feedVicky的個人專頁

天氣涼涼地，我又双叒叕黎大滾友開餐喇。門口對住停車場，實在太方便！今次專登黎試特色卜卜蜆鍋。呢個卜卜蜆鍋湯底大大隻勁足料！食到尾都仲有好多隻！鮮甜又無沙，處理得好乾淨。牛肉拼盤(細)，份量一啲都唔細！有牛舌、牛小排、牛肩脊、肥牛、黃喉同牛柳粒，一上枱就覺得好豐富😋 肉質相當唔錯，特別係牛小排嘅紋理好靚，油脂夠香✨伊比利亞橡果豬肉質細軟，肉味超香濃，食多幾片都唔膩😋 呢度嘅手打丸都好出色，金屋藏嬌和牛墨魚丸，墨魚肉包裹住和牛，一次食到兩種鮮味，口味夠創新！蟹黃餃無欺場，蟹黃份量足，肉餃飽滿又有肉汁。邪惡中嘅邪惡！華金響鈴包裹住鹹蛋黃，脆卜卜又掛湯，簡直係味蕾大滿足🤩飲品有自家製竹蔗茅根或者生啤，老少咸宜。埋尾嘅🔥火焰焦糖豆腐花清一清口，用火燒完焦糖有濃郁甜味，伴埋豆味超濃嘅豆腐花，呢個甜品正啊😋…查看更多

位於銅鑼灣黃金地段嘅「夢十八」，是一間突破傳統嘅高級餐廳，將精緻餐飲與震撼娛樂完美融合，為賓客打造難忘的一晚。餐廳定期有唔同主題，我今次就體驗咗熱情澎湃嘅猛男肌肉SHOW❤️‍🔥 享受視覺與聽覺的盛宴。✨燈光音響，效果震撼✨餐廳配備頂級燈光與音響系統🪩，營造出充滿張力的氛圍。隨着音樂節奏，現場氣氛瞬間高漲，讓每位賓客都沉浸於動感十足的環境中。✨猛男肌肉秀，舞者互動火辣辣✨「夢十八」的招牌亮點之一，是充滿力量的猛男肌肉秀。身材健美的舞者配合激昂音樂，帶來活力四射嘅舞蹈表演，仲會走落台同觀眾近距離互動🙈，現場氣氛超高漲！中段加插Miss Hunny嘅精彩魔術表演🎩，為夜晚增添神秘與驚喜，讓歡樂時刻一刻不停。餐廳提供多款特調雞尾酒及精緻小食，無論是經典口味還是創意特飲，都能滿足不同味蕾需求，讓賓客在狂歡中享受美食與美酒。Cheers🥂…查看更多

元朗雞地呢間麵麵俱到，位於巷仔位置唔顯眼，舖位亦都唔大，但其實裏面嘅日式麵食味道好，款式多。今次食lunch同同事試左呢幾款：$76黑椒牛肉柚子汁沙律配溫泉蛋 $48柚子汁味道開胃酸爽，牛肉色澤鮮嫩，肉味香濃。配上溫泉蛋同車厘茄，係個唔錯嘅輕食選擇🙌🏻麵麵俱到麵全食 $88壽喜燒湯底，吸收蔬菜同牛肉大骨嘅精華，鮮甜味美，風味濃郁。麵底索曬湯底，有韌勁又入味。話明麵麵俱到，配料真係超級豐富！有細嫩牛肋條同豬軟骨、豬皮脆脆、虎蝦、蟹肉、鳴門卷、筍片。調味嘅蔥花、紫菜絲、芝麻、炸乾蔥就帶黎更多味道層次。燒汁雞皮餃子🥟 $28用雞皮作為餃子皮，有種煙韌薄膜嘅口感，咬開係充滿肉汁嘅雞肉，口感體驗好新奇✨呢個小食非常推介！…查看更多

