Sasa 0104的個人專頁

人氣粵菜館「鋒膳」創辦人繼開設 「發達叉燒」大家受歡迎後，又再與合作多年的拍檔，在灣仔同區開設第二副線「美麗小廚」，今次與昔日曾合作的主廚聯手，打造新派大排檔，宵夜直落至凌晨1時半，開業不久已經相當人氣！港式煲仔飯，堅持即叫即製，落單後需等待20分鐘，就是為了那口金黃香脆的飯焦，而且自煉五款手工油，雲南紅河香蔥油、蒜油、乾蔥油、薑油、四川紅油為蒸飯與煲仔飯的不同食材，增添靈魂香氣！午市更提供 $68起的碟頭飯與煲仔蒸飯多款選擇，每一份都附送一碗無添加味精的自家老火湯，實在是家的味道！✨麗姐海陸空煲仔飯 $ 198鮑魚·臘味（鵝肝潤腸| 玫瑰五五臘腸）·滑雞打開煲蓋香氣四射，再自行添加香油和豉油，這煲有齊海鮮、臘味和肉類，鮑魚軟腍入味，兩款臘味非常優質，食到底仲有滿滿飯焦，超好食✨輝少三金鮑魚煲仔飯 金蒜·鹹蛋黃·金蠔·鮑魚·追加鵝肝潤腸 $ 223鮮味又惹味，金蒜和鹹蛋黃夠晒香口，配上飽滿的鹹香惹味的金蠔，整個煲仔飯非常鮮美，追加咗潤腸，實在太滋味✨豉油皇炒鵝腸 $ 188經典港式小炒，醬油濃郁醬香，搭配夠晒入味又爽脆的鵝腸，超級惹味搭配豆芽增添口感🌟特調飲品✨青檸白玉甘蔗沙冰 $ 45✨檸檬菠蘿冧酒沙冰 $ 85店家提供多款不同有酒精和酒精的飲品，而且即叫即制無添加糖，我們點了兩款不同沙冰，味道天然清新又解渴，非常驚喜的味道…查看更多

旺角新浦點「人人食飯公司」仍在試業中已經慢慢爆場，有啲咩咁巴閉，令到我都唔想走？Live Show 好聽有氣氛，又可以點歌，唱盡耳熟能詳廣東歌，而且仲好好聽好有共鳴！美食方便食盡港式小炒，超有鑊氣，多款時令地道滋味，例如「鵝油 x臘味煲仔飯」、「熟成烤馬友魚」、「手工黑松露蝦多士 」，仲有多款特調飲品都有驚喜！真係要約埋大班朋友去呢度聚一聚，真心推薦嘢食好食，氣氛又好成篇朋友吹吓水，仲有咁正嘅廣東歌聽，真係好有回憶，提提大家一定要訂位！✨手工黑松露蝦多士 （件） $ 33外層酥脆一啲都唔油，蝦餃超級彈牙，滿滿松露香氣，香口好食✨客家葱油雞 （半隻） $ 168好有傳統酒樓風味，雞件剛熟非常嫩滑，滿滿蔥油香氣，伴上雞肉夠哂香口，雞再沾上砂礓醬，伴一口白飯，超正✨啫啫生菜頭煲 $ 98砂煲上枱咋咋聲夠哂鑊氣，生菜味道香口濃香好惹味✨薑蔥桶蠔 $ 208好抵食有8大隻，隻隻大隻飽滿，薑蔥醬汁味道爆香，桶蠔外脆內Juicy ，真係超好食✨鵝油撈飯 $ 22新鮮鵝油香到爆，冇豬油咁油膩，配上獨門秘方甜醬油，撈勻白飯簡直一口入魂✨陳皮鴨屎香檸檬茶｜青味•出抹 $ 36兩款不同口味檸檬茶，一款係鴨屎香另一款係青檸，調味好好而且唔太甜，夠晒冰凍解渴✨黑芝麻奶凍 $ 32黑芝麻奶凍超級香滑，仲要有三個食法1. 就咁食芝麻奶凍2. 加埋花奶更香滑3. 撈埋芝麻粉口感倍增…查看更多

