yannyngtinyan的個人專頁

今晚黎到荃灣既一間小店食晚飯入面牆身係古時餐廳既畫作 🖼️配合木調系既枱凳🪵有種古色古香既香味今日既住家湯係大生地入面仲加左巴戟同杜仲清熱解毒🔥柚子骨🍋酸酸甜甜既柚子汁好開胃 好好送飯！加上排骨唔韌 仲有軟骨係中間少量既肥豬肉 令整體有不同既口感同驚喜燒乳鴿🐥好耐無食過既關係 就叫左一隻黎食個皮燒得好脆！係外脆內軟！配埋最好食既胡椒粉🧂滿意👍🏼香煎青根魚🐟係廚房就已經聞到好香既煎魚味！兩條細既青根魚 外皮煎得超脆蔥同豉油都足以提鮮～🫜呢個餐廳就好似番左屋企食飯咁老闆好nice 白飯任裝雖然等上菜時間有啲耐不過食物既質素係絕對值得等待！…查看更多

今日係屯門搵到一間好有feel既居酒屋！入面環境好日系風 播住耳熟能詳既音樂成個氛圍好適合朋友同情侶既聚會！🍻我地叫左個二人餐前菜先上左個五色海藻沙律🥗酸酸甜甜帶啲海水既鮮味好開胃呀！準備好繼續食！今日既餐廳係麵豉海鮮湯🥣成個湯都好鮮甜 令人更加期待主菜威士忌燒蠔🦪唔洗怕威士忌會太嗆喉新鮮嘅生蠔加埋少少威士忌淡淡既酒味加埋生蠔既鮮，檸檬既酸🍋成件事都好夾 蠔既鮮味仲會停留係口腔一段時間夠曬新鮮呀😋唐揚墨魚咀+海苔魷魚天婦羅🍤炸物係新鮮即炸上到枱熱辣辣仲出曬煙墨魚咀超大舊！外皮香脆 墨魚咀超彈牙魷魚天婦羅都好大份！海苔味好食！魷魚一啲都唔韌配埋雞尾酒 簡直係一個好好嘅佐酒小食串燒盛🍢有燒菠蘿、煙肉大蔥卷、燒魷魚、燒五花腩同燒牛肉全部都係經典既串燒！燒魷魚外脆內軟五花腩 半熔化 入口即溶但又唔會膩燒牛肉肉味好香濃！燒菠蘿超juicy！🍍滑蛋蒲燒鰻魚煲仔飯🍳蛋香味超濃！明顯係靚蛋！鰻魚好肥美 魚香同蛋香撈埋煲仔飯超好食！🐟魚油既香 雞蛋既甜 襯埋有啲脆卜卜既飯焦一齊食係超夾！飯焦真係做到傳統煲仔飯既飯焦🍚脆卜卜又唔會癡牙係超好食既新式煲仔飯！我地仲嗌左兩杯Cocktail🍸🍹一杯係一日冚包散-華夫人佢係Whiskey溝柚子酒，上面加上奶蓋加紅菜頭粉係未飲過既味道！而且易入口！✨另一杯係四大才子祝枝山✨係用左6款唔同既酒去溝老闆提醒我地呢杯酒精濃度較高 易醉人士要留意！但呢杯都係好飲！每一啖都試到有唔同既酒味但又出奇地夾到！甜品係朱古力蛋糕🍫🍰朱古力係我鍾意既黑朱古力！好滿足！成個晚餐食得好開心😀好有氣氛！秋香列入屯門可一可再既餐廳之一！…查看更多

