avocuddle's Profile

又發掘咗一間好食越南法包！位置喺中環街市超方便比較貼近香港人口味，有叉燒、照燒雞、煙鴨胸、豬腩肉🐷▶️ 叉燒越南法包 ($65)法包大大個，焗至香脆又唔硬🥖搽上厚厚一層肝醬🤤食落濕潤啲惹味啲配料豐富，有醃蘿蔔、青瓜、芫荽🌿口感爽脆叉燒肉半肥瘦軟腍腍唔乾柴🐷每啖都有肉地面頭用上蛋黃秘製醬汁同辣椒，增添另一番風味▶️ 鴨胸越南法包 ($65)同樣地夾滿煙鴨胸肉，每片厚切帶鹹香其他配料同上面一樣🦆各有各好食▶️ 越南凍齋啡 (+$10)呢個咖啡大推！咖啡味道濃厚☕️苦而唔酸仲飲得出極濃黑朱古力香😍同平時飲嘅Americano唔同加$10就有真係好抵飲▶️ 越南凍咖啡 (+$10)鍾意可以叫有奶越南咖啡特色係用煉奶，飲落會甜少少厚身啲😋-喺香港食過咁多越南法包，呢間整體都唔錯特色係餡料，第一次食用叉燒同鴨胸😯個人覺得咖啡有驚喜！服務好好，睇得出好用心整每一個法包全部配料都係自己整💗有要求唯一係冇堂食位，要立食或者拎落去下面food court食然而價錢合理，平均$75/人連飲品唔好睇少呢個法包，食晒成個夠飽！…Read More

趁着麵包日做緊全場$10/包，買咗勁多包返屋企🍞仲訂咗個新出嘅蛋糕試試～▶️ 香印青提乳酪芝士慕絲蛋糕 (原價$230，折後$184）✨期間限定款式✨頂層係青提啫喱，似足零食啫喱動L面頭香印青提芳香，大粒多汁💚仲有藍莓配襯青提海綿蛋糕軟綿🍰略嫌比例唔夠多外層佈滿乳酪芝士mousse，有奶油香而不太creamy中間夾雜自家製青提果醬同乳酪凍，有乳酸味道中和甜味整體青提味重而且多重口感滋味👍🏻13cm切到6件，呢個價錢抵食▶️ 熊貓造型牛乳生吐司 ($20)勁可愛🐼採用日本直送麵團，打開袋已經聞到濃濃抹茶味🍵麵包質感似湯種😍食落軟綿煙靭帶抹茶甘香，黑色部份仲有竹炭顆粒🖤唔焗熱唔搽醬都可以！▶️ 香草番茄迷你軟包 ($10)帶有pizza風味嘅小餐包，就咁食鹹鹹地都正🍅麵包質感唔錯，唔係空氣包▶️ 加洲提子軟包 ($10)正常提子甜餐包，都多提子乾不過外皮會焊少少🤏🏻▶️ 芝士熱狗軟包 ($10)三重滋味：芝士、蕃茄、胡椒熱包腸用咗脆皮腸，口感好啲🌭-蛋糕賣相靚，多層次有誠意，值得試❣️麵包賣相未必吸引，比較細同埋唔重手，不過口感唔錯熊貓生吐司又靚又好食🍞佢啲飯團海綿蛋糕都好得意🍙本身諗住試不過已經買得太多，驚食唔晒位置方便，k11 art mall地鐵站出口出嚟就係服務態度好，麵包獨立包裝衛生優惠期至22/10，想多啲麵包款式揀記得早啲去，好快賣晒～…Read More

終於開到嚟西環啦❤️唔使去荃灣觀塘食特登同兩個朋友book枱食dinner一向勁鍾意日式定食叫咗兩個$99 set(2款熱食、1款冷盤)、一個$119 set (3款熱食、1款冷盤)每個set包一碗白飯同湯🍚餐湯有誠意，係忌廉蘑菇湯🍄‍🟫入面有粒粒香菇同洋蔥粒——————————————《冷菜》▶️ 鰹魚花椒風呂蛋x3溫泉蛋遍生同水身調味上鹹鹹地但比較一般，倒落白飯食ok🥚可能是佢其他冷盤會有特色啲——————————————《熱菜》▶️ 手打紫蘇雞肉豆腐丸子一共三粒丸子食落口感似肉餅，真係有豆腐成份紫蘇葉味道幾出👍🏻好餸飯▶️ 自信作！菇呢單刀烏糬福袋 (純素)餡料滿滿嘅兩個福袋😍外皮係腐皮／豆卜，朔盡醬汁醬汁較濃味且偏甜咗少少不過幾鍾意佢入面啲粒粒蘑菇同蒟蒻～▶️ 雞皮餃子配香草檸檬腐乳醬▶️ 惹味醬燒茄子x2▶️ 鹿兒島吉列黑豚肉餅▶️ 究極海苔粟米小船沒有翻呢個有夠特別，炸紫菜承載住一粒粒粟米-賣相非常精緻，每碟小菜都花盡心思，睇得出精心設計同自家做💕唯一係佢炸物比較多，朋友覺得某啲小菜偏油咗少少🤏🏻環境舒服，餐廳裝飾帶少少昭和風，幾適合同朋友聚餐店員有禮貌☺️價錢合理，冇服務費，喺香港食日式定食都差不多呢個價錢…Read More

