陳儀興尚潮樓 (英皇道)

Open Now

Now Closed

食潮州打冷，點會唔諗起陳儀興⭐️老字號招牌，專做潮洲菜，今次食鰂魚涌既陳儀興尚潮樓，酒樓雅致裝潢，傳統潮州菜式任選，由魚飯、手工菜等都有🥹有料，飲返杯#功夫茶，安溪鐵觀音，回甘味濃，潮州特色👍🏻涼菜先上，#涼拌海蜇頭，由於係頭所以切片，口感一流😎調味特別，好惹味，愈食愈想食😆即刻黎個重點滷水🥇招牌鵝三寶，三寶分別係鵝肝、鵝肉、鵝腸，份量好多，鵝肝個樣好吸引，口感一流，加潮州辣椒油食超爽，超高質潮州鵝肝👍🏻 鵝肉好入味，啲滷水汁咸淡適中，幾香，鵝肉好入味，鵝腸好肥美，加潮州辣椒油加醋食風味十足，仲可以送潮州粥🤤胡椒鹹菜鮮豬肚湯，上枱好香胡椒味，燉湯咁樣，好清但都好濃味，鹹菜真係主打😮‍💨個咸味好有層次，好味，仲令個豬肚都好好味😋肚肉苦瓜煲，好大煲，真係用苦既苦瓜，但配左豆豉同調味之後完全唔苦仲好夾好有特色😯肚肉唔肥，都幾唔錯，送下啤酒都好正！🍺整體黎講高質、高檔、高享受😎好吸引既「三高」😽仲有好多唔同既潮菜同手工菜，鍾意食潮州野既一定要試下！🙌🏻🙌🏻

今日同朋友去咗鰂魚涌英皇道嘅陳儀興尚潮樓食潮州打冷菜，酒樓入面有一個好大嘅魚缸，入面有唔同嘅時令海鮮，餐廳座位闊落，一入座就有茶水招待同埋鹹酸菜做前菜，我哋就嗌咗潮州人最鍾意嘅鐵觀音。我哋嗌咗涼拌海蜇頭、鵝三寶、胡椒鹹菜鮮豬肚湯、清燉荷包鱔、一個白飯同一個潮州粥。涼拌海蜇頭有濃濃嘅麻油香味，海蜇頭爽脆有咬口，係一個幾開胃嘅前菜。鵝三寶有鵝肉、鵝腸同鵝肝，陳儀興用咗潮汕頂級嘅獅頭鵝，鵝肉肉質細嫩鮮甜，加上用咗多種香料熬製而成嘅滷水汁去煮，特別帶出鵝肉嘅鮮味；鵝腸咬落去非常爽口，清潔得好乾淨，食落好安心；鵝肝味道濃郁，充滿獅頭鵝嘅精華。胡椒鹹菜鮮豬肚湯嘅胡椒味好出，飲完有種好補嘅感覺。當中最特別係清燉荷包鱔呢一個手工菜，賣相非常精緻，用一片好大嘅鹹菜包住一嚿白鱔，再用一條好幼嘅菜打結變成一個好似荷包嘅外型，鱔肉鮮甜肥美但又唔多骨，好有驚喜！最後，餐廳附送功夫茶俾客人食完飯後飲，濃郁嘅功夫茶飲落去會回甘，為呢一餐潮州菜畫上完美嘅句號。📍鰂魚涌英皇道1001號7樓1號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

之前食過陳儀興飯店，今次第一次食尚潮樓，餐廳環境唔錯。感覺更多手工菜，同好多正宗潮州菜，menu上有啲連名我都睇唔明，相信潮州人一定好有親切感。餐前餐後都會有杯功夫茶，茶濃味甘☕️涼拌海蜇頭 ($88)海蜇頭質地脆嫩，口感爽滑，調配既醬汁好香麻油味，作為前菜不錯。風沙安格斯牛柳粒 ($268)首先都幾多牛柳粒，每粒牛柳粒都炙燒每邊焦香，但依然保持住肉質柔軟既口感。除咗牛柳粒，仲有黃椒同四季豆，而牛肉既汁香令到啲伴碟都好惹味。方魚炒芥蘭 ($118)方魚本身帶點鹹香，令到成個芥蘭更加出色，就好似臘腸飯上面既臘腸油令到個飯更香咁。睇相都見到芥蘭綠油油，係用上細嫩既芥蘭，都幾嫩。胡椒鹹菜豬肚湯 ($78/盅)以前有飲冇鹹菜既版本，本身仲諗會唔會偏鹹呢，完全唔會，而且重胡椒得黎又唔算辣，豬肚都有幾件，幾足料，幾好飲，飲完個人仲暖啲添。

