家上海 (東港城)

Open Now

Now Closed

呢間上海菜餐廳岩岩新開張我見勁多人，今日終於去試，整體唔錯會encore淮揚五福拼盤拼盤包括女兒紅醉雞、鎮江冰官肴蹄、涼拌陳醋紅蜇頭、蘇式燻魚同埋四喜烤麩，整體離講還可以~ 醉雞好明顯食得出有酒味，不太濃烈但又可以cover一般白切雞個陣腥味; 蜇頭份量都夠，但就偏向一舊舊少硬，如果切細做一條條會比較好; 燻魚比較差，非常之硬。我覺得呢款五福拼盤可以一試，但下次就應該唔會叫了，因為都唔平肉絲兩面黃材料都豐富，鋪滿左成個脆麵，但脆麵就比較鬆散，整體味道OK鐵板灌湯生煎包（四件）本身上枱時覺得好吸引，雖然個包底煎到好脆有啲似炸饅頭，但其他就一般般，主要係因為成粒生煎包嘅包太厚，入面肉份量少，而且無想像中咁juicy，反而下次想試小籠包焗棗泥西米布甸呢款甜品即叫即焗需時二十分鐘，但等咁耐都值! 棗泥balance左成個布甸令佢不太甜，表面焗到有少少脆好香口份量都唔細建議2-3人用

今日又係八號風球，朋友比平日早咗少少收工，而我就一早收咗工，喺東港城搵緊有咩食。見到呢間開咗無耐之前日日都排晒隊嘅上海菜無咩人，就食呢間啦。食物都唔錯，有少少偏重味，坐都幾舒適，咁啱又少人。淮楊五福拼盤。醉雞，四喜烤麩，官肴肉呢三樣幾好味。燻魚太甜，紅哲頭有啲硬，唔係爽脆。松鼠桂魚，賣相幾好，魚肉新鮮又唔會炸得太乾，個汁唔會太燶味。紅燒小元蹄，好耐無食過，做得唔錯，入口唔會漏。上海粗抄，唔會食到成口油。流沙奶黃千層酥(三件)，呢個普通，甜咗啲。

💯▫️松鼠桂魚好好食。 酸酸甜甜，夠脆。考功夫嘅餸菜？🤔▫️蓮香蜜餞火方（四件）唔知喺米招牌都呢，見枱枱都會嗌，所以唔執輸都叫嚟試吓🤣但喺我就覺得麻麻地，偏乾身，再加上佢有金華火腿做餡，都偏咸。 不過佢有用咗脆片嚟做中和，同時增加口感。🆗▫️金牌小籠包（六件）正常。多汁。💯▫️蘿蔔絲酥（三件）好食。 佢真喺有酥嘅感覺，而且唔油膩，但鬆脆。▫️蜂巢鍋貼唔洗叫，噱頭野。食返正常鍋貼比較好。▫️炸醬拉麵麻麻地🆗▫️高力頭沙香蕉（四件）正常，入面幾滑，而且真係一舊香蕉喺到 P.s. 第一次幫襯個時，佢前菜喺傳統北京個時，有花生豆腐個種。但再去已經變左cheap肉鬆同木耳。