工廈區出名多隱世餐廳今日就黎到觀塘區食馳名既梳乎厘！餐廳空間十足岩哂三五知己黎high tea😋今次我地叫左兩個午市套餐前菜分別有田園沙律🥗同周打蜆湯🥣非常creamy!主菜有蟹肉明太子寬條麵🍝廚師落明太子超大方！每一啖意粉都裹滿左明太子軟糯既寬條麵加埋明太子粒粒脆卜卜咁口感好豐富而且蟹肉忌廉好creamy蟹肉為成個餸加上鮮味食完成碟意粉都唔會好膩！法式油浸法國鴨腿配自家製香橙醋🍊鴨腿大大隻 而且肉質滑嫩入口即溶 都唔洗點咬！配埋香橙醋酸酸甜甜 清新既醬汁 中和左油浸鴨腿既油膩感食完想再食多隻！配菜有小甘荀西蘭花苗同埋薯茸調味都調得好夾鴨腿值得黎試！最令我期待既梳乎厘班戟🥞我地叫左香濃泰式珍珠奶茶味🧋一上碟果然無令人失望哇哇聲！因為真係超！大！份！梳乎厘又好濕潤 唔會好似食空氣咁！最正係真係有煙韌既珍珠同脆卜卜既消化餅做配料有得睇又有食！仲唔係好甜！非常出色😋跟餐加埋啲飲品山政小山園【槙之白】宇治抹茶🍵好香抹茶味 抹茶粉冇就住落！每一啖都好香抹茶味仲可以解下膩添！海鹽Kiri芝士奶蓋桂花烏龍茶🍹奶蓋好厚 海鹽同芝士比例好岩芝士既奶香味同淡淡既海鹽味好夾桂花烏龍好香茶味仲有淡淡既花香味就算有芝士奶蓋都唔會好膩！好推介大家黎觀塘食呢間餐廳！最緊要試佢既梳乎厘！下午茶仲有七五折！…查看更多

今日去左荃灣食泰國野見到入面啲員工都用泰文溝通就覺得今次會食到正野😋馬拉盞炒鮮魷通菜🫜每次食泰菜都必食馬拉盞炒菜因為真係好香好惹味！今次都唔例外通菜入味得黎都唔會好油！椰皇海鮮焗飯🥥超香椰香味既焗飯！個焗飯放係椰子度原個上每啖飯都係有好香既椰子味仲有好多海鮮有魷魚、蝦、蠔🦪🦐🦑最驚喜既係仲有一條條椰皇果肉！軟熟既焗飯加埋爽脆既椰子肉口感超豐富 越食越想食蕉葉燒烏頭🐟店員拎緊過黎既時候已經聞到陣陣既香葉味條魚好大條而且新鮮食落一啲泥味都冇魚入面仲釀左唔同香料食落去就有好香既香草味🌿魚肉實淨 唔會散修修配埋酸辣汁一齊食好有泰國既味道食極都唔厭呀！最後食個椰汁千層糕做甜品煙靭軟糯 甜度岩岩好😋飲埋個椰青 消暑解渴！推介比大家都可以黎食…查看更多