我媽生日就很想吃潮州菜🤔所以就找了這家老字號的店～這家新開的坐得比較舒服一點～我每次看到有就會必點魚露浸花甲😬這家味道比較淡一點～也點了梅汁鱔球～這個酸度我還算可以接受 但有點重鹹😝羊腩煲也不過不失～鵝三寶也很入味～最後還點了個潮州炒魚麵～麵是不錯的😋但因為我不喜歡芽菜 對我來說芽菜味蠻濃的 所以我就覺得這個還好😬

朋友話想食潮州菜，我就提議去之前我去過既鰂魚涌陳儀興尚潮樓食。鍾意尚潮樓嘅環境寫意舒適，適合傾偈，而且嘢食係上品。去到侍應即刻上咗壺茶，鹹酸菜同埋功夫茶俾我哋。我哋跟住點咗以下嘅嘢食。涼拌海蜇頭：海蜇頭厚肉。唔會煮得過熟而靭。佢係滑得黎好Q彈嘅口感。海蜇頭配上麻油，芝麻粒及醬油，味道惹味開胃。招牌鵝三寶：食潮州嘢食滷水菜式係必須嘅。呢個三寶包括鵝肉，鵝肝，鵝腸同豆腐。鵝肝依然係我最欣賞嘅，做到好滑嘅效果。鵝腸亦都清洗得好乾淨。鵝肉彈牙。豆腐好重豆味。呢四款食品都吸收咗香料同滷水嘅味道，齒甲留香。清燉荷包鱔：第一次食呢款手工菜。用鹹菜包住鱔，菜譜同埋金華火腿一齊燉。好特別。鹹菜花甲湯：蕃茄鹹菜加上新鮮嘅花甲。鹹鹹酸酸中帶着花甲嘅鮮味。

👈🏻陳儀興尚潮樓#japjapjap_鰂魚涌#japjapjap_潮州菜鵝三寶 $298鵝三寶有鵝肝鵝肉同鵝腸🤩滷得好入味 點埋醋有錦上添花嘅效果鵝肉肥瘦適中最鍾意鵝肝 入口即融鵝腸即使唔算好肥 油香感都好重 爽口彈牙底下仲有啲豆腐添魚丸肉碎煮汕頭白 $228魚丸勁彈牙 口感十足🤤仲要有濃濃嘅魚香味湯底呈奶白色 飲落好鮮甜汕頭白吸晒湯底嘅精華仲有肉碎同方魚 用黎送飯勁夾吖二十年菜甫燉豬肚 $78見到二十年就知要試試佢😙果然夠火喉呀 飲完覺得滋補又暖笠笠豬肚燉到好淋菜甫令胡椒豬肚湯帶多份清甜涼拌海蜇頭 $88海蜇頭大大片😍口感非常爽脆麻油味香濃再有少少酸辣味作為前菜真係一流好開胃吖Overall食評最高5粒🌟)📌好味程度：🌟🌟🌟🌟💫📌回頭度：🌟🌟🌟🌟💫📌環境：🌟🌟🌟🌟📌服務：🌟🌟🌟🌟餐廳名:陳儀興尚潮樓地點:鰂魚涌英皇道1001號7樓1號舖⏰:Mon-Sun 11:00-22:30#foodiejapjapjap #hkfoodie #hkeat #hkig #hkfood #hkgirl #hongkong #chill #hklifestyle #globaleats #foodie