Occasionally craving nutritious whole food🌱Came across this resto in WanChai selling fancy salad, wraps and homemade soupOrdered a wrap, drink and small soup▶️ The peking duck ($72)So surprised by how huge and filled it was, 2-3x normal size🤯Filling includes 5-6 slices of roasted duck, lettuce, cucumber, tomato Roasted duck were tender and smoky!Salad refreshing🥬Outer wrapping was chewy and grilledSauce was a blend of hummus and some chedder cheese🧀Loved how it was not heavily sauced but at the same time flavoursomeDoesn’t feel it was ‘too cheesy’ as well, although I cannot seem to taste any hoisin sauceWould say it was incomparable to the ones in chained coffee shops🤭▶️ Chicken broccoli soup (+$32)Has celery, carrots, broccoli and chicken in itAll veggies boiled to softChicken are meaty and not dry🐔Soup tasted peppery but not too saltyHearty bowl of soup❣️▶️ Noah’s creative juice: Apple, banana, lychee, mango juice smoothie (+$23)0% added sugar and artificialCould taste the acidity from apple before sweetness of mango and banana🍎Nice blend tho~-Loved how raw and healthy their food were❤️felt nourished and energizedWho ever said healthy food must be bland and boring must come and try🙂‍↕️Although the store is a bit small, their single bar seating is well designed for single go-ers like me🤪Service was friendly, staff are cheerful Price was very reasonable, ‘healthy options’ are often overpriced in HK but u can easily come for a meal at under $100✨Seriously so satisfied with this wrap and soup!Saw many office workers came here for a salad during lunch, probably their daily to-go…Read More

「專注味道 職人態度」一直係佢哋嘅宗旨老闆四代人都係做餐廳生意，傳承秘方因此對食物味道質素十分講究睇落係茶記，但用料幾乎全自家製，就連雪菜都係自己新鮮醃製😮為切合香港人注重健康嘅要求，推出「免澱人」menu六款高蛋白質沙律任你選擇，超適合Gym友嘅餐廳🏋️‍♂️當然仲有多款丼飯同米線▶️ 慢煮雞胸蒜蓉燴雜菜 ($62+7)去yoga前boost吓protein先💪🏻燴雜菜主要係椰菜花，有少少椰菜、紅蘿蔔蒜蓉味道同油份適當😋個烤粟米烤到焦焦地🌽好咬又香加半隻糖心蛋 (+$6)變返原隻🥚蛋黃少少過熟，不過都做到晶瑩剔透算入味慢煮雞胸冇預期咁多，估計50g?不過肉質好正👍🏻勁粉嫩，點做到調味主要都係蒜蓉味，已經好足夠▶️ 芝麻醬厚多士 ($27)一定要食carbs嘅我淨食沙律點夠飽😆黑芝麻醬香濃又唔太甜🖤感覺有益多士厚身烤至外脆內軟有咬口🍞麵包控表示滿意～▶️ 鮮榨西瓜汁 (+$9)無添加糖，每日新鮮製造🍉夏天飲真係超正，仲要冇冰，唔會溝淡-比一般茶記質素高好多😍有驚喜好味健康之餘又飽肚Lunch/tea 選擇豐富，粉麵飯、熱狗、豬扒包都有位置方便，地舖容易搵週末超旺場，店舖大多座位但坐得舒服侍應服務幾好又快手💁🏻‍♀️店舖一路播住廣東歌，有feel~幾適合同friend簡單聚會，又或一個人食飯噗tea😌性價比極高，咁樣叫咗一個lunch同tea連嘢飲先$100…Read More

