Attajess's Profile

今晚去邊？銅鑼灣新燒鳥店「鳥熟成」啦！(๑•̀ㅂ•́)و✧聽friend講就講得多，話係弥泩嘅姊妹店，開業以嚟成日都full book，水準媲美日本高質串燒店！店家設自家熟成櫃，主打自家乾式熟成本地三黃雞同鴿，全部串燒即叫即整，好多刁鑽連雞蠔肉、雞橫隔膜、雞白肝，出邊都好少見。