🆗▫️蜜汁脆鱔前菜小食。炸得好香脆，外皮帶少少甜味，不過醋味偏濃，但小編幾鐘意。▫️手切蒜泥白肉正常。個底墊咗啲粉皮，不過都入味。▫️萵筍絲正常。▫️紅燒年糕炆黃魚一放低喺撲鼻而嚟嘅腥味。不過奇怪嘅喺入口唔腥，還可接受。 味道還好，肉質都ok，唔嫩唔散。年糕都多，唔會太‘林’。值得一提喺個蒜頭，好好食。🆗▫️脆煎灌湯小籠包（五件）好熱，食個時真喺要小心啲汁。呢個做法幾特別，個底幾脆，有啲似生煎包。 如果同金牌小籠包比，我鐘意金牌小籠包多啲，傳統好食啲🙈▫️銀絲卷（蒸）正，冇特別。不過外皮偏硬。會選擇留返quota 食其他。▫️手工白菜水餃 （八件）正常。不過皮薄，餡多。▫️大上海牛肉餅 （三件）可以唔洗叫。 唔太好食，油，乾，但入面肉質juicy。▫️菜肉餛飩拉麵正常。麵質有咬口，幾入味。餛飩冇特別。▫️上海擔擔麵個人覺得上海婆婆好似仲好食。💯▫️原桶黑豆腐花幾特別，香黑豆味，幾滑。而且份量多。▫️脆炸蘋果肉桂卷（三件）唔洗叫，唔好食。 同牛肉餅一樣，油。蘋果少，冇肉桂味，而且喺脆硬。P.s. 我喺幫襯過幾次，然後一次過寫😂😂

經過見到呢間新開嘅上海菜 餐廳闊落 裝修精美 😍朋友話平時大排長龍 今次早入座 限時90分鐘🍽食物好有水準 ✨茶位$13@1人 前菜$15✨鐵板灌湯生煎包 $56/4高度推介呢個小菜鐵板生煎包唔係度度有可以保持食物嘅溫度 入口要小心爆汁❣️生煎包皮薄多汁 底部好香脆✨蘿蔔絲酥餅 $52/3呢個又係好特別嘅小食 蘿蔔絲好香口🙌🏻✨上海炒年糕 $88有點油膩 味道不過不失份量多 最後要打包😛✨寧波蜂巢餃子 $68/5個名咁吸引諗住試吓 打卡可以 味道一般👌✨流沙奶黃千層酥 $52/3滿瀉嘅奶黃畫上完美句號 香濃奶味🤩

中午2人去試下，點了菜肉餛飩8件＄58蘿蔔絲酥餅3件＄52生煎飽4件＄56紅燒牛肉麵＄70醉雞＄84前菜＄15茶每位＄13午餐時間是只是比90分鐘個人覺得醉雞比較滿意整體感覺只是用裝修來包裝食物，味精很多。食物熱度不夠。味道比不上以前的舊式上海飯店！

將軍澳區一直都有不同品牌連鎖集團進駐，今次介紹我都幾鍾意《家上海》，以淮揚菜講求細緻巧手製作及火候掌握。新店開業不同的限定菜式，的確令人有所驚喜。適逢夏日炎炎，新店特別推出限定飲品—「貴妃楊枝甘露」，不止是有楊枝甘露內含愛玉、哈密瓜、荔枝，口感豐富又消暑。現凡惠顧兩杯，第二杯更可享半價優惠。花雕酒糟三寶【東港城限定】以前菜來說有鮑魚、豬手又有鮮蝦可算是極具份量，花雕酒味道沒有搶走三者味道，浸滲出入味而醇香。寧波鹹雞作為一道享譽國內外的經典菜式，寧波鹹雞口感鮮嫩，味道咸香能帶動味蕾，食指大動。蘇式燻魚【東港城限定】未成燻魚之前其實是鱸魚，配合多款材料醃製並炸至乾身，淋上砂糖及鎮江甜醋，肉嫩又帶甜香，夏天相當醒胃。脆煎灌湯小籠包【東港城限定】傳統小籠包就食得多，利用鐵板奉上保留其肉汁熱度；但底層皮薄帶有煎香口感，豐富的肉餡上層軟身、底層香口，不同層次口感。難怪成為此店招牌菜式之一。黄金粟米煎餅【東港城限定】簡簡單單利用粟米及粉漿煎至脆香，甜度適中懷舊家鄉小吃之物。淮香醬油粉絲青蟹煲【東港城限定】原個鐵鍋奉上相當吸晴，巨型的大青蟹混入粉絲，肉碎等煮至入味。肉質鮮甜又飽滿，連同粉絲同吃立即昇華

