foodie.meow.daily的個人專頁

朋友仔生日揀咗一間係尖沙咀嘅西餐廳幫佢慶祝，餐廳以星空為主題，就黎聖誕節仲有埋聖誕擺設，氛圍感十足。提前預約仲會有埋生日佈置，呢到仲有唔少打卡位，可以過一個難忘嘅生日。星空傳情晚餐蕃茄流心水牛芝士沙律❣️ 入口香濃綿密，配搭蕃茄仔同黑醋，清新又開胃。魚子醬生牛肉他他❣️生牛肉口感鮮嫩，配搭魚子醬，味道層次豐富。芝士蕃茄牛面頰手工寛麵❣️牛面頰軟腍入味，手工麵條掛滿醬汁，口感扎實帶嚼勁，醬汁酸甜開胃。炭燒M7和牛肉眼扒伴法式手工薯蓉❣️M7和牛肉眼扒外焦內嫩，入口軟腍多汁，焦香滿滿。炭燒紐西蘭羊架伴南瓜蓉❣️羊架肉軟嫩，肉味濃郁，食落羶味。自家製意大利經典芝士蛋糕❣️意大利芝士入口順滑，咖啡味香濃中散發陣陣酒香。星座蛋糕❣️星座蛋糕上枱時仙氣飄飄，賣相吸引，店員隨即點火，儀式感滿滿，仲會有埋生日卡，提供埋打燈方便合照。…查看更多

朋友仔生日book咗黎銅鑼灣呢間日本菜餐廳慶祝，呢到有好多野做緊優惠，生日仲有免費畫碟服務，門口仲有個生日打卡位，真係儀式感滿滿。北海道活白象拔蚌刺身一入門口就見到有魚缸養住白象拔蚌，而家仲做緊半價優惠，決定叫黎試下。象拔蚌刺身擺盤吸引，口感爽脆鮮甜，滿滿海洋嘅味道。時令日本生蠔日本生蠔做緊優惠$145就有半打，十分抵食，生蠔雖然唔算大隻，但蠔肉都好飽滿，配上日式醬汁，食落特別鮮甜。特選海鮮丼定食丼飯鋪滿唔同嘅刺身，入口新鮮鮮甜，簡直係大滿足！朱古力心太軟心太軟濃郁朱古力味，叫甜品就可以有免費畫碟，畫咗而家大熱嘅Labubu，劃得超逼真又可愛。免費畫碟服務需提前兩天預訂，並支付訂金$200，每日名額有限。…查看更多

前幾日行過屋企附近間餐廳，見到做緊$168 無限暢飲2小時放題，有啤酒、清酒、燒酌、冰串燒酌、威士忌、果味梳打、十勝紅豆牛乳冰等等，果味梳打仲可以加雪糕球，冰串燒酌仲有水果串，真係勁抵飲！廣島蠔野菜味噌鍋蠔肉肥美多汁，味道鮮甜，真係夠曬吸引，配料有豆腐、冬菇、娃娃菜、洋蔥、大蔥等等 ，可以揀選白飯或烏冬，滿滿一煲真滿足。炸豬扒薯蓉咖喱烏冬炸豬扒炸到金黃香脆，大大一塊，份量十足，薯蓉咖喱烏冬口感綿密，烏冬掛滿日式咖喱，入口滑順，味道濃郁，不禁一口接一口。精選串燒組合串燒拼盤有雞頸肉、雞腎、京葱雞肉串、豬腩肉、鵪鶉蛋、雞翼同雞軟骨，鹽燒味道啱啱好，食落焦香惹味。…查看更多

