古今二 (觀塘工業中心)

Open Now

Now Closed

啲串燒係世一難食 一係太鹹一係無味燒膳直頭係苦嘅以為個口中毒炸軟殼蟹又無味又多油火山壽司=燒燶嘅蟹柳壽司係得啲純魚生壽司算正常其他都不了而且難食都算 仲要食唔飽又貴 兩個人食咗>$500唔會再幫襯

第一次喺古今二食晚餐，叫咗一碗叉燒拉麵，結果食咗三啖就已經冇再食。首先，拉麵太腍，質素比其他本地日本餐廳更差。第二，湯底冇味，任一啖便已經知道係開粉二主城的豬骨湯底。希望餐廳的廚師能夠好好改進拉麵的質素。另外亦叫咗炸雞件，反而這碟小食意外地香脆，雞件環保留了應有的肉質，是一款非常適合佐酒的小食。泡菜豚肉火鍋味道正常，配菜的份量好足，有豆腐，白菜洋蔥，泡菜的味道亦很足夠，令整個火鍋的味道10分惹味。建議大家除了拉麵以外，其他菜式可以一試！

你聽過觀塘有間叫「古今二」嘅日本餐廳未呀? 今日我就去咗佢嗰度食飯。餐廳位於觀塘工業中心第四期，地鐵站一落就係，好易搵。環境好舒服， 簡潔中帶有少少日本元素， 一坐低就好輕鬆自在。佢哋嘅菜式都幾特別, 味道都ok。頭盤上嚟嘅係香辣龍卷風沙律, 賣相都唔錯，有好多蔬菜同甜甜嘅蟹柳絲，再淋咗一層超香辣嘅汁，一口下去爽口又開胃。之後就係彩虹卷物同搖滾樂。彩虹卷物個個都好靚，有三文魚卷、吞拿魚卷同鰻魚壽司，仲有青瓜、牛油果同蟹肉絲,食落色香味俱全。搖滾樂就由鰻魚、芝士、炸蝦、牛油果同鰻魚燒組成，每一件都咀嚼起來脆脆的好特別。最後就係宮崎味鹽牛舌串同鹿兒島豚肉露筍串，肉質又嫩又帶點甜。總之,「古今二」呢間餐廳無論係環境定菜單都好吸引，每一樣都特別又好味。如果你有機會去觀塘，我一定推薦你去試吓，保證會愛上佢!

哈哈哈哈我又去食呢間😂😂😂質素都唔錯啊😚吉列廣島蠔炸得好香脆，粉唔會太厚，隻蠔大大隻，食落仲好juicy添😍蜘蛛同午夜牛郎都好正，口感豐富，應脆嘅脆，有軟殼蟹啊、炸蝦等等，調味亦啱啱好😋落咗哦醬又夠惹味彩虹卷有三文魚又有吞拿魚，食材夠新鮮，加咗牛油果冇咁單調，唔錯唔錯🥰海膽炒飯炒得好香，食到有蛋香味，仲有啲蛋絲嚼下，混入咗海膽個飯更加鮮，仲有飛魚籽卜卜脆口感豐富😚呢間真係幾唔錯，食得過🤪

黎左食幾次最鍾意食呢間既卷物今次Tea 同朋友黎食，剩係叫左一個卷物、沙律同炸物卷物叫綠野仙蹤，有芒果、牛油果同蘋果🤣🤣 蘋果好Fresh，無左青瓜草青味；仲有魚子同章魚，有口感👍🏻另外龍卷風沙律都係必點👍🏻 好大份，有啲脆脆、蟹柳、青瓜、菜同唔同醬料，撈埋一齊食，好滿足😃最後，唔太夠飽，仲叫左個章魚小丸子😃 好多柴魚👍🏻 同八爪魚都好大粒，2個人每人食3粒，啱啱好😃同埋最緊要坐得舒服，同朋友傾計一流

觀塘這間日式創意卷物、料理總店很受歡迎，午飯及晚飯時間都是座無虛席，加上地方不大，座位有限，需要早一點來或預先訂座。肥美的牡丹蝦刺身，蝦肉鮮味，厚實，爽彈非常；而三文魚腩，全部厚切捲曲，魚腩位置油脂非常豐腴。最期待是這家餐廳的卷物，造型擺盤精緻，上面有燒汁及沙律醬，還有脆片，加添口感。海量的蟹柳、蟹子，壽司卷有天婦羅蝦及芝士。炸物點了炸天婦羅，兩條大蝦及蔬菜。趁熱食新鮮炸起的天婦羅，炸粉薄薄的，口感香脆，不算油膩。紫蕃薯天婦羅原來也很美味。