近排睇完Chiikawa飲茶展心思思就想飲茶嘆番個一盅兩件今日行荃灣經過見到有茶樓下午茶時間仲有8折！😍即刻入去食番個late lunch!酒香豬膶燒賣唔係間間酒樓都有既豬膶燒賣！😮見到即刻叫番籠黎食！上菜個陣見到咁大舊豬膶已經嘩嘩聲😍塊豬膶一啲都唔腥食落仲有淡淡既甜酒香氣🥃爽口彈牙一啲都唔腥襯埋燒賣一齊食超好食！香煎手打墨魚餅🦑墨魚餅炸得香脆入面既墨魚滑好新鮮肉質結實鮮甜配埋喼汁一齊食真係好開胃！竹笙腿蓉灌湯餃🥣大大隻灌湯餃竹笙都落得冇手軟 爽脆清甜高湯鮮味十足 鹹度岩岩好灌湯餃皮薄餡多連埋湯一齊食超滿足！鮮蝦腸粉🦐真係好耐未食過咁皮薄新鮮既腸粉腸粉幾乎唔洗咬已經係口入面化開滑到會自己滑入去你既喉嚨鮮蝦大大隻 爽脆鮮甜 同滑捋捋既腸粉相映成趣！✨✨魚湯鮮竹卷🐟鮮竹卷就食得多估唔到呢間係用魚湯浸住！🐟鮮竹卷腐竹皮軟淋淋餡料好夠浸埋落鮮甜既魚湯真係襯到絕！🐟絕對對得住鮮竹卷既鮮字！豉油王煎海中蝦🦐海蝦有成六隻 而且都係大大隻豉油王煮海鮮係港式菜既經典大廚完全煮得出個風味！豉油汁配上薑蔥蒜再爆香真係超惹味 食完要連手指既汁都要吮乾淨！😋招牌咕嚕肉有好多酸甜配料！有提子乾、蕎頭、酸薑、菠蘿🍍醬汁調得好夾 搵到酸甜既平衡咕嚕肉都好多！而且啖啖肉 一舊骨都冇！而家外脆內軟比炸雞仲好食！沙律明蝦角🦐夏天行到熱辣辣又想食下香口野呢個就岩曬心水沙律用左唔同生果有橙有桃有蘋果🍊🍎食完透心涼！明蝦角大大隻鮮蝦🦐脆卜卜既雲吞皮包住🥟熱辣辣脆卜卜加埋清涼既沙律又出奇地夾！雖然間酒樓開係大商場入面但仍然感受到舊式酒樓既人情味！眼見經理同大部份食客都有傾有講閒話家常有啲似番左去細個既街坊酒樓充滿滿滿既人情味！👍🏼👍🏼…查看更多

同男朋友慶祝週年紀念搵左間好有情調既西餐廳🍴位於元朗朗屏站 小小既餐廳 野食好好味！牛油果蟹肉他他🥑🦀蟹肉份量超多！而且肉質彈牙牛油果creamy軟滑加上中間夾左啲爽脆既沙律菜口感好豐富好開胃！香煎日本帶子三文魚籽法式多士法式多士薄薄一片🍞焗得好脆用牛油煎香既帶子好大粒 好香牛油味🧈配上醃製過既三文魚籽 鹹鹹香香每一粒都好豐富既魚油越食越想食！美國安格斯牛肉眼配燒汁🥩今次嗌左5成熟肉眼扒外國煎得好靚入面熟度岩岩好好多肉汁肉質腍滑 牛味香濃燒汁調較得好襯塊牛扒燒汁香得黎令牛味更出食完想再叫多塊黎食！😋香煎星斑柳併老虎大蝦配柚子醬油🐟星斑肉質緊緻 魚皮煙韌用左香草同牛油去煎淡淡既香草味加上牛油既香帶出左星斑既魚香味配埋柚子醬油酸酸地🍊味覺超豐富！老虎大蝦真係好大隻🦐啖啖蝦肉真係好享受因為訂位個陣寫左慶祝anniversary 餐廳就送左個甜品😍檸檬蛋白批🍋檸檬酸酸甜甜配上蛋白泡泡仲有個脆脆餅底🍰中間仲夾雜住杏仁片口感豐富 清新番成個口腔出色既甜品！慶祝必備紅白餐酒🍷買一送一超抵！一人一杯 飲勝！🥂…查看更多

係銅鑼灣發現左間好chill既樓上星馬fusion菜！☀️入面有超大玻璃 採光同空間十足好似去到田園既感覺咁休閒🪴叫既每道菜都超好味😋羅惹Rojak係一道好地道既前菜！用左蘋果菠蘿加左啲脆卜卜既豆卜同油炸鬼🍏🍍撈埋自製既羅惹醬、花生芝麻碎甜甜地好開胃！食完想再食肉骨茶足料！有排骨有蘿蔔🐖湯底清甜好香胡椒味好岩落左幾日雨濕立立既天氣食！排骨都煲得好腍好入味送飯真係一流！加埋仲有油炸鬼做配菜脆卜卜浸落肉骨茶既湯都出奇地襯！鹹蛋排骨🥚🥚上菜個陣已經見到超多超香每一舊排骨都俾鹹蛋包圍住每一啖都食到鹹蛋既鹹香排骨肉質鬆軟加上外面炸到脆卜卜口感好豐富鹹蛋亦都調味得岩岩好食到鹹香味之餘都唔會太鹹食完都唔會膩玫瑰青檸水🌹加左玫瑰露既青檸水🍋少少酸味加上淡淡玫瑰味好適合襯呢餐濃味既野食清新到成個口腔 飲完可以繼續食！美祿爆炸🍫食新加坡野一定要飲美祿美祿真係多到爆炸！超香濃美祿味 但甜味適中仲有落左好多美祿波波係我飲過甜度最岩我既美祿！大家黎到銅鑼灣可以黎呢間試下呀💕…查看更多

