Yi tsang的個人專頁

今日想食新加坡菜，同事介紹d 間餐廳，如果唔係同事講都真係未必搵到呢間餐廳，因為係樓上鋪 好容易行過咗，但都幾值得推介，味道唔錯，有驚喜.辣椒蟹肉肉醬配饅頭：微辣，好惹味，蟹肉超多， 非常足料，配埋饅頭一齊食，食唔停口，讚新加坡咖喱牛欄飯：啲牛欄炆得好淋，大大嚿，啖啖肉，咬落好腍身， 加埋咖喱汁，絕配肉骨茶：即叫即煮，上枱熱辣辣，飲完個湯好暖胃，我個人鍾意將啲飯撈湯食，天氣凍叫呢個， 正美祿馬丁尼：味道有幾夾，好易入口，女士都啱飲。咖啡綠：唔會太甜，但係都有努力嘅咖啡香👍…查看更多

今日見天氣唔錯，出去將軍澳坑口行街， 順便食埋下午茶.今次見到出咗唔少新嘢，望落去款款都唔錯，最後叫咗兩樣新嘢嚟試吓.仁當牛肉烤餅： 即烤，咬落仲暖暖地，餅皮好薄， 烤到脆卜卜，入邊夾咗好多牛肉，咬落啖啖肉，好滋味，比我預期中好味，有驚喜香芒大蝦米紙卷：又唔算好肚餓，唔係好想食粉麵飯，又想叫健康d既野，呢個推介…多款唔同嘅蔬菜加埋芒果， 包住一齊食味道清新凍桔仔話梅水：喉嚨有啲唔舒服，飲呢個幾好， 如果轉熱飲應該更理想…查看更多

今日接完囡囡上興趣班，有啲肚餓，走咗去食tea.經過見到d呢間餐廳幾多人食,就入咗去試吓，選擇都多，價錢唔貴，D 間下午茶多選擇，2:00 pm開始.海南雞飯拼喇沙：開頭都諗緊揀海南雞定係喇沙，見到有呢個餐好開心，兩樣都有，每樣都可以試，唔錯…喇沙味好香，有好多配料，非常豐富， 海南雞雞肉鮮嫩，啖啖肉，抵食街頭燒雞串；燒得剛剛好，唔鞋口，啖啖肉，𠕇2 大串，最後飲埋杯白咖啡，提一提神，就去接女女👍👍推介…查看更多

之前返深圳玩，試過呢間餐廳，款式多，價錢又平、啲嘢食又好食，經過見到香港而家都有分店朋友一齊去試吓酸木瓜黃皮檸檬茶：喉嚨有少少唔舒服， 飲呢個都唔錯三色雞絲涼麵：呢個幾特別，雞絲三款唔同嘅麵，包括有菠菜麵，南瓜麵和紫薯麵，再加上花椒油，好惹味南乳醉鮑魚：第一次食鮑魚加南乳汁，但係食落又幾match－口鮮肉包：餡料豐富，包皮唔會好厚，即叫即整，入口熱辣辣西湖雷峰塔：即係個賣相已經攞晒分，造型好細緻，見到都唔捨得食黑芝麻綿綿冰：層次分明，芝麻味濃，大大碗，可以兩個人share食江南綠茶餅：即叫即整，面層鋪咗好多芝麻，一咬爆餡，全部都係芋泥， 推介…查看更多

今日天氣涼涼哋好舒服，踩住單車係將軍澳周圍去，經過寶琳見到呢間餐廳新開,　望落餐牌都好經濟實惠，就入去試吓.餐廳環境舒服，座位唔會太迫，職員都有禮貌，服務唔錯，食物選擇都多.鮮蜆白酒蒜香扁意粉，加配是日餐湯，沙律和甜品:都幾大碟，足料，蜆肉大隻鮮甜，扁意粉爽口彈牙，蒜香白酒味都好出，又唔太膩， 唔錯，建議加$21加購沙律，是日餐湯和甜品,好抵食，沙律新鮮， cake都幾大件，幾好味。下次再嚟，可以試吓其他嘢食，今次整體都滿意…查看更多

之前有朋友請過我食d 間既包包，試過味道不錯，今日經過銅鑼灣，見到出咗啲新款式，好吸引仲有我最鍾意嘅Tiramisu和開心果味，見到即刻買黎試下.D 塔之前得二個選擇，有拿破崙焦糖同開心果味， 今次有我鍾意的愛爾蘭咖啡味，所以見到就忍不到買黎試嚇， 個千層撻非常鬆脆，層次分明，咖啡味濃，大件， 食完好滿足另外見到d 包同牛角酥賣相都不錯，最後買咗個明太子牛角酥 ，開心果酥皮窩夫和榛子朱古力牛角酥. 整體味道唔錯，買咗二個牛角酥，其中一個第二朝當早餐，食前放入微波爐焗1-2 分鐘， 一樣咁鬆脆， 明太子同牛角酥都幾夾，正😄開心果酥皮窩夫上面鋪滿朱古力醬和開心果nuts,咬落口感豐富,食完都好飽肚.…查看更多