來自日本東京過江龍「燒鳥Tsukada」，香港為餐廳首家海外分店，雞串燒選用源自日本鹿兒島農場的黑薩摩走地雞，由經驗豐富的日藉師傅主理，處理串燒火候一流，店家提供全雞隻多種部位的雞肉串，而且採用罕見的明爐日本備長炭👍更推出多款相當抵食的套餐，價錢由 $ 128起，分別有燒鳥廚師發辦、丼飯、刺身御膳、鰻魚飯三吃、吉列串揚、拉麵、吉列和牛等等多種選擇，一定能夠挑選到喜歡的😋【五色刺身御膳】 五款刺身 • 煮物 • 麵豉湯 • 米飯三文魚 • 帶子 • 甜蝦 • 金目鯛 • 吞拿魚【燒鳥午市廚師發辦】 沙律 • 自家製豆腐 • 燒鳥5本 •時令蔬菜串塚田特製雞白湯拉麵紫蘇葉雞胸卷 • 雞腱 • 雞翼雞肩 • 免治雞肉棒 •燒蕃茄【吉列和牛配吉列時令野菜御膳】 吉列和牛 • 吉列茄子 • 吉列青椒 • 吉列秋葵煮物 • 麵豉湯 • 米飯【炭火燒鰻魚飯套餐】 鰻魚三食 • 自家製豆腐三種食法，體驗鰻魚飯的不同美味1. 直接享用2. 隨喜好添加3款配料（芥末 • 海苔 • 香蔥）3. 茶漬飯的方式享用…查看更多

人氣台灣過江龍日式燒肉店「路易奇電力公司」，新分店已經登陸尖沙咀「K11 Musea 」，來港兩年在灣仔一直好人氣好評如潮，皆因餐廳主打的燒肉非常高質，而且食材配套有創意，職員服務更是100分，所以非常開心而家喺九龍區可以食到更加方便👍⭐️和牛衝擊燒肉套餐 $ 1080 一人前名字非常特別改得很好，每一道菜絕對能衝擊你的味覺，而且更有店員幫忙代燒，保證你食到每一件肉質都係最佳狀態😋✨生牛肉佐帕瑪森起司｜厚厚嘅吐司好鬆軟，放上和牛他他、黑松露和芝士，餡料充滿牛香非常Juicy，味蕾瞬間打開✨美國牛舌厚切｜外焦內爽口好多汁，沾上青檸汁和香蔥，好美味✨日本A5和牛牛小排｜滿滿油花，入口即化✨季節沙律 ｜每一道菜鋪排有序，食完油膩感較重的和牛，這一個沙律絕對能中和，用上菊苣、芝士、蒜蓉、泰國九層塔汁，味道多了一份青草香氣，好喜歡✨日本A5和牛刺身｜入口非常軟嫩，配上芥辣和自家製醬油，增添鮮味✨日本A5和牛海膽卷 Deluxe｜太誇張了吧，和牛放上三文魚籽、海膽、甜蝦，這個組合實在太犯規，味道鮮味無窮✨味噌牛湯 ｜入口就是一股濃濃的牛香，調味不多入口倍覺清新✨醃漬泡菜 ·柚子蘿蔔｜自家製腌菜非常好食，亦能在中場時間有着中和的化學作用✨日本A5和牛夏多布里昂｜牛里脊最精華、最柔嫩的中心部位，被譽為牛扒中的極品，肉質細膩、油花豐富且入口即化，真係好好食✨野菜盛合｜山藥特別從日本精挑細選，非常之爽口，翠玉瓜燒完之後好Juicy✨日本A5和牛莎朗 + $ 180 ｜油花分布均勻，入口軟嫩，只要燒至三成熟就是最佳食用狀態，緊記要配一口米飯，才是最滿足✨月見蔥花飯 +$ 20｜最喜歡這個蔥花，充滿鹽香而且口感爽脆，配上蛋黃和米飯，再加上牛肉，簡直係人間美味✨鮭魚卵伴飯 + $ 80｜店家最新推出，三文魚籽、蟹味噌配上蛋黃和香蔥，口感層次豐富，鮮味十足店內提供多款店主精心挑選嘅清酒，配燒肉一流，今日有幸品嚐多款期間限定，唔識揀嘅朋友請放心，店員會非常專業為你推介👍🍶二兔「二狼」《秘密》純米吟釀（2025限定品）🍶山形正宗（季節限定）2025🍶大七七水純米吟釀⭐️此外，台灣第一奶茶品牌「SOMA」亦在同一店舖，我相信唔需要多介紹有多人氣，被譽為精緻手搖飲品始祖，曾於台灣奶茶節獲得50萬人票選，贏得「台灣奶茶第一名」殊榮，被公認為最好飲奶茶，食燒肉可以嘆番杯或者食完買杯外賣慢慢嘆一樣可以😋…查看更多

