古今二 (觀塘工業中心)

Open Now

Now Closed

朋友介紹話觀塘工業中心有間日式餐廳嘅卷物係好出色，所以嚟開依頭就當然要去見識一下啦。觀塘地鐵站一落就見到，所以都係非常易搵。而且餐廳環境簡潔得嚟又帶有少少日本元素，所以坐得都好輕鬆舒服。菜式都幾特別，而且大部分卷物嘅名都改得好搞笑，係進餐之餘都帶點樂趣。先嚟一客 龍卷風沙律，擺盤都非常精緻，以爽脆嘅沙律菜，加上中華沙律、蟹籽和蟹柳絲，重點嘅係加入大量脆脆片，所以食落口感豐富。當中不得不提個祕製醬汁係有有又帶點微辣，令到整個沙律更有層次感，開胃度滿分。卷物方面我地叫左 蜘蛛 同費城卷，單睇個名都覺得好得意。蜘蛛卷以炸得香脆嘅軟殼蟹為主角，再配上青瓜、牛油果同蟹柳，幾種食材加埋一齊食，令到口感非常豐富。費城城卷則係三文魚加上忌廉芝士同埋牛油果，入口鮮甜中又帶點點咸香。另外我地仲叫左三款燒物，分別係…秘製蒜香牛油燒帆立貝、照燒雞肉串燒同埋帝皇蟹柳天婦羅，三款味道都唔錯，啱我地口味。

今日嚟到觀塘，地膽朋友仔帶我嚟呢間環境好靚，又高性價比嘅日本居酒屋，又有口福🤤★̆̈ 迷你辣味三文魚pizza拼湯麵 $78 （連熱飲） ✐ 迷你辣味三文魚pizza辣味三文魚pizza超有驚喜，厚厚哋嘅pizza底原來係炸過嘅飯，咬落脆卜卜！上面仲有辣辣哋嘅蛋黃醬，三文魚粒、蟹籽同燒汁，味道層次豐富✐ 蝦湯拉麵 湯好香濃鮮甜，完全唔會苦澀，個麵好掛汁，日式腐皮都吸哂汁，每一啖都係幸福感☺️ ★̆̈ 自選湯麵拼特色卷物 $81 （連熱飲） ✐ 醬油烏冬 烏冬Q彈有嚼勁，個湯相對地清淡，襯埋咁多味道豐富嘅嘢一齊食，啱啱好 ✐ 午夜牛郎（4件） 卷物係熟三文魚、牛油果、cream cheese，外面略略炸過，外脆內滑，再配上辣辣嘅蛋黃醬，香濃又惹味！ ★̆̈ 雜錦天婦羅 $88 天婦羅炸得好新鮮，蝦好彈牙，紫薯都好甜，最驚喜係秋葵，入面竟然釀咗蝦肉，食落滿足又有創意★̆̈ 柚想蝦你 $55 沙律用咗柚子汁食落好清新，用料仲好豐富，除咗沙律菜之外，仲用咗蟹籽、甜蝦、牛油果、蘋果、蕃茄仔中華沙律同柚子，撈埋一齊好開胃 🤤

今日觀塘收工同事話一齊食飯，觀塘真係超級多好嘢食，中西美點各國美食應有盡有。最後我地揀左呢間古今二作為今晚晚餐。一入到鋪頭感覺好舒服，裝修擺設滿滿日本feel好有特色, 食物選擇多，尤其卷物款式新穎多選擇。柚想蝦你：好多配料嘅沙律，有柚子、蝦、 中華沙律 、水果同沙律菜， 蔬菜新鮮爽脆 配料豐富好滿足。鹿兒島黑豚肉荔枝卷串燒：配搭好新鮮，荔枝肉清甜可口配搭黑豚肉減卻油膩感， 味道讓人驚喜。鹿兒島黑豚肉蘆筍：蘆筍爽脆鮮嫩, 黑豚肉肉質細膩， 最佳配搭。午夜牛朗：香濃芝士配搭肥美嘅三文魚同牛油果， 味道鮮明有層次，反卷外面香脆更添美味。鱈魚干： 口感香脆野味， 點沙律醬食一流。