台式火鍋——湊湊🥢一試難忘，火鍋湯底同配料都咁出色，今次試左中秋海鮮新品同餐牌，菜式非常精緻又應節！🎑✨金縷醉月秋蟹煨魚鍋：充滿詩意嘅湯底名稱，湯底奶白色，入口嚐到熬煮好耐嘅濃郁魚湯，鮮甜順滑，未開始淥嘢食前一定要飲返兩碗😍✨企鵝賞月：絕對係打卡之選！企鵝造型墨魚丸，除咗造型勁可愛，咬落仲有墨魚脆粒口感。至於月亮造型嘅係蝦滑，超大一顆，蝦味濃郁！成個造型真係好呼應中秋節主題，小朋友見到都好開心😁✨頂級美國牛板腱：肉質嫩滑細緻又無筋，紋理同肉色好靚，睇得新鮮又高質。✨至尊龍躉鮮活魚三品：一次過試到沙巴龍躉、脆肉鯇同活鱔，鮮甜肉嫩，口感各具特色，配埋燴魚鍋湯底，味道越煮越鮮甜。✨海鮮蟹粉醬：可以掃入湯底增添鮮味，或者匀入調味醬料食。我就發現用黎沾炸物食特別惹味😂✨大紅袍奶茶：甜度、冰度有特揀，茶味香濃，湊湊嘅台式飲品🧋係招牌選擇。我仲好鍾意呢度嘅自助甜品區，可以自家整台式甜品，材料仲好豐富，有紅豆、芋圓、豆花布丁、芋泥、愛玉涷，可以自己mix & match🫘 仲有新鮮切片水果🍉 一餐食得好豐富！湊湊室內裝修好精緻，配合充滿氣氛嘅中秋布置🏮，好有做節氣氛！菜式高CP值，適合中秋一家團圓聚餐。…查看更多

放假去中環街市閒逛，又多休閒活動又多餐廳，真係幾好行。同仔仔經過呢間MYLKLAB.CO，佢見到雪糕就即刻被俘虜😂 我見menu主打100%有機豆乳、每日新鮮製造，一於買杯嘢飲拎住行街。🖤豆乳奶蓋黑糖仙草豆乳 $48💚有機開心果豆乳 $45🤎奶蓋Oreo 朱古力豆乳 $50有機豆乳取材高品質嘅黃豆，豆味非常濃郁，口感滑溜。🖤黑糖仙草唔會太甜，有仙草甘香。💚我就最中意開心果味，果仁香味碰撞豆味，兩隻味都咁出，但又平衡得好好。🤎Oreo 加朱古力🍫 呢個組合有新意，簡直係小孩嘅最愛😍加$8可以加唔同配料，紅豆🫘、燒仙草、宇治抹茶凍、紫米、桃膠等。阿仔杯黑芝麻雪糕 $38更係愛不惜手，黑芝麻有烘過嘅香味，每啖都咁重芝麻味！大半杯雪糕俾佢一個人食曬😝純素、無奶、天然🌱 素食人士或有乳糖不耐症人士都啱食。經過開中環街市可以去試下🙌🏻…查看更多

Pause it係一間裝修簡約舒適嘅咖啡店，主打嘅咖啡拉花圖案複雜又精美，每次嚟飲咖啡都會好期待！今次食lunch又嚟試新嘢☺️法式蔬菜芝士雞肉卷配蜜糖烤薯粒 $128嫩滑多汁嘅雞卷包住清爽蔬菜條同香濃芝士，味道豐富，醬汁調味帶出肉質鮮味。伴碟嘅薯仔搽完蜜糖去烤，好味又有飽肚感。麻辣牛肋條配香炸牛蒡 $168見到Menu上面呢款牛肋條，係四川麻辣味，咁創新一定要試吓！辣味唔係好重，帶啲蔬菜煮過嘅甜味，對我呢啲唔係太食得辣嘅嚟講啱啱好👍🏻牛肋條鬆軟，肉質夠腍夠入味。伴碟嘅炸牛蒡睇落似薯條，食落有種甘香同牛蒡獨有嘅香氣，味道討好。Hojicha LatteFluffy 小狗🐕圖案拉花，得意又少見，呢到嘅latte art玩到出神入化😍 焙茶味濃，同咖啡、奶味互相平衡。冰葡萄柚茶冰凍果茶，解暑又清新✨另外餐湯係菇菌濃湯，味道香滑👍🏻…查看更多

元朗Yoho MALL出名多高級食府，但呢間囍雲軒新開分店依然客似雲來，今次同同事去午市嘆茶🫖 發現呢度嘅裝修堂皇有氣派，大幅天花板吊燈🪩 樓底又高，坐得舒服。主打新派點心，款式多，擺盤又精美，今次特別試咗賣相靚嘅點心。必點✨金光燦爛點心盛盆✨ 大蒸籠裡面有8款點心，環環相扣賣相好特別。裏面嘅蝦餃皇爽滑鮮美；紅菜頭野菌餃餡爽甜又有獨特菇菌香；流金熊貓包造型超可愛😍裏面嘅鹹蛋王流沙餡好香口！蟹籽鮮蝦燒賣皇大大粒！呢個拼盤無論打卡定美道都非常好👍🏻西班牙黑毛豬叉燒酥方木盆上菜嘅叉燒酥，用中國繩結裝飾，好有中國風色彩。黑毛豬火腿片鹹香惹味，伴住充滿牛油香嘅酥皮同甜叉燒，味道好平衡。花膠瑤柱灌湯餃呢個灌湯餃勁足料，裏面有花膠同瑤柱、仲有菇菌粒，湯底勁鮮甜。流金增城掛綠荔枝樹造型夠晒可愛，外皮脆卜卜，好似煎堆咁樣。裏面嘅流沙奶黃麻糬，香甜煙靭。盆栽小蘿蔔用當造新鮮蘿蔔刨絲，保留清甜水份，外皮煙韌帶甜。底下係Oreo餅碎做嘅泥土，配埋工具鏟🪏 造型嘅匙更，動手掘蘿蔔真係好搞笑好玩😝呢度有特色嘅點心仲有好多，晚市仲有好多巧手小菜，留返下次再介紹🙌🏻…查看更多

