陳儀興尚潮樓 (英皇道)

Open Now

Now Closed

古色古香潮汕菜🫶🏻充滿驚喜*涼拌海蜇頭潮汕式涼拌菜尤其出名，呢度用上比較少見嘅海蜇頭，唔係我哋平時食嘅海蜇絲，外觀呈現淡淡透明，口感脆嫩，配合店家調配嘅醬汁，入口酸辣清爽。*鵝三寶（鵝腸、鵝肉、鵝肝）鵝腸口感彈牙有嚼勁，鵝肉質鮮嫩，個人覺得鵝肝最為出色，入口順滑又入味。*方魚炒芥蘭賣相好靚，芥蘭葉片翠綠豐潤，同方魚乾嘅咸香平衡得好好！*鹹菜花蛤湯花蛤鮮甜無沙，湯汁清澈，已經好夠味，不需要再加調味了。

陳儀興尚潮樓位於鰂魚涌英皇道，是陳儀興潮州飯店的高級線，主打精品潮州手工菜店內裝修古式雅致，利用薄紗屏風作為座位間隔，滲透着濃濃的中國風工夫茶餐前及餐後都會奉上一杯工夫茶，工夫茶無論由選茶到沖泡都是很講究工夫的，故名工夫茶，入口茶韻濃郁，甘香可口涼拌海蜇頭海蜇頭色澤黃亮，質感肥厚爽脆，入口酸爽Q彈招牌鵝三寶鵝三寶有潮汕獅頭鵝，肉質鬆軟豐腴，芳香入味，肥而不膩；鵝腸口感爽脆，略帶脂肪，香而不羶；鵝肝粉糯，入口即化，清香而不膩鹹菜花蛤湯花蛤肥美鮮嫩配以鹹菜熬煮的湯底，味道鮮香甜美二十年老菜脯燉鮮豬肚湯二十年老菜脯被譽為黑金人參，味道清香，湯頭清甜，色澤微紅配搭新鮮豬肚燉煮入味，軟腍無騷味滷水拼盤拼盤有齊腩肉、大腸、生腸、墨魚及元蹄，用鎮店的陳年滷水滷製，味道醇厚甘香潮式魚丸肉碎煮汕頭白潮式魚丸爽口彈牙，配搭肉碎及汕頭白菜熬煮而成的湯頭，味道鮮甜美味乾貝春菜煲春菜味道似芥菜，配搭大量乾貝絲及炸蒜子，味道鮮甜，回甘味醇

之前食過新蒲崗分店，覺得好正，今次同屋企人一齊黎太古分店試下，環境同新蒲崗都好唔同，價錢當然都比新蒲崗貴啲🪿 滷水鵝片肉質偏瘦滷水同新蒲崗分店一樣鵝片切得比新蒲崗既大片同平均擺盤都靚啲😂🐚 金不換炒蟶子皇好大隻，但無剪斷圖片係兩隻既量都可以比四個人食🦪 汕頭煎蠔烙粉漿較厚，比較軟身蠔仔份量多但存在感唔強因為比粉漿包住個人比較鍾意新蒲崗分店嗰隻炸蠔餅🐚 魚露浸花甲第一次食，原來係凍食無沙無泥，蜆肉脹卜卜食落有苦味👀睇返呢個菜譜係有落酒所以應該係酒既味道愛酒人士應該會愛🧆 潮式咕嚕肉咕嚕汁味道偏酸係番茄既酸味爽口既豬肉配菜有番茄同青瓜🥒🥬 乾瑤柱春菜煲🍚 欖菜肉碎炒飯上檯無乜期待睇落顏色好深有啲驚會好鹹，點知有驚喜炒飯炒得乾身，食落好香幾個人一致認為個炒飯最好食🍠 反沙芋頭芋頭炸得夠熱，裏面偏粉白糖掛唔住一邊食一邊成塊糖衣甘跌好處就係唔好甜既人可以敲走啲糖今次無做足功課見到菜單有啲手工菜需要提早兩日落訂如果有機會，下次想試下啲手工菜畢竟呢啲傳統花工夫既菜式買少見少由蠔餅就睇得到分店既食品分別：新蒲崗分店係港式打冷，適合一班朋友飲酒吹水食飯；太古呢間係精緻潮州菜館，適合帶埋長輩黎慢慢食，個人

