yuchiro的個人專頁

見谷友介紹過呢間新開的Pizza e Pollo，地點在屯門西鐵站旁，行五分鐘就到十分方便。就快到聖誕要叫到會，先來試試味道如何先，好食就叫呢間啦，不竟佢價錢比連鎖店化算，食物選擇也不少😋叫了個四人套餐外賣自取，落完單在店內等便可，店內亦有堂食的，天氣好仲可以坐室外睇景添呀，可惜今天落雨了。薄餅揀了⭐黃金海岸口味，是菠蘿、火腿、煙肉、粟米、吞拿魚等配上千島醬，個人很喜歡呢種甜甜酸酸口味，餅底烘得鬆脆，仲勁多芝士，好好味😋個餐仲可選兩款焗飯或小食，點左⭐焗白汁海鮮飯 & ⭐炸手指魚，個飯正正常常啦無乜驚喜。炸手指魚外脆內滑唔腥，點下他他醬食好正😋仲有⭐炸雞四件，即炸的又香又脆，比起連鎖店大件好多🤪幾大隻雞髀！另外就係⭐餐湯 & ⭐沙律，是日餐湯係薯仔湯，沙律就附上麻醬，仲貼心地分開上😋如果兩樣都唔啱，可以揀要罐裝汽水的。呢個四人餐好滿意，份量十足味道又好食，決定啦～今年聖誕聚會就叫佢啦😆…查看更多

是日來到啟德睇演唱會，早啲出黎行下商場又去附近搵下野食，揀左食大池小館，呢間食店出名做手工點心，仲有唔少有創意嘅造型點心添呀。一點左右黎到，全店滿座十分熱鬧😆店員示意自行搵位，任何吉枱或撘枱都可以坐，行到最入有張吉枱，好好彩呀即刻霸枱先😆點心紙款式幾多喎，朋友拍板點左幾樣野，茶就開左壺鐵觀音，茶味清幽幾好飲。⭐豉油皇乾炒牛河最快上枱係乾炒牛河，炒得都幾香口吖，多韮黃同多芽菜，正😋⭐牛油果海鮮春卷春卷炸得香脆，入面有唔少牛油果、鮮蝦、蟹柳等，青新鮮味👍🏻⭐黑金流沙包超流心的流沙包😆奶黃餡鹹鹹甜甜好好味。⭐北菰綿花雞魚肚吸飽醬汁勁惹味，軟綿綿口感好正，雞件嫩滑，仲有兩隻大冬菇，正。⭐原籠馬拉糕馬拉糕鬆軟，回彈力十足😆微微甜啱口味，不過唔知點解，我同朋友都食到有朱古力味😆哈哈，特別又好味。⭐幻彩椰汁糕最後仲有飯後甜品椰汁糕，又香又滑重椰香，入面放左啫喱糖，增加口感之餘顏色又好睇😆正。食滿$200減$20，下午茶時段仲有唔少特價點心同炒粉麵飯，晚市就有懷舊小菜，唔同時段黎到都有好野食😝…查看更多

一家人食飯又唔想煮，近近地去又新街間孖寶買外賣先，五點幾去到已經全店滿座，仲有幾個人等緊外賣，十分熱鬧。點左一個孖寶4人餐，另再加左半隻燻蹄，家人愛肉嘛，全部點哂啲啖啖肉嘅餸😆⭐無骨海南雞個餐可選海南雞或口水雞，揀左要海南雞🐔，一隻雞放得滿滿的，已去骨方便食。雞件嫩滑鮮味，雞皮下唔多脂肪，啖啖肉好正，再點下醬料更鮮味🤤⭐蠔油時菜一盒生菜份量足。⭐魚香煎肉餅煎得脆口，咬落真係有鹹魚香喎，幾好食。⭐梅菜扣肉醬汁調味唔錯，扣肉半肥瘦炆得入味，梅菜吸左醬汁同豬油超好味，淨係梅菜都可以食幾碗飯，下飯之選😆⭐狀元燻蹄另加的半隻燻蹄，同樣炆得好入味，咬落彈牙好有膠原感，正😋⭐靚湯跟餐的例湯南瓜雞腳湯，好鮮甜，一飲就知係無味精靚湯。⭐油飯飯可選油飯或白飯，揀左四盒都係油飯，入口香口，好味😋一家大細食啱啱好，呢個餐真抵食😋…查看更多