荃新天地呢間「自己人」，用餐空間特大，裝修又高級，主打新派潮州菜，樣樣款式都好吸引🤤今次同大胃王朋友一齊開餐，梗係要樣樣都試吓啦！✨🥢金魚戲水（湯蝦餃） 金魚造型夠吸睛👀，餃皮彈牙，蝦肉鮮甜，配湯同吃的濕潤感頗特別！😋潮汕蠔烙🦪「架己冷」點少得傳統潮州考牌菜式，呢度嘅蠔烙唔只係「蠔仔」，食落夠大隻最滿足。潮汕滷水炸乳鴿店家推介果然名不虛傳，乳鴿啖啖肉，外脆內軟，一人一隻唔過份。鳳梨雀仔鳥籠造型夠gimmick，鳳梨酥食落原來都有內涵，微暖溫度令人聯想到台灣名物，甜度得宜。鹵水拼盤滿足大家心多嘅願望：生墨魚、鴨舌、鴨掌、豆腐……唔知食邊件先好呢？鹵水鵝肝膽固醇超標之選🤣，件件都咁肥厚，令人欲罷不能🫣酒醉走地雞（文昌雞）濃濃嘅花雕味對辦，雞肉保持嫩滑。乾蝦香蔥麵炸葱點綴了簡單的炒麵，乾蝦鹹香口味，油麵質感嘅麵底，不禁要續碗。鴨屎香手打檸檬茶🍹食左咁多重口味嘅潮式菜，係時候嚟一杯手打檸檬茶解解膩，茶味與甜度剛剛好。…查看更多

喺尖沙咀君怡酒店入面有間好有氣氛嘅日本居酒屋——九十番地居酒屋 🏮 充滿和風特式嘅擺設，座位寬敞舒適，好適合同朋友黎小酌一番🍶 今次同媽咪黎行街醫肚，試左每日限量嘅藍鰭吞拿魚二人盛宴（$798）有14品，款款都好吸引🤩 前菜有吞拿魚刺身沙津、枝豆、唐揚炸雞、汁煮茄子，份量都唔少，味道食得出係用心製作。有鮮嫩肥美嘅大拖羅、中拖羅、赤身刺身；仲有珍貴部位嘅吞拿魚面頰同腦天壽司🍣；火炙呑拿魚溢滿油香；吞拿魚下顎燒物皮脆肉滑，佐酒一流；吞拿魚腩蓉手卷、成個用餐體驗滋味又高級！食物種類多，除左刺身同壽司，仲有專屬廚師發辦吧枱、串燒、天婦羅、鍋物、山口縣傳統瓦片蕎麥麵🍜…查看更多