【東區】【陳儀興尚潮樓】見過好多 foodie 推薦過呢間潮州菜，攪到我都好想試。適逢過咗嚟太古城睇啲嘢，睇完就行過嚟佢哋鰂魚涌分店試一試佢喇。一坐低就有啲酸菜同埋功夫茶放喺枱面畀我哋開胃，幾好。而茗茶我叫咗「鐵觀音」，係幾好飲嘅。首先試 $88 嘅「涼拌海蜇頭」，上網睇有人話係酸酸甜甜，但係其實係鹹香豐盈嘅一道前菜嚟。跟住試 $298 嘅「滷水拼盤」，有大腸、生腸、墨魚、腩肉、元蹄，仲有放喺底嘅豆腐乾，所有嘢都索晒啲滷水汁，完全入晒味囉。之後試 $228 嘅「潮式魚丸肉碎煮汕頭白」，係餐廳個經理推薦我哋試嘅，有好多粒好香魚味嘅潮式魚蛋喺度，幾好味。而佢裡面仲有啲汕頭白同埋肉碎，啲汕頭白係好似津白咁嘅菜，少食農作物嘅我都覺得好腍好清甜呀。跟住一人一碗 $78 嘅「胡椒鹹菜鮮豬肚湯」，唔錯，胡椒味唔會濃到得鋪辣嗰隻，唔中意辣感嘅讀者朋友都實會中意。食完嘢，經理都有過嚟關心我哋覺得啲嘢食好唔好，幾好招呼。連埋 $15 位嘅茗茶同加一，埋單係 $880 嘅。。。（地址：鰂魚涌英皇道1001號7樓1號舖）#1amfoodie #hkig #foodie #hk #hongkong #hongk

陳儀興尚潮樓位於鰂魚涌英皇道鄰近港鐵太古站以及柏架山道電車站陳儀興飲食集團創辦人祖藉潮州主打傳統潮汕菜式功夫茶功茶茶屬於閩南地區文化同時粵東潮汕地區尤其盛行對於選料烘焙以及收藏沖泡方式極為講究涼拌海蜇頭海蜇頭質感柔滑爽脆涼拌酸甜醒胃同時清新輕盈招牌鵝三寶招牌鵝三寶選用潮汕獅頭鵝鵝肉肉質柔軟細嫩同時鵝肝口感順滑甘香配搭鵝腸脂肪肥瘦適中個人真心推薦滷水拼盤鎮店陳年滷水混合各種香料以及食材經過長時間燉滷以及沈澱味道馥郁醇厚；拼盤齊集大腸以及生腸配搭墨魚加埋腩肉同元蹄選擇困難症患者必點潮式魚丸肉碎煮汕頭白潮式魚丸口感紮實彈牙簡單配搭肉碎以及汕頭白已經足夠乾貝春菜煲春菜歸類萵苣屬葉莖相較芥菜幼長配搭大量乾貝可以突出蔬菜甘甜二十年老菜脯燉鮮豬肚湯老菜脯俗稱黑金採用蘿蔔經過廿年發酵熟成配搭新鮮豬肚燉湯味道溫潤甘醇鹹菜花蛤湯花蛤肉質飽碩肥滿配搭鹹菜可以襯托海產鮮甜

節日假期出去睇燈飾，之後搭叮叮，經過鰂魚涌落地搵食，上網search到人氣潮州菜館，心血來潮試咗陳儀興尚潮樓 。#潮州功夫茶店員服務殷勤，一坐下便奉上工夫茶，回甘芳香。一於感受一下潮州人的飲茶文化，潮州工夫茶藝可以話係國家級非物質文化遺產。#涼拌海蜇頭涼拌海蜇頭是很開胃的小食，色澤金黃發亮，口感爽脆。爽口順滑，咬下去非常的彈牙，鹹中帶甜，營養豐富。#風沙安格斯牛柳粒風沙惹味，安格斯牛柳粒切成骰子般的大小，配搭七彩繽紛的配料和腰果。安格斯牛柳粒柔嫩，入口即化，充滿肉香，油花均勻。肉質厚實，口感肉汁、油香通通有齊。#潮式魚丸肉碎煮汕頭白是很開胃的一道菜，潮式魚丸用上鮮魚肉打成，肉碎配搭超濃郁湯底。魚丸非常彈牙，汕頭白啖啖都健康美味，食到好滿足！#鹹菜花蛤湯最令我印象深刻係鹹菜花蛤湯，簡單家常湯食之美味，吃起來很美味的一道菜餚，鮮咸有味，胡椒香味濃郁。#絲苗白飯及潮州白粥潮州白粥搭配小菜吃，添香無比，完美飽肚。非常喜歡這裏的環境，古色古香，充滿中國文化特色，下次約埋朋友再來試吓其他手工菜。

