楊記麻辣魚館 (長樂街)

Open Now

Now Closed

呢間新開一段時間，今次有機會去試試一直都係超鍾意食辣，所以去食就一定要叫辣嘅餐點啦午餐都供應到好晏，4點都仲有，而且選擇好多，好似仲可以揀辣度，唔辣都有，非常好，價錢圍起$40-50之間，係正常嘅價錢特色水煮魚飯 $50一般講水煮都覺得會係紅色湯底，點知上枱發現佢係青青橙橙色，唔見辣一辣嘅鮮紅色。一試就上癮，果種鹹，鮮，辣，真係好令人回味，不過大辣都未去到真正大辣，我諗係就返香港人口味啦。魚片唔錯，唔係全淋，有咬口，但係似桂花魚嘅外貌。另外碟頭都ok大，起碼個碗大過碗飯先蕃茄炒蛋飯 $40炒得滑，蕃茄又唔出水，非常好食，再加上少量蔥，送飯一流 睇過夜晚餐牌，其實價錢唔算太貴，鍾意食辣嘅朋友都可以去試試，如果想先試質素，午餐更加抵食兼好元化

之前係附近午餐買外賣，經過諗住下次試下呢間。今日試左，大家真係無誇大，真係好吃! 魚有成10舊差不多，有菜有豆芽薯粉係入面，每種都同湯底夾到暈! 唔會太辣又唔係無辣，偏麻一點點，好鬼正

已經第三次去楊記, 才想起要寫返篇食評讚賞這間好吃用心食點。環境光猛整潔, 食物用料十足。廚師都是地道重慶人, 正宗麻辣而不油膩。1.酸菜魚必吃坊間很多食店都會把魚片用生粉包裹令感覺好像滑滑遛遛的，但反而遮蓋了魚片的味質感和味道。但楊記就沒有用生粉, 另一主角酸菜咸酸味適中,用料十足。2.羊肉串一定要食辣的, 羊肉不算很騷,表面是乾煸但是內裏還很juicy, 可點不辣, 但我覺得還是麻辣好吃, 一口羊肉加一兩粒辣椒, 簡直perfect!3.鐵板水晶粉, 炒得非常好, 不太油膩。4.幹扁大腸有點像辣子雞, 但是豬大腸炸得酥脆但不失嫩滑肉汁, 我個人極度推介。辣子雞雞肉較為細粒, 十分香口,送酒一流。5.酸辣土豆絲, 不吃辣的也可應付, 那個干辣椒令整碟土豆絲的味道很豐富。6.麻辣大拼盤有豬耳牛雜,煮得很腍, 辣味適中(不吃辣的朋友也能吃上幾片)7.芫茜手撕雞, 適合不吃辣的朋友, 我個人認為比沙薑雞好吃。8. 其他尚有不辣的餸菜: 茶樹菇炒牛肉,大盆花菜, 也是極為美味, 不是一般食店可以吃到, 份量十足。9.咕嚕肉,韭菜炒蛋,涼拌青瓜,沙薑雞, 都是正常酒樓水準。10. 炸饅頭點煉奶

獨個兒午餐🥣呢間午餐有非常多選擇，午餐個人份量剛剛好👍🏻唔會多唔會少唔會浪費😙今日先試吓嘅係酸辣肥腸🥢肥腸唔會有太多肥膏，恰當剛剛好好而且勁有咬口🤤又唔會有臭豬味同內臟味道😌呢碟野配菜有酸白蘿蔔片都好好食同勁入味👍🏻餸飯一流😆如果係午餐仲配有一大碗白飯🍚如果細食可叫少飯唔浪費✌🏻凍飲加$5🍹全個餐加埋嘢涷飲都係$45 ，依家呢個價錢食到好少少嘅餐已經唔容易，仲要好食，直得推介😂有下次有下次

