irene829的個人專頁

晚市無限時火鍋放題，真是買少見少。位於荔枝角。這一間真正的無限時，星期五晚高朋滿座，一早要預約。價錢大眾化。只有兩個套餐選擇。基本的三百多元也可以坐在一個晚上。雖然牛肉款式不多，但係有質素。可選擇一人一鍋，也可選擇共用一個大鍋。其他的配菜亦都很多元化。我選擇了基本的套餐，雖然沒有其他火鍋店的手打丸類，也沒有太多可口小食，但也有數款海鮮。最喜愛的是甜品區，有好多唔同種類的雪糕，輕鬆的坐足一個晚上，沒有一點催促的感覺，一邊吃一邊暢談，是一個好選擇。…查看更多

這間潮州粉麵檔，本身諗住試吓佢啲牛腩麵，但係無意中見到佢魚面四寶，又好似幾吸引。$55價錢比起其他粉面價錢高，但係一上枱發現佢真係勁大碗，魚面底勁多。食落確實係非常彈牙，而且魚蛋魚片亦都好爽口。美孚多咗另一間潮州粉麵檔競爭大了，所以樂源都不得不增加吸引力，送全日飲品份量多確實抵食，唯一美中不足我就覺得湯底普通。食完沒有再回味感覺。全碗都是魚類食物，有點腥。下次也會再比多一次機會，試下牛腩，看看配搭會否更好。…查看更多

行過地鐵俾佢個隆重開幕，加$1多兩餸嘅廣告優惠吸引。呢間車仔麵店開咗咁多間分店，果然越做越大。以前食開元朗舊舖，其實都覺得好好食。咖喱汁係靈魂所在。本身$1加多2餸，性價比已經高咗很多，再加上下午茶時段再送埋飲品。抵🤭$38兩餸+$1餸的份量好足料雞翼三隻魚皮餃三粒豬腸都好多件炸腐竹兩大塊再配上靈魂咖喱汁，正👍🏽唯一不足，是幼面。份量雖多，但太淋，唔彈牙。或者竹星面更加彈牙，但係要另外加錢我就覺得唔太抵。因為自己早排喺粉面檔食幼麵，彈牙好多，一比之下，這次錯點幼面🫣而家做緊個優惠$39/4個餸，下午茶再包飲品。其實都好吸引。趁優惠期間，我相信我都會再次光顧，下次唯有選擇另一個面底😅…查看更多

而家呢類小食檔口，買少見少。經過幾次心郁郁想試，佢哋款式都好多，而且價錢大眾化。可以輕食又得，當正餐食又得。今次已經食飽咗，但係又好想試一試😝最後揀咗$5腸粉同埋$10魚蛋，成為$15😌熱呼呼腸粉。醬汁足。感覺上魚蛋偏貴，但係其他燒賣、腸粉、幾蚊就有得埋單，所以其實佢都好吸引。而且仲有得堂食坐低，期間見到職員準備緊一碗懷舊粉仔，可以配上豬油渣，極之吸引，不過今次太飽食唔到。唯有下次。呢間店價錢優惠，比起出邊市區其實真係已經好抵食。支持這些小店。…查看更多

這間位於「冬菇亭」茶寮，在元朗已經好多年。一直屹立不倒，隔咗兩三年冇光顧，今次經過心郁郁再食。食物水準依舊，最愛配上鼓油汁。甜甜的。以往一直以大件夾抵食著稱。它的豬扒是用新鮮豬扒製成，肉質鮮嫩。不過同以前相比，今次除了價錢貴了，份量也少了。性價比較低了很多。話雖如此，仍然值得推介。…查看更多

想食火鍋，但係又不想要放題般匆匆忙忙吃到飽，湊湊都係一間合適嘅地方。 相對其他對其他火鍋店，這間店確實感覺舒適，它的午市套餐也很吸引。點了一個小羔羊套餐$128。份量已經足夠一個人，再加上半自助形式的前菜及生果，夠晒飽。我將其中粉麵加$28換成蟹粉面，份量不多。下次建議不要把蟹粉直接撈入整碗面中。如果撈一半，應該更品嚐到蟹粉嘅味道。值得一讚就是雖然午餐有限時，但是因為平日人流較少，所以職員也給我們慢慢食慢慢聊天。…查看更多