好耐無食Omakase🤩 朋友生日遷就佢收工，book左位於中環嘅一緒一番酒場慶祝🏮 呢度充滿日本酒場氣氛，仲可以睇住中環夜景開餐🌃。晚市有$980同$1380兩款菜單，我地揀左$1380 廚師發辦晚市套餐<梅> $1380，可以食更多高級食材😋🥢 先付 前菜三點作為第一道菜先來開胃小吃，小龍蝦沙律清新，蝦肉爽口，蟹膏豆腐配黑松露滑嫩蟹膏鮮味，漬蒜頭夠入味唔太鹹。🥢 御造 季節生蠔大大隻當季岩手縣生蠔，海鮮味濃，順滑清甜，加三文魚籽跟醋汁中和，更加襯托到生蠔嘅鮮甜。🥢 旬 刺身四點深海池魚刺身裹住薑片同紫蘇葉食，魚肉彈牙鮮味，清爽味蕾，更突出魚肉淡淡嘅鮮甜。🥢 金目鯛刺身加醬汁同蘿蔔片，魚味濃郁肥美🥢 鯖魚經過火炙烤出魚油香，用紫菜包住吃，非常香口🥢 中拖羅刺身非常嫩滑，厚切2cm有多！🥢 和物 北海道帆立貝海膽杯看著師傅逐樣配料加入杯中，已急不及待！由低層一小口漬飯，拖羅蓉，到中層的厚身帆立貝，上層的海膽和魚籽，最佳食法是一次過倒進口，清清地嚐到不同食材嘅新鮮同層次風味。🥢 鮨 壽司五貫活北寄貝壽司已配新鮮芥末和醬汁可直接放入口，鮮味爽甜🥢 活赤貝壽司同樣新鮮大隻，肉質爽脆🥢 油甘魚腩壽司超級肥美，完全無筋，入口即溶🥢 火炙燕鰶壽司，魚油味香，魚皮彈滑🥢 北海道海膽壽司又是慶祝飯重點，朋友超愛，用紫菜包住，一口吃光，海膽味道濃郁甜香，幸福感滿滿🥢 一品料理 煮物清酒煮蜆的蜆肉新鮮，湯頭帶甜感，也保留住清酒的香氣，有質素的料理 🥢 吸物 土瓶海鮮湯土瓶海鮮湯令人驚喜，入口清淡而鮮味，越飲越重貝味魚味，同時有濃烈烘土香味，非常特別。可以加入檸檬汁，味道有變化🥢 甘味 時令果物以香甜西瓜和脆口香印提子作結，去一去飽膩口感呢餐食得好豐富，好值得再訪😋…查看更多

幾個月前發掘太子美食時發現呢間，試過都幾好。前幾日朋友講起想食龍蝦伊麵，然後決定帶佢去試試。龍蝦伊麵份量好多，每人都可以食到2-3碗。滿滿都係龍蝦肉，唔係個種龍蝦殼大但肉細嘅。蝦肉肉質好新鮮好彈，上湯冇蓋過佢嘅味道，反而令蝦肉多啲汁水。清蒸東星斑，蒸得剛剛好，肉滑新鮮。東星斑鮮味十足，配上蒸魚豉油同薑蔥，真係絕配，好滿意！豉汁蒸白鱔，肉質鮮嫩肥潤，口感軟糯，而且油脂均勻分佈喺魚肉紋理間，帶嚟豐富嘅風味！鹹菜胡椒豬肚湯，天寒地凍一定要飲碗湯暖暖胃，豬肚乾淨無異味，胡椒味香濃，餐廳更細心地用蠟燭保溫盤保溫住，每一口都熱辣辣。…查看更多

之前喺銅鑼灣同旺角都食過📍人生有限杯串燒店，而家喺尖沙咀都有新分店🆕！位於赫德道，鄰近地鐵出口，座位寬敞，仲有吧枱位置。新餐單推出了各款獨特風味菜式，價錢好親民，我地都試左好多款😋焦糖菠蘿鵝肝醬多士（2件）一碟兩件，最啱同朋友仔作為starter分甘同味，甜甜鹹鹹一啲都唔膩。山椒鰻魚汁燒白鱔山椒味喺口腔內大爆發，刺激！為白鱔添上層次，幾特別。蒜蓉欖角燒蟶子+蒜蓉菜脯燒扇貝自製燒海鮮trio，蒜蓉料夠晒足，帶出到兩種海鮮既鮮甜味，食到舉晒手指公讚好！👍🏻蒜蓉菜脯燒茄子肥美嘅茄子經過充分烤過，抽出一絲絲茄肉，又juicy又索晒蒜香。免治雞肉棒蘸上日本蛋汁嘅免治雞肉棒，除左本身嘅燒汁，多左一重蛋香，提升晒串燒嘅層次感。汁燒雞隔膜開頭以為會好韌，原來都食到啖啖雞肉嘅口感，而且汁燒甜甜地又嫩滑👍🏻黑松露燒雞肝好難得雞肝燒到剛剛好，唔會太乾身，黑松露味都好出，內臟愛好者必食。鹽燒和牛牛小排嗜牛者唔可以錯過，肉質頗嫩，喜歡佢調味唔過於重手。墨魚滑紫菜大蝦食得出係心思之作，淨係釀墨魚滑都係啖啖心機，三樣元素無互相搶fo📸，仲好夾！椒鹽紫菜味九肚魚（附泰式辣醬）必須趁熱食嘅item，一口酥脆由個外皮直到九肚魚條骨，醬汁甜甜酸酸好matchy！港式蜜糖多士夾雪糕女生有第二個胃：甜品胃！雪糕多士似係冰火嘅配搭，正呀！食埋先算係完美～🥰…查看更多