呢間古今二係觀塘都屹立多年 觀塘打工仔多數都聽過地點都好方便 近地鐵站 環境而我嚟親都係食LUNCH嘅多過往食過多款午市套餐 丼飯 壽司等Menu改名上都有花過唔少心思今次無叫LUNCG SET 都係散叫叫下串燒咁🍙超級龍捲風龍捲風裡面有香脆嘅炸蝦配個特製醬汁其他串燒燒物等🍢鹿兒島豚肉露筍🍢炸雞軟骨🍢日和安格斯牛柳粒🍢吉列廣島蠔🍢江戶薄燒牛仔骨(3件)🍢迷你甜薯款式多 味道一如既往保持水準 繼續支持🍤

今次二訪位於觀塘嘅特色卷物居酒屋，之前食過覺得佢地既卷物好有特色，而且種類同選擇都好多，今次約咗朋友喺觀塘附近食嘢，對啲連鎖店有少少厭咗，所以就再嚟多一次，試吓唔同嘅卷物。我哋大概六點左右去到，人都唔算好多，店員好快就安排咗我哋入座，而且都好有禮貌豆腐麻醬沙律佢呢個豆腐麻醬沙律嘅份量十足，豆腐好大塊，而且好滑，感覺應該係日本嘅豆腐。然後沙律加上麻醬都好夾，作為開胃既菜式，喺炎炎夏日嚟講算係不錯。龍卷風佢呢度係一個卷物黎，入邊係包咗炸蝦，面頭好有特色，加咗好多薯片碎同埋鰻魚汁，本身都擔心好奇怪，但係感覺都唔錯，夾得都幾好。牛舌最後我哋嗌多咗一個小食，牛舌嘅肉質好嫩滑，唔係硬到咬唔到嘅嗰一種，而且新鮮啱啱煮好，味道都唔錯。

今次黎到觀塘，試試人氣大熱既古今二，主打日式創意卷物，仲有串燒、鍋物、主食等等，超多選擇！！日式麻醬豆腐沙律先黎一個沙律REFRESH一下，嫩滑軟豆腐配上新鮮爽脆沙律菜，淋上香濃日式麻醬，開胃之選～燒牛舌軟嫩多汁，燒至外脆內軟超juicy，滿滿油脂感，風味十足！三文魚腩．牡丹蝦刺身油脂豐富既三文魚腩肥嫩香潤，脂肪含量高，厚切更富口感！牡丹蝦豐腴甘香，蝦肉極甜美，細綿帶爽，口感一流！卷起呈上超吸晴，中間有滿滿蟹柳絲、蟹籽等，卷物加入黑芝麻、脆片，包裹著炸蝦，用料豐富食落好有層次！

好耐冇去觀塘食嘢，聽日去等個friend放工，然後佢就帶我去呢間「食飯」。冇錯，今晚主力「食飯」，因為見到好多菜式都係以米飯為主，啱晒飯桶嘅我哋。有厚條鰻魚飯即刻嗌嚟食，擔擔鰻魚肉，加埋鰻魚汁撈飯，正。然後就係佢哋特別嘅壽司，有蝦肉嘅幾香口，中間仲有芝士。另外一個壽司就犀利啦，用火為主燒，一定係打卡位！首先上面嘅芝士慢慢溶化，幾芝味。呢度嘅壽司份量都幾大，兼且加左芝士，所以都幾飽肚下，兩個人真係食到捧住個肚。

我最近品嚐了一頓豐盛的日本料理，包括刺身三文魚、壽喜燒鍋、沙律、以及卷物。每道菜都為我帶來了不同的驚喜和美味😎😎😎刺身三文魚。新鮮，好食，會再食。壽喜燒鍋，這道火鍋結合了嫩牛肉、娃娃菜和菇類。牛肉肉質鮮嫩，搭配清甜的娃娃菜和香氣四溢的菇類，入口滋味濃厚，令人回味無窮。龍捲風沙律中的蔬菜、蟹柳和脆片搭配得恰到好處，清爽爽口，帶來一絲清涼感，為整餐增添了輕盈的口感。最後是卷物綠野仙蹤，這道卷物包含了八爪魚、蘋果、蟹柳、牛油果和鮮魚子。卷物的口感層次豐富，每一口都有不同食材的香氣和口感，帶來滿滿的驚喜。