今日黎到愉景新城見到「初遇」裝修幾靚menu既二人餐好似又幾抵就入左去食我地叫左套餐B揀左沙茶牛肉鍋🥩佢好似打邊爐咁原鍋上🤣湯底有淡淡既沙茶味仲有另加既沙茶醬個人最喜愛佢既蜂巢豆腐！索哂啲湯汁 夠哂入味跟餐叫左滷肉飯同蔥油拌麵🍚🍜滷肉唔會太肥蔥油嘅份量都啱啱好呢個二人餐仲可以揀兩款小食烤台灣香腸🥓最終係配搭蒜片一齊食蒜片嘅刺激感同香腸嘅軟糯感交融顯得更特別滷肉A菜以油麥菜為主 上邊鋪滿滷肉🥬好有台灣風味仲可以揀兩杯飲品古早冬瓜茶同大甲芋頭芋圓鮮奶🍹🥤同時滿足咗想飲廢水同食甜品嘅胃整體意見座位舒服 空間咁大樣樣食物都好味值得再幫襯😋…查看更多

黎到新墟想發掘下啲親民抵食野就去左gogomall既foodcourt搵食呢間叫馬拉公公香茅豬扒福建蝦湯摻摻🍜餐廳係即叫即煮所以都要少少時間但蝦湯就係要熱辣辣先好食！蝦既鮮甜味一聞就聞到🦐加上少少辣味 成個湯都好好飲個摻摻都好足料有豆卜有菜有蛋做配料我揀左油麵加米粉兩款麵撈埋一齊食有新既口感👍🏼油麵煙韌米粉爽滑香茅豬扒好軟滑豬扒肥瘦適中 香茅味岩岩好好食！辣死你嗎椰漿飯椰漿飯都好出色🍚粒粒分明 啲飯唔會因為落左椰漿而太濕太腍新鮮炸起既蒜香雞槌配上辣椒醬超惹味 小小辣 多多脆！仲有花生魚仔做伴碟 食極都唔厭呀！鮮牛油咖央多士🍞多士內脆外軟 餐廳落醬一啲都唔孤寒！咖央醬同牛油既比例岩岩好食到咖央既甜味仲有牛油軟滑既口感係好食既咖央多士！食得馬拉野 又點會唔叫美祿飲呢！香港唔多地方飲到 難得有得叫當然叫番樽飲下！仲有馬拉拉茶 平時飲拉茶都會驚佢好甜但呢間配合番香港人既口味減左甜！係岩我地口味既拉茶！總結價錢親民又好食！可一又可再！👏🏼…查看更多

今次黎到尖沙咀既「韓國街」見到呢間餐廳空間闊落 餐牌又好吸引又入左去試下食唔食到韓國既味道一坐底 就有一盤前菜歡迎我地好似韓國咁 入面有唔少得既泡菜、橄欖、醃菜🌶️全部都唔會好辣，連我唔食得辣都可以清空哂我最鍾意係食佢嘅甜薯仔🥔做到外脆內軟嘅口感主菜叫左個海鮮嫩豆腐鍋🦞湯底充滿住海鮮既鮮味甜甜地都唔會好辣入面有海量既嫩豆腐主打既海鮮有青口、蝦同魷魚🦑一口接一口 好適合送飯然後就叫左半半炸雞鎚🍗一款係黑蒜醬油、一款係原味炸雞既外皮炸得超鬆脆！！入面啲雞肉又勁嫩滑極推介！！！最後玩左個打卡遊戲可以同伴侶扣左愛情鎖係牆上面打卡🔐都係一個小心思既位💕…查看更多