中環上班族有福了，喜歡中菜和飲茶嘅朋友，最近再畢打行新張不久的「中環飯店」午市主打精選套餐和即蒸點心，餐廳環境優雅裝潢有特色，而且服務極佳，真心推薦點心和小菜都非常之高質，以中環這個價位真係性價比超高，無論午飯或者招待客人都非常適合👍🌟午市精選套餐 $ 268 （位）兩位起每位可選一款精選點心、蜜汁豬腩叉燒、老火靚湯每兩位至三位可選一款小菜、明太子海鮮炒香苗、是日精選甜品和飲品，午餐嚟講真係豐盛又抵食🌟手工點心✨避風塘蝦餃 ·焗雲腿蘿蔔千絲酥✨蟹籽鮮肉燒賣 ·水晶鮮蝦餃皇點心即叫即蒸，非常有水準，最有驚喜係創意「避風塘蝦餃」，蝦餃皮超酥脆裏面嘅餡料竟然可以同普通蒸蝦餃一樣，蝦肉彈牙好Juicy，再加上避風塘香夠晒惹味，蝦餃燒賣係我飲茶必點點心，另外焗雲腿蘿蔔千絲酥，好酥脆之餘，包住清甜多汁嘅蘿蔔絲，好好食✨蜜汁豬腩叉燒｜呢個叉燒真係不得了，豬腩肥瘦相間，外焦內軟口感軟腍鬆化，蜜汁再加上柚子，甜蜜之餘味道清新✨赤小豆粉葛豬骨湯｜足料老火靚湯，湯頭味道濃郁，飲完之後喉嚨感覺非常舒適🌟精選小菜✨大蝦黃金酥 ｜超驚喜嘅小菜，四大隻超巨型大蝦，被滿滿嘅鹹蛋黃包圍，外層鹹香酥脆，鮮蝦爽口彈牙，配上脆炸米通，午市套餐竟然可以食到呢個小菜，老闆真係好佛心✨拔絲咕嚕肉｜咕嚕肉外層香脆，酸甜剛好嘅咕嚕肉醬汁包圍，肉質肥瘦適中夠爽口，每一口都好有水準，非常出色✨明太子海鮮炒香苗｜炒飯炒得乾身粒粒分明，明太子配上蝦仁、帶子、蔬菜粒、雞蛋和香蔥，味道帶點明太子的鹹香，好味道🌟甜品✨紅棗千層糕 ｜煙韌軟糯，紅棗糕加馬蹄糕，味道天然太甜✨蛋白杏仁茶 ｜超濃杏仁味道，口感順滑，秋冬飲完倍感溫暖…查看更多

