中記

Open Now

Now Closed

一班人食飯緊係要叫餸食飯啦！都知道係灣仔市政大廈街市熟食中心有好多平民飯堂，其中一間係「中記」。價錢平，而且份量多。除左叫餸食之外，重有特色串燒，款式多近30款。而小編就簡左3款試吓。牛舌 ＄20/串即叫即燒，所以肉質唔會很硬。一串約有6粒。多春魚(6條）＄23/份炸得很香，而且很脆。蒜茸燒原條茄子 $22/份勁大條，又多蒜，岩晒愛吃蒜既朋友。而且又唔會燒得很乾，能保持茄子本來既水份。韭菜 ＄10/串黄金鮮魷 $78很重咸蛋黃既味道，唔會好咸，但嫌炸粉略多。滋味黑醋骨 $78很開胃，甜甜酸酸。炸過既骨唔會好油，很脆口又香，肉質更沒有因炸過而硬。酸菜魚 $108又一道開胃菜，惹味之如酸酸辣辣好開胃。魚肉煮得很嫩滑，湯底煮得不錯，還有闊身紅薯粉，忍唔住食左2碗。芝麻雞 ＄78/半隻香炸芝麻雞，雞件勁juice ，多汁。配上辣醬一齊食更加美味。紅燒乳鴿 $48喜歡食乳鴿既你，一定要叫！價錢超級平，抵食！皮脆肉滑，帶有一點點油，但又不會太過油膩。豉椒炒蜆 $78份量勁多，勁多蜆。洗得乾淨無沙，夠入味。椒絲腐乳通菜 $55密瓜脆奶拼椒鹽准山 $78幾特別，炸鮮奶就食得多，密瓜脆奶真係第一次食。

街市熟食大排檔，一直都俾人覺得一種豪邁的感覺，所以不知不覺之間，都會享受這種感覺。海鮮拼盤2-3人$228，內有肥牛、 鵝腸、粉腸、生蠔、金菇菜、鯪魚球、水煮魷魚、魚片、魚腩、牛柏葉、海蝦、芝士腸、豬肉丸、雞蛋和油麥菜。這種擺盤已經很少在這個年代吃到，給人一種熟悉的感覺，令人懷緬過去。肥牛是美國的，只需放在湯來一會，便可進食，牛肉味道十足，雖然不是貴價的牛，不過都很美味。海蝦爽口彈牙，蝦味十足。芫荽皮蛋鍋，芫荽份量10足，湯頭味道鮮甜。生力啤酒$22。

收工同朋友係灣仔附近做完運動，之後就一齊去食飯，知道市政大廈有個平民飯堂，入面嘅嘢食唔錯，老闆娘推介酸菜魚和炸脆蜜瓜奶，我同朋友一致讚同酸菜魚食落又真係幾惹味，酸酸辣辣好開胃，魚煮得好滑，個湯底做得唔錯，好味到湯餸飯都可以食多碗😊炸脆蜜瓜奶：好香又甜的蜜瓜，外皮脆卜卜，入面熱辣辣的蜜瓜😋————————-仲有好得嘅串燒👍1-多春魚：燒得又香又脆，魚子更是脆卜卜2-串燒冬菇：冬菇又厚又甜3-原條蒜蓉燒茄子：蒜蓉又香、燒得入味⋯⋯4-燒韮菜軟熟香噴噴，菜嫩又咁夠水份平民價錢、認真抵食—————————-