性價比超高嘅火鍋午市揀咗個午市套餐，兩款肉（4碟）。另外再有火鍋配料，台灣小吃（有最愛嘅豬腸、肉燥飯，滷水雞翼尖），完全夠晒飽。最重要就係有DIY台式甜品，配料超多，簡直冇得頂。可惜就係尖沙咀分店有部份台灣小食需要揀選放題先有得，感到有點失望。因為銅鑼灣店就冇此限制，所有台灣小食，脆口美食等，不論套餐或放題，均可到食物區拎，食得更加開心。如果銅鑼灣尖沙咀冇特別地區偏好，咁下一次我就會揀銅鑼灣分店😆…查看更多

性價比真係好高。可以揀烤肉自己燒，仲有無限添加嘅爐邊烤蛋（有芝士粟米烤蛋及泡菜烤蛋），已經好少韓式燒烤，可以免費提供。沒有限時，再加上很好的服務態度，同朋友一齊食得開心又輕輕鬆鬆。我哋兩個人都點了同一份五花牛套餐，而且仲有特飲，埋單都唔洗$100。可以再encore。📍蔥蒜牛五花餐牛肉口感好好，而且份量足夠。📍芝士粟米烤蛋（免費添加）非常足料，把爐邊填得滿滿，無限添加，簡直性價比超高。簡單食這個已經值回票價。…查看更多

蝦湯拉麵真係好有鮮味。今次試咗蕃茄蝦湯麵同埋牛乳蝦湯麵，湯底好濃。津津有味。如果以正價計算就不過不失，但係荃灣店而家做緊同款拉麵買一送一，性價比就真心高。加個面底只係$15，大人小朋友又可以一齊食🤭最鍾意就係日本拉麵再加面底，變相可以有二碗份量😂我們黃昏時段到達，客人不太多。服務員都好細心講解不同湯底的分別。另外要推介係大阪燒餃子，肉汁豐富，而且大大隻。佢同普通餃子價錢一樣，咁我當然點這款大阪燒餃子啦😋…查看更多

好耐冇喺爭先食迴轉壽司，今日俾佢門口嘅套餐吸引，星期六仲有午市套餐，經濟實惠。🍱🍲🤩📌蟹肉蒸蛋好多蟹羔，而且蒸得好滑好入味。📌牛肉烏冬份量都好多，而且用咗讚岐烏冬好滑好彈牙。三大片牛肉夠晒嘴料。📌海鮮壽司拼盤五點，其中油甘魚腩及三文魚腩，充滿油分，而且好肥美，性價比好高。整個套餐值得推介。😋😋🍣另外輸送帶上嘅迴轉壽司，我記得以前是劃一價$8，雖然而家分開咗三個價錢分別是$8/$12/$16，但係明顯見到價錢雖然貴了少少，但係質素就提高咗好多。以前全部$8感覺上全部因為都要將貨就價，所以質素反而一般，現在分開三個價錢，反而可以嚐到較高質素嘅壽司，所以亦都係值回票價。🙂今次重新到這間爭鮮迴轉，整體感覺各方面都覺得已經升級咗，而且亦都坐得舒服、環境都不錯，下次可以再encore 。…查看更多

奧海城呢一間小店，早前經過，見到啲客人可以坐出戶外食串燒飲啤酒，感覺好chill 今日同朋友揀咗呢間親身嘗試。見到佢有任食串燒放題，即時揀咗呢樣。因為串燒、小食、甜品、麵粉都可以任叫，唔使「就住食」，當然即揀。主打串燒，所有款式叫齊晒。一口一串，好惹味。當中要推介嘅就係魷魚串/滕椒雞尖/雞皮/五花肉/黑椒雞腿肉。越食越滋味。小食中，麻辣鍋巴土豆及小酥肉整得勁香口。仲有豬手/五香肉都非常入味。雖然食到好飽，人但這小店小面冒菜都很出名，所以仍然堅持叫咗粉麵試一試味道。😂份量都多。當中推介嘅就係肥腸酸辣粉及重慶小面。很有地道特色、酸酸辣辣。最後冰粉係一個完美嘅總結。食到飽飽，再食埋個冰粉。配料好多，又係自己DIY. 最有特色嘅就係桃膠。天氣好，戶外吹水，任食放題。簡直係一大享受。非常滿意今晚的晚餐。…查看更多