星期五放工同朋友出嚟吹吹水，到咗淘大商場搵嘢食，轉咗一圈揀咗食茶舍。七點幾嚟到幾乎全店滿坐，門口有人等緊四人位，好彩我哋兩位可以打尖入先，呵呵😝餐牌真係超級多選擇，西式、日式、港式等基本上包羅萬有，仲有甜品、特飲、小食，睇落樣樣都好吸引，叫咩好呢。⭐簡約晚餐頭盤叫晚餐附送的頭盤，是日餐湯南瓜湯配餐包，仲有半塊炸魚餅，另外仲有份菜沙律添，呢份簡約頭盤都好豐富喎。⭐板燒法式羊仔扒配香草蒜蓉汁朋友揀咗食鐵板羊扒，羊扒有三大塊全部厚切，肉質幾嫩，仲有少少羊騷味，個人覺得味道唔錯😋不過個蒜蓉汁就杰身咗少少，有啲黏口。⭐紐西蘭肉眼扒配照燒汁自己就揀得鐵板肉眼扒，塊扒有成十oz超大塊，鬆肉粉就梗係有㗎嘞，但唔算過份，肉嫩香口，個燒汁甜甜地又幾啱味😋⭐三重芝士焗西蘭花跟餐加小食有半價優惠，叫咗份芝士焗西蘭花，叫做食返啲菜開心啲嘛😆三重芝士真係幾正，好有芝士味，西蘭花配芝士真係好啱味。⭐千島海鮮薄餅朋友話佢要食返啲澱粉質又加咗個薄餅，揀咗千島海鮮口味，上面係滿滿嘅芝士，海鮮有蟹柳、魷魚仔等，啱啱焗起熱辣辣，餅底鬆脆極厚身，飽肚之選😝⭐仙草奶茶 & ⭐熱華田跟餐加特飲都有優惠，仙草奶茶幾好飲喎甜度剛好😋朋友嘅華田都ok。⭐蘋果芝士蛋糕最後仲叫左件芝士蛋糕自私食😆軟綿綿幾好食吖。呵呵，全部食晒無浪費，食飽飽好滿足。…查看更多

呢間大王係觀塘區都有左好多年，堂食比較少黎因為晏晝太難搵位，但外賣就成日叫啦。四十幾蚊起真係好親民，份量唔少味道又唔錯，係唔少打工仔嘅飯堂😆是晚七點幾黎到食下堂食小菜，店內雖然仲有好多枱，但卡位全部坐滿，好好彩霸到最後一卡😝⭐例湯是晚例湯係合掌瓜，清清地無果精，飲返碗確實唔錯。⭐叉燒燒肉雙併點左份燒味叉燒併燒肉，叉燒軟嫩燒肉半肥瘦，層皮仲好脆㗎，好食喎。⭐菠蘿生炒骨個汁酸酸甜甜調得啱口味，排骨香脆有口感，配料有青紅椒、洋蔥、菠蘿等，好睇又好食😋⭐椒絲腐乳通菜炒牛肉通菜炒得翠綠爽口，腐乳汁鹹香鮮味，牛肉軟嫩，呢味勁好下飯。⭐椒鹽豆腐鮮魷有少少失望嘅椒鹽豆腐鮮魷，炸得燶左少少同偏油，但個椒鹽味夠香口，其實味道都唔錯㗎😋⭐白飯點小菜送白飯，大大碗夠晒飽。⭐凍檸茶再整返杯凍檸茶解解膩啱晒👍🏻其實茶仔出餐快、份量大、味道唔差就足夠，大王價錢咁親民直頭加分添啦，支持小店😊…查看更多