涼拌海蜇頭，這道菜爽脆可口，價格也非常合理，只需$88。海蜇頭的口感清爽，搭配上他們特殊的調味料，讓人食指大動。此外，他們的招牌菜之一是鵝三寶，價值$298。這道菜結合了鵝肉、鵝肝和鵝腸，使用特殊的烹調方式和調味料，味道非常獨特。鵝肉的鮮嫩口感、鵝肝的滑順口感以及鵝腸的鮮美口感相得益彰，讓您一試難忘。另外，乾貝春菜煲也是一道非常推薦的菜品，價格為$128。這道菜使用了優質的乾貝和春菜，湯汁濃郁鮮美，乾貝和春菜的味道相互融合，在口中帶來豐富的層次感。最後，他們的護國菜是一道充滿潮州特色的菜品，僅售$68。它以葉菜搭配草菇和上湯煨製而成，湯汁清甜爽口。這道菜雖然簡單，卻不失美味，絕對是您的美食選擇之一。陳儀興尚潮樓以其精心烹製的粵菜和舒適的用餐環境而聞名，如果您喜歡粵菜，這絕對是一個值得一試的餐廳。

陳儀興尚潮樓．架己冷吃咩今次與潮州朋友去食飯作為架己冷的她一定食番餐潮州菜既然在鰂魚涌，一於去食陳儀興尚潮樓2位開壺菊花這次吃飯，少了點功夫茶可能店員太忙，生意太多忘了這道經典涼拌海蜇頭爽口彈牙，又有麻油的香氣，是一碟不錯的開胃前菜鵝三寶好食入味的鵝三寶我每次去不同的潮州食店必點但這裡的鵝肝真心做的很好入味香軟而且夠粉是非常地道的口味鵝腸乾淨而不帶肥膏是爽爽脆脆的口感朋友很是喜歡鵝肉夠嫩滑入味與滷水汁一起送飯，非常一流鹹菜花蛤湯花蛤夠大隻，味道鮮味鹹菜這次太重手了略為鹹的過份，適合重口味人士潮州魚丸肉碎煮汕頭白潮州魚丸是鮮香彈牙手打的口感，特別好食汕頭白的蔬菜鮮甜味與魚丸的魚鮮味很配所以好好食潮州白粥+絲苗白飯朋友「吃咩」我吃飯以潮州的滷香鹹香配住食這滋味很是可以陳儀興尚潮樓鰂魚涌英皇道1001號7樓1號舖電話號碼  61883229

「陳儀興尚潮樓」的店名有點長又疑似名字頗特別，重點在「尚潮」這兩個字，時尚的潮菜正合我意，果然被我估中，「陳儀興尚潮樓」集傳統及時尚手法烹調菜式，且不乏手工菜；猜不到的是原來已扎根香港六七十年，起源於新蒲崗及一直活躍於九龍區，所以抱歉我從前不認識，現在終於在香港區開店了、英皇道1001號這新商廈內。這晩我們一行7人浩浩蕩蕩預先訂了手工菜，很期待！餐前餐後皆有送上潮州茶，老闆慷慨用上單叢茶，濃郁味甘。滷水鵝六寶 $488鵝肝、鵝腸、鵝肉、鵝掌、鵝翼與鵝蛋獨門祕製百年滷水再加上獅頭鵝，冇得輸！鵝腸爽，鵝肉味濃，質感柔軟，非常入味；鵝肝更是我的至愛，細緻粉棉，入口即化！咁大隻鵝蛋我未見過，非正宗獅頭鵝的蛋莫屬！生醃膏蟹 時價 $688生醃膏蟹你夠唔夠膽食？咁多紅椒、青椒及蒜頭，醃製超過廿四小時，乜嘢菌都殺哂啦！最緊要蟹是新鮮的，選材來自泰國。生蟹肉晶瑩剔透，入口即化，細軟非常，充滿香辛及酒香，味道剛好，我唔客氣啦，吃了幾件！魚露浸花蛤 $297魚露花蛤我亦很喜歡，我向來喜歡魚露的酒香，今晚的花蛤不知來自何方，非常大隻，肉厚脹卜，鮮嫩味美，但有少少沙！手工清金鯉蝦 $65/只繁複的手工菜，先將

好耐冇食過潮州菜嗌兩款基本菜式再加兩個未試過嘅手工菜，good mix海蜇頭夠大塊夠厚，清脆爽口味道適中非常開胃鍾意食肥膏嘅人一定鍾意鹅三寶鹅肉嘅皮同肉中間有層厚厚嘅脂肪，肉質嫩滑甘香鹅肝嘩，好完整好大塊，超級軟同 juicy喺其他潮州鋪食嘅通常都又乾又實，好不開胃呢度嘅真係 wow 到我鹅腸清潔得好乾淨，清淨少少膏，極度爽脆，好 enjoyable食嘅時候一定要點個潮州醋，咁先可以提鮮，同去油膩感初嘗清燉荷包鱔，第一次食荷葉，友人就冇食其實唔知 suppose 食唔食哈哈我就覺得幾正，因為個荷葉索咗好多精華鱔好甘香但要非常小心食，有不少細骨富貴石榴蟹係用蛋白包著蟹肉好精緻蛋白薄得泥能夠好穩當地包住頗大舊餡係彭湃嘅蟹肉，完全冇呃人，係真蟹肉，因為我同友人都食到有蟹殼以上係其中兩款潮州手工菜，要兩天前要預訂的白飯同潮州白粥係必須嘅，配以上嘅菜式都非常夾每人有兩杯功夫茶清味蕾開始食完再有每人兩杯泥做結尾舒服晒環境周邊有好多中式畫中式裝潢好有感覺陳儀興尚潮樓涼拌海蜇頭 $88鹅三寶 (鹅肉鹅肝鹅腸) $298清燉荷包鱔 每位 $118富貴石榴蟹 每位 $118📍鰂魚涌

