SAlyt的個人專頁

● 海葡萄冰菜沙律 $158○ 金澤蠔釜飯 $298● 燒鮮魷魚 $68○ 手打墨魚棒 / 手打免治蝦肉棒 $78● 千層牛肉卷串 $68未食過已經聽過呢間居酒屋，有期待之下見到個menu好豐富！菜式精緻又多元化～首先試咗海葡萄冰菜沙律，冰菜清爽脆口，加埋彈牙嘅海葡萄，集海洋味同清新於一身，非常開胃～推介一定要嗌金澤蠔釜飯，蠔肉肥美鮮甜，香氣十足，一鍋有成8-9粒蠔，夾埋每一啖飯都吸晒湯汁精華，好滿足！另外嗌嘅串燒都好好味，魷魚燒到外層微焦香脆，內裡仲係鮮嫩多汁，配埋特製醬汁，鹹甜適中，$68個價錢都算幾抵食！手打墨魚棒、免治蝦肉有鮮味又有咬口，配埋生食蛋黃更加滋味😋成餐飯唔單止用料講究，味道仲好有心思，無論係朋友聚餐定係自己靜靜地享受美食，都非常值得一試！﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣申子居酒屋旺角黑布街74-76號藝興大廈地下1號舖銅鑼灣渣甸街50號渣甸中心9樓…查看更多

韓國街11年小店﹣﹣﹣﹣﹣﹣﹣﹣﹣﹣﹣﹣﹣﹣﹣﹣呢間韓國餐廳由韓國人主理已經開咗超過10年，行開韓國街應該都有食過，喺門口睇緊餐牌已經用韓文同我打招呼，好親切😆● 鐵板烤豬肉蓋飯 $89○ 花甲刀削麵 $95● 海鮮煎蔥餅 $143朋友極力推介話每次都會食嘅辣炒豬肉，用鐵板熱辣辣上枱，口味有調整過唔會太辣，但係又好惹味，豬肉油脂超香，配埋白飯真係人間美食，每啖都好滿意好好食🥹刀削麵唔係想像中咁厚身，不過食落去都有咬口好煙韌～花甲同蝦嘅份量幾多，最正係個湯底真係好鮮甜，係飲得嘅湯底☺️呢個大推！外皮煎到金黃香脆，大大塊全部都係海鮮料，配埋韭菜超級濃味！建議幾個人share兩個人根本食唔晒🤣整體嚟講價錢合理，味道出色，餐廳keep住有聚會嘅客人但唔會太嘈，真係有韓國嘅感覺✔️✔️✔️﹣﹣﹣﹣﹣﹣﹣﹣﹣﹣﹣﹣﹣﹣﹣﹣南대門3號尖沙咀金巴利道65-67號太平洋大廈地下3號舖…查看更多

文青cafe環境 多選擇台灣菜﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 紅燒牛三寶麵 $88○ 鹽酥雞排滷肉飯 $64● 麻辣鴨血豆腐 $38○ 芝士奶蓋桂花烏龍 $32● 珍珠奶茶 $26牛肉麵湯頭濃厚，微辣之中有甜味，牛肉同牛筋都煮到非常軟嫩，麵嘅軟硬度適中，呢碗牛肉麵有返啲水準。滷肉飯都食得好滋味，滷肉肥瘦比例均勻，唔會太油膩，有家常嘅味道！另外雞扒上枱時仲係熱辣辣，外皮香脆，雞肉又多汁見到餐牌麻辣鴨血即嗌，以我哋唔食得太辣嚟講覺得可以接受，如果鍾意食辣嘅話，可能會覺得唔夠喉～～最後緊係要配返杯台式飲品，珍珠奶茶都唔錯，奶蓋桂花烏龍茶雖然溝咗芝士但都仲飲到桂花香～整體嚟講價錢唔貴，環境坐得舒服，幾款食物都好滿意，超滿足嘅一餐！﹣﹣﹣﹣﹣﹣﹣﹣﹣﹣﹣﹣﹣﹣﹣﹣#元朗美食 #元朗 #牛肉麵 #滷肉飯#元朗fatfat #台式fatfat@cafebbc.ylp﹣﹣﹣﹣﹣﹣﹣﹣﹣﹣﹣﹣﹣﹣﹣﹣桂花小幸元朗青山公路 - 元朗段249-251號元朗廣場G樓003 & 005號舖…查看更多