偶爾一個人想去chill吓去咗新蒲崗呢間小Cafe😌Lunch有pasta/ risotto，仲有多款咖啡/ latte/ non coffee▶️ 慢煮雞胸蕃茄粉紅醬意大利飯 ($92)唔係用一般risotto米而係Orzo，口感比較似pasta蕃茄粉紅醬味道啱啱好，帶天然蕃茄甜味，唔會太水或太過creamy🍅加入真車厘茄、蕃茄乾、蘑菇🍄‍🟫口感豐富面頭仲有parmasen芝士、香草調味慢煮雞胸切薄片，肉質唔鞋，味道新鮮份量夠一個女仔食😋▶️ Vanilla caffe latte (H:$42)轉oat milk (+$3)咖啡味道中帶雲呢拿香🌿鍾意佢個咖啡完全唔酸，同時Oat milk帶入微微甜-食物ok，Orzo比較少cafe有見佢個扁意粉唔錯，全部即叫即整環境雖細但坐得舒服😌有個小角落位，望街景，有私人空間，超啱I人服務一般，好係唔繁忙可以坐耐啲性價比ok，$140/人真係好鍾意呢啲cafe me time💗…Read More

走型格Hip Hop路線嘅本土burger店店舖牆壁充滿塗鴉，以橙色為主色，充滿活力🧡Menu多款漢堡包選擇同飲品▶️ 黑白松露大啡菇芝味牛堡 ($78)免費轉雞堡 手打雞肉似居酒屋免治雞肉棒口感，咬到雞軟骨好爽脆😍大啡菇巨型，面積同漢堡包一樣大，咬落Juicy爆曬汁🍄‍🟫超鍾意個黑白松露醬🖤勁香又足，同時唔油膩芝士相對冇咁「起眼」漢堡自家製🍔口感鬆軟，底面搽上牛油更香 不過因為patty太多汁，無可避免會整汁麵包令麵包變腍▶️ 紅酒燴洋蔥煎蛋芝味牛堡 ($98)牛漢堡真材實料，食到粒粒肉，而且多汁💦煎蛋蛋黃半流心🍳洋蔥焦糖化甜甜地，不過食唔出紅酒味醬汁味道就同巨無霸差唔多朋友話如果有多啲生菜會好啲🥬▶️ 甜薯條 (+$28)個樣似燶燶哋，食落就啱啱好入口外脆內腍帶番薯天然甜味🍠炸得乾身，一啲都唔油，相對健康！▶️ 洋蔥圈 (+$28)同預期有啲出入以為入邊會有真洋蔥圈，點知係薯蓉🧅比較一般▶️ 薄荷朱古力奶昔 (+$58)好打卡able🥤完全係雪糕薄荷朱古力口味唔似食緊牙膏，個人覺得幾好飲👍🏻會甜少少，甜品愛好者會好鍾意！▶️ 熱洋甘菊茶 (+$28)可以消滯解膩☕️-漢堡包真係好高質🍔Size巨型，一個麥當勞包嘅2-3倍極推介「黑白松露醬」嗰款❤️‍🔥牛漢堡扒或雞堡都好味服務態度好，即叫即整依然好快手食漢堡仲要好貼心咁俾手套，完全冇整污糟手環境舒服，Hip hop風格令人感覺chill性價比高，最平一個漢堡都係$58!我哋$150/人已經每人有巨型漢堡、小食、特飲，食到超飽～…Read More

韓國街新開店舖🇰🇷天氣唔好都仲好多人幫襯$68食到韓國燒肉套餐，仲有其他鍋物前菜有泡菜、大豆芽、辣韭菜、沙律椰菜，相當豐富▶️ 炭燒煙燻鴨肉定食套餐Smoked grilled roasted duck set ($68)炭燒煙燻鴨肉份量勁多🤯每片帶少少肥膏，入口唔韌🦆雖然未至於好香煙燻味，但點埋旁邊醬油已經足夠轉火桶烏冬(+$20)幾有誠意，上面有天婦羅碎、冬菇、紅蘿蔔絲烏冬粗身，算煙韌彈牙🍜唔想食白飯值得轉▶️ 大邱辣味炭烤豬肉 Spicy YeonTan Bulgogi x2 ($68)兩個朋友都揀呢個炭烤豬肉薄切，炒到焦香肉多少肥膏，辣辣哋好惹味🐷轉水冷麵 (+$20)夏天怕熱可以試試-應該係暫時韓國街食過叫又好食又抵食嘅韓國菜❤️‍🔥炒豬肉整得好食😋見隔籬枱叫嘅LA beef都似模似樣環境OK，坐得舒服服務員態度好，上菜速度快，擺盤整齊性價比高，加一後$100/人*全自費非試食…Read More