這家隱身於工廈的日本料理，以新鮮刺身和壽司聞名，讓人感受到濃厚的和風氛圍。首先，五品刺身拼盤是一大亮點，包括帶子、吞拿魚、活赤貝、三文魚和劍魚腩。每款刺身都新鮮無比，帶子甜美爽口，吞拿魚脂香濃郁，活赤貝鮮甜脆口，三文魚入口即化，劍魚腩更是脂香四溢，讓人一試成主顧。橫綱力士龍蝦卷則是不得不提的創意料理。裡面有波士頓龍蝦、鰻魚、芝士、牛油果和青瓜。波士頓龍蝦的鮮甜與鰻魚的香滑完美結合，芝士增添了濃郁的口感，牛油果和青瓜則帶來了清新的口感層次。每一口都充滿了驚喜與滿足。三文魚壽司和鰻魚壽司同樣出色。三文魚壽司的魚片厚實，油脂豐富，入口即化；鰻魚壽司則烤得恰到好處，香氣四溢，醬汁甜而不膩，與米飯相得益彰。

古今二（觀塘）❣️今次經過觀塘，估唔到都有古今二分店。決定再次encore，試吓唔同嘅菜式。🌟綠野仙蹤面上鋪上滿滿的芒果和飛魚子，中間夾心著厚層牛油果醬。餡料係八爪魚、蘋果、蟹柳。軟熟的蟹柳，搭配上煙韌的八爪魚，爽脆的蘋果。擁有多重口感之餘，味道都好富豐富。入口首先品嚐到鮮甜味，後勁帶出鮮果味，絕對好refreshing的一道菜式。🌟龍捲風沙律份量十分足夠。蟹柳、蟹籽、沙律菜、中華沙律、脆脆片。蔬菜非常鮮甜，蟹柳彈牙。撈埋自家製醬汁酸酸甜甜的味道，認真開胃。而口感都因為蟹籽和脆片增加了層次。🌟火山擺盤超級𥄫精，絕對是打卡之選。魚籽和蟹柳鋪滿上面，周圍都係火焰🔥入口更加餡料爆炸，魚籽爆開，蟹柳鮮甜味足。加上牛油果和青瓜的加持，肉味飽滿又帶點清新。飯粒質感結實，不會鬆散。總括而言，都係冇令我失望。下次可以再encore其他分店

【觀塘•古今二】@ππππππππππππππππππππππππππππππ觀塘卷物唯一之古今二倫敦橋+三文魚卷+富士山味淋魚乾三文魚腩刺身味淋魚乾三文魚腩刺身 是用新鮮的三文魚腩刺身製成，再淋上特製的味淋魚乾醬汁，口感鮮嫩多汁，帶有淡淡的甜味和微微的鹹味，非常美味。嘗試三文魚的鮮味完美地襯托了味淋魚乾的風味，讓整道菜色香味俱全。此外，我很喜歡他們將三文魚腩切成卷狀，非常精緻美觀。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 450✨✨✨✨✨✨✨✨✨✨✨✨✨#觀塘美食 #古今二 #web3觀塘古今二 (觀塘工業中心)觀塘觀塘道436-446號觀塘工業中心4期1樓B室

小編本身很喜歡去居酒屋食嘢，因為日式食物種類多，滿足食壽司的胃口之餘，亦能吃火鍋跟天婦羅等等。今次朋友帶咗小編去一間名字很有跨越古今的浪漫意思，但部分食物名稱蠻跳脫的日式餐廳。特色卷物每個卷物的名稱都很特別，有富士山、煙火和金龍卷等等，用料種類都蠻豐盛，基本一個卷物就可以食到幾個材料。醬料都給得好足，食落更加開胃。小編比較喜歡相撲士，入面夾住芝士條同三文魚，芝士鹹香同三文魚脂肪的香味混合一起，會好滿足。海老天婦羅居酒屋必叫的一定是炸物，今次叫咗天婦羅。天婦羅炸得金黃酥脆，食落油溢感不多。外層粉漿不算厚，可以食到蝦的結實彈牙口感。牛肉壽喜鍋居酒屋另一個好處就是快跟懶，懶人火鍋都是一個好選擇。我哋再叫多個火鍋share，順便可以食蔬菜。牛肉脂肪不多，大塊長條，牛味算突出，可以另外沾蛋黃液增加滑溜口感及鮮味。湯汁微甜，加上大白菜就會變得爽脆鮮甜。龍捲風沙律份量好似堆到小山丘一樣大，底下鋪滿新鮮生菜底，然後就是蟹柳、蟹子及海藻，口感相當豐盛。加上酸酸甜甜的醬汁，好快就清曬，清爽解膩。古今二觀塘道436-446號觀塘工業中心4期1樓B室