元朗千色塞爆大碗台灣牛肉麵！﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 麻辣三寶牛肉麵 $84○ 古早味烤豬排便當 $63● 夜市鹽酥雞 跟餐+$16○ 古坑冰咖啡 跟餐+$14● 鴨屎香手打檸檬茶 跟餐+$15好耐冇去元朗，原來千色個度開咗間台灣嘢，主打牛肉麵，仲有各種台灣美食～價錢都好親民，味道亦係香港嘅台灣餐廳之中有水準嘅！麻辣三寶牛肉麵湯底濃郁，少少麻但又唔會太搶喉，成碗嘅肉量都畀得非常豪爽！牛肉夠入味，牛筋同牛肚都係腍得嚟仲有啲咬口嘅～配料仲有牛肉麵嘅靈魂酸菜，味道提升💯古早味烤豬排便當，豬排有口感之餘唔會柴同乾，加上配菜都幾多，整體都好豐富，食晒超滿足☺️ 跟餐可以加埋鹽酥雞，即炸起外皮酥脆入面多汁，啱啱好一口size真係有夜市feel🤤餐廳環境整潔舒適，不過點餐系統有啲唔方便，以為自己落完單但冇落到😂 呢個要留意下～不過整體都係好食又抵食嘅👍🏻﹣﹣﹣﹣﹣﹣﹣﹣﹣﹣﹣﹣﹣﹣﹣﹣小胖台灣麵元朗元朗教育路1號元朗千色匯地下25-26 & 61號舖屯門屯門鄉事會路2A號愛定商場(H.A.N.D.S) A區1樓A122號舖…查看更多

來自台灣嘅芋頭飲品專門店竟然係雪花冰有驚喜🍧﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 芒芒雪花冰 $148芒果 曲奇餅乾 芒果醬 杏仁片 牛奶雪花冰○ 芋頭鮮奶波波 $46小芋圓 鮮奶綠有時同朋友食完晚飯，想傾多陣計都會直落糖水，最好就腳唔使專登搵！呢間芋頭專門店就係正cwb apple store對面，睇menu有芋泥 芋圓 芋頭飲品💜 全部都幾吸引～而且平日夜晚都幾多人食緊！我哋嗌咗一個雪花冰同一杯小芋圓嘢飲，本身只係見熱就食下冰，但估唔到呢度嘅雪花冰都有驚喜！冰打得好細密，細睇會見到一粒粒，食落好真係有雪花嘅感覺，味道上本身係牛奶冰，加埋芒果醬嘅酸甜會令人想食多幾啖😆 食到一半會慢慢掘到中間有芒果肉 杏仁片 同曲奇餅碎，夾埋一齊好豐富好滿足～另外芋圓幾煙韌，但偏好濃茶味嘅我覺得茶底比較淡，整體嚟講都可以過下口癮～﹣﹣﹣﹣﹣﹣﹣﹣﹣﹣﹣﹣﹣﹣﹣﹣#銅鑼灣美食 #港島美食 #銅鑼灣 #芋圓#銅鑼灣fatfat #甜品fatfat@taroyuan_hongkong﹣﹣﹣﹣﹣﹣﹣﹣﹣﹣﹣﹣﹣﹣﹣﹣清原銅鑼灣白沙道4號地舖…查看更多

