位置喺中環街市超方便
比較貼近香港人口味，有叉燒、照燒雞、煙鴨胸、豬腩肉🐷
1
▶️ 叉燒越南法包 ($65)
法包大大個，焗至香脆又唔硬🥖
搽上厚厚一層肝醬🤤食落濕潤啲惹味啲
配料豐富，有醃蘿蔔、青瓜、芫荽🌿口感爽脆
叉燒肉半肥瘦軟腍腍唔乾柴🐷每啖都有肉地
面頭用上蛋黃秘製醬汁同辣椒，增添另一番風味
▶️ 鴨胸越南法包 ($65)
同樣地夾滿煙鴨胸肉，每片厚切帶鹹香
其他配料同上面一樣🦆各有各好食
▶️ 越南凍齋啡 (+$10)
呢個咖啡大推！
咖啡味道濃厚☕️苦而唔酸
仲飲得出極濃黑朱古力香😍同平時飲嘅Americano唔同
加$10就有真係好抵飲
▶️ 越南凍咖啡 (+$10)
鍾意可以叫有奶
越南咖啡特色係用煉奶，飲落會甜少少厚身啲😋
-
喺香港食過咁多越南法包，呢間整體都唔錯
特色係餡料，第一次食用叉燒同鴨胸😯
個人覺得咖啡有驚喜！
服務好好，睇得出好用心整每一個法包
全部配料都係自己整💗有要求
唯一係冇堂食位，要立食或者拎落去下面food court食
然而價錢合理，平均$75/人連飲品
唔好睇少呢個法包，食晒成個夠飽！