第一次用foodpanda外賣🥡免運費之餘，仲有60% off同細佬每人叫咗個poke bowl好準時七點送外賣😙仲冇錯單▶️ Tuna poke ($108)✨Customise own bowl✨Base: Half brown rice, half saladProtein: TunaSides: Edamame, Tobiko, Shredded egg, broccoli Topping: Furikake Sauce: Dashi shoyuFruit: Kiwi吞拿魚魚生厚切新鮮唔腥👍🏻配料足，尤其蛋絲同枝豆不過如果蟹籽多啲更好自己第一次食有水果嘅poke😂奇異果好熟又甜又多汁鰹魚豉油味道較淡，自己另加豉油就夠晒味糙米飯唔會太乾或太硬，配half half清新沙律菜夠飽🥗▶️ Ono (Regular: $118)Base: Half brown rice, half saladProtein: Tuna, SalmonSides: Salmon roe, shredded egg, purple cabbage, avocadoTopping: Sesame seedsSauce: Avocado dressing👦🏻’s預先set好咗嘅配搭，都幾豐富又有三文魚又有吞拿魚刺身🍣仲有半件香熟creamy牛油果🥑唯獨細佬都覺得佢唔夠多醬-以外賣poke有呢個品質唔錯👍🏻一樣整齊靚仔打卡able送到嚟屋企嘅時候仲要暖暖哋今次折後平均$45/poke bowl超抵食🤩要外賣食得健康原來都唔係咁難啫～…Read More

每次經過呢啲古早味蛋糕店都俾佢嘅香味吸引呢間口味款式甚多，鹹甜兼具買咗四款口味返去同屋企人＆朋友分享😋▶️ 脆皮咖啡軟心 ($40/半件)聞到好香咖啡味☕️脆皮應該落咗海鹽，食落鹹鹹地中間有層咖啡忌廉令蛋糕冇咁齋蛋糕本身帶少少苦味，減低甜度個人最鍾意呢款口味，亦係四款中最特別一款🤎▶️ 流心朱古力 ($38/半件)真係有流心朱古力🍫有啲似心太軟面頭仲有粒粒朱古力，濃濃朱古力味食落冇預期中咁甜咁漏👍🏻第二好食！▶️ 海菭肉鬆 ($38/半件)面頭大量海苔肉鬆，食落鹹香不過如果肉鬆鬆脆啲會好食啲鍾意佢冇落沙律醬，唔似肉鬆小貝咁油膩🤭中間有層鹹蛋黃，但味道唔出食完甜口味，食返個鹹嘅中和下▶️ 原味($20/半件)試原始口味就可以試到蛋糕本身功力蛋味幾香🐣質感鬆軟綿密原味都唔會太dry，比一般海綿蛋糕有質感連個頂都唔乾硬，證明本身蛋糕底唔錯🍰-鍾意佢古早味蛋糕質感，輕身幼細又有回彈力感覺仲好light，食多幾件都仲得😋推介「脆皮咖啡」同「流心朱古力」蛋糕最多可放三日，雪凍食係另一個口感，亦可以焗返熱嚟食店員服務態度幾好，包裝盒設計易拎性價比極高，半件可以切成6片，適合多人分享❤️試多幾款味道…Read More

同屋企人食父親節飯，順便慶祝爺爺生日十幾個人包咗房▶️ 幸運生日金豬先上生日乳豬🐷好有儀式感▶️ 翡翠蝦仁象拔蚌底部西蘭花咬落清脆🥦蝦仁味道唔錯▶️ 脆皮鮮奶百花球炸粉較厚，遍油膩▶️ 翡翠玉環瑤柱脯底部係BB幼苗，上面係瑤柱釀冬瓜冬瓜夠熟，唔會太硬芡汁重但味道相對清淡▶️ 竹笙海皇燴仿翅呢個湯味道唔錯，入面有啲粉絲同竹笙▶️ 鮑魚汁花菇扣鵝掌花菇夠香，朔盡鮑魚汁▶️ 清蒸沙巴花尾斑大大條多肉🐟肉質順滑，唔多骨▶️ 當紅一品脆燒雞燒雞厚肉，唔係骨慘慘雞皮亦燒得香脆🐔不過肉質偏嚡▶️ 金腿帶子粒炒飯炒得幾有鑊氣又唔鹹主要有蛋同芥蘭🍚反而食唔出帶子仲帶少少薑味▶️ 甫魚乾燒伊麵伊麵彈牙，唔會太硬不過如果多啲其他配料會豐富啲▶️ 百年鴻運露好滋補嘅紅棗蓮子雪耳糖水▶️ 添福添壽蟠桃中式生日唔少得‘Pat pat’包包夠軟熟🍑蓮蓉還好-食物味道有啲水準，始終屬美心旗下份量超大，相片中為4-5人份最後食唔晒要打包粉麵😀環境服務正常價錢方面，大概$600/人…Read More