食完野經過見有間異國小店開左，便約定朋友下星期晚來試試😋是晚大約八點左右黎到，全店滿坐要等一陣，小店只有十二個座位，居然全店食客都係外國人，咁犀利個個都知有新店進註嘅。餐牌選擇很多，樣樣都想食，揀左好多先決定到😋⭐羊烤肉卷 Lamb doner roll先來份羊肉卷🌯，烤餅包著生菜、洋蔥同烤羊肉等，加上醬汁，入口爽脆又香口，炸羊肉食得出有多種調味醃製，燒得好香啊，好好食🤤⭐辣雞比薩 Chicken pepperoni pizza薄餅🍕有4種size選擇，我覺得兩個人9”就夠食，不過朋友話佢非常肚餓😆最後就點左12”的辣雞肉腸口味。一烘好就上枱，好香啊🤤不過呢，熱到拎唔起，哈哈，涼一涼先食唔可以心急。芝士拉絲呀！落左勁厚芝士好正呀！🧀🧀⭐雞肉餃子 Fried chicken momo仲叫左份炸餃子🥟，揀左雞肉口味的。一份有十隻，仲附上一碟辣味沾醬😋外皮炸得香脆，入面包著絞雞肉，仲混入大蔥、蒜等多種調味品，香口味美😋點左三樣野三樣都好食😝唔怪得咁多人黎食，仲有唔少外賣添㗎。…查看更多

是晚同朋友想食下拉麵，揀左尖沙咀的霸嗎拉麵。人氣店長期都要排隊，是晚大概等左十分鐘左右啦😋先掃碼落單，可用手機支付或櫃位付款，廚房收到order就預備出餐，好有效率👍🏻⭐煮干魚介豚肉拉麵點了期間限定的煮干魚介豚肉拉麵，湯底用上鰹魚、魚介、豚骨熬製，仲加左洋蔥、大蔥等帶辛辣味，香口鮮味，啱我口味喎🤤銀魚仔都好好味。⭐炙燒豚肉味玉拉麵另一碗叫左霸嗎經典口味炙燒豚肉味玉拉麵，湯底好濃厚，有黏口感覺😋麵條有咬口，叉燒肥美不膩，溏心蛋仲好流心，正。⭐羽根餃子好鍾意食餃子，所以想叫份羽根餃子，但同時間又鍾意食雞皮餃子，糾結咗好一陣嗌邊一樣，朋友話想食咪叫哂囉，有佢包底唔怕食唔哂㗎😆大氣！羽根餃子焦脆香口，正。⭐雞皮餃子香口脆口的雞皮包住肉餡，咬落雞油甘香真係好好食🤤餡料飽滿正呀！⭐沙拉唐揚炸雞跟拉麵可用優惠價加唐揚炸雞兩件，揀咗沙拉口味，新鮮炸起好脆口，咬落仲有肉汁添。食飽飽飲返杯枱上的凍檸水，解解膩啱啱好😋…查看更多

是晚來到荃灣食小越廚，貪佢二人餐好抵食，份量重磅啱晒大食朋友😆入座後先掃碼落單，內餐牌比實體餐牌更多選擇。朋友話佢好肚餓要食兩係餐😆哈哈，咁叫多啲野食先。⭐醉貓香茅豬扒炒河試下炒河粉先，黎到係……金邊粉混合河粉，幾得意同時有兩樣口感😆豬扒香軟好食，河粉炒得香口，正喎👍🏻⭐越式三寶飯再揀左三寶飯，三寶有香茅豬扒、越式扎肉、河內炸春卷，哈哈又係豬扒，啱呀，朋友至愛多肉🤤份量超大好滿足。⭐青咖哩雞扒配法包青咖哩賣相一般，但入口好香，重香料味啱口味喎，除左三大塊雞扒外，仲有唔少豆角、茄子等。法包用牛油蒜蓉烘過，暖笠笠好香呀，再唔埋個咖哩汁好好味，啲汁仲攞黎撈埋白飯唔好晒😆⭐越式法包朋友話佢想食法包又加左客，賣相靚喎😋入面夾左扎肉同豬頸肉，仲有唔少蔬菜，好味又清爽，食落一啲都唔膩，正。⭐鹹檸梳打 & ⭐青檸梳打跟餐特飲都唔使加錢，好抵飲😆哈哈，雖然大部份野都係朋友食晒，但都飽到上心口，叫咁多野都係二百幾蚊，真係好食又抵食嘅小店！…查看更多