前幾日行過天后電氣道天橋底位置，發現開咗間健康乳酪雪糕店，而家雖然係秋天，但天氣仍然好熱，好適合消暑。帶埋主子過黎仲有免費寵物杯，主子一定勁開心！逢星期五、六、日及公眾假期，天后同中環店都會開到凌晨12點，突然雪糕癮起都唔洗怕！牛角杯❣️可自選2款配料及1款醬汁我揀咗開心果粒粒醬、抹茶麻糬同埋荔枝，配上一塊韓式扁牛角，口感非常酥脆，抹茶麻糬口感煙韌，開心果粒粒醬口感十足，天后獨有，經過一定要試下！終極開心果❣️開心果粒粒醬、開心果黑朱古力，開心果碎石同埋神秘開心果脆脆，開心果乳酪雪糕堅果味濃郁，脆脆豐富口感，開心果迷必試！輕盈香蕉窩夫❣️窩夫即叫即整，夠曬熱辣辣，口感外脆內軟，配上乳酪雪糕同香蕉片，形成凍與熱嘅碰撞，夠曬刺激味蕾。…查看更多

今次去咗間社企餐廳食午餐，餐廳會聘請不同國籍同能力嘅員工，支持社區共融。餐廳主要提供輕食，如沙律、三文治、蛋糕、湯、飲品等等，價錢比較親民，位置係中環8號碼頭，仲可以望到摩天輪，好適合黎打卡。牛肉千層麵千層麵麵條柔軟煙靭，內餡塞滿牛肉碎，面層焗到好香脆，芝味濃郁。墨西哥卷墨西哥卷配料有雞肉、牛油果、嫩菠菜、番茄同芝士，雞肉份量足，肉質嫩滑多汁，牛油果、菠菜同番茄新鮮清新，餅皮烘到熱辣辣，伴碟有埋沙律菜，十分滿足。蘇格蘭煙三文魚沙律沙律菜新鮮爽口，配搭煙三文魚、雞蛋、青瓜、酸青瓜仔等等，可以先開開味蕾。蘋果金寶頂層金寶口感酥脆，內餡蘋果肉香甜軟糯，作為呢一餐總結，十分幸福。…查看更多

近排發現湊湊鍋出咗個和風海鮮祭menu，即刻約埋朋友去試下！黎到已經見到掛滿曬中秋節嘅佈置，仲出埋中秋節套餐，一家人過黎做節團聚真係好有氣氛。北海道小青龍❣️小青龍黎自北海道純淨海域，全程冷鏈直送，即叫即劏，上枱嘅時候仲郁緊，肉質爽口彈牙，蝦頭爆曬膏，入口濃郁甘香，配搭埋櫻花純米清酒昆布文蛤湯，湯底清香中帶陣陣酒香，令龍蝦嘅鮮味更突出。文蛤大粒無沙，殻肉肥美，食到停唔到口。美國特選級牛板腱❣️肉質緊實軟腍，肉味濃郁，配搭信州百年味增白玉湯，湯頭濃郁醇香，唔會死咸。90%蝦肉製人氣蝦滑❣️粒粒蝦肉，食落口感十足，肉質爽彈，新鮮鮮甜。企鵝丸❣️企鵝丸係墨魚丸，食到粒粒墨魚粒，賣相十分精緻，隱藏食法，可能先將企鵝放係鍋邊，然後一隻隻跳落鍋底，真係超可愛。飲品❣️ 大紅袍奶茶、茉莉綠茶出面仲有任食自助小料台，有涼菜、肉燥飯同埋生果都係任拎架。餐廳仲會菠蘿乳酸沙冰同埋紅豆豆奶布甸，沙冰冰涼解膩，可以清下味蕾，紅豆豆奶布甸入口順滑，豆奶香甜濃郁。…查看更多

近排見極尚大喜屋更新咗menu，推出咗好多唔同種類嘅海鮮，仲要有我最鍾意食嘅蟶子，即刻book位去試下！刺身有三文魚、油甘魚、大赤蝦、甜蝦同帶子、赤貝、北寄貝、松葉蟹腳等等，非常新鮮鮮甜，一定要魚子醬日本空運蠔杯，生蠔鮮甜肥美，配搭魚子醬，鮮上加鮮。仲有各款壽司，必點海膽軍艦同蔥花吞拿魚蓉軍艦。熟食有避風塘炒大頭蝦、油鹽焗鮮蟹、豉椒炒花甲、燒乳鴿、天婦羅、酥皮焗周打蜆湯、煮鮑魚花膠等等，仲有XO醬蒜蓉粉絲蒸蟶子皇，食多幾隻已經回本。自助區有熟食、凍海鮮、沙律、點心、中式湯水、甜品、雪糕等等， Haagen-Dazs 雪糕都係任食，甜品仲有椰汁燉木瓜，清潤養顏。…查看更多