又係麵包控掃貨時間🍞之前每次都買bagel或布甸包，今次試其他一次過買咗8件產品返屋企🤭▶️ 明太子法包 ($20/2)除咗表面之外入面都有好多明太子粒㗎建議烘熱食，會香脆好多 (就咁食會韌)似一個帶明太子辛辣鹹香嘅蒜蓉包🥖味道唔錯，略嫌油咗啲▶️ 星野海苔鹽可頌 ($20/2)唔好睇佢外貌平庸，好好食表面少少脆🥐內裏有咬口帶粗鹽鹹香之餘又有海苔香味▶️ 咖啡朱古力鬆餅 ($9)聞落咖啡味出🍪配合朱古力碎粒口感唔錯，唔會好乾不過個人鍾意比較似曲奇口感嘅scone▶️ 開心果燒餅 ($10)最後一個都俾我哋買到🥰雖然扁踢踢，但一搣就爆曬餡食到一粒粒開心果碎，同時有開心果醬，多重口感燒餅外皮非常煙靭有拉扯度，都算係mochi👍🏻勝在夠薄▶️ 十勝紅豆乳酪法包 ($25)全店最長最大嘅麵包，擁有性感S型body😂未食已經見到粒粒十勝紅豆🫘非常足料紅豆粒食落帶少少甜且起沙法包烘熱後又脆又煙韌👍🏻入面仲有大量cream cheese!!▶️ 開心果流心撻 ($16x2)啲開心果醬滿瀉💚好重堅果香且厚杰，有啲似花生醬撻皮層層酥，每層薄到成張紙咁，因而咬落香脆▶️ 肉桂堅果包 ($16)面頭堅果極足料，又杏仁又開心果又腰果🥜麵包屬軟身type，偏向甜包type-不愧為香港最出名麵包舖，永遠走在麵包界朝流尖端❤️‍🔥感覺入去任揀一款產品都會好食價錢亦相當親民，一定會再幫襯 (已經第五次了🤭)…Read More

三訪呢間poke店選擇多每次去都可以試唔同嘢😌仲出咗唔少新款，依家有埋hot bowl，似日式丼飯亦新出咗唔少特色小食▶️ Build your own bowlBase: 糙米飯配沙律菜Protein: 香煎雞扒Mix-in: 枝豆、海帶芽、西蘭花、蟹柳沙律 (+$10)自家製醬汁: 自製醬油香口脆脆: 木魚絲, 紫菜絲放到成個碗滿咗🌈超豐富配料類型新鮮🥦海帶芽咁樣配搭意外地好食蟹柳沙律唔會太多沙律醬雞扒份量都足，略嫌外皮煎得唔夠香脆同埋雞肉味至於嫩滑🐔相比之下可能揀返魚生或雞胸更好糙米飯底口感ok唔會太硬，配合健康沙律菜half half已經夠食🥗木魚絲、紫菜碎都係精粹之一自家醬油係鰹魚豉油汁，夠鹹▶️ 非油炸手打蝦餅 ($63)呢個小食要試！四個龍珠咁大嘅手打魚球，超彈牙味道如一般蝦滑🦐非油炸所以好健康，而且Juicy旁邊有泰式辣醬，非常夾味建議兩個人share，我自己一個食晒四個好飽🙈▶️ 芒果希臘乳酪特飲 ($48)估唔到真係用greek yogurt!!! 絕對飲得出分別🥛用飲筒飲基本上飲唔到😂因為太thick底部係鮮榨芒果，無添加糖溝勻飲甜度啱啱好，加上本身乳酪唔酸最後選擇用匙羹當乳酪咁食，飯後甜品-Poke bowl落足材料！豐富有營養又飽肚，仲有高蛋白選擇，超適合gym bro💪🏻今次食有驚喜係小食同特飲💗可以話係眾多poke店中靠突出嘅產品服務都好好，上菜又快仲有免費Wifi，可以當Cafe咁坐環境舒服，難怪咁多人一個人嚟食😌享受me time性價比合理，平均$150/人已經可以食到主食、小食加特飲如果我喺銅鑼灣工作一定係我飯堂～…Read More