● 惹味手切雞腎 $18 鹽燒雞軟骨 $16○ 鹽燒原塊雞皮 $22 雞泡魚乾 $38● 牛舌尖漬燒 $28 鹽燒豚肉蘆筍卷 $28○ 香煎墨魚餅 $68 鰻魚炒飯 $58● 牛油蒜蓉焗雜菇 $38 川燒蒜蓉茄子 $32○ 鹽煮枝豆 $22 翠玉瓜$16聽過幾位朋友讚呢間串燒店，有所期望咁去食，結果就係失望，有好幾款都食得出唔係燒出嚟，只係煮熟咗再灑上調味粉，唔知道係分店問題定點🤨由於太普通，食咗第一輪就冇再嗌，人均消費$230，唔算話好貴但成餐都冇乜驚喜，期望日後有更好嘅食物質素！@skewer.kitchen﹣﹣﹣﹣﹣﹣﹣﹣﹣﹣﹣﹣﹣﹣﹣﹣燒烤堂旺角長沙街2號地舖尖沙咀厚福街12號藍馬商業大廈5樓銅鑼灣登龍街28號永光中心15樓紅磡德民街29號德民大廈地下J2號舖筲箕灣廟東街11號地舖…查看更多

● 芝士宇治抹茶 $32○ 鳳梨四季春 $25葵廣芝士茶另一選擇都算抵飲個類 凍飲仲平過熱飲芝士味幾出 茶味都不錯但就飲完冇乜記憶點😆怒茶巷葵芳葵富路7號葵涌廣場3樓摩登世界31號舖…查看更多

● 香香炸雞 L $39○ 青白椰菜花 $24香口嘢唔係我最愛先排到咁後 其實好食😂啲菜都炸得幾juicy 覺得西蘭花好食過雞不過份量少咗啲 好快吞晒🤪@jgssg.com.tw 繼光香香雞葵芳葵富路7號葵涌廣場3樓303A號舖…查看更多

好耐冇去葵廣掃街，買咗一堆嘢食上朋友屋企慢慢嘆～○ 香煎韭菜餃 12隻 $54呢間煎餃幾抵食！得白菜同韭菜兩款大大隻又煎得幾靚 重韭菜味又食到肉😋鄧媽媽過橋水餃葵芳葵富路7號葵涌廣場2樓C41號舖…查看更多

● 元祖大阪章魚燒 $34見到呢間重開個陣真係勁興奮！係me同黃先生初初拍拖時嘅回憶嚟😗喺屯門紅橋個陣已經成日排晒隊後來執咗就勁耐冇食過🥲隔咗咁耐食返都依然覺得係世一🤪粒粒燒到脹卜卜粉漿溝得滑身 食落口唔會太粉有章魚粒粒 同埋調味唔會太鹹～仲有好多其他味都好正 推！@tmtakoyaki屯の大阪章魚燒葵芳葵富路7號葵涌廣場3樓摩登世界1號舖…查看更多

工廈可encore台菜！滷肉飯拌麵夠台味﹣﹣﹣﹣﹣﹣﹣﹣﹣﹣﹣﹣﹣﹣﹣﹣觀塘都幾多台灣菜嘅選擇，又黃又台嘅都有三四間💁🏻‍♀️ 今次就試咗呢間新開無耐嘅日月堂🌞🌝● 雞翅乾拌麵 $60幾鍾意個乾拌麵，麵條中間扁身，食落去煙韌有咬勁，加埋乾蒜醬料，好香口好滋味，齋食呢個麵都冇問題😙👌🏻滷水雞翅入晒味，肉質都係滷到化開個種，食落有啲八角香，又唔會太鹹，仲要一碗有四隻，多到要分畀人食🤗○ 鹽酥雞滷肉飯 $65滷肉飯肥瘦比例均勻，有油香得來都仲食到肉粒，味道亦係古早味咁樣偏甜。鹽酥雞啱啱炸起，酥脆燙口，雞件有肉汁，係幾好食，不過炸嘢我食一兩粒就完。成日食滷肉飯都驚食唔飽，呢個套餐加埋前菜同鹽酥雞份量好夠，成個餐都好豐富！● 送前菜及冬瓜茶次次食台灣嘢見到嘢飲要另外加錢都覺得貴，好彩佢冬瓜茶係送嘅，唔加錢都可以飲下台式飲品，窮L表示非常之好😇○ 鳳梨紅茶 +$15加錢就可以轉水果茶類嘅特飲，可惜奶茶就唔跟餐，鳳梨紅茶就係正常味道，酸酸甜甜咁，鍾意飲水果茶類嘅朋友都可以試吓～朋友之前就有同我講過覺得麻麻，但我試呢兩款感覺都唔錯，有台灣嘅味道喎，而且價錢合理，可以encore😆﹣﹣﹣﹣﹣﹣﹣﹣﹣﹣﹣﹣﹣﹣﹣﹣日月堂觀塘興業街14號永興工業大廈4樓C2室…查看更多

