一點左右黎到，全店滿座十分熱鬧😆店員示意自行搵位，任何吉枱或撘枱都可以坐，行到最入有張吉枱，好好彩呀即刻霸枱先😆
1
點心紙款式幾多喎，朋友拍板點左幾樣野，茶就開左壺鐵觀音，茶味清幽幾好飲。
⭐豉油皇乾炒牛河
最快上枱係乾炒牛河，炒得都幾香口吖，多韮黃同多芽菜，正😋
⭐牛油果海鮮春卷
春卷炸得香脆，入面有唔少牛油果、鮮蝦、蟹柳等，青新鮮味👍🏻
⭐黑金流沙包
超流心的流沙包😆奶黃餡鹹鹹甜甜好好味。
⭐北菰綿花雞
魚肚吸飽醬汁勁惹味，軟綿綿口感好正，雞件嫩滑，仲有兩隻大冬菇，正。
⭐原籠馬拉糕
馬拉糕鬆軟，回彈力十足😆微微甜啱口味，不過唔知點解，我同朋友都食到有朱古力味😆哈哈，特別又好味。
⭐幻彩椰汁糕
最後仲有飯後甜品椰汁糕，又香又滑重椰香，入面放左啫喱糖，增加口感之餘顏色又好睇😆正。
食滿$200減$20，下午茶時段仲有唔少特價點心同炒粉麵飯，晚市就有懷舊小菜，唔同時段黎到都有好野食😝