超耐冇食魚生丼🇯🇵見呢間一致好評，同朋友去試魚生丼款式唔少，仲有壽司拼盤、omakase附送茶漬麵豉湯，入邊有鯛魚片、紫菜芝麻粒，仲加入咗米飯瞬間形成茶漬飯😋超有誠意▶️ 廚師特選壽司（10貫+手卷1件）($398)10貫：油甘魚、鯛魚、銀鱈魚、吞拿魚、魷魚、鰻魚、帶子、牡丹蝦、蟹肉蟹膏海膽全部都係我鍾意嘅刺身🍣刺身新鮮，魚類肥美又唔腥，咬落冇筋每件精緻，調味唔同，例如魷魚配黑松露、鯛魚配柚子醬等👍🏻每啖都有驚喜，唔會一式一樣個人最鍾意係牡丹蝦、海膽、鯛魚、蟹肉🦀吞拿魚蓉手卷亦好食，吞拿魚蓉入口即溶，配上香蔥、芝麻粒絕配🤤本身壽司飯已調味，唔需要特別點豉油Wasabi已經夠味米飯夠黏有口感，同刺身比例完美1:1食晒成個拼盤好似一次過滿足咗我10個願望咁🥰▶️ 三味吞拿魚丼 ($248)有齊大拖羅、中拖羅、吞拿魚赤身各三厚切🐟肥美充滿魚香壽司飯同樣已調味，另外有紫菜芝麻粒飯素🍚難怪個個嚟到都叫呢款▶️ Suntory桃酒 ($68)｜Suntory 蜂蜜蘋果酒 ($68)同朋友每人揀咗一款日本果酒🍑完全冇酒精味🤣反而果味好重略嫌甜咗少少，不過一邊食刺身一邊飲幾有feel嘅-稱得上為平民版omakase大推「廚師特選壽司set」，包有驚喜，調味並非一般壽司店食到嘅配搭位於中環街市地下，夜晚氣氛超好，旺中又有私隱度座位用吧枱形式，感覺高級個人好鍾意佢啲「魚生豉油樽」燈～平均$430/人，食到omakase水準壽司算抵食…Read More

買糖水外賣同屋企人share🥰終於試到呢間出名本土糖水檔每日17:30先開門，做到凌晨2:00除咗賣多款港式糖水，仲有超多經典港式小食熱門菜為XO醬炒蘿蔔糕、鴨腎菜乾豬骨粥等❣️▶️ 燒汁蒜香牛柳 ($37)牛柳粒厚切，面頭超多蒜片Medium rare🥩有牛味大部份咬落軟腍，只有部份筋位韌醬汁偏甜，蒜片勁餸飯🤤▶️ XO醬炒蘿蔔糕 ($36)好香～蘿蔔糕實正唔易散，吸埋XO醬超惹味炒入椰菜同芽菜，口感爽脆不過幾辣吓🌶️送甜品食就啱晒啦(有興趣可以淨係買佢哋嘅手工辣XO醬返屋企煮餸用)▶️ 芝麻糊、小丸子、芋丸、燉蛋白 ($49)個燉蛋白平滑過塊面😳仲好重牛奶香，亦食到微微薑汁味芝麻糊充滿黑芝麻味🖤略嫌欠缺少少芝麻顆粒口感🤏🏻芋丸大粒夠煙靭，小丸子就似冇餡湯圓完全唔甜，食完零罪惡感！▶️ 紫米鮮奶芋圓小丸子 ($49)紫米大大嚿💜質感軟糯又有少少咬口用牛奶底而非花奶，健康天然啲同樣有雙色芋圓同小丸子🍡▶️ 芒芒丸圓 ($49)好多材料，經典楊枝甘露芒果香甜夠熟🥭另外有粒粒西米、芋圓、丸子-欣賞佢全部自家製，好有心機👍🏻其次係選擇較多，Menu睇到眼花撩亂，一定有款配搭啱食🥰小食都整得唔錯，尤其調味到位最推介係「燉蛋白」同「蒜香牛柳粒」服務態度好，落完單好快就外賣到手，仲要pack得整齊唔易倒瀉性價比極高，平均$40/人！去出面啲連鎖糖水店，食個細碗糖水都起碼$50一間店舖可以一次過食晒主菜同甜品，大滿足最適合同老友吹水吹到凌晨😏…Read More