位於尖沙咀棉登徑日本壽喜燒料理專門店「壽喜燒 伊勢熊」，由來自日本福岡縣的資深日籍主廚「久家弘一」先生親自主理，以極上和牛搭配主廚的獨門割下（佐料醬汁）配方，展示來自日本的席前壽喜燒滋味👍招牌食材是特別從日本京都府綾部市的牧場引入的京都姬牛，油脂分布平均肉質細嫩，入口即融，在搭配肉食方面，蛋汁佐料採用來自日本兵庫縣的雞蛋，以綿密的細膩蛋白雲朵，令壽喜燒肉食更嫩滑，而四款精選蘸料沖繩島椒絲、柚子、芥末及意大利松露醬，令肉類增添風味！米飯要求更嚴格，混合了兩款日本米種，包括被譽為北海道米的巔峰之作的北海道夢美人米及北海道糯米，每一顆米都散發甘甜米香！🐮席前和牛壽喜燒盛宴(一人前） $ 780🌟前菜三種✨和牛江戶味噌漬 ｜牛肉入味而且味道極濃✨海膽豆腐 ｜味道鮮香，口感軟滑✨鮟鱇魚肝芋頭 ｜魚肝入口即化，芋頭外脆內軟🌟煮物｜鴨肉蕪菁治部煮日本石川縣金澤市的代表性鄉土料理，鴨肉鮮嫩無味，配上味道天然香濃的芡汁，甚有日式家庭風味🌟和牛壽喜燒（和牛2款）鹿兒烏西冷 • 京都姬牛西冷兩款和牛各有精彩的地方，鹿兒島牛肉味極濃，入口軟腍，京都姬牛油脂分布平均肉質細嫩，配上蛋汁和米飯，簡直係人間美味🌟飯物｜究極蛋蓋飯香滑炒蛋配上壽喜燒汁和香蔥，再加上雲朵蛋白，配上白飯入口蛋味香濃口感細滑🌟日本野菜靜岡蕃茄 · 山形冬菇·北海道葛切·豆腐日本製櫻麩 ·神奈川包心菜來自日本各縣的頂級季節蔬菜，吸收了壽喜燒汁非常美味，亮點來自靜岡縣的頂級 （Amela）高糖度水果蕃茄，甜美得像吃糖一樣🌟甘味季節水果 ·雪糕最中餅紅豆蓉·士多啤梨·檸檬漬蕃茄· 番薯雪糕味道層次感非常豐富…查看更多

位於銅鑼灣駱克駅的「壽兵衛」主打席前關西風壽喜燒，開業以來一直好評如潮，食材高質選用日本國產A5和牛（大分，宮崎，神戶，佐賀，北海道），晚市有三款不同套餐，師傅選用不同食材，做出多款創意料理👍我們二人前，建議大家都同我哋一樣，可以選擇兩款不同套餐一起分享，就可以食到多點不同食材，分別點了 Deluxe 和 Supreme，可以品嚐到最高級嘅牛肉之餘，「日本A5和牛西冷」更可以免費追加多一片，另外「日本A4和牛三角胸肉」和「滿溢筋子釜飯」的「筋子」竟然可以無限追加，真心推薦好抵食👍🌟Deluxe Wagyu Set $980 （D)✨前菜三點 （味醂鮑魚 • 三文魚籽蟹膏豆腐 • 水雲）✨海之幸刺身三點 （赤身 • 帶子 • 鯛魚）✨海膽和牛他他 ✨茶碗蒸 （山椒穴子）✨季節野菜盛盒 ✨鹽煎美國熟成肉眼 ✨厚燒牛舌 ✨日本A4和牛西冷 ✨日本A4和牛三角胸肉（無限追加）👍✨滿溢筋子釜飯 (無限追加筋子）👍✨清湯 ✨蜜瓜配抹茶雪糕 🌟Supreme Wagyu Set $1280 ✨前菜三點 （味醂鮑魚 • 三文魚籽蟹膏豆腐 • 水雲） ✨海之幸刺身四點（赤身 • 帶子 • 鯛魚 • 甜蝦） ✨極上海膽和牛一番卷 ✨茶碗蒸 （山椒穴子）✨季節野菜盛盒 ✨厚燒牛舌✨日本A5和牛西冷2片（免費追加1片）👍✨黑松露和牛炒烏冬✨清湯✨蜜瓜配抹茶雪糕 …查看更多