近排天氣好熱 但又好想打邊爐同食雞煲見到呢間5點前食雞煲可以減$20任食2小時就決定入去打個痛快🫡雞煲有幾款口味選擇想無限加雞 就要揀至尊惹味雞煲/花甲雞煲因為我地食唔到辣就揀左走辣既至尊惹味雞煲🐔雞煲上到枱已經散發住惹味既乾蔥芫荽味色澤金黃 唔會乾柴柴既感覺就咁望落都唔會係啲雞頭雞尾而係啖啖雞肉🍗唔夠食仲可以「加雞呀唔該」🙋🏻‍♀️真係滿足到大胃既我地食完雞 就加湯 可以打邊爐可以揀既餸都好多特別推介肥牛片🐮薄切得黎好香牛味 又唔會太肥各款飲品任飲！只要叫就有😂限時2小時 可以慢慢嘆住冷氣慢慢食😆真係飽到上心口！好滿足😌…查看更多

上網見到呢間舖係叫「美味的泰國菜」就決定黎試下佢係咪真係咁美味～入到舖頭 播住既都係泰文歌而且以木調做主題 好似真係飛左去泰國咁🇹🇭泰式明爐烏頭🐟都係一道classic既泰國菜條烏頭比預期大條而且新鮮！食落一啲泥味都冇配料都落得好足 一啲都唔手軟有洋蔥、菌類、芫荽、蔥、辣椒絲🧅🧄🌶️因為我地唔太食辣 所以椒絲就落少啲加埋蒸魚既汁係酸酸辣辣成道菜越食越開胃！😋條魚既魚肉結實絕對唔係唔新鮮個種軟腍腍既肉感而且上枱有個火爐一路熱住🔥唔怕條魚會凍係好食既泰式烏頭!泰式蟹肉炒飯🦀蟹肉炒飯超足料！一上枱已經好香蟹肉味飯都炒得粒粒分明好有鑊氣蟹肉一梳梳好大舊 真係食到好多蟹肉絕對對得住個價錢佢另外仲有青檸可以自己榨青檸汁🍋‍🟩啖蟹肉飯加上清新既青檸味又係另一個感覺 減少左個油膩感！串燒拼盤三串🍖有齊雞、牛同豬既串燒配上特製既沙嗲醬非常香口 肉又燒得恰到好處👍🏼最後叫左杯泰式奶茶同龍眼冰🍹泰茶比起港式奶茶多左份甜味同時好重茶味☕️好好飲🥹而龍眼冰都唔會太甜 仲好多龍眼食添！見成間店既老闆同員工都係泰國人煮既泰國菜都正宗啲！果然係美味的泰國菜～😆…查看更多