古今二全港九新界都有幾間店舖除咗刺身丼飯串燒之外 今次主要想講佢哋仲有好多好特別嘅卷物 出面真係比較少見嘅🥗龍捲風沙律(大) ($88)主要有蟹籽同蟹柳 沙律菜新鮮爽脆🍢鹽燒白鰻 ($38)🍢宮崎味鹽牛舌串 ($32)2款串燒都好熱辣辣 好明顯係啱啱燒好 白鰻同牛舌都好爽口 2款都好味🍣彩虹卷 ($116)🍣搖滾樂4件 (+$60)彩虹卷主要由青瓜 牛油果 蟹柳同幾款刺身魚切成搖滾樂主要由芝士 牛油果 炸蝦切成 鰻魚就係面2款食落嘅口感都非常之層次分明 新鮮 Fresh所以價錢比出面一般卷物貴都好正常 亦都會覺得係物有所值

今日同同事去咗「古今二」食晏，呢度嘅午餐真係幾抵食，選擇又多，我哋叫咗幾樣嘢都幾有驚喜😍龍卷風沙律：呢個沙律好fresh，蔬菜好爽脆，仲有好多配料，有少少辣味，食落去好有層次感👍迷你辣味三文魚pizza：用飯做餅底，真係好有創意！飯底煎到脆脆哋，上面鋪滿三文魚，辣辣哋好開胃，食落去口感好特別，完全唔會膩😋蝦湯拉麵：個湯底真係不得了，蝦味超濃郁，飲一啖就覺得好鮮甜，拉麵又彈牙，真係好正😝火山卷物：呢個真係好有睇頭！卷物上面鋪滿蝦柳絲同魚籽，上枱嗰陣仲會用火槍點火，真係好似火山爆發咁，視覺效果滿分！食落去口感豐富，蝦柳絲同魚籽嘅鮮味好突出😆揀多左兩個小食:鱈魚干：脆脆哋，鹹香得嚟又唔會太濃味，帝皇蟹柳天婦羅：外皮炸得好酥脆，入面嘅蟹柳依然保持到鮮甜😊

今日同朋友去咗堪稱中環區九龍嘅觀塘工廈搵食舖頭門面已經具有日本特色猶如置身於日本入到去店員日文同我哋打招呼龍捲風沙律海草，蟹柳，配搭沙律汁份量夠大 ，抵食， 夠開胃櫻花蝦燒茄子份量大大過我我隻手櫻花蝦佈滿茄子茄子夠淋，好惹味秋葵蟹肉天婦羅炸得啱啱好炸粉唔會太厚入面配搭蟹肉，配搭得好好，唔會太寡秋葵唔會滑潺潺迷你蟹柳pizza配湯麵拉麵面質軟硬適中湯底唔會太鹹份量啱啱好火山打卡一流直頭好似同朋友過生日咁卷物好食坐得舒服而且裝修有日本風格店員有禮價錢都唔貴性價比高

工作忙碌，未有時間飛去日本？黎到 古今二，絕對可以止止痕！店內裝修充滿濃厚的日式風格，細緻的木質裝潢，加上柔和燈光，令人彷彿置身東京巷弄中的小餐館。🍣 龍卷風沙律 $88.00一上枱已經好吸睛，擺盤精緻，沙律菜爽脆，配上甜甜醬、蟹柳、中華沙律，甜甜又帶點微辣，口感豐富又有層次，開胃度滿分！🔥 煙花卷壽司 $58.00結合辣味三文魚、吞拿魚，再加上脆片，入口層次感十足！🐉 金龍卷壽司 $55.00金龍卷有三文魚刺身，裏面包住炸蝦同芝士，炸蝦增添脆口感，芝士令整體味道更濃郁，鹹香滿滿，每一口都充滿驚喜。🎸 搖滾樂壽司 $60.00呢款壽司卷完全對得住佢個名！鰻魚、芝士、炸蝦、牛油果四重奏，口感豐富，味道層層遞進，柔軟同香脆兼備，係一款充滿「搖滾」個性嘅壽司！🐖 黑豚豬頸肉串燒（1串）$28.00豬頸肉燒得剛剛好，外皮帶點微焦，肉質保持嫩滑多汁，咬落仲有陣陣炭香，配埋少許燒汁，惹味又唔會太膩，簡單但極具水準。🐷 鹿兒島豚肉蘆筍串燒（1串）$45.00鹿兒島豚肉本身油花均勻，肉味濃郁，搭配爽脆蘆筍，一柔一脆，口感層次鮮明，燒烤香氣撲鼻，值得細味品嚐。古今二係一間有心思、有水準嘅日式餐廳，無論裝