位於東涌世茂喜來登酒店中菜廳「采悅軒 YUE」由擁有30多年中菜經驗的行政總廚「鍾志強」師傅掌舵，經驗老到的廚藝配合時令食材，無論係點心、燉湯、鑊氣小炒、創意菜式，傳統的美味絕對能驚艷你的味蕾，中菜廳裝潢古色古香，更可遠眺海景景色，服務更是無微不至，在這裏用餐非常好的體驗！✨肉葡萄 $ 128賣相一流，肉葡萄原來是用冬瓜，用紅菜頭和雜錦莓醬汁調味，味道微酸清甜，有創意又開胃的一道前菜✨甜脆黑豆腐 $ 98香滑的豆腐用竹炭粉包裹住炸香，黑鼆鼆的賣相再配上用么鳳士多齋脆雞粒，橙色配上黑色，顏色亮麗，口感微辣酥香，夠晒惹味✨生拆蟹粉小籠包（一件） $ 98巨型的小籠包，皮薄餡料豐富，而且玩味十足，用上吱吱泵，將香醋泵入小籠包裏面，夠晒創意，蟹粉配鮮肉餡料，鮮味十足✨鳳梨陳皮咕嚕肉 $ 238最受歡迎的中菜菜式，肉質部份用上梅頭半肥瘦豬肉，外層香脆肉質有彈性充滿油香，醬汁酸甜度適中，配合各種蔬菜配菜，好優質的咕嚕肉✨當紅脆皮雞 $ 328近期食過最出色的炸子雞，雞皮香脆得像薯片一樣，帶上一點點脂肪恰到好處，雞肉就算連雞胸部份都非常嫩滑，分別可沾上准鹽和喼汁，美味得無可挑剔✨砂鍋三蔥花雕焗白鱈魚 $ 428服務團隊推介，喜歡食魚絕不能錯過，一打開砂鍋香味四射，白鱈魚皮脆肉嫩好香滑，配上香蔥、紅洋蔥和大蔥等惹材料，配上一口白飯更加滋味✨大澳蜂蜜奶茶凍 $ 88造型一流，魚型啫喱賣相栩栩如生，奶凍超級香滑充滿茶香，而且唔太甜，味道一流✨紅棗糕 $ 88紅棗糕玫瑰花造型超靚，口感煙靭又軟糯，淡淡紅棗香，好喜歡這個味道✨楊枝甘露 $ 98經典港式甜品，芒果和紅柚子夠晒香甜，配上濃郁芒果椰奶香的甘露，大滿足…查看更多

粵軒中菜廳的招牌「黯然銷魂飯」已經有10年歷史，自推出以來，原來已經售出超過兩萬碗，一直好多客人喜歡包括我，而家有口福啦，餐廳特別慶祝十年美味盛事，推出「黯然銷魂十載情」限定套餐，以四道粵式美饌重現經典風味，套餐有燉湯、點心、黯然叉燒飯和甜品，份量恰當，非常之抵食👍✨黯然銷魂十載情回饋價只需 $ 388 （兩位起）套餐已經包埋茶芥同小食《十載•功夫湯》｜五指毛桃燉雞，用清燉方法，湯頭濃郁清甜，天氣凍特別感覺滋潤《十載•粵點心》 ｜有懷舊嘅「六姐粉果」（源自舊日家廚六姐手藝）和大大粒鮑魚嘅「鮑魚燒賣」，一次過可以品嚐到兩種即蒸經典點心！《十載•銷魂飯》｜黯然銷魂飯，全晚最期待，叉燒兩大件厚切，肥瘦適中的梅頭肉燒至焦香，口感彈牙鬆軟，配上燶邊流心蛋、燒豬油和馳名頤和園御品醬油，撈上一口白飯，簡直係人間美味《十載•慶甜圓》｜抹茶煎堆仔外層酥脆，包住熱辣辣嘅抹茶餡，紅豆桂花糕味道清甜，重拾經典美味✨快啲約埋班老友記、家人一齊嚟懷緬吓啦！溫馨提示：記得要預約！…查看更多