之前食過覺得好好食，所以又再返嚟，因為我實在太掛住佢哋個蠔餅喇😋前菜係開胃酸菜，真係好好食，好爽口酸酸地好開胃😋🪼涼拌海蜇頭先嚟個冷盤，海蜇頭好爽口，配埋酸酸甜甜嘅醬汁，呢個下次可以再encore👍🏻🦀富貴石榴蟹【手工菜】一道好精緻嘅菜式，好多蟹肉，食落口啖啖肉，而且唔會好濃味，值得一試！🐟清燉荷包鱔【手工菜】預咗鱔會比較多骨，但好嫩口而且味道唔錯，湯都好好飲。🦪汕頭煎蠔烙真係嚟親都要叫😝一如以往咁好食，煎得好香好脆，仲要勁多蠔仔，送飯送粥都一流呀👍🏻🍲胡椒鹹菜鮮豬肚湯胡椒豬肚辣辣地好暖身，啱晒呢個天氣。🍲二十年老菜脯燉鮮豬肚湯菜脯味好出但又唔會好鹹，微微鹹香好惹味好飲，俾我老公飲晒😋

陳儀興尚潮樓，位於鰂魚涌，優雅高檔次既酒樓裝潢，相當有中國味道🧧主打傳統潮州菜，由生醃海鮮、魚飯、打冷，到潮州手工菜都有，好齊好潮🥰潮州嘢至愛之一，功夫茶，安溪鐵觀音，好濃茶味，好爽好有回甘😇涼拌海蜇頭🪼好大碟，請留意，係海蜇頭唔係海蜇，口感好一百倍🥳好爽好正，味道有咸鮮味加椒辣，好好味既涼拌菜，配支啤酒chill下🤘🏻 二十年老菜脯燉鮮豬肚湯，個名都夠殺，個湯上枱香到呢😽燉湯清得黎濃味，啲精華係晒度，二十年老菜脯好似金華火腿咁，夠味而個咸味好有層次🙌🏻好正既燉湯🍲招牌鵝三寶🪿三寶就係鵝肝鵝肉鵝腸，好吸引既招牌菜🤍啲滷水汁咸淡適中，幾香，鵝肉好入味，加埋滷水汁好好味😋鵝腸好肥美，加潮州辣椒油加醋食超啱🤘🏻鵝肝驚喜，口感一流，加醋食超正😍超高質潮州鵝，清燉荷包鱔，手工菜，上枱燉湯咁，好清好好味👍🏻個鱔驚人，超原汁原味，香濃好味啖啖肉❤️‍🔥好正既手工菜，必食整體係超正既潮州菜體驗，好多難得食到既菜🥹仲要有高雅既環境，高質😙

近排愛上左食潮州菜，今次就同朋友去左一間老字號既新店，餐廳菜式傳統之餘地方都好乾淨寬敞，同朋友慢慢食慢慢傾都冇壓迫感🪼涼拌海蜇頭（$88）海蜇頭好爽口，涼拌既醬汁酸酸甜甜中帶d鹹味，好開胃🦢鵝三寶（$298）三寶包括鵝件、鵝腸同粉肝。鵝件肉質有咬口，唔會霉。坊間捨得用新鮮鵝腸既餐廳唔多，口感比坊間既鵝腸更脆，同一般既急凍鵝腸好大分別。粉肝入口好似豆腐咁嫩滑，唔會實的的，而且同滷水汁好夾🐉清燉荷包鱔（$118）一般既做法係用鹹菜葉包住白鱔，再加入雞湯燉熟，而呢度除左白鱔之外，仲加左金華火腿同冬菇等等既配料，令湯頭更濃郁🐷二十年老菜甫燉鮮豬（$78）就咁睇一舊黑炆炆既老菜甫一d都唔起眼，但飲一啖湯就發覺小小一塊已經提升左成碗湯既鮮味，而家仲有陣陣既鹹香，好有驚喜