平時去湊湊都係打邊爐多，見到出咗全新宵夜時段嘅夜市放題，$128 全場任食任飲！幾十款台式經典美食、小食、手搖茶，選擇非常多🤩從台式紅燒牛肉面到台南鹽酥雞，再到日本三得利冰凍生啤或珍珠奶茶等等。推介時令當造嘅荔枝蝦球，造型好得意又神似，蝦球爽彈。香酥蚵仔、鹽酥雞、香炸小酥肉全部都好惹味。黑虎蝦蝦卷炸得好香脆，黑糖糍粑煙韌甜糯，真系款款都好出色。飲品方面，全場水果茶飲、啤酒同珍珠奶茶🧋任飲。仲有必點嘅招牌洪湖大閘蟹粉面，每碗都有4只大閘蟹份量嘅蟹膏🦀 非常鮮美😋 台式紅燒牛肉面用上等牛𦟌肉，好嫩滑。嚟湊湊嘆個宵夜，$128任飲任食真系太瘋狂😝…查看更多

台式火鍋牛大人性係我心目中性價比極高嘅火鍋店❣️近期見到推出黑白主題🖤🤍 係時候去試下有咩新idea😋今期黑白主題講視覺顏色，黑白食材對比鮮明，估唔到配搭起黎味道都咁match! 先講湯底，有：◾️黑金蒜皇土雞鍋◽️雪白御鮮豆腐鍋我就鍾意中意味道清清地嘅湯底，由豆腐鬆軟嫩滑，仲索晒啲湯汁精華✨非常鮮美！除咗湯底，仲有大量黑白主題食材，先講黑色🖤 有黑‧雪映山葵豆腐、蟹籽墨汁漿、鹽酥髒髒雞，黑色食材好吸引眼球，特別係蟹籽墨汁漿嘅墨魚香味濃郁，一定要試吓！再嚟白色限定食材🤍 有白 ‧ 藤香鮑魚豆腐、鹽酥美乃『雞』、魚香皮蛋豆腐，美奶滋做炸雞醬汁，味道冇得輸。黑白特飲推介呢款芝麻豆漿黑旋風🌀 芝麻+豆香濃郁，甜味有層次，只要LIKE 社交平台 就可以送一杯✨ 仲有主打嘅黑白啤酒 🍻：半杯晨光．半杯暮色 ($68/400ml)混合少爺啤酒的Pilsner與Stout，麥味重，苦澀中帶香甜。最後以甜仙花雙圓甜品作結，黑白盛宴圓滿完食😋今次試嘅係日本A4黑毛和牛火鍋放題，當然係大量encore呢款高質和牛😙 入口嫩滑細緻，油香同肉味喺口腔爆發，最貴價位嘅肉質真係更更出色！…查看更多

最近帶阿仔去食屯門Hotel COZi - 龍蝦松露 • 半自助晚餐，覺得食物質素好好，仲有好多啱小朋友嘅服務，值得介紹俾住新界西嘅朋友🙌🏻The Platter 當龍蝦遇上松露，係半自助餐，主菜分唔同價位，每日嘅選擇都有唔同。我地就叫左：焗原隻新鮮波士頓龍蝦米多($408)、蟹肉天使麵配香煎鮑魚及鮮蕃茄汁($258)。龍蝦🦞啖啖肉，芝士香味濃郁，肉質彈牙。阿仔嘅兒童餐都好豐富！火車造型嘅餐盤，放上雜菜沙律、火車頭炒飯（火腿、香腸、粟米及蕃茄醬）、脆炸雞塊、薯條、新鮮生果，仲有橙汁，佢豎起手指公話好味👍🏻呢度食兒童餐，+$10 可 獲贈 繪畫套裝一套 及 兒童樂園免費 60分鐘遊樂時間🎪半自助餐有咩食？🔸推介嘅有冰鎮海鮮 (白蝦、藍青口、翡翠螺、蜆)🔸什錦凍肉 - (開心果肉腸、帕爾瑪火腿、高柏火腿、意大利香腸、煙熏牛肉腸)🔸什錦芝士拼盤 - (布里軟芝士、車打芝士、艾美達爾芝士、戈根索拉芝士)🔸沙律吧+是日餐湯+自助甜品+咖啡或茶阿仔最中意係都係朱古力噴泉🍫 ⛲️ 進出十幾回🤣 仲有可以自己整窩夫🧇蛋香、蜂密牛油味好好食，都係個好好嘅親子活動。…查看更多