前排見元朗谷友力推森禾泡飯個蠔仔飯，bookmark左都未黎試，是晚正苦惱緊食咩好，諗起呢間泡飯，就黎試試吧😋小店只有四張枱，繁忙時段一位難求。餐牌除左泡飯，仲有唔少客飯、快餐等，價錢相當親民。學生餐仲三十蚊起，簡直係平到笑，點解我當年做學生個陣無呢啲抵食小店嘅？😂⭐蠔仔肉碎泡飯點了大熱嘅蠔仔肉碎泡飯加紫菜，賣相真係唔錯，蠔仔粒粒肥美飽滿，份量仲下得唔少，湯底係大地魚湯，加埋蠔仔認真鮮味，成碗食晒湯都無淨㗎，正😍⭐胡椒味菜豬肚雞湯飯另外仲叫左胡椒豬肚雞湯飯，湯飯個白飯係分開上嘅，份量仲大碗呀😳胡椒味菜豬肚雞滿滿一大碗，雞件鹹鮮，豬肚煮得淋身入味，個湯勁濃胡椒味，香香辣辣飲完出一身汗好舒服😝咁好味梗係一滴都飲晒啦！⭐瑞士雞翼仲加左份小食瑞士雞翼，一份有四隻，炆得軟腍入味，一咬就骨肉分離🤪連啲骨都入哂味。⭐凍鴛鴦 & ⭐凍檸賓跟飯熱餐飲加$2，凍飲$4，呢個價位合理吖。飲品大大杯夠冰凍，食完熱辣辣湯飯飲杯凍野確係爽😆哈哈，店員啲字好工整，一睇就知點左咩食😝…查看更多

呢幾日見社交平台元朗谷好多人介紹花甲先生，心血來潮就去搵下佢，晏晝兩點來到排晒隊，目測等十張枱😂果斷放棄😂五點幾再來過，情況好好多等兩張就有得入座。店舖唔大，大概三十個位左右。餐牌除左花甲粉，仲有幾款辣味飯同數款小食，算係唔少選擇。先掃碼落單，介面有啲難用😅原來係先揀湯底再揀配撘，不過店員都好主動幫手落單嘅。⭐蒜香海鮮盛會花甲粉家人點了花甲先生的招牌粉海鮮盛會，是日海鮮有元貝、台山蠔、魷魚、蝦同蟶子，聽店員講話某啲食材如果無貨就會轉。湯底要左蒜香口味，再配了公仔麵。又真係幾鮮甜，份量對得住價錢，唔錯唔錯😋⭐麻辣先生粉自己就揀左麻辣湯底，要左小麻小辣，實際上都幾辣㗎，唔小囉，哈哈😝餸就點左牛丸、午餐肉、蘿蔔再加花甲，再叫左多芫荽。賣相吸引🤤雖然辣左啲但都幾啱口味，烏冬好滑，花甲鮮味，正。⭐南乳雞翼 & ⭐雞皮餃子見枱枱客都加生炸雞翼，我地又叫返份先，唉唉……賣晒啦🥲改叫南乳雞翼，都正喎，又香又脆仲帶南乳香。除左雞翼，仲加左雞皮餃子，雞油甘香又脆口，正🤤⭐日本豆乳紅豆冰 & ⭐凍利賓納飲品方面好多得揀，家人揀左紅豆冰😆呢杯紅豆冰有特別㗎，用上日本豆乳，再揀左少甜，嘩嘩，又真係幾好飲，紅豆好綿豆乳香甜，正。自己點左凍利賓納，解辣一流👍係幾好味，谷友無介紹錯😝…查看更多

鳥貴族係同朋友傾偈食野嘅好地方坐位私隱度高之餘餐點全部$19.9/$29.9相當易計是晚八點多來到都仲要排隊等位人氣依然高企😆非串燒系列點左下面幾樣⭐明太子薯仔沙律⭐鐵板芝士漢堡扒⭐明太子燒飯糰⭐鐵板燒山藥蓉⭐貴族雞湯燴飯⭐雞天婦羅配梅子醬漢堡扒同燒飯糰係新野黎😋漢堡扒好厚身咬落勁多肉汁個芝士瀜左勁😍明太子飯糰燒得外邊焦香煙煙韌韌口感好正跟住就係雞串燒系列⭐鹽燒雞芯⭐秘製醬汁燒雞皮⭐明太子燒雞胸肉串⭐鹽味麻油燒雞肝⭐鹽燒雞爽肉⭐鹽燒雞胸脆骨⭐秘製醬汁燒雞腿肉⭐芝士雞肉丸近乎餐牌上每樣都一試🤤個人至愛雞芯同雞肝而鹽味較清爽秘製醬汁更鮮味食到尾聲甜品係唔少得⭐栗子醬配雲呢拿雪糕 ⭐朱古力芭菲配西班牙油條栗子係秋季系列黎㗎😆兩杯同樣係雲呢嗱雪糕上面加忌廉同朱古力醬前者加栗子蓉後者加油條兩杯都好好食呀～飲品大部份係酒精類我地叫左兩杯無酒嘅⭐橙香梳打特飲⭐可爾必思柚子梳打微甜又夠冰凍配串燒一流收銀時店員問有無興趣夾公仔只要打卡出post就有免費代幣哎吔……差少少就夾到啦撞邊跌返出去添😂食到舖頭last order全個list都好食無失望喎唔怪得咁多人排隊食😋…查看更多