平價平民美食好朋友聚會的平民飯堂收工又係食飯嘅時候？有得抖！無得抖！入嚟中記抖一抖😂—————————-乜都好味😋乜都正宗……嘅中記😂———————🟠酸菜魚 ：我同朋友都好鍾意食魚，尤其酸菜魚，正呀👍，魚肉🐟好滑溜，酸菜酸中帶甜帶辣得惹味，味道恰當！————————-🟢炸脆蜜瓜奶🍈🥛：熱辣辣簿薄的面頭咬落又香又脆又鬆化，咬一口再散發着蜜瓜的香咁👍😋—————————🟤羊架：廚師燒烤的功架了得，羊架燒得香噴噴、肉質軟熟，咬落又有豐富的肉汁，非常好吃😋————————豬仔髀：燒得熱辣辣又軟熟又香口的肉質，嫩滑又香，熟得嚟又帶點脆口的味道👍————————燒冬菇：燒得好吃又帶水份，吃落不會乾，原汁原味的精華😋————————燒茄子：原條燒茄子🍆⋯⋯味道好味不在講。啖啖都係茄子的香氣———————-多春魚：食多春魚最好味道就係食入面脆卜卜的魚春，漲卜卜的魚春，好吃😋⋯⋯————————燒雞翼：皮脆肉嫩的燒雞翼，外皮脆卜卜，肉質滑溜，香脆好味😋—————————炸奶酸菜魚推介….串燒又係無得彈👍🏼其實開心🥳簡單就在你身邊..。食….拍…寫..已經成為我生活中的一部份鍾意食..鍾意拍…鍾意寫..留

中記 灣仔軒尼詩道225號駱克道市政大廈街市熟食中心2樓 CF9-13 號舖 人到中年, 去餐廳食野注意味道多過環境, 可能同女朋友去過太多打卡餐廳, 出到來食品都幾令人失望, 可以說每一百蚊清費有$50是比了環境同賣廣告人氣費。政府街市熟食中心是室內大排檔,不講究唔介意環境, 是高CP值，價位取勝。黑醋骨$78好似咕嚕肉，酸酸甜甜好下飯。地道酸菜魚$108 一大盤呀，入面除左魚同酸菜,仲有好多彈牙架薯粉同芽菜，湯唔會太辣易入口。酥香架炸蜜瓜脫奶拼椒鹽准山，一甜一鹹,即是蜜瓜味炸鮮奶，准山就爽口。串燒好cumin 香粉，一串是牛另一串是腎有咬口,灑了些辣粉甚惹味。做冬至呢一樣，好懷念的大排檔鑊氣。

今日去到街市熟食中心，其實街市好多時臥虎藏龍，環境可能沒有像高級餐廳咁靜，街市會比較熱鬧但係論穫氣，風味，價錢，絕對係上品!有時中菜就係食這種地道風味 紅燒乳鴿$48 兩隻! 平日酒樓仍然有賣，但價錢一定冇咁平皮脆肉滑，帶有一點點油但乳鴿就係要食當中的油香味，比平日燒雞更為好食。肉嫩而且新鮮 黑醋骨平日「骨」，好多時都係生炒骨今次的黑醋骨，酸得黎好開胃，而且炸過既骨，又唔會好油，仲好脆好香口，又唔會炸過龍。 肥牛准山我未食過炸准山，原來個感覺係好輕巧，好脆而且好爽，係唔會令人覺得油，與肥牛都幾夾既，加上配燒汁，都幾香，配飯一流 酸菜胡椒豬肚今日其實只有15度，胡椒豬肚湯真係好岩，先飲個靚湯暖一暖個胃胡椒辣而香，湯又夠熱，所以好岩飲裡面除了酸菜，仲有不少酸粉,豬肚，芽菜，我個人覺得4位用都好夠，份量都比較大 當然，最後叫了兩杯汽水..cheers

去開街市大樓食肆挑起條筋，今次去咗灣仔駱克道市政大樓的中記食小炒。四個人六樣食物大家好胃口，全部都是六$70最貴都係$100多，價錢親民。估唔到酸菜魚最快到，一定好多人點， $108超抵食，大盆出份量多，而且唔太酸反而啱我哋口味，魚肉又大又滑。滋味黑醋骨（$78）炒得極香。芝麻雞半隻（$78）極滑，芝麻又多又香，貼在爽口雞皮上面，食起上嚟多個層次。芥末四季豆炒牛柳粒只賣$68，辣辣地又幾好味，牛柳嫩，豆爽入味。豆腐火腩煲是男人的浪漫，$60煲，好快就食晒，我都食唔到一大舊豆腐，唔知係咪唔夠快手。啫啫芥蘭煲，又係 $60，啫啫做法，令到芥蘭都變得好吃。