由來自日本大阪的冠軍級拉麵大師林隆臣先生主理的人氣拉麵店「立体派」，最近推出期間限定的嶄新創作拉麵系列，當中包括以濃郁雞白湯為基底的「雞味噌沾麵」、「泡沫雞白湯担担辛麵」以及清新口感的「山藥鹽味凍湯拉麵」！✨雞味噌沾麵 $ 188極濃雞白湯配合特別調製味噌，完美提升濃雞湯的口感層次。選用的粗麵條以日本製的北海道夢之力小麥粉自家製作，更為有彈性，搭配唐揚炸雞串、北海道十勝豚肉半熟叉燒及日本產無激素特濃卵•曉製成的赤心蛋，美味豐盛！✨泡沫雞白湯担担辛麵 $ 198湯底郁鮮甜的雞白湯與海鮮鹽味醬汁，秘製辣椒油採用三種辣椒調製，配合日本花椒、大蒜及陳皮，為湯底添香增辣，層次豐富。配料包括無激素特濃卵製成的赤心蛋，北海道十勝豚肉半熟叉燒，以及阿波尾雞胸肉叉燒及長筍，輔以紫洋蔥及蔥花，香辣惹味！✨山藥鹽味凍湯拉麵 $ 1782025年推出全新力作，湯底特別嚴選優質日本產魚乾及貝類熬製鹽醬汁高湯，清爽鮮美，搭配大量純白滑順的日本山藥泥，更以來自兵庫縣的「日本一こだわり卵」蛋黃，搭配北海道十勝豚肉半熟叉燒及阿波尾雞胸肉叉燒，配上薑絲、山葵、海苔、京蔥，不同的滋味！✨日式煎餃子 ｜章魚小丸子兩款店舖超人氣的小食，餃子皮簿肉餡Juicy，配上秘製香辣醬油超美味，章魚小丸子將薯蓉香滑，包住彈牙嘅八爪魚，好食…查看更多

杜拜朱古力開心果熱潮從未減退，好似我咁鍾意就會好鍾意，所以會四出搜羅不同美食，路過啟德Airside 肉桂卷專門店「Cinnabon」，一樣有推出「杜拜朱古力開心果迷你卷 」和「凍開心果鮮奶咖啡」即刻要坐低試吓，仲有發現咗一樣好搞鬼嘅嘢，「Pizza Strips」條設計嘅pizza，食起嚟嘅時候超方便👍👍▪️Iced Pistachio Latte ｜Dubai Chocolate Minibon 凍開心果鮮奶咖啡｜ 杜拜朱古力開心果迷你卷 超強組合，開心果控絕對不能錯，開心果鮮奶咖啡滿滿開心果醬和開心果碎，味道飲落唔太甜好有口感，配上杜拜朱古力開心果肉桂卷，杜拜朱古力酱，香脆又creamy嘅口感，再加上香脆開心果碎，同肉桂卷真係超夾▪️Pizza StripsFour Cheese 四重芝士薄餅條Pepperoni & Cheese 意大利辣香腸芝土薄餅條呢個設計真係好搞鬼，條裝設計可以邊行邊食，Pizza底香脆煙靭，配上兩款經典餡料，真係大人小朋友都咁啱食▪️Panini Grilled Cheese Turkey & Swiss Panini 係用咗肉桂卷嘅麵團做，怪不得咁煙韌鬆軟，配上餡料火雞和芝士，配多杯飲品就可以作為一個健康美味嘅午餐或者下午茶▪️Cookie Bon-bites 一口卷曲奇夏威夷果仁曲奇，最驚喜嘅係中間原來包住小肉桂卷，口感外層香脆內裏煙靭，有代表性之餘味道滿分▪️Stix Nuggets 肉桂脆粒香口酥脆一啖一口 ，整顆粒你滿滿肉桂味道包住，沾上忌廉芝士醬，夠晒鮮味▪️Americano美式咖啡食咗肉桂卷曲奇之類嘅甜食，最啱配上一杯美式咖啡…查看更多