好熱，喺深水埗街頭行到一身汗，諗住搵個地方hea下，見呢度間樓上舖又轉左手，不如上去試下佢啦。店名叫食得開心，仲話總點喺元朗，作為一個元朗人居然唔認識呢間餐廳🤔店內裝修簡潔，冷氣十足。剛剛上到嚟嘅時候，全部卡位坐滿，旁邊嘅枱都有幾枱客，都唔少人喺度食緊嘢喎。係咪我哋比較晏上嚟呢，睇緊餐牌揀嘢食嘅時候，嗰幾枱卡位陸陸續續咁離座，不過店員未執枱，又費事搬過去。餐牌主要都係炒小菜同煲仔飯，午市套餐同下午茶套餐基本上一樣，只係價錢上嘅分別，最後我哋揀咗兩份下午茶餐，49蚊起真係平到笑。⭐蠔仔肉碎粥自己點左蠔仔粥，一大鍋上都幾足料，入邊蠔仔唔少，仲有好多芹菜同芫荽，同埋飯係超多嘅，呢鍋蠔仔粥食完真係飽到上心口😝⭐蘿蔔牛腩飯朋友點嘅牛腩飯賣相都唔錯，一碟入面一半係牛腩一半係蘿蔔，上枱嘅時候已經分得好清楚，乜啲蘿蔔同牛腩唔係一齊炆嘅，咩點解可以分開擺咁得意😆炆得軟腍入味都幾好食，仲有一大碗白飯，作為下午茶嘅份量真係唔少，食完都唔使食晚飯呀。⭐熱檸茶 & ⭐熱檸水正正常常嘅熱飲，有三片檸檬無苦澀味，收貨啦。而加啲餐廳真係唔興出單，又係去到收銀嘅時候畀個mon你望一望，就用電子支付，店員都唔係好樂意收現金添呀😅…查看更多

約左人到D2睇戲，睇前諗住食啲野，商場入面幾乎無店咁早開，到街上搵食吧，遠遠見到紅城，大大間茶記外觀唔錯，試呢間吧。無枱得返吧枱，ok啦求其食下啫，各自各掃code落單先。咦，原來仲有早餐喎，三十幾蚊係平嘅，唔怪得咁多人。⭐沙嗲牛肉公仔麵配西煎雙蛋&牛油多士自己落左呢份餐，經典港式早餐配撘😆沙嗲牛……幾失望，無沙嗲味之餘仲帶點酸酸辣辣？？奇奇怪怪的🤔前雙蛋無特別啦，牛油多士塗左好厚牛油，正。⭐沙嗲牛肉公仔麵配雞肉腸併炒蛋&牛油多士朋友點左呢樣，落完單發覺大家點差唔多嘅野😆哈哈。佢份滑蛋幾吸引，腸仔正常味啦。⭐熱杏霜心有靈犀居然一齊點咗熱杏霜😝但舖頭應該好少人飲呢樣，我覺得個水吧師傅唔識得沖，落咗勁多杏霜粉，兩杯嘢結他他程啫哩狀，似係食緊杏仁糊多過飲緊杏霜，某程度上嚟講係咪叫抵咗？畀咁多杏醬粉你飲😆食物味道一般，店內環境一般，但價錢夠平，所以人多都係有道理嘅。BTW，自助落單自助畀錢，除咗上菜有人手之外，幾乎全程見唔到伙記。…查看更多