以前細個成日陪屋企人食潮州菜，大個咗又想搵返呢啲傳統味道回味吓。見到有唔少人推薦呢間“陳儀興”，一於試試佢😆。⠀第一道亦係最令我impression嘅，就係“魚露浸花甲”(凍食)，花甲冇沙，魚露醬汁鹹甜適中，帶出咗花甲本身有嘅鮮甜味😋，仲有少量鹹菜同麻油點綴香氣，好想encore嗌多碟😆！第二道菜係“鵝片雙拼五花肉”，鵝片就點都要嗌嘅，五花肉只係求其揀，不過五花肉脂肪唔算厚，食落亦唔肥膩，鵝片唔韌好索汁，送飯一流👍🏻。第三道菜係“油泡南澳島椒鹽鮮魷”，魷魚唔韌，炸粉唔算厚，不過不失冇乜特別。最後嗌咗個“胡椒鹹菜鮮豬肚湯”，當時好想飲啲特別暖胃嘅湯，胡椒豬肚一定夠暖胃所以就嗌咗冇諗咁多🤣，胡椒味唔算重，豬肚乾淨冇怪味，對於我呢啲本身好怕強烈胡椒味嘅人，可以講話係十分comfort嘅胡椒味🤣，當中嘅鹹菜同湯一齊咀嚼好好味，亦係可以encore嘅湯✨。⠀雖然餐廳定價唔平，但手巧潮州功夫菜唔係度度好食，偶爾懷舊吓都無妨👍🏻。

新年食左太多濃味野，係環清清腸胃，今日一於食清啲嗑！原拌雲耳 $68呢個雲耳超級好食！除咗有辣味之外仲有少少甜！作為前菜非常開胃。欖菜肉鬆生菜包 $158健康又簡單嘅菜式，欖菜豬肉碎炒得好入味，再配上松子味道更佳，可以包附送生菜一齊食，我就用佢送飯，真係一流！記得再趁熱食呀！方魚炒芥蘭 $118方魚係潮州人對大地魚的稱呼，作為天然的味精，可以把一個平平無奇的菜式增添美味，芥蘭味道更濃郁。護國菜 $68係一道功夫菜，用番薯葉同和高湯等材料調煮出嘅湯，口感好特別。絲苗白飯 15$ 潮州白粥 $15而茶錢2人$30，叫左鐵觀音。

好食潮州菜🍲魚露浸花甲，味道唔會太濃，鮮味足，花甲肉厚，唯一食到沙，沙量時多時少，睇怕係睇彩數了。🥠脆炸豆腐配韭菜汁， 皮脆得黎唔會炸到豆腐乾曬水，豆腐豆味濃，配埋韭菜汁係異常配合， 韭菜汁唔係純韭菜味，係有種食生蝦嘅辣醬味。🥓 鹵水鵝片連鹵水豆腐， 鹵水鵝片夠薄， 豆腐算係比較實淨嘅鹵水豆腐質地，仲有少少爽口，做到入味嘅鹵水風味，好欣賞。🍲冬菇菜膽煲，菜底出現苦味，冬菇唔係特別香，湯底清，可惜比菜膽苦味掩蓋咗。🐥 糯米香酥雞，呢味菜算係最震撼我嘅手工菜， 成隻雞用咗一層粉覆蓋住，讓咗糯米飯入去，而雞嘅雞肉並唔包含係呢一隻糯米雞入面，係輕輕食到大腿附近嘅雞髀肉，糯米飯吸收咗雞肉嘅香味亦都食到雞皮嘅油香的確唔錯， 糯米飯本身比軟綿， 愛好食軟飯嘅我會愛不釋手，可惜炸粉太厚， 兩隻雞翼位簡直係厚粉到食唔到 雞肉。☕️ 最後嘅功夫茶係非常濃味嘅鐵觀音，唔係人人受到 ，佢濃味之餘after taste有種苦澀味，本身飲開龍茶嘅我非常喜歡。推介指數: 4/5人均消費： $250

《陳儀興尚潮樓》款式多樣化的手工潮州菜。涼拌海蜇頭 ($88) - 海蜇頭爽脆可口，加上蔥薑麻油的調料，非常開胃。。涼拌雲耳 (贈送) - 只要係指定平台評分就會贈送一份小食，當天是涼拌雲耳，配上蒜頭、醋和辣椒，十分惹味。。招牌鵝三寶 ($298) - 必點的招牌鵝三寶 ，鵝肉嫩滑又滿滿鵝油香，鵝腸爽口彈牙，鵝肝嫩滑又入味，加上豆香味濃的豆腐，真係無得頂。。清燉荷包鱔 ($118) - 這道是潮州手工菜，用上鹹酸菜葉包着白膳和火腿來燉煮，白膳皮厚夠肥美，肉質燉到完全軟化，口感綿滿，燉煮過後的湯頭清甜甘香。。二十年老菜脯燉鮮豬肚 ($78) - 豬肚燉得非常嫩，燉湯非常鮮甜，二十年的老菜脯一點也不鹹，而且有種獨特的香味。