曾經的長期飯堂～🍅﹣﹣﹣﹣﹣﹣﹣﹣﹣﹣﹣﹣﹣﹣﹣﹣屯門店未搬時，食咗年幾都係食同一款茄湯公仔麵肉醬丸子加蟹柳做早餐，自從搬咗去元朗就好少食，早幾日再食先發現，原來又要暫別了😩● 漢堡番茄濃湯烏冬 配香煎雞扒 $58呢個番茄濃湯依然係熟悉嘅味道，湯底有茄肉，少少稠又掛到湯，天然嘅酸甜味真係當湯飲都得！🍅加埋4大嚿雞扒，外皮煎得非常香脆，而咬落去係嫩滑多汁，雞扒出色到每食一嚿都要讚一次好食🥺○ 自家鮮茄咖喱牛脷焗飯 $82鮮茄同咖哩好夾！濃郁咖喱汁夾雜住茄粒同茄汁，一啖食到兩隻味！有番茄令成個飯唔會太滯，我仲越食越開胃🤤焗飯雖然貴啲但都落重料，飯有炒底，有拉芝，牛脷有成8粒咁多，而且每一啖都係keep住有醬咁食，醬多過飯咁滯！👍🏻性價比極高嘅餐廳 少一間都好可惜🤧希望快啲重開可以有機會再食到❤️‍🔥﹣﹣﹣﹣﹣﹣﹣﹣﹣﹣﹣﹣﹣﹣﹣﹣蕃茄濃湯專門店元朗建業街61號地下…查看更多

4月尾暫別🥺 轉角日食cafe🍛🥢﹣﹣﹣﹣﹣﹣﹣﹣﹣﹣﹣﹣﹣﹣﹣﹣見到cafe ig話做埋呢個4月星期六放假就即刻衝去食已經瞓到黃朝百晏先出都好多人等位等到差不多3pm last order前先入到大家都諗住趁最後機會幫襯下💪🏻● 咖喱吉列豬扒蛋包飯 $66標準樣嘅日式咖哩炸豬扒飯🍛討論咗一陣揀唐揚雞定炸豬扒好🤡見人地嗌嘅炸豬扒賣相好吸引就跟隊炸皮夠晒脆口 見到中間厚到脹卜卜咬落去除咗肉之外 仲有層軟綿綿嘅餡但食唔出係乜😂 厚切嘅口感唔錯嘅！咖哩係香甜口味 唔太辣易入口～加埋滑蛋 好快食清晒成碟飯！😗○ 英式早餐 $98車打芝士腸 蔬菜薯餅 煙肉 炒蘑菇 炒蛋 茄汁豆 沙律 牛角包all day嘅蔬菜薯餅同車打芝士腸幾好食🤪 食完都有印象，本身唔太like食薯餅，但呢款係日式口味，食落香甜又軟綿綿咁，幾好～而車打芝士腸中間真係有爆汁芝士！🤗 又係食完幾日依家先發覺，menu有炒菇但我地個碟冇嘅😂● 跟餐 是日特飲 蜜桃冰茶○ 鮮奶咖啡 +$16蜜桃冰茶一飲就覺得好清爽，黃先生話好啱佢飲，即刻涼返晒，又唔會太甜喎🍑🧊🍹 Latte入口非常順滑，咖啡香醇☕️﹣﹣﹣﹣﹣﹣﹣﹣﹣﹣﹣﹣﹣﹣﹣﹣轉角屯門屯利街1號華都商場1樓2-3號舖…查看更多