想同大家分享一下我成日光顧嘅一間日本餐廳🇯🇵！ 好近地鐵站真係好方便， 雖然佢喺工廠區， 但係餐廳環境， 簡約舒服 。啲出品都唔錯😂。我仔特別鍾意佢哋嘅日式炒烏冬🍜，每次食都食得好開心！而且網燒牛舌🫓，真係好香好淋😍， 越趙越香其實，呢間餐廳最出色嘅地方就係佢哋嘅手捲🥢同埋卷物🌯！午餐有雙拼捲物，價錢超抵，簡直係無敵優惠👍。而且所有午餐都包杯飲品🥤同埋味噌湯🍲，如果你哋都鍾意日本食物，不妨試下呢間餐廳啦！❤️

嚟到觀塘搵野食，一出D出口去到觀塘工業中心就見到呢間咁吸引嘅日式居酒屋🏮今次食咗幾樣好味嘅小食，真係令人驚喜😛炸年糕 首先個炸年糕表面金黃酥脆，入面又軟淋淋，好正！燒雞翼 🐔 燒到恰到好處，皮脆肉嫩，咬落去Juicy！壽司Pizza 🍕 估唔到壽司都可以整pizza！勁足料！無限蟹柳🤩，底部嘅米飯香軟，配搭新鮮嘅材料，口感層次豐富！吞拿魚蓉卷物 🍣好足料～啖啖魚蓉！整體環境都好有日本風情，燈光柔和，啱晒同朋友慢慢傾計😆 呢間居酒屋真係值得一試，無論係食物定係環境，都令人覺得滿足，期待下次再嚟！

今日有朋友喺外國返嚟，臨時約我食飯，話好想食日本嘢，佢問觀塘區有咩日本餐廳好介紹，我一開始都有問佢想食居酒屋定話壽司，定話天婦羅嗰啲，佢就答我最好咩都有啲，於是我諗咗一陣就決定叫佢去呢間古今二。呢間餐廳有好多選擇，而且唔會太多人，臨時去唔使預早訂位都應該有位。結果我哋叫咗幾樣嘢都覺得好好食，首先一定係佢哋個沙律，個沙律啲菜好新鮮，而且入面菜嘅種類都好多。之後就係個炸蠔，炸得好酥脆，咬入去中心就好Creamy。呢度嘅鰻魚同牛舌串燒亦都好好味，唔會鞋，但係相當入味。當然都一定要叫佢哋最出名嘅卷物，任何一款其實基本上都冇死，一定好食。

今次又係同屋企人一齊食日本野，最鍾意呢度嘅Menu因為有相有名，方便屋企人睇圖，呢度嘅菜式名都係精心諗過，好特別。📍龍捲風沙律啲蔬菜新鮮到仲有脆口感，蟹柳帶住淡淡嘅海味，海藻又有一啲咸香，食落去好清新。啲脆片就令整道沙律多咗一種酥脆感，夏天食真係正！📍超級龍捲風鰻魚嘅肉質好嫩滑，味道濃郁，海老又鮮又有嚼勁，芝士嘅濃厚感令整體口感更加豐滿，青瓜帶來一絲清新，脆片又添咗脆口感，每一口都有唔同嘅層次。📍吉列蝦炸得金黃酥脆，裡面蝦肉鮮嫩多汁，咬開時仲有彈牙感，味道好香，配埋少少醬汁更加好味。📍大蝦肉質超鮮美，食落去有海洋嘅鮮味，口感滑嫩，簡單嘅調味都可以突出佢嘅鮮甜。📍蒲燒鰻魚丼鰻魚烤得啱啱好，外面微焦但裡面保持濕潤，配上甘甜嘅醬汁，飯食落去特別有味，整體真係幾滿足。🔹🔹🔹🔹🔹🔹🔹🔹🔹🔹#古今二 (觀塘工業中心) (觀塘)觀塘觀塘道436-446號觀塘工業中心4期1樓B室🔸🔸🔸🔸🔸🔸🔸🔸🔸🔸