陳儀興尚潮樓是一家以潮州菜為主的餐廳給人留下深刻印象的是他們在餐前和餐後供應的功夫茶由選茶到沖泡都好講究茶葉既選用這表明餐廳對細節和傳統文化的重視。涼拌海蜇頭海蜇頭口感爽脆配上醬料的酸甜味道非常開胃少少涼拌令我既胃口打開左係一個好好的開胃菜招牌鵝三寶包括獅頭鵝、鵝腸和鵝肝這些鵝肉制品都非常鮮嫩而我就最鐘意佢既鵝腸 十分爽脆 又冇咩肥膏鵝肝特別是口感滑嫩 帶有豐富的鵝肝風味潮式魚丸肉碎煮汕頭白湯底清澈透明魚丸和肉碎非常彈牙湯的味道鮮美 帶有魚的鮮甜和肉的鮮香特顯到佢既精湛烹調技巧二十年老菜脯燉鮮豬肚湯豬肚非常軟嫩 與老菜脯的香氣完美融合湯的滋味濃郁鮮美的豬肚湯底充滿了層次感 好好飲飲完令你既身體暖左好多 好好食呀明火白粥白粥煮得恰到好處 口感綿滑可以作為一道清淡的配菜也可以搭配其他菜餚一同享用有時候清清地都幾好呀陳儀興尚潮樓 (英皇道)鰂魚涌英皇道1001號7樓1號舖

👦🏻：真的懷疑自己上輩子是個潮汕人😭前前後後已經來了他們家三次😋之前沒有吃過潮汕菜，但是自從第一次在他家吃過之後完全就一整個愛上了😌每次來都會被他們家精緻的出品和細致的服務驚艷到，推薦所有喜歡潮汕菜和還沒有嘗試過潮汕菜的小夥伴前來一試🤩·🌟涼拌海蜇頭芝麻油，香菜帶著一些特製的滷汁，拌著個頭飽滿，爽脆肥美的海蜇頭真的太開胃了😚吃到第一個菜已經在催服務生阿姨上大米飯了🍚😊·🌟風沙安格斯牛肉粒腰果、牛肉粒、蒜粒、熱辣的鍋氣融合在一起真的是一道非常有市井氣息的大排檔菜餚🔥牛肉粒很明顯是脂肪含量很豐富的牛排切出來的，大大粒，而且每塊牛肉裡面汁水豐盈，典型的急火爆炒功夫菜🥋·🌟清燉荷包鱔🌽 在 menu 上看到的手工菜，於是就想嚐嚐鮮😍上來的是一個例湯碗，裡面是荷葉捆著的一個小包裹，湯底應該是豬肚熬製的，但是又散發出陣陣清甜的香味😌咬開後，鱔魚肥美，魚皮的膠質讓每一口都十分濃郁醇厚😇·🌟鹹菜花蛤湯美美地配上大米飯🍚吃完了正餐後🤭一份花蛤湯就端了上來🤗花蛤個頭都挺大的，真的感嘆小小幾顆花蛤居然能散發出這麼豐富的鮮甜味😊·人均：$300 up·評分🪄 (滿分5🍑)味道：🍑🍑🍑🍑🍑環境：🍑🍑🍑🍑性價比：