本身諗住簡單食，都冇咩期望，但係竟然有意外驚喜，大部份味道都唔錯，幾特別同有創意.海鮮喇沙意粉；喇沙意粉勁好味，多汁又多料，入邊有蜆、青口、（仲有唔記得係乜嘢），喇沙湯麵就食得多，喇沙意粉就第一次食，而家寫緊食評嘅時候，諗起都好想再食。儀式香草果香烤三黃雞：隻雞超有驚喜，外脆內嫩滑。更加估唔到嘅係：隻雞全身都好滑，包括雞胸，一向唔鍾意食雞胸嘅我，竟然唔覺得自己食緊雞胸，真係超班嘅焗雞，極力推介！吞拿魚黑魚子哈密瓜他他：食落好清新，所有嘢夾埋一齊食口感豐富，層次多變杏仁金寶紫薯慕絲配雪糕：甜品都好正，雲呢拿雪糕配紫薯cream，仲有加埋啲脆脆，成個組合都好夾，出邊冇食過呢個甜品，創意之選。…查看更多

今日同朋友出咗去將軍澳行街，行行吓原來已經2:00，有啲肚餓，就搵間餐廳坐低食下午茶，經過見到呢間台灣餐廳,啲嘢食好似好吸引,又有下午茶餐就入咗去試吓.裝餐廳座位舒服，裝修靚靚，下午茶餐又唔貴，$4x-$5x已有交易，幾抵食.酥排骨吐司，桂花雞翼，蕃茄湯米線: $50有三樣嘢食，酥排骨，即炸，熱辣辣，非常香口，夾埋吐司一齊食完美配搭，焗雞翼點啲桂花汁好香食落即刻冇咁熱氣，食埋個米線，超飽鹽酥雞扒台灣麵（ 清雞湯）： 個雞扒即叫即炸，入口熱辣辣，好鬆脆，肉質鮮嫩，清清地配埋個湯麵一齊食，唔會太熱氣咀嚼控三圓麻糬湯：集齊三款唔同味嘅麻糬，口感又不一樣，食落好豐富，層次分明， 推介…查看更多

我囡囡超鍾意角落生物，網見到D間餐廳， 餐廳裝修和全部食物都係角落，所以今日尊登帶囡囡去， 去到勁開心，囡囡即刻攞住自己個相機仔都不停打卡，仲可以攬住啲公仔影相.特製荔枝椰果梳打/特製荔枝椰果梳打：唔算好甜， －路飲仲可以一路食到椰果， 小朋友超鍾意， 賣相同味道都唔錯特製芭菲：下面係士多啤梨布甸，上面鋪有雪糕和什果，簡直一次過滿足晒小朋友三個願望特製牛奶拉丏： 個湯底唔算好濃味， 奶味濃，拉丏彈牙，有叉燒，蟹柳和蛋特製冷麵：賣相好靚，最上面鋪有角落生物魚蛋，再配有其他食材，可選冷麵汁或者胡麻醬，撈埋一齊食，味道唔錯栗子紫薯餅：好好味，即叫即整，上枱熱辣辣，食落有栗子肉，紫薯味濃肉質滿滿餃子： 皮蒲餡多， 有5 隻，好味職員仲同我地講，餐廳消費仲可以加購其他角落生物產品，我哋忍唔住買咗個碗返屋企😆…查看更多

同朋友聚會，諗住食餐好 ， 又唔想太貴，諗諗下食放題都唔錯，可以自由選擇自己鍾意食嘅嘢，而且lunch time$2xx -位， 非常經濟，可以食足3 個鐘，時間非常鬆動，嘢食選擇都多，有成77款，應該多到好難每様試得晒.座位寬闊， 坐得舒服， 我哋2 個人，職員安排4 人座位，但都擺到成枱都係食物😆😆請問靠近車門嘢飲款式多，茶類汽水果汁樣樣都有，有啲熱飲嘅茶包,咖啡可以自己沖.坐低第一時間梗係嗌刺身，都上得好快，刺身整體上新鮮，三文魚厚切，刺身蝦大大隻，北寄貝鮮甜, 無走單👍第一次食放題有榴槤叫，榴槤迷記住叫榴槤，我都食2 大粒，新鮮多肉，香濃，仲有其他用榴槤製作嘅創意菜式，試過味道唔錯.熟食都隨機叫咗啲嘢試吓，但係因為真係太多選擇。只揀咗十幾款，基本上樣樣味道都唔錯，推介最後，食埋甜品，雪糕和雪條，食到好飽，好滿足下次可以再encore😍推介…查看更多

