口麻天辣

營業中

休息中

呢間小店單睇外型已經吸引左我，雖然座位不多但就夠晒「骨子」，啱晒我同朋友二個聚舊。晚市二人套餐好抵食$288，又豐富，勝價比十分高。一大盤酸菜魚+ 麻辣燙+ 小食+ 二杯手打檸檬茶+ 甜品🍮，吃到大滿足。📍天花頂酸菜魚揀咗小辣，入晒味，配菜多，魚片很滑，而且份量多。因為遷就返香港人不太好辣，所以小辣不是太強，如果平時鍾意食酸辣嘅朋友可以挑戰中辣及大辣😋😋📍海鮮麻辣燙揀咗魚片、牛柏葉同埋嫩牛，另外再加多三款配菜。又揀咗藤椒湯底，新嘗試。第一次揀呢款湯底覺得甜甜地、辣辣地，果然口味清新。麻辣燙入邊仲可以加多一款粉底，薯粉條係一個絕配😋。索晒啲湯底在薯粉中，一流。📍涼拌萵筍絲，當然味道清新，是開胃的涼菜。📍兩杯手打檸檬茶，當然與麻辣燙係一個好好配搭🤭📍紅糖糍粑- 煙煙韌韌。為呢一餐豐富嘅晚餐畫上完美嘅句號。食咗盤酸菜魚已經半飽，另外再加多一大碗麻辣燙，其實真係份量好足，菜式越食越開胃，不知不覺全部清晒😂。