👉現今買少見少嘅大排檔，大多坐落於街市熟食中心內，主要食風味與鑊氣，成為綠洲中的瑰寶。。。。😃.📌椒鹽鮮魷 $68 ～ 鮮魷厚肉爽口，粉漿薄、外皮脆，唔會食到成口油，做🉐️唔錯！！📌芝麻雞（半隻）$78 ～ 嚟到見佢一隻隻上咗芝麻嘅雞🐔隻封乾中。叫咗半隻試吓，外皮微脆充滿芝麻香味，肉質嫩滑，唔怪得咁多人叫啦！📌生菜鯪魚球煲 $68 ～ 內有大大粒鯪魚球、生菜🥬、鮮菇、豆腐、冬菜提味，湯底鮮甜。有🉐️食又🈶️湯飲！👍📌菠蘿咕嚕肉 $55 ～ 脆口啖啖肉，少少肥夠甘香，配菜用上新鮮菠蘿、紫洋葱，甜酸汁味道好開胃😋

這間位於灣仔市政大廈的熟食中心，俾我想像中原來有這麼多的選擇，每款餸菜平均價錢大約$60 - $70。啫啫芥蘭煲熱辣辣的芥蘭煲，上面仲有好多肉碎，遠遠已經聞到香味！酸菜魚酸菜魚不太辣，鍾意食那些幼幼的薯粉，比較其他食酸菜魚的份量，只是$108，實在抵食。滋味黑醋骨排骨炸得很香脆，配上黑醋汁，加埋碎菠蘿，酸酸的頗開胃。芝麻雞半隻我哋想食鷄，但又有選擇困難症，侍應就介紹食這款芝麻鷄（$78/半隻），果然無介紹錯，鷄炸得好香脆，但鷄肉依然嫩滑！芥末四季豆炒牛柳粒芥末味真的很濃，牛柳粒好「淋」。豆腐火腩𧐢煲火腩炸得頗香脆！仲有好多𧐢添！要食鑊氣小炒，這間是不錯的選擇！

平時去餐廳食得多，今次去到比較平民化嘅街市飯堂，一家大細再加親戚朋友比較多人，貪佢枱夠大，多人都可以夠坐。而呢間叫做中記小廚嘅飯堂估唔到佢嘅食物種類都幾多，除咗叫咗個燒豬手之外，另外點左一啲全串燒包括有燒生蠔、燒蝦、燒香腸、燒芝士腸、燒廚師腸、燒韭菜、燒茄子、燒冬菇、燒多春魚等等……另外點左一個我最鍾意食嘅酸菜魚，其中佢嘅酸菜魚同埋燒豬手呢兩款主菜份量都好足夠，配飯食令人幾好胃口。而串燒落咗好多調味粉同辣粉，食落有風味。

食中菜最緊要就係重鑊氣，而家嘅茶餐廳好少可以食到重鑊氣嘅小菜今日同埋啲朋友去咗灣仔街市食小菜，三五知己可以叫多幾個餸芝麻雞$78招牌菜芝麻雞系必叫，可以叫半隻或者一隻因為要試埋其他餸菜，所以淨係叫咗半隻雞件件件都好多肉，芝麻沈左喺上面好香琵琶豆腐$68大大粒充滿魚肉嘅琵琶豆腐，炸到香黃金脆，每一粒都真材實料好好味金銀蛋浸時蔬$60食咗咁多熱氣野要叫返個菜嚟中和下金銀蛋浸時蔬$60大大份，湯底好清甜特色串燒粟米$18蜜糖烤粟米，好似去左BBQ，唔同嘅係火候控制得好好粟米香得來唔會燶雞軟骨$10脆口有咬口，$10一串，去居酒屋可能要三倍價錢

