茜廊餐廳 (德福廣場1期)

今日同朋友出咗去德福睇戲，順便搵間餐廳食lunch，見到呢間裝修好有懷舊風味，兼且全場爆滿，所以入去試吓.

座位舒服，食物選擇多，價錢一啲都唔貴，非常經濟抵食.

肉眼扒配薯菜： 我叫咗五成熟，肉眼扒煎得剛剛好，唔會好韌，食落淋身， 牛味濃，大大塊塊，好抵食

炸馬介休球：加配只需$48， 還有薯條， 咬落好足料，有四大件，推介

白酒煮藍青口：加配只需68，白酒味濃，青口新鮮大隻鮮甜， 唔錯

雜果啫喱：簡直係童年回憶，賣相好精緻，每粒啫喱都好大粒，仲有唔同顏色

士多啤梨乳酪：只需加$6，好抵，必食

鴛鴦檸檬梳打：夏天叫呢個飲品好清新，消暑，仲有好多嘅維他命C，大人小朋友都啱