觀塘古今二食日本菜, 主打刺身壽司🍣，環境寬敞，設有卡位柚想蝦你沙律🦐🥗$108以新鮮彈牙的蝦肉為基底，搭配清甜的柚子果肉及濃郁的牛油果，口感層次豐富，酸甜適中，令人食慾大增😍彩虹卷🍣 $114由三款不同顏色嘅刺身加上沙律生菜，色彩繽紛，打卡一流，內有牛油果同蟹柳，口感豐富🤗清酒煮蜆 $128清酒煮蜆的整體味道是鮮美、清甜、帶有淡淡酒香的。鮮美的蜆肉與清酒的香氣完美融合，形成一種獨特的風味仲有其他創意日式卷物，賣相一流🤗🎇古今二 (觀塘工業中心)🎈觀塘道436-446號觀塘工業中心4期1樓B室

今日同同事係附近做完野，黎左呢到食晚餐，佢都話好食。食物好多樣，主打日式菜，今日叫左3 樣野。仙台牛肉咬落去肉質柔軟，調味岩岩好，而且仲好juicy,唔會乾柴。佢面頭仲有啲炸蒜片，配埋一齊食更加香口！雜錦天婦羅有蝦、蕃薯、秋葵等等， 外皮炸到好酥脆，但唔會厚粉。蝦肉大條而且彈牙！ 蕃薯係我最愛，超級甜！日式煎餃煎得好靚，皮薄餡靚，而且咬落去仲會爆汁，好juicy。整體黎講，價錢中規中矩，味道水準，想食日本野，好多時都會諗起古今！

臨近年尾，特別多活動，之前已經食過荃灣嗰間古今二，因此我個人認為佢款式多，而且份量都多，所以一同朋友食嘢都鍾意約去呢度食。今次我哋去咗觀塘區嘅古停二，就返朋友喺呢頭返工。呢間餐廳同其他分店有啲唔同。首先餐廳佈置非常日式，坐位都好舒適，最重要係空間感十足。呢度做出名係卷物，佢哋勁有心思去裝飾同擺盤，今次都唔例外，真係好啱大家相機食先。呢個超級龍卷風卷物，有海老、鰻魚、芝士、青瓜等食材，卷物上面仲以畫花嘅方式唧左燒汁上面。一口咬落去，層次十分豐富。中間嘅沙律，鋪滿魚子，非常非常多，勁滿足。

難得有時間又可以去觀塘覓食，不得不說工業區真係美食天堂🤩雖然間鋪喺工業區入面，不過都好近地鐵站出口，而且唔算太難搵～入到鋪頭入面去，其實唔算有太多位，但勝在每枱嘅空間夠闊綽👍🏻加上夜晚六點幾食，但已經有好多人入座🤭入到去叫咗少少卷物、沙律同埋天婦羅，大部分嘅賣相都幾唔錯～首先，講咗個秋葵蝦肉天婦羅先，其實都影咗一陣相先食，不過佢都仲係好脆，唔會話好快就淋咗🤣而且蝦肉嘅比例都真係多嘅，相當足料👍🏻另外，好有特色嘅火焰壽司，冇諗過送上嚟之後可以打卡🤭🤭而且都幾特別呢個係龍捲風沙律，雖然睇上去好似好普通咁，但佢嘅醬料應該係有幾種撈埋一齊，唔係好分得清係用咗啲咩醬料，但個味道有甜有辣，都幾特別，係目前我喺其他餐廳未食過嘅味道🫶🏻🫶🏻最後就係其他嘅卷物，大部份都整得好有水準，刺身都新鮮嘅，上菜嘅時候入邊嘅海老都係熱辣辣，所以整體而言其實對呢間餐廳嘅菜式都滿意🤣🤣都不枉我專登嚟觀塘走咗呢一轉🤣如果有機會嚟觀塘嘅話，應該會再返嚟食多次🤤