好耐冇係荃灣覓食行經荃灣如心附近見到間餐廳有得鋸扒而且價錢親民 二話不說即刻就入去坐低今次嗌左個鵝肝配安格斯封門柳2人餐成個set超抵！有酥皮湯、雞翼、薯條、意粉、鐵板上既鵝肝封門柳仲有兩大杯飲品！酥皮湯酥皮湯熱辣辣個酥皮好酥脆就算浸落湯一齊食一樣keep到佢既脆今日個湯係蘑菇湯酥皮一篤開就聞到好香蘑菇味而且調味岩岩好 唔會過鹹又夾到個酥皮 好飲！花蜜雞翼雞翼焗得好出色外脆內軟 加埋蜜糖既甜味好有平時bbq既風味！炸薯條份量超多！餐廳用左粗身薯條啖啖都好有口感！薯條每條都足料 唔係空心鵝肝配安格斯封門柳鵝肝份量一啲都唔孤寒加埋鐵板上 一路煎一路就有油香味散出黎入口即溶 而家鵝油味好豐富 食多幾舊都唔會膩封門柳份量一樣咁豐富 有成12安士生熟度自己決定 係鐵板上面煎我地就自己煎到7成熟左右枱面上面仲有岩鹽同黑胡椒自己再調味封門柳肉味香濃 而且肉質軟腍每咀嚼一下都有肉香充滿成個口腔食得好開心！肉醬意粉意粉份量都唔少肉醬都煮得好食蕃茄同肉碎調味得好好加埋少少香草令成個意粉層次更加豐富青檸梳打/無糖可樂飲品超大杯！侍應上菜個陣我地見到都呆左！雖然大杯 但一樣冇偷工減料青檸梳打好有青檸味食完咁多肉之後有杯青檸梳打成個晚餐既油膩感冇曬！溝新既感覺！餐廳員工們都好年輕好有活力而且見到你煎有困難 會主動幫手！服務態度一流！真心推薦！…查看更多

今日黎到呢間打卡既花花餐廳好多乾花係頭頂成個氛圍都好chill好浪漫南瓜餐湯配蒜蓉包🎃南瓜湯好夠creamy 好香南瓜味蒜蓉包都焗得好脆口🥖三文魚子龍蝦汁意大利飯🦐個意大利飯除左三文魚子之外仲有青口同大蝦！唔好俾佢個名呃左青口同大蝦熟度岩岩好三文魚子鹹鹹香香撈埋意大利飯一齊食都好有驚喜龍蝦汁煮既意大利飯加埋三文魚子的魚油香味好滿足好有口感😝忌廉龍蝦汁甲羅燒貓耳朵🦞好耐冇食過貓耳朵難得見到就叫黎食下貓耳朵煮得入味再𢳂啲甲羅燒蟹膏一齊食🦀一啖食到曬龍蝦汁、小帶子、貓耳朵同蟹膏好滿足好creamy!草莓自家窩夫 配 雲呢拿雪糕呢個甜品叫得無錯😋上到碟擺盤已經覺得好靚🤩好打卡able🙂‍↕️窩夫又做到外脆內軟滿足到個甜品胃最後叫左兩杯飲品🍻柚香菠蘿檸檬梳打🍍🍋酸酸甜甜好清新醒神焙茶latte有淡淡既焙茶味融入左牛奶當中甜而不膩整體餐廳比到一種好寫意既享受我地想靚靚地坐底傾下計 坐一個夜晚呢度係個唔錯既選擇！…查看更多

今日同男朋友慶祝週年紀念搵左呢間望維港既中菜廳試下菜🥳一入黎餐廳既職員都好好服務叫左壺龍井 有兩小碟前菜開胃🫖羊肚菌松茸竹笙花菇燉湯☕️燉湯一打開個蓋已經超香湯水清澈 飲落去羊肚菌同松茸既香味充滿曬成個口腔加埋竹笙爽脆既口感成道菜都好開胃好好食！九層塔鮑魚雞煲🐔遠處已經聽到個雞煲既滋滋聲埋到枱熱辣辣仲有陣陣既九層塔香氣雞件大細好平均而且炒得好嫩 就算係雞胸肉一樣好滑雞煲醬汁好濃好香好惹味 但都唔會覺得係死鹹🫡仲有加埋鮑魚 鮑魚掛滿雞煲既醬汁都好夾！而且煮得岩岩好 好彈牙 唔會煮到好韌 ✨係我食過最出色既雞煲！上湯牛油大蝦球煎脆米粉底🦐見到成餅脆米好大碟食落勁脆 湯底入面有好多隻大蝦球彈牙又爽口雖然佢有牛油底 但都唔油膩薑汁芥蘭🥬通常食芥蘭都好驚好硬身但今次食落都唔硬唔會有渣份量好足之餘 又帶黎淡淡薑味整體來講去張公館就好似去左酒店既中菜廳咁享受😋值得推介！…查看更多