今日出開將軍澳行街買嘢， 順便等多陣食tea.經過見到d呢間餐廳幾多人食,就入咗去試吓.D 間下午茶幾抵食，$4x 起 ，2:00 pm開始, 選擇都算多,同埋有啲款式都幾創新.老街手工卷粉： 幾有鑊氣，手工卷粉煙煙韌韌，好彈牙，口感十足，配有青豆芽菜，份量都唔少，好大碟娘惹炸彈鮮奶：好耐未食過，見到好回味，即炸，炸得好脆口，中間鮮奶好熬，食嘅時候要小心街頭燒雞串：先得幾惹味，啖啖肉，再埋辣醬一齊食，完美配搭凍白咖啡：提神之選， 每日一杯， 咖啡味濃…查看更多

朋友生日， 銅鑼灣相對比較就腳，上網搵到呢間餐廳，comment唔錯，見啲相環境都幾靚，仲有semi buffet ，我哋女仔又食得唔多buffet又好似太貴，半助式既Lunch buffet $98 -位， 主食另計，$48 起.半自助既食物雖然款式不算好多， 但各款食物味道都味道都唔錯，沙律菜新鮮，炸物即整，熱辣辣，甜品細細件，試過好食至再攞.呢度仲有海鮮拼盤可以叫，有蝦和生蠔，我哋鍾意食生蠔多啲，所以淨係叫咗一打，$240，平均$20@😍😍辣肉腸芝士香草意式通粉：芝士味濃，creamy , 又唔太漏，意式通粉大大舊，好彈牙， 特別有嚼口是日精選炭燒牛肉：我哋叫咗5 成熟，牛味潀，咬落淋身，食完好回味…查看更多

嚟到鴻圖道呢間 Flames，裝修走簡約風，配暖燈光，氣氛溫馨又唔失時尚感。坐得舒服，啱晒朋友聚餐或者拍拖打卡～🍽️ 今次叫咗以下幾款：• Beef Ragu Linguine：意粉掛汁力強，牛肉炆得夠腍，醬汁濃郁但唔會太鹹，仲有香草點綴，食落層次豐富，係Flames意粉系列入面嘅穩陣之選。• Beef Burger & Fries + $48雞翼加配：漢堡包厚實多汁，牛肉扒煎得啱啱好，唔會乾柴。薯條香脆、雞翼外脆內嫩，。🍹 飲品方面：• Virgin Sangria（Mocktail）：果香味濃，有橙片同蘋果粒，無酒精但有氣氛，飲落清新解膩，啱晒唔飲酒嘅朋友。• Tequila Blossom（Cocktail）：Tequila base混合花香果香，入口微甜帶酒勁，唔會太heavy📝 總結：Flames 鴻圖道分店唔止係打卡靚位，食物同飲品都有水準，環境加分，服務貼心。係觀塘區唔錯嘅高質西餐廳，無論係Lunch定Dinner都啱晒！…查看更多

今日同朋友出咗去德福睇戲，順便搵間餐廳食lunch，見到呢間裝修好有懷舊風味，兼且全場爆滿，所以入去試吓.座位舒服，食物選擇多，價錢一啲都唔貴，非常經濟抵食.肉眼扒配薯菜： 我叫咗五成熟，肉眼扒煎得剛剛好，唔會好韌，食落淋身， 牛味濃，大大塊塊，好抵食炸馬介休球：加配只需$48， 還有薯條， 咬落好足料，有四大件，推介白酒煮藍青口：加配只需68，白酒味濃，青口新鮮大隻鮮甜， 唔錯雜果啫喱：簡直係童年回憶，賣相好精緻，每粒啫喱都好大粒，仲有唔同顏色士多啤梨乳酪：只需加$6，好抵，必食鴛鴦檸檬梳打：夏天叫呢個飲品好清新，消暑，仲有好多嘅維他命C，大人小朋友都啱…查看更多

朋友生日，但係又唔知揀咩餐廳好，諗諗下食放題都唔錯，可以自由選擇自己鍾意食嘅嘢，－定岩食，上網見到啲間comments幾好，lunch time$2xx -位， 仲可以食足3 個鐘，嘢食選擇都多，有成77款，多到好難每様試得晒， 食飽飽之餘都有時間傾下計.座位寬闊， 坐得舒服， 2 個人都安排4 人座位一坐低出咗去攞嘢飲，茶類汽水果汁樣樣都有，有啲熱飲嘅茶包可以自己沖， 仲有Apple cider ,非常貼心.第一時間梗係嗌刺身，上得好快，刺身整體上都好新鮮，三文魚厚切，刺身蝦大大隻，北寄貝鮮甜, 無走單👍榴槤迷記唔位叫榴槤，新鮮多肉，香濃，仲有其他用榴槤製作嘅創意菜式，試過味道唔錯.熟食都隨機叫咗啲嘢試吓，點心都推介，但係因為真係太多選擇。只揀咗十幾款，但樣樣味道都唔錯，好食.最後，可以食埋甜品，雪糕和雪條，都好多選擇，眼闊肚窄，食到好飽，好滿足質素唔錯，下次可以再encore😍…查看更多