朋文帶我去中記食小炒，平日晚上去到已差不多座無虛席，好彩還有幾張檯。這裡的串燒、酸菜魚也出名，所以要試試。串燒可以選調味粉，今次是孜然味蒜蓉燒原條燒茄子 $22: 好多蒜蓉夠惹味，茄子又腍汁燒魷魚鬚 $33: 好彈牙黑醋骨 $78賣相吸引，黑醋甜酸剛好，啖啖肉2人點酸菜魚 $108份量剛好，其他餐廳大太份湯底為小辣，魚片好滑又無骨，份量夠多，好美味還有彈牙的薯粉火雞腎 $13/串：大件爽口雞中翼（2隻） $13/串：燒得剛好，肉質好嫩滑小炒必食有鑊氣的豉椒炒蜆 $78

今日嚟到灣仔駱克道市政大廈，聽聞呢個市政大廈樓上嘅熟食中心有唔少港式地道大排檔，入到嚟見到人流幾暢旺，比我想像中嘅熟食中心晚市更加旺場。今日帶埋屋企人經過呢間較為熱鬧嘅中記，睇完餐牌覺得價錢唔貴，走平民化路線，於是就揀個靚位坐低，食返餐久違嘅大排檔港式小菜。鹽焗雞(一隻)鹽焗雞，相當有特色嘅中菜。味道鹹香，雞肉嘅肉質嫩滑。伴碟有幾塊西蘭花，索晒鹽焗雞汁，夠晒入味，三個人啱啱好刷晒一隻。椒鹽鮮魷椒鹽鮮魷都係去食大排檔必點嘅菜式之一，魷魚上面嘅生粉唔會舖得太厚，可以完全做到粉薄鮮魷嫩嘅質感。鮮魷仲要係即刻炸起，所以夠晒熱。整體而言係賣相靚仔，超級香口嘅一道送酒小菜！涼瓜炆倉魚倉魚炸熟，涼瓜爆香，爆到苦澀味差唔多冇晒。打芡功夫唔錯，提升咗成道菜嘅色香味。椒絲腐乳炒通菜大大碟炒通菜，呢個時令嘅通菜未必話好靚，但呢碟通菜嘅水準還可以，椒絲腐乳爆到通菜好香，食到滿滿鑊氣。食大排檔當然要啤啤佢啦！

呢晚真心好抵食，真係要快d手happy shareeee！！！！！雖然係喺街市既熟食中心，但環境都乾淨企理小炒鑊氣夠，串燒又惹味～唔收加一但店員熱情快手態度好仲見到有煲仔菜同火鍋好吸引！！！私心推薦呢度既酥炸腩仔，沾上黃芥末食特覺風味！！！黃金鮮魷都好邪惡呀救命～～~而串燒可揀辣度或走辣即使唔辣都好惹味，蒜香十足~必食一定係原條茄子同雞翼！！！雞中翼一串兩隻，每隻都燒得岩岩好朋友就勁中意食原條既燒秋刀魚～唔想啤一啤都仲可以飲返杯香滑地道既港式凍奶茶添～我地食到飽一飽，超級盡慶都係人均百多元，正！下次一定要同多啲朋友黎試下！！！！

約左老友食飯，佢話要同我麻甩一下xpp所以我地就上左黎街市既熟食中心打邊爐～呢間既價格超親民，好似呢個鴛鴦湯底只係38，仲要唔洗加一店員姐姐仲會細心問我地想要辣定唔辣既醬油添因為我地懶，所以就決定要一份拼盤～omgggggg～呢盤巨型既拼盤只係228，真係非常抵！！！！！！！先有蓋係面層既肥牛都有成十幾二十塊仲要配埋雞蛋入面仲有魚片、鵝腸、粉腸等等等等既火鍋配料～真係好似尋寶咁，食食下仲發現有大蝦～食落仲要好爽彈，真係幾新鮮！！！最後仲可以食返啖索晒湯既粉絲，真係肥到加零一唔飲啤酒都要飲返罐肥仔水先搞得掂～