之前一直有上開深圳食酸菜魚，但由於近排疫情嚴重，導致無得北上食酸菜魚，但係又心掛掛，所以決定同友人一齊黎呢間試下佢啲酸菜魚。我地今次叫左三樣野，第一樣係麻辣拼盤，我哋要咗小辣，但係食落都幾辣，拼盤有少少似夫妻肺片，入面有牛肚，牛𦟌，豬耳，牛肺，青瓜絲。味道都唔錯份量亦都好多但小辣都幾辣下。第二樣係酸菜魚，整體黎講酸菜魚嘅味道就真係不及深圳好食，魚係桂花魚，但係就唔夠滑同埋切得太厚，我哋叫咗小辣，但係反而一啲都唔辣，酸菜魚我覺得味道比較普通，唔算話係太特別。第三樣係大盤菜花，即係福花，佢用咗啲鹹肉黎炒，明顯地福花係走過油所以好香口，而且仲用咗啲孜然粉一齊煮又有小小辣味，我認為呢一個餸係全晚最好食嘅。整體來講我覺得呢餐係唔錯嘅，三個餸都好平均，而且份量都好多，都算係抵食嘅！

楊記麻辣魚館，佐敦嘅分店都開咗一段時間。今日終於都有機會試下🥢晚飯時間店子座滿8成半客，氣氛熱烘烘👍🏻2人前，點咗酸菜魚(細)，干鍋田雞，同埋清炒萵筍絲。→ 先講酸菜魚，味道唔錯！可惜魚片老身咗啲啲。→ 干鍋田雞都ok，香辣惹味，再乾身啲仲好。→ 萵筍絲係我至愛，雖則係清炒，但味道真係清咗啲👉🏻👈🏻

今日朋友約咗我食午餐，朋友帶咗我去佐敦一間川菜館食嘢🤨我話…我唔係好食得辣㗎喎，佢話你放心啦😏呢度可以揀不同嘅辣㗎🤗同埋呢度嘅水煮魚好滑好滑， 叫我一定要試。禁我地叫左三個午餐share食水煮魚bb辣： 嘩真係滑到不得了，好滑好滑好滑呀🤣所以要講3次同埋真係唔係好辣，我夾咗底嘅菜同芽菜食，都唔覺得辣喎…啦非常之好食。水煮牛肉： 水煮牛肉呢🤔片牛肉滑到不得不得了呀，同埋呢超入味，可能超入味索嗰啲麻辣味，覺得有少少辣勁好送飯呀，但底嘅菜同芽菜食，都唔覺得辣喎。同埋口水雞： 最鍾意上面嗰陣花生同埋嗰醬，唔太辣又好好味，個雞好滑，肉又啖啖肉好正呀 。凍飲做加兩蚊熱飲就加五蚊，每人都係五十幾蚊好飽好飽呀。下次會再來食水煮魚，因我本身好鍾意食魚，太滑嗱🤣

之前譚仔(3哥)話佢係第一個教香港人食辣, 可能對其它香港人係, 但我就一定係我老豆教嘅, 好似飲酒一樣, 想當年喺5星級酒店飲支依家喺超市都仲係賣緊幾十蚊嘅酒都要幾舊, 又好似d人話正宗嘅川菜, 其實乜嘢係正宗? 我覺得大陸口味就最正宗! 呢間係我喺香港食過最似喺大陸食嘅其中一間, 主打水煮魚,  孜然羊肉, 辣子雞， 辣酒煮花螺等，仲有好多特色嘢， 到時自己問老闆啦！不過你話唔食辣得唔得, 係可以嘅! 叫老細買海鮮就可以食得清淡d, 今次老細買左蟹, 蝦, 生蠔, 聖子, 再加幾個餸送酒就搞掂! 再串d 食埋大閘蟹都得， 老細整嘅薑茶特別正， 原來除左呢間分店, 元朗嗰間先至係總店, 呢排天氣涼咗， 仲有羊腩煲，雞煲同烤魚今次呢班老友唔多飲得, 所以重質不重量, 佢哋鍾意重口味同老酒, 但我又唔多鐘意新世界, 因為佢哋一定会帶支奔富數字系列, 今次佢哋就帶左支407, 雖然對我嚟講其實只有95同707是比較吸晴! 但係對我d老友嚟講奔富始終係佢哋飲酒嘅初戀, 所以點都有d情意結, 我就帶左支意大利西拉子, 呢支嘢俾人抄起晒, 由最初我飲嗰陣3位數到依家4位數, 支貓鬚係一級園,

