籠有3舊鮮蝦菜苗餃，好好食！5.時菜牛肉球$30（9.5/10）呢個牛肉球大大粒，每粒都好有彈性，牛肉球入面落咗好多青蔥同馬蹄粒，食落口感好豐富，一共有3粒牛肉球，好好味！6.北菇滑雞金鳳飯$38（9.5/10）呢個北菇滑雞

#chuchu食在荃灣📍 鋿晶館 私心推介🐷最愛嘅荃灣點心🫶🏻 #chuchu推介 🐷一個月最少嚟一次，因為🐷媽超鐘意食點心，但係又冇咁多時間去茶樓坐，點心仲好食過酒樓多多聲！因為師傅曾經係日本東京富麗華做，FYI專為高管達人和明星服務，喺香港都有係多間米芝蓮酒店同大型連鎖酒樓集團做！好多必食‼️因為真係樣樣都好正😂💡喺荃灣廣場行3-4分鐘左右，沙咀道會近啲！前面有啲錶位可以泊車！—————————————————————✨茶位費 $8/位 （可以揀普洱或者鐵觀音）❣️ 月半灣晶瑩鮮蝦餃 $22/2粒必食‼️蝦餃超大粒，成隻BB仔拳頭咁大！皮薄！入面有成粒鮮蝦，鮮蝦汁好甜好香！.❣️ 黑松露北菇燒賣王  $20/2粒必食‼️大大粒燒賣，仲要有🐷最愛嘅黑松露係面！一定要嗌燒賣！皇牌！✨好喜歡蝦餃燒賣有得嗌兩粒！.❣️ 好姐潮州蒸粉果 $24 一籠有三隻粉果，隻隻都爆饀，口感好豐富，有啲好爽口，應該係粉葛✨記住問姐姐拎辣椒油，好香的！.❣️ 馳名南翔小籠包 $34皮薄饀靚🤭小心辣親條脷！.❣️ 香煎韮菜餅 $39呢個係🐷媽必食‼️小朋友鐘意食香口野😂好多韮菜同蝦，外皮炸到脆卜卜！.❣️ 豉汁欖角鱔片飯套餐 $

帶住條魚🐠搵食之得閒飲茶《鋿晶館》，位於荃灣沙咀道地舖，去食嘢最唔想遇到就係啲大大聲以為你欠咗佢嘅店員姨姨，但係《鋿晶館》入邊嘅店員姨姨好親民喎，感覺良好🐠芝士蝦春卷薄薄的春卷皮配搭鮮蝦同芝士的餡料，味道特別，不會太油膩，小朋友一定好鍾意。特色味道！🐠咱家秘製叉燒包估你唔到！熱辣辣嘅叉燒包仲會流餡添！而且包皮鬆軟。一試難忘！🐠好姐潮州蒸粉果晶瑩剔透煙靭口感嘅粉果皮，包住炒香咗嘅蝦米、韭菜、沙葛，加埋潮州辣椒油，出色潮州點心。讚好！🐠月半灣晶瑩鮮蝦餃（2隻）大大隻蝦包在玲瓏透明嘅蝦餃皮，食得出純鮮蝦嘅味道。用心之作！🐠黑松露北菇燒賣（2隻）美味新鮮豬肉配搭北菇，爽口彈牙，燒賣上面嘅黑松露作為點綴，令到粒燒賣更加高層次。必食！

成條沙咀道可以話係荃灣嘅分界線基本上沿住呢條路行就唔會盪失路今次呢間餐廳係荃灣廣場後面位置唔多但每次行過都有人飲緊茶由朝早八點到夜晚十點都有點心食而且係即叫即蒸嘅自家製點心🟤月半彎晶瑩鮮蝦餃🟤黑松露北菇燒賣皇🟤好姐潮州蒸粉果🟤芝士蝦春卷🟤奶皇煎堆仔每碟點心上枱都出晒煙熱辣辣好鍾意蝦餃燒賣可以叫兩件啱晒兩個人食可以嗌多幾款點心而我最鍾意嘅係呢款粉果水晶皮完全唔厚又唔粉有咬口得嚟個餡又好食呢啲傳統陽春小點永遠係最好食嘅春卷同煎堆仔都係即叫即炸呢個價錢嚟講可以話係平靚正其實仲有好多點心想試兩個人試唔到太多唯有等下次