陳儀興尚潮樓，係人氣潮式打冷店「陳儀興飯店」旗下餐廳之一，主打當然係鹵水同埋潮汕菜啦。今日約咗3️⃣個都鍾意食潮汕菜嘅朋友，睇下呢度啲潮汕菜係咪真係咁出色先🤭。餐廳地方好大，裝修帶中國🇨🇳古典風，有私人房間私隱度高，不過就算坐外面都有屏風相隔🥰，真係好適合三五知己聚餐😍。食潮州菜，菜前菜後必定有功夫茶🥰，細細杯味道濃郁甘香，有提神、醒腦和燒滯之用，飲完即刻醒哂😂。涼拌海蜇頭色澤黃亮，口感爽脆，鹹中帶甜，作為開胃菜最適合不過😍。涼拌雲耳口感同樣爽脆，辣辣地🌶又係好開胃😋。二十年老菜脯燉鮮豬肚湯胡椒豬肚湯🐖就試得多，老菜脯燉鮮豬肚湯就真係第一次試🥰，燉湯好鮮甜，有胡椒香味🧂，最特別係嚟自2️⃣0️⃣年老菜脯的獨特香味，整體非常好喝😋。鹹菜花蛤湯花蛤🦪肥美鮮甜，令碗湯充滿鮮味，加埋鹹菜🥬嘅鹹味同埋蕃茄🍅甜味，整體口感豐富😍。鹵水拼盤食潮州菜如果唔食鹵水，又真係有少少講唔通😂。今次叫咗拼盤，可以一次過試下幾款鹵水，唔使煩😆。拼盤包括大腸、生腸、墨魚、腩肉和元蹄，用上傳統鎮店鹵水汁炮製，果然非同凡響😋，全部都好出色😍。欖菜肉鬆生菜包出色👍，呢度嘅欖菜肉鬆真心炒得真心出色💯，唔太鹹，唔太淡，唔太乾又唔太濕，上

朋友知我喜愛食潮州菜，特別帶我去試吓呢間位於鰂魚涌嘅陳儀興尚潮樓，貪佢夠晒正宗得來，食物質素亦相當高。點咗幾個招牌小菜，包括鵝三寶、涼拌海蜇頭、潮州魚丸肉碎煮汕頭白、老菜甫燉鮮豬肚湯。鵝三寶（$298) - 呢度嘅招牌菜之一，由鵝片、鵝肝和鵝腸組成。鵝片鮮嫩多汁，肉質細膩，帶有濃郁的鵝香。鵝肝口感滑嫩，入口即化。而鵝腸帶有嚼勁同清爽口感。涼拌海蜇頭（$88） - 海蜇頭爽脆可口，搭配醋汁及辣椒油，好清新開胃嘅小食。潮州魚丸肉碎煮汕頭白 （$228）- 呢個又係另一個潮州特色小菜，魚丸彈牙爽口，湯汁鮮美，配搭汕頭白一齊食，美味可口。二十年老菜甫燉鮮豬肚湯（$78）- 呢個燉湯味道好濃郁，湯底清澈，入口帶有鮮豬肚嘅甜味。豬肚洗得非常乾淨，湯燉得恰到好處，充滿食材嘅鮮味，必食推介。潮州白粥（$15@）絕對係潮州菜中嘅經典之一，呢度嘅潮州白粥做得唔錯。白粥米粒飽滿，粥身細滑，配上幾道小菜，好夾好正。店員餐前餐後都會奉上功夫茶，茶香濃郁，回甘持久，為呢餐潮州菜畫上完美嘅句號。餐廳環境闊落，枱與枱之間有屏風，私隱度甚高。無論係潮州菜的愛好者，定係想食下新口味嘅朋友都可以一試。

我本身都鍾意食潮州嘢，見到鰂魚涌開咗一間過完港島探朋友專登黎試，天氣咁凍，一入嚟即刻有杯功夫茶飲下，茶呢我就叫咗鐵觀音 🍵涼拌海蜇頭（$88）海蜇頭麻油味好香，面頭有少少辣椒，好香口，食咗幾舊試吓點辣椒油都一樣咁好食，辣椒油唔算好辣，唔食得辣嘅都可以試吓🌶️嚟到食打冷一定要試吓滷水嘢所以叫左個鵝三寶 鵝三寶（$298）首先試試鵝腸，好爽滑，中間冇肥膏，鵝肝好幼滑 食完都冇乜油膩嘅感覺，鵝片啖啖肉同好入味，值得一讚👍🏻見到呢度有手工菜所以就叫咗個清燉荷包鱔清燉荷包鱔（$118）呢條鱔係起晒肉，得少少骨，好重胡椒味，天氣凍食就啱晒😌食中菜我都鍾意飲湯，所以最後叫咗個二十年老菜脯燉鮮豬肚湯二十年老菜脯燉鮮豬肚湯（$78）豬肚冇腥味，睇得出處理得好好，啖湯好清甜，好快成碗已經飲晒，二十年既老菜脯特登咬咗一啖試吓，咬落淡淡地，可能落咗碗湯度😋呢間中菜廳都好多大枱，好啱一家人黎食，做節黎食唔洗去酒樓都係唔錯既選擇😆