酸菜魚控的我，見到過江龍美食，必去試一試。星期六中午，估不到仍有多款特價餐，夠晒吸引。📍雞煲二食套餐第一食惹味雞煲，份量好足，好入味。第二食打邊爐，職員幫手加湯時，竟然發現湯壼中是濃雞湯+雞件。既時感到誠意滿滿。變相又多左半至少1/4-1/2隻雞件食😆。四小碟有炸雞皮/雞柳/雞腎+一籃菜，看似不多，但食食下都不少，夠豐富。📍經典麻辣燙套餐揀咗魚片、牛柏葉同埋嫩牛，另外再加多三款素菜，配搭藤椒湯底。一大盤上枱，好豐富。湯濃味鮮，魚鮮牛嫩，好開胃。套餐仲包埋冰粉及手打檸檬茶，勝價比十分高。如果食開酸辣，起碼要叫中辣以上。📍片皮鴨半隻本身冇諗住食片皮鴨，但見到心動價叫了一份。難得的做到二食效果，鴨皮入口即溶高水準，意外驚喜。鴨肉不肥，啖啖肉。整體感覺超好。這個價錢食到高水準，下次門必定encore😋。…查看更多

一到午市就大排長龍趁下熱鬧試返一碗。🍜感受一下人氣店美食麻辣車仔麵🔥夠惹味可惜不論面底及餸菜都份量不多。整體味道好。如果鍾意刺激口味值得一試😋如果唔食辣的朋友這間店就只是普通車仔麵，也沒有清湯可選。而且勝價比就偏低🫣身為車仔面控，感覺以往以經濟實惠賣點的車仔面，開始成過去式了。現時好多店都越食越貴，每一間餸底有時差別不大，最主要就係比較個湯底同份量。以這個價錢及份量，這店附近也有更多好選擇😛…查看更多

這一間在旺角鬧市中的餐廳小店，估不到晚上有一條長長的人龍。一直被它的鎮店之寶威靈頓牛柳吸引，等了半小時終於有得入座。這間餐廳裝潢得不錯，但入座時剛好被安排的枱上面有一部大大的冷氣機，吹到頭到甩😅，所以再次換了位置。除了主打的威靈頓牛柳，亦點了一個巨大漢堡包。兩個人吃不到太多，招牌軟殼蟹龍蝦汁海鮮意粉沒有點，只單點了軟殼蟹試試味道。威靈頓牛柳🍖一層酥皮包着牛柳，肉質軟淋淋，味道很好。雖然跟傳統的威靈頓牛柳做法不一致，但也是有創意及性價比高，值得一試😋牛肉漢堡包這個漢堡包價值超過$100，雖然漢堡牛扒口感好，多汁。不過相對上性價比就不是太高了。軟殼蟹普普通通沒有什麼特別。喜歡吃牛肉的人，這間西餐廳也是旺角鬧市中的一個好選擇。…查看更多

呢間小店單睇外型已經吸引左我，雖然座位不多但就夠晒「骨子」，啱晒我同朋友二個聚舊。晚市二人套餐好抵食$288，又豐富，勝價比十分高。一大盤酸菜魚+ 麻辣燙+ 小食+ 二杯手打檸檬茶+ 甜品🍮，吃到大滿足。📍天花頂酸菜魚揀咗小辣，入晒味，配菜多，魚片很滑，而且份量多。因為遷就返香港人不太好辣，所以小辣不是太強，如果平時鍾意食酸辣嘅朋友可以挑戰中辣及大辣😋😋📍海鮮麻辣燙揀咗魚片、牛柏葉同埋嫩牛，另外再加多三款配菜。又揀咗藤椒湯底，新嘗試。第一次揀呢款湯底覺得甜甜地、辣辣地，果然口味清新。麻辣燙入邊仲可以加多一款粉底，薯粉條係一個絕配😋。索晒啲湯底在薯粉中，一流。📍涼拌萵筍絲，當然味道清新，是開胃的涼菜。📍兩杯手打檸檬茶，當然與麻辣燙係一個好好配搭🤭📍紅糖糍粑- 煙煙韌韌。為呢一餐豐富嘅晚餐畫上完美嘅句號。食咗盤酸菜魚已經半飽，另外再加多一大碗麻辣燙，其實真係份量好足，菜式越食越開胃，不知不覺全部清晒😂。…查看更多