位於北角港島海逸君綽酒店的「君綽軒」是港島數一數二出色的中菜廳，估唔到佢哋嘅點心放題都做得好好 ，一個價錢可以無限任食師傅創作的手工點心，而且用料實在味道出色，仲有接近50款選擇，午市晚市都有得食，今日就和朋友嚟中午嘆吓茶，一早喺網上預訂仲有85折，你話抵唔抵？🥢入座首先每位奉送：養生靚湯|葡汁焗鮮鮑拼海参📣📣六大項目任你食⭐️頭盤｜燒腩仔、蜜汁叉燒、胡麻茄子椒鹽野生菌、海蜇青瓜燒腩仔同蜜汁叉燒喺店舖招牌，竟然可以喺點心放題中無限食，真係好驚喜👍⭐️蒸點｜君綽軒蝦餃王、蟹籽燒賣、蜜汁叉燒包迷你奶皇包、乾蒸牛肉、馬拉糕、上湯鮮竹卷、上湯鮮蝦水餃、滷水豆腐、XO醬鮮菇菜餃、蒜香蒸排骨必食蝦餃王，大大粒超多蝦肉，蟹籽燒賣同乾蒸牛肉都好正，更加估唔到蒜香蒸排骨肉質爽口到癲⭐️腸粉｜鮮蝦腸粉、松茸素腸粉、蒸蔥花蝦米腸粉，飲茶必食，最喜歡蝦米腸點甜醬和麻醬⭐️煎、炸、焗點心｜鮮蝦韭黃腐皮卷 、蘿蔔酥 、叉燒酥、鹹水角、芋絲素春卷、XO醬蘿蔔、芝麻蝦多士、炸芋角、香滑炸鮮奶炸物大放送，絕對唔可以錯過腐皮卷、芝麻蝦多士同炸芋角，熱辣辣香口酥脆⭐️粥、麵及蔬菜｜滑雞粥、銀芽豉油王炒麵、榨菜魚蓉炆米、櫻花蝦炒香苗、白灼時蔬滑雞粥同埋炒飯都超有水準，飽飽都食得到⭐️甜品｜黑糖圓肉凍糕、椰汁凍糕、杞子桂花糕千層紅棗糕、合桃酥、酥皮蓮蓉酥 、芝麻卷、花生芝麻糯米糍、椰汁紫米露、桂圓紅棗茶、薑汁豆腐花 、黑糖薑茶湯丸、西米綠豆沙、楊枝甘露最尾絕不能錯過喺呢度嘅甜品，超多選擇，而且好出色，楊枝甘露同糯米糍超好食，我竟然都可以再追加，黑糖薑茶湯丸同埋杞子桂花糕都一定要食呀🛎️總結：一定會再嚟，真心推薦水準高超抵食，肚皮有限，未能一一品嚐，下次要再食其他未食過嘅嘢🫰…查看更多

我最喜歡的N+ BURGER 🍔正式回歸灣仔，新店選址位於非常人氣的利東街，是品牌的全新第四間分店，門面以囍帖、利是封做靈感，店內配以灣仔及利東街舊貌的珍貴圖片，令大家也能感受到灣仔獨特的歷史氛圍，非常有意思！新店特別推出的「啖啖黑椒煎蛋漢堡」 及「脆炸蓮藕條」用上鹹蛋黃作調味，口感爽脆味道鹹香，超有驚喜😋😋以下係我嘅心水推介😋🍔N+ Caramelized Onion Double Up Angus Beef patty with cheese 焦糖洋葱漢堡(雙倍高級安格斯及芝士)澳洲高級安格斯、美國芝士、酸種麵包、香炒焦糖洋蔥及秘製芥末🍔N+ Bacon Cheeseburger Double Up Angus Beef patty with cheese 經典煙肉芝士漢堡(雙倍高級安格斯及芝士)澳洲高級安格斯、美國芝士、酸種麵包、煙肉、蕃茄、酸青瓜、嫩生菜、洋蔥及秘製牛骨醬🍟Crispy Fries 脆薯條🍗Crispy Chicken Tenders 脆雞柳🫔Golden Lotus Roots 脆炸蓮藕條🥤Coke and Black Coffee 可樂及咖啡…查看更多