PHI嘅疏乎厘一向都係我嘅心頭好，近排餐廳新出咗泰式主題嘅疏乎厘，緊係要即刻去試下啦！漢堡扒全日早餐一份有齊叫齊漢堡扒、煙三文魚、司華力腸、太陽蛋、牛油果、多士、沙律菜等等，實在大滿足。漢堡扒肉質軟腍多汁，配搭半溶芝士，芝味滿滿。椰香冬蔭功海鮮意粉意粉軟硬適中，配搭大蝦、魷魚、青口等配料，冬陰功味道濃郁，每一條意粉都掛滿醬汁，辛辣惹味。泰式梳乎芒果糯米飯芒果糯米飯配搭梳乎里真係不得了！糯米飯軟糯，椰香滿滿，梳乎里配椰汁真夠特別，仲好多芒果圍碟，賣相十分吸引！糯米芒芒椰奶沙冰芒果沙冰味道香濃，上面加咗糯米飯做點綴，清涼消暑。黃金比例泰茶泰茶入口茶香順滑，甜度適中，奶茶愛好者一定要試！…查看更多

每次想食台灣野都會諗起呢間餐廳，價錢親民又好食，已經encore咗無限次。秘製紅燒牛肉麵❣️牛肉份量足，筋肉分明，好容易咬開，麵條幾彈牙，湯底濃郁，忍唔住飲多幾啖。慢烤雞腿芝士蛋吐司❣️吐司烘得外焦內軟，雞腿肉好軟腍juicy，一咬啲芝士同蛋汁爆曬出黎，真係好正！芝士火腿肉鬆蛋餅❣️蛋餅一夾開芝士半溶拉絲，非常邪惡，配搭埋火腿同肉鬆，味道層次豐富。黑布台灣腸/甜不辣❣️台灣腸烤得好香口，甜不辣口感煙韌，滿滿台灣街頭小食風味。…查看更多

聽人講係銅鑼灣有個午市放題平到癲，$198任飲任食3小時，提前預約仲要免加一，今次就去實測下有無伏！十二點去到已經見到有人開始食緊，一入門口就見到自助區，雖然唔算好大，但種類都唔少，自助區有凍海鮮、前菜、熟食、炸物、沙律、湯、甜品、飲品、梅酒、清酒、生果、雪糕等等，連哈根達斯雪糕都係任食。座位方面好寬敞，坐得夠曬舒適，坐低之後就掃QR code落單，A餐食物都超多款式，有刺身、壽司、天婦羅、串燒、炸物、鍋物、一品料理等等，刺身每日新鮮運到，肥美鮮甜，壽司仲有幾款創作壽司，真係幾特別，瀧之杯係瀧本特有，一定要試下，咁多野食，真係點食都回本。…查看更多

同朋友係旺角食完飯有啲口渴，周圍睇下有咩茶飲店啱飲，最後揀咗間主打乳酪奶昔嘅茶飲店，感覺好似會健康啲。呢到嘅signature係牛油果乳酪奶昔，緊係要試下，另外朋友就點咗新品水蜜桃乳酪奶昔。牛油果乳酪奶昔上面鋪滿一片片嘅新鮮牛油果，乳酪奶昔好濃郁牛油果味，入口順滑，少甜對我黎講啱啱好，質地好濃稠，飲完好飽肚。水蜜桃當造必試新品水蜜桃乳酪奶昔，而且仲有優惠價，啖啖都有果肉，味道香甜，夏天飲真係好正！！！…查看更多