新店開張超級多人，原來有優惠待回復正常再有機會去試試終於有日下午有位…..坐定後有前菜～都幾好味茶熱水滾～茶味濃試左小籠包～皮薄多汁上海粗炒～麵條分明，汁剛剛好有水準的

忙碌左幾日，終於有時間嚟試吓東港城最近新開業嘅家上海 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🥢脆煎灌湯小籠包用鐵板熱住上嘅鮮肉小籠包，上到枱 keep住咋咋聲，小籠包皮厚薄適中，底部非常香脆，肉餡新鮮多汁，大推👍🏻🥢淮陽五福拼盤(女兒紅醉雞、鎮江冰官肴蹄、涼拌陳醋紅蜇頭、蘇式燻魚、四喜烤夫)前菜拼盤滿足到每樣都想試嘅客人，個人覺得燻魚最好味，醉雞酒味未算好濃，其他三款味道都正常，不過份量不算多，比較適合2人 share 🥢招牌十景楊州炒飯上枱時聞到陣陣蛋香，米飯粒粒乾身分明，炒得好香好靚。🥢上海海參酸辣湯食上海嘢離唔開一碗熱辣辣嘅酸辣湯，呢碗酸辣適中，用料幾豐富。🥢炸銀絲卷新鮮滾熱辣，配酸辣湯一流，或者點煉奶都非常好味，各有特色食法。今餐已經有D飽，下次再嚟試下甜品～ 餐廳環境古式古香，有開放式廚房睇到師父製作小籠包同其他美點。中午時份都幾多人，幾乎滿座，可以先在Openrice 訂座幾方便。

事緣係咁小弟都係做飲食業嘅都明白會落埸，咁佢新開我就3:10pm去試下咁，食完一次覺得好好食嘅！可惜之後次次去佢都話已經截咗單，今日仲離譜2:40分就話截單唔入客，咁我就問佢你哋唔係三點先截單咩？佢就話我哋截咗入客，佢哋嘅截單時間越改越早，對佢真係心都淡囇！以後都唔想再幫襯佢

淮鹽溏心燻蛋 - 可以。真溏心蛋跟及燻味濃。蘇式燻魚 - 偏甜。很乾及無魚肉，欠飽滿。乾煸四季豆 - 正常。玫瑰露醬油砂鍋雞 - 滿心其待的東港城限定菜，卻是最讓人失望的一碟菜。玫瑰露落得太多，雞肉充滿苦澀味，沒有香味，更沒有雞味。慶幸只點了半隻。紅燒年糕炆黃魚 - 較可取的主菜，但年糕粉量偏少。招牌十景揚州炒飯 - 又一見真章菜式。炒飯既不香，又不夠熱。食落口也淡而無味。心想為何招牌菜也可以弄成這樣？脆煎灌湯小籠包 - 鐵板上特色。可取。前菜不錯，茶亦尚看。

今晚真係叫咗好多野食，樣樣都唔錯，每人$250真係超值。今晚最好食就係呢一味東坡牛面頰肉，佢係用炆東坡肉的方法去炆牛的面珠登肉，炆得好入味。第二精彩嘅就係脆煎灌湯小籠包，鐵板上，過癮之餘又可以保持個食物溫度。另外個包底煎到香脆又真係幾好食，第一次食呢種好似鍋貼的小籠包，有驚喜。其他嗰D都好食，先講D小食。寧波赤醬豬頭肉每件都揀選連住豬耳位置的豬頭肉，有埋豬耳的軟骨，感覺上無咁罪惡感，好爽口，好食。鎮江肴肉所選用嘅肉感覺上比平時出面食到的來得精細，點咗汁味道更佳。四喜烤麩做得都唔錯，佢個汁唔會太鹹，令到D花生、雲耳、烤麩同炸菜mix得好味。蜜汁脆鱔做得夠乾身又多脆，加埋芝麻的香味，是一款不錯的餐前小食。呢個黃金粟米煎餅最好就係唔會太油，非常難得，D粟米粒都幾甜，好食。主食我地就叫了薺菜炒年糕，D薺菜好香，真係好有上海feel。最後想講嘅就係呢杯楊枝金露，入面仲有愛玉，面頭有一粒荔枝，真係又好味又消暑，才$24，真係超值。