💪🏻 五福臨門 ($50)呢個點心拼盤包括有蝦餃、菜苗餃、粉果、燒賣同甜糕。蝦餃、菜苗餃同粉果嘅餡料都好滿，大大粒，蒸餃嘅皮都幾淋。💪🏻 齒頰留香脆蘿蔔腸 ($38)蘿蔔腸中間包裹住脆皮蘿蔔酥，所以外邊腸粉皮好滑身，而內裏脆卜卜，而且蘿蔔餡都好豐富，爆晒餡。💪🏻 流沙奶皇包 （$30)奶皇包好流心，食得出有咸蛋香味，亦都有甜嘅奶香味！包面微微濕。💪🏻 百吃不厭鹹水角 （$24）鹹水角外皮都炸得脆身，而咸水角嘅皮幾厚身同黏糯，餡料咸香都幾夾。💪🏻 暖身提氣薑汁糕 ($28)薑汁糕好煙靭，而且薑汁味道突出，亦食得出薑汁辣味！餐廳點心係自家品牌，點心師傅都曾經係日本同香港米芝蓮酒店任職。味道：6/10 性價比：7/10 食住瘦指數：💪🏻/5

平時一得閒就鐘意出酒樓食點心，今次發現呢間自家製點心，食物質素拍得住高級酒樓🤩。齒頰留香脆蘿蔔腸好有特式嘅蘿蔔腸，賣相有點似油炸鬼。外面果層的腸粉好滑口，包住經過油炸後脆卜卜的蘿蔔，好脆好新鮮，做法新穎，味道驚喜十足。黑松露北菇燒賣皇（2粒）自家製大大粒嘅燒賣，黑松露味不濃，但菇味好出，肉質結實不油膩。紫金名醬蒸鳳爪每隻鳳爪都好大隻又夠晒入味。月半彎晶瑩鮮蝦餃（2粒）蝦餃好新鮮又大粒，蝦肉鮮甜彈牙。鮮蝦菜苗餃呢款見到個樣都知道佢足料，幾乎係一半蝦肉同一半菜苗的比例。層皮又夠晒薄，一咬開真係啖啖菜苗啖啖肉😋。整體而言：點左幾個點心，每份都好大份、新鮮同足料。另外，同店員傾計發現廚師以前係多間米芝蓮酒店及大型連鎖酒樓工作，吾怪得菜式甘有特式，而且性價比高，值得再來。

好耐無食過點心，牙癢癢，見到餐廳自家製品牌，所有點心現場即點即做，我當然要入去試下係咪真手作點心。🌟#蝦餃及燒賣蝦餃皮薄餡靚，鮮蝦大大隻，鮮甜爽口，好好味。燒賣亦十分之足料，雖然得兩隻，但係份量都算唔錯，味道清甜香口。🌟#芝士蝦春卷必試！鬆脆的春卷皮包住滿滿的餡料，爽口彈牙，食得出很新鮮的蝦肉製成，正。原來廚師曾就職於日本東京富麗華多年，專為高管達人和明星服務，怪不得有創新fusion菜。🌟#養生燉湯及#時令蔬菜今日係蟲草花燉雞湯，湯濃郁清甜，養生滋補！蔬菜鮮甜爽口。🌟#籠仔蒸飯: 蒜香石斑片蒸飯大大的荷葉飯，石斑片好新鮮，鋪滿係飯上面，配上炸蒜好香好好味。店員的服務十分之細心，而廚師曾在多間米芝蓮酒店及大型連鎖酒樓集團做主管，經驗豐富。怪不得食物水準不錯👍🏻