TheFarmhouse 最近推出咗「最佳美食盛會」主題自助餐，身為北角街坊點可以唔去試下！自助餐種類好多，包括有冰鎮海鮮、刺身、即燒串燒、即煮粉麵、明爐燒味、沙拉、甜點、雪糕、飲品等等，冰鎮海鮮方面種類都好多，有鱈場蟹腳、波士頓龍蝦、青口、鮮蝦、磯煮鮑魚等等，仲有奶油芝士焗加拿大龍蝦、檸檬蒜香奶油烤虎蝦、黑椒炒虎蝦、焗挪威三文魚柳、花雕酒蒸遠海梭子蟹等等，海鮮控唔可以錯過！刺身有三文魚、吞拿魚、油甘魚等等，推介三文魚刺身，厚切又肥美鮮甜，忍唔住食咗幾轉。甜點有抹茶草莓蛋糕、覆盆子核桃朱古力布朗尼、法式千層酥、美式檸檬派、芒果椰子瑞士卷等等，仲有旋轉雪糕機多達十二款限定雪糕口味，一定能滿足你另一個胃。…查看更多

奶奶經常話想食返當年老北京菜嘅味道，所以就帶咗佢去尖沙咀嘅北京樓回味下當年情懷滋味。「嚐當年手工菜」 粵菜系列，傳承匠人手藝，菜式講究手工精緻，工序繁複，識得做嘅已經買少見少，趁機會嚐一下消失嘅味道。老北京家常黃魚黃魚外皮金黃香脆，魚肉嫩滑，醬汁用面醬、冬菇、肉片同粉絲煮成，味道鮮香濃郁，正宗老北京風味。京城香糟鳳尾蝦鳳尾蝦選用越南虎蝦，蝦肉爽口彈牙，用了秘製酒糟醃製，散發陣陣酒香，賣相精緻，不愧係京蘇四大名菜之一。韭菜婁韭菜婁即叫即蒸，內餡係用咗新鮮韭菜同埋蝦米，濃濃韭菜香中帶陣陣咸香嘅味道，每一口都係山東古早味。燻雞京式經典冷盤，雞肉用咗茉莉花茶燻製，肉質軟嫩，淡淡茶香，蘸上特調醬汁，味道層次更豐富。…查看更多

之前係西九龍中心8樓嘅food court 買過韓式豬手外賣返屋企食，點知一試難忘，今次就專登再返去買黎食！樂樂豬韓式芝士牛肉飯卷飯卷配料有牛肉、芝士、蟹柳、青瓜、醃蘿蔔、紅蘿蔔絲等等，材料十分豐富，食落紮實不易鬆散，幸福感滿分。蒜蓉豬手豬手堆滿蒜蓉，蒜味十足，豬手肉質軟腍，豬皮爽彈，骨膠原滿滿，跟埋一碗醃椰菜，酸酸地夠曬開胃。卡邦尼炒年糕韓式同西式嘅crossover又幾好食，年糕軟糯沾滿醬汁，配料有煙肉同埋洋蔥，醬汁入口順滑，奶香濃郁，食到停唔到口。…查看更多

前幾日去西九龍中心行街，行到8樓food court 見到入面咁多美食就有啲肚餓，見到有間炸雞專門店好吸引，而且仲有套餐都幾抵食，就買咗黎試下！炸雞有七種口味，有辣有唔辣，我地唔食得辣，所以就叫咗王牌芝士炸雞同埋蒜香醬油炸雞。炸雞即叫即炸，大約要等十五分鐘左右，雞肉炸得外脆內嫩，夠曬熱辣辣，蒜香醬油咸咸地、滿滿蒜香好惹味，芝士炸雞外層灑滿芝士粉，芝味濃郁，無骨啖啖肉，真係夠曬滿足。紫菜脆薯條薯條係我最鍾意嘅粗薯條，炸得十分脆口，外層灑滿紫菜碎，每一條薯條都充滿紫菜味。芝士酥炸魷魚魷魚外層炸得好酥脆，口感彈牙，加埋芝士粉實在食到停唔到口。…查看更多