隱蔽度達99.99%嘅寶藏酒吧！位於中環大館5星級隱藏的「001 Bar 」，進入大館都要找一段時間才能找到，真的相當神秘，感覺就在中環突然進入神秘空間的平行時空🫰裝潢型格座位舒適，非常適合聊天及聚會。職員Service一流，每杯美酒和美食都詳盡介紹，提供VIP嘅服務態度。值得一讃店內有2款cocktails每賣出一杯就會捐贈＄50給予愛護動物協會，享受美好時光又可幫忙到動物，好有意義！▪️Cacao Rhapsody $ 158味道帶甘，香蕉和可可味蜂擁而出，越飲味道越醇厚，配合椰子打成的泡泡，層次感滿滿，喜歡這個味道▪️Spicy Osman Highball $ 158由桂花烏龍茶 、龍舌蘭酒、西柚 、柚子醬 、柑橘辣醬、青檸蘇打水組合而成，味道帶西柚的甜香，微微辛辣、味道出色，杯邊更塗上梅子糖，能夠平衡味道，非常好飲⭐️這裏不單止Cocktail出色，美食絕對能驚艷你的味蕾，去過嘅酒吧當中食物質素和創意最好👍▪️Duck Breast With Cauliflower Rice $ 138慢煮鴨胸肉質非常軟腍Juicy，配上四川椒橙醬，味道甜香惹味，最驚喜係炒椰菜花飯，每天人工手刨，口感細緻有層次，用上鳳尾魚、蘑菇和香蔥再炒香，味道鹹香夠晒香口▪️Grilled Cheese Sandwich $ 138超驚喜之作，簡單嘅一份三文治可以做到如此出色，麵包厚切先煎後焗，外層酥脆內裏超軟熟，配上份量慷慨的Gruyère Cheese ，溶化而拉絲的芝士配上吐司，真係超級好食▪️Fish & Chips $ 148用上肉質嫩滑的比目魚，脆䊢厚薄適中非常酥脆，魚肉超級香滑，沾上自家製子薑蛋黃他他醬，味道酸咪咪，絕對能中和炸物的油膩感和增添魚肉的鮮味，仲有最佳拍檔炸薯條香口香脆▪️Buffalo Wings $ 128店舖招牌菜，水牛城雞翼藍芝士蛋黃醬，雞翼味道甜、辣、酸集於一身，好正宗嘅水牛城味道，配上自家製的藍芝士醬，味道濃烈鹹香，味道超夾…查看更多

「樓下火鍋飯店」在銅鑼灣已經相當人氣，而且晚晚爆場，最近更加在尖沙咀金巴利道插旗，新店繼續向老香港設計致敬，霓虹燈飾懷舊裝飾，播放住香港老歌，氣氛超正🫰🫰打邊爐食材，一向高質毋庸置疑，而且好多特色食材坊間少有，超多款手切靚牛、海鮮刺身、潮州生醃類、手打丸類、自家製火鍋餃子、刁鑽食材，例如新鮮豬腳筋、新鮮魚標、新鮮雞腸、花雕獅頭鵝肝、花雕豬腦，其他火鍋店真係食唔到🫰▪️石橄欖椰子湯配走地鬍鬚雞半隻 $ 188最新推出嘅湯底，用上石橄欖做火鍋湯底，配上椰子湯味道清甜甘香，而且更有潤肺化痰、清熱解毒等功效，打邊爐咁熱氣就最啱，配上走地鬍鬚雞，雞肉有彈性好有雞味，雞熟咗之後飲返碗湯就最正😋😋▪️手切本地肥牛 $ 398店員推介這款牛肉，牛肉雪花均勻，只需要滾5至6秒就可以食，入口滿滿牛油脂香氣，口感軟腍牛肉味夠晒濃郁，超推薦非常好食▪️生醃甜蝦 $ 148最驚喜呢度連生醃海鮮都有得食，生醃汁超好味，味道是開胃的酸辣帶甜香，而且滿滿的辣椒、蒜頭和芫荽等夠晒惹味，主角甜蝦夠晒大隻，新鮮鮮味好彈牙，呢個生醃超好食▪️三拼餃 $ 138三大王牌餃子，每日新鮮，黑松露蟹肉餃、雙籽鮮蝦雲吞、韭菜餃，餡料豐富足料鮮味，必食推介▪️招牌五寶丸 $ 108全部手打製作，梅菜豬肉丸、鮮牛筋丸、鮮墨魚丸、鮮蝦丸、鯪魚丸，細細粒口感恰到好處，食得出超級新鮮，特別喜歡梅菜豬肉丸，好似食緊蒸肉餅咁，肉味香濃質感軟腍，超級正▪️鬼馬蝦膠 $ 80香脆油炸鬼包住彈牙蝦餃和蟹籽，滾完之後吸收晒湯汁，更香口好味▪️油麥菜 $ 42連菜都擺得咁靚，石橄欖椰子湯令蔬菜更加清甜▪️手打檸檬茶 $ 76用上大熱鴨屎香茶底，配上新鮮青檸，獨特味道清甜解渴…查看更多