老公話近排發現到間正野帶我去食原來帶我黎食川菜今次老公嗌菜叫左水煮魚、蒜泥白肉同楊州炒飯蒜泥白肉蒜頭唔係話好多，因為我個人好鍾意食蒜下次應該問下有無得多蒜頭肉呢好味，爽的有口感而下面有D青瓜絲，一啖肉一啖瓜好好味水煮魚比我才都像中無咁辣不過都好夠味魚肉好滑，好正！基本上無骨，係一兩舊有小小骨。好岩我呢d懶人食楊州炒飯好多蝦，好足料。份量好多2個人我地食唔哂，最後個飯要打包好味又抵食，下次再試其他菜

想食辣野 過開癮嗰間冇開 就過左隔離食之前其實都有食過 都知d野會偏油 但今次係去到可怕既程度😂叫左個炒川北涼粉 佢會跟個飯同熱飲一上枱 都有d心知不妙 因為佢個粉真係油浸😂😂😂😂油浸得黎 仲要唔夠辣 嗰下先死 真係愈食愈唔開胃🤨🤨🤨然後 就真係吃不下去了之前有食過個酸辣土豆絲定唔知咩士豆絲 冇咁油 但都係唔辣 個士豆絲上枱係白色架😂一d辣椒既感覺都冇 食落口得胡椒味 係有幾粒花椒 但補唔到鑊 而重點係 我order嗰陣其實已經叫左加辣😂😂😂想像唔到original唔加辣會係點無疑哩間野午市係抵食既 但真係唔係樣樣都好食

經過長樂街朋友話想食水煮魚，就入咗呢間鋪頭，門面都幾乾淨嘅，一坐低就叫水煮魚，但我又想食烤魚，所以叫咗細水煮魚同大嘅烤魚，再叫萵筍，土豆絲，以為佢會將萵筍土豆絲放入烤魚，最後兩碟帶菜上咗枱我哋見到都呆左碟碟都好大碟可惜我地得4個人🤣我哋叫個烤魚就好大份真係食唔晒，魷魚炒得呢又有啲乾🙈朋友覺得水煮魚好味d，我就覺得烤魚好味啲😬大食嘅朋友可以去試下😬

平時都好鍾意食川菜麻辣嘅嘢，聽人介紹佐敦嘅楊記麻辣魚館嘅川菜幾好食，今日就約咗朋友一齊去食。夫妻肺片切得好薄，好大碟，非常抵食，而且好入味，好香嘅麻辣，口感爽脆幾好食。叫啲菜食下，手撕包菜份量好大，菜同外脆內軟既麵包夾埋一齊食，點埋菜嘅湯，食落就冇咁dry。其中一個朋友好鍾意食芫荽，所以叫咗西湖牛肉羮。成煲都係芫荽，啲湯好有芫荽味，牛肉碎令啲湯更加有味。啤酒鴨一鍋其實好多鴨肉，小小麻辣，識落幾過癮。

公司同事介紹呢間，話食過都唔錯，今日就去左試。呢間四川食店雖然裝修簡單，但D位坐夠闊落又坐得舒服。我地叫左三個菜︰火爆腰花、青笋臘、啤酒鴨「青笋臘肉」︰ 好惹味嘅一道菜，青笋好爽脆，廚師加左臘肉同辣椒炒，令到成碟菜生色不少，好香口。「啤酒鴨」︰比到驚喜我地，要推介。D肉炆得好林又唔韌，而且有啤酒味得黎又帶D辣(小辣)，好有特別。「火爆腰花」︰都係好惹味同好夠鍋氣嘅小炒，呢個用左四川兩款唔同嘅辣椒去炒，辣得黎好正!

星期日午市時間不想吃太多，心想留一下肚晚上吃大餐，隨便走走經過這間餐廳，前幾手也轉得很快，但見是新餐廳，抱著試試的心與幾個朋友入去試試。看見餐牌，其實已覺得很抵，幾個朋友叫了不同食物，可以分享，何樂而不為？每道菜來的時候是分開白飯跟餸，分享更容易！最愛吃酸菜魚，以為不會好得去那裡，但卻超乎所想，比想像中好很多。總結：一定有下次！

Today we went to the sichuan style restaurant for a yummy lunch! Although the restaurant is known for its spicy fish dish, today we opt for other choices.The Ma Po tofu is spicy and yummy. The spicy broth gives the soft tofu a layered flavor. FuQi Fei Pian is a popular sichuan dish, which is made of thinly sliced beef offal. I like the sauce a lot, and while I don't usually like cilantro, but sichuan dishes cilantro just have me wanting more!Sichuan steamed pork is also great! I love the sauce h