朋友大力推薦呢間係荃灣廣場後面嘅點心專門店，試過發現真係好掂，點心質素直逼酒店酒樓～係等嘢食嘅期間，同店員傾偈發現原來師傅之前喺日本東京富麗華做過，返到香港之後又喺米芝蓮酒店做過，然後就自立門戶出嚟開左呢間點心店～款式算好多，即叫即蒸，價錢相當合理～流沙奶黃包熱辣辣新鮮出爐，好香蛋黃味～鮮蝦菜苗餃皮薄餡靚，鮮蝦好爽，係新鮮蝦，完全無雪味～肉餡有雲耳同菜，好清新～黑松露北菇燒賣皇自家製手打大大粒嘅豬肉燒賣，豬肉唔會太肥，黑松露放喺面點綴左成粒燒賣嘅香味～齒頰留香脆蘿蔔腸好特式嘅蘿蔔腸，蘿蔔好脆好新鮮，咁樣食真係好新穎，夾埋油炸鬼真係口感100分～暖身提氣薑汁糕自家製真係好食得出個種字加份量調配嘅香，薑汁味好香濃，唔會死甜，健康之選～

黑松露北菇燒賣皇-豬肉不但新鮮，而且係瘦嘅，冇肥乜滯。黑松露裝飾之餘亦都增添咗蘑菇味。月半彎晶瑩鮮蝦餃-有韭黃，新鮮蝦。大大粒爽口。好姐潮州粉果-有馬蹄，韭菜，蝦米。鮮蝦菜苗餃-自家製嘅粉果皮有靭度，有彈性。菜苗夠幼嫩而且好多。由新鮮蝦配搭。夠曬大份。齒頰留香脆蘿蔔腸-特別在有一層糖醋麵筋包著白蘿蔔。可以食到每一樣食材。炸黃金豆腐磚-迷你炸豆腐。炸過嘅當然係夠曬有層次感，口感亦都好動感。有酸汁配搭。總括：曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富。點心用料新鮮十足，即叫即蒸。

今日朋友介紹呢間自家制即叫即整點心，佢話見過介紹，呢間嘅師傅之前喺米芝連酒店做過，所以今日黎試吓。活拆生剝鮮蝦腸粉腸粉好滑，有米香，d蝦都好彈牙。百吃不厭咸水角上枱熱辣辣，啱啱炸起，一咬落去個皮好脆口，入面d料都幾多。月半彎晶瑩鮮蝦餃隻蝦餃都幾大隻，入面應該起碼有2隻蝦，外皮好煙韌，d蝦爽口彈牙。黑松露北菇燒賣皇d燒賣都幾大粒，有蝦，北菇同豬肉喺入面，而且上面d黑松露都幾香，原來黑松露同燒賣係咁夾。好姐潮州蒸粉果粉果外皮晶瑩剔透，食落個皮好煙韌，d粉果都幾大隻，入面勁足料，點少少辣油就好正。流沙奶皇包一咬落去d奶皇涵即刻流出黎，食落唔太甜唔太滯，d涵都幾多。

我晚上食飯很少選擇飲夜茶，食點心。不過今晚朋友推介話帶我試好嘢，話呢度個師傅係日本富麗華返嚟，同埋之前响米芝蓮酒店揸旗，所以專登嚟試下。入到去見到座滿人，不過好快就有位，坐低叫咗壺普洱就開始揀點心。呢度款式都算多，除咗點心，仲有好多其他選擇。選擇困難症之下，隨便選了些喜愛的點心和朋友一齊分享～- 老爺子古法馬拉榚- 馳名南翔小籠包- 齒頰留香脆蘿蔔腸- 香煎韮菜餅- 鮮蝦菜苗餃- 黑松露北菇燒賣皇點心- 月半彎晶瑩鮮蝦餃點心一上枱，睇外觀就知道唔係工場點心，而係自家製作，因為好多都大大粒，而且係即叫即整，全部熱辣辣。我最喜歡小籠包和韮菜餅。小籠包非常多汁，咬下去爆汁鮮味充滿口腔。而韮菜餅則煎得十分香口，聞落去已經覺得吸引。另外，馬拉糕亦有啲驚喜，鬆軟而不會太甜，啱我口味。香港人對點心真係情有獨鍾，有空嚟呢度嘆杯茶，整返籠點心，都係一種享受～