招牌2cm厚豬扒 配椰香濃稠叻沙🧉🌶﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 厚切豬扒叻沙摻摻 $64見到隔離枱食緊厚切豬扒，毫不猶豫即刻跟隊！餐牌寫成8安士嘅豬扒，切開保守估計都2cm厚🤏🏻 啱啱炸起，熱辣辣脆卜卜💥 中間豬肉粉粉嫩嫩咁，仲夾雜着少許脂肪，咬落去大塊鬆化又冇筋，幾出色☺️叻沙湯底濃郁，帶椰香味，湯底仲係香滑濃稠嘅口感，而唔係只有叻沙味嘅水！🤤配菜除咗魚蛋豆卜呢啲大路嘢，仲有粒流心蛋添😉 必食米粉溝油麵嘅摻摻麵底，加埋芽菜，三重口感一絕！○ 小印度咖哩牛腩 配烤餅 $75咖喱牛腩個咖喱非常出色，食到唔同嘅香料味，特別有東南亞咖喱嘅風味☺️ 反而個牛腩我就覺得有啲柴，雖然佢好大嚿但係都比較難咬，對比啱啱先食完厚但嫩滑嘅豬扒，豬扒可以講話係完勝！同埋可以唔使加錢轉烤餅都得，烤餅偏乾身，唔係煙韌嘅口感😗 呢個咖喱汁配飯食都已經好正👍🏻● 鴛鴦雞配椰漿飯 $64兩種食法嘅雞飯有啲驚喜，本身以為南乳脆炸雞會偏乾身，但食落去又唔會喎～咬落去見到炸皮好薄，雞肉都好厚身🤗另一隻直情係雞髀，又係啖啖肉，而且個汁係新加坡咖喱汁，又唔同樓上個小印度咖喱汁，呢隻冇咁多香料嘢同冇咁辣，比較易入口🤪🍗○ 跟餐老火靚湯／飲品馬拉白咖啡同奶茶都係正常發揮，多咗個餐試吓碗老火靚湯，睇湯渣就知足料😆極肚餓之下，兩個人嗌咗三個餐，大份到食唔晒要打包拎走。性價比真係好高！下次會再食😙﹣﹣﹣﹣﹣﹣﹣﹣﹣﹣﹣﹣﹣﹣﹣﹣星洲總廚大角咀大全街57號地下…查看更多

火炭小店開出市區 多款bagel層次勁豐富﹣﹣﹣﹣﹣﹣﹣﹣﹣﹣﹣﹣﹣﹣﹣﹣係 @thebrewcorner.fotan 嘅分店之前去過一次好欣賞 bagel好正😜但係火炭又唔會成日去食依家大角咀有新店就方便得多！● HAM & CHEESE $68turkey ham, swiss & cheddar, mushroom, macaroni, sun-dried tomato, cucumber, tomato, rocket, chipotle mayo🥯Cheese & Onion○ AVO CHICKEN $72avocado, chicken, homemade marinara, cheddar, sun-dried tomato, cucumber, tomato, rocket, house thousand island🥯Sesame● CAPPUCCINO $34○ LATTE $34餡料同bagel嘅口味有好多選擇～而且每款都各有特色 醬汁配搭好夾🤤最鍾意中間夾雜住番茄同乾番茄擺埋一齊係fresh得嚟 番茄味又勁出！bagel有咬口 加埋滿滿的餡 好滿足😋環境混合cafe同酒吧嘅元素日頭好hea☕️ 夜晚好chill🍸除咗飲啡咖之外 晚上都多個消遣地方🥳﹣﹣﹣﹣﹣﹣﹣﹣﹣﹣﹣﹣﹣﹣﹣﹣The hangout bar & cafe大角咀博文街18號地舖…查看更多