呢間潮州店好幾年前都成日嚟食，以前覺得佢啲嘢好味又大碟，唔知從幾時開始，份量越來越縮水，加上又加價，嚟食嘅次數減少又減少。今年年頭幾個月，睇新聞好似話佢畀人罰停牌，之後又聽講佢大裝修。九月某日夜晚，親戚約嚟呢度打冷，先至覺得原來真係好耐冇食過。親戚先到一早霸定枱，人齊後不久，店員就送上角色潮州醬料，呢餐由親戚拍板，直接出去櫃位落單，原來而家唔再比手寫單，全部嘢電腦化。⭐韭菜花蜆肉鹹菜鹹鹹地辣辣地，呢個送白粥一流。⭐滷水墨魚併大腸&紅腸墨魚嘅比例出奇地少，正常嘅墨魚貴呀嘛😅滷得入味，豬大腸係中間仲有肥膏留低嗰種，我個人就唔介意嘅，不過其中一位親戚就係鍾意食清得非常乾淨嗰種大腸。下層嘅大豆芽吸咗滷水汁好好味，啲豆芽好爽口。⭐韭菜豬紅唔會一夾就散，質感同味道都好嘅豬紅，韭菜亦唔算太老身，唔會食到一口渣😋⭐潮州滷水鵝點少得潮州嘢名物滷水鵝，皮下唔肥，肉質鮮味，連啲骨都入哂味，仲墊咗啲鹵水豆腐都好正，花生就略嫌硬身咗。⭐炸蠔餅粉太多蠔太大隻，食落都唔似炸蠔餅，兼且真係好油😅⭐蠔仔粥蠔仔粥嘅蠔同樣係太大隻，煲熟咗都有半隻手掌size，點都唔係蠔仔嚟啦。入面仲有大大隻花菇，個蠔仔粥都幾鮮味嘅，唔落胡椒粉都唔會腥，但我覺得可以落返少少鹹雜，佢味道偏淡。呢餐食咗五百幾蚊，人均一舊水又唔係貴嘅，食物味道都keep到，但真係sorry講句唔會再黎，至少夏天唔黎😅間舖裝修後換咗個金碧輝煌嘅招牌，店內牆身掛咗好多寫簡體字有潮州特色嘅掛畫，餐具用上迷你膠碗筷，好有玩具嘅感覺，而檯面亦換上仿木嘅膠長枱，成間舖入面都充滿淘x嘅感覺。呢個都唔係最重要，係重新裝修完之後，店入面雖然開大冷氣同風扇，但都仲係熱到hi hi，全餐飯冇停過流汗，真係貼錢買難受。如果有機會，搵日冬天天氣涼啲先再嚟食啦😅…查看更多

趁住國慶假期去元朗大馬路度攞月餅先，廢事等到中秋節前夕嗰日大排長龍又好多分店冇貨啦。唔知係咪關假期事，今日條小食街特別暢旺，間間都排曬隊買。係雞地悄悄結業嘅阿媽豆腐花，原來搬咗過嚟呢邊，而家仲多咗小食賣添。⭐凍豆花天氣咁熱叫返杯凍豆花飲下先，係呀～你冇聽錯唔係豆漿係豆腐花，一杯可以飲嘅豆腐花😋杯豆花本身無糖，你可以要求加黃糖嘅，甜度仲可以自由選擇添。甜甜地又滑溜，咁樣飲豆腐花又幾好味喎。⭐麻辣魚蛋仲叫咗份麻辣魚蛋，一份有20粒😋雖然顏色好紅但係食落其實只係小小辣，而且完全冇麻嘅感覺，我覺得叫香辣魚蛋可能會貼切啲。⭐粢飯原來佢仲有粢飯賣，咁可以早餐嚟呢度買喎😋粢飯加豆漿咪啱啱好囉。講返件粢飯，都幾大舊㗎，有手掌size。入面包咗油炸鬼肉鬆同榨菜粒，味道正正常常，飯就硬咗少少，不過可能放到三點幾先嚟買啫，早餐時段新鮮做應該會好食啲。⭐芝麻卷最後就係芝麻卷，突然間文藝復興多咗好多街舖做呢個失傳嘅小食，呢間個芝麻卷都幾香芝麻味，入口煙煙韌韌滑捋捋，都唔錯呀😋幾十蚊食到咁多嘢😋間唔中出嚟掃下街，心情都好啲。…查看更多