蜜汁脆鱔硬過爆谷，太甜太硬太乾，好似淨係食鱔皮，真的超難食，似前菜多過主菜，成碟嘢真係太難食，結果食淨大半碟！失敗！牛肉餅非常細個，肉偏少，皮極厚！失敗！豆沙窩餅，皮乾且厚，餡少冇香味！咁普通嘅甜點都做到咁，失敗中嘅失敗！本人喜愛上海菜，看見有上海菜館新開張，懷著興奮的心情去試一試。我問男經理為何食物水平如此低下，他説這是他們寧波師傅的口味及一貫水準！好嘢佩服！總括而言，性價比極低，態度極差，裝修和外賣袋個樣一流，食物九流！絕對中伏，永不幫襯！

留意到餐廳新張，並設有8折優惠，立即與家人前往一試！餐廳主打上海及淮揚菜，食物種類多，十分吸引！🐖鎮江冰官 Jiangsu Style Pork Trotter Aspic ($82)結合瘦肉與肉皮，口感彈牙，帶點鹹味；賣相呈半透明，十分精緻～🍲海派醃篤鮮 Pot-au-feu Jinhua Ham Broth ($108)初嘗醃篤鮮，味道清甜而且足料🤤 湯呈奶白色，內有冬筍、百葉、鹹肉等，十分特別，絕對值得一試！🐖張大千紅燒獅子頭 Traditional Braised Pork Balls in Brown Sauce ($92)用上手工剁肉而製成，口感軟糯而不油膩，肉質鮮嫩，咬下去滿口肉汁～🐖海派回鍋肉 Sauteed Sliced Pork Loin with Assorted Bell Peppers ($92)肉香味濃郁！味道不會過辣，反而惹味十足，同時不油膩～🥬鹹肉火腿津白 Braised White Cabbage ($88)津白奶油味香，完全融入津白當中！🥟脆煎灌湯小籠包 Chef’s Special Pan-fried Xiao Long Bao ($54)煎製的小

2022.07.20😊【上海弄堂殺入美食沙漠】食在將軍澳瞬間女女已經一歲了回想跟老公第一次約會的地點就是YOHO的家上海🥰當時就是被此那道脆煎灌湯小籠包收買了時至今日 家上海已經在東港城開設第三分店相約友人回味一番前菜🔸寧波赤醬豬頭肉 $88 * 東港城店限定相信女士們會喜歡此道骨膠原菜式以秘製鹵水汁烹煮兩小時的豬頭肉🐷加上豬皮及豬耳 紮成卷狀切片肥瘦適中 一不小心就「再接再勵」🔸淮揚五福拼盤 $248選擇困難的不仿一試拼盤餐廳精選五款推介前菜：女兒紅醉雞、鎮江冰官肴蹄、涼拌陳醋紅蜇頭、蘇式燻魚及四喜烤麩當中以醉雞及燻魚最討歡心前者雞肉嫰滑 酒香濃淡恰到好處😋後者香脆不油膩 甜酸開胃湯羹🔸蘿蔔絲鰂魚湯 $128自小就不太喜歡食魚 怕麻煩、怕挑骨頭卻喜歡飲上一碗熱騰騰的魚湯白蘿蔔的清爽 加上兩條大鰂魚🐟使魚湯呈奶白色 鮮甜營養高相信大人小童都會愛上主菜🔸淮香醬油粉絲青蟹煲 $438 *東港城店限定主角出場 嘩聲四起接近一斤大青蟹 鮮甜飽滿而想必一眾老饕對大配角虎視眈眈吧爽口的粉絲 吸盡所有精華 啖啖滋味🔸東坡牛面頰肉 $188 *東港城店限定無肉不歡的女孩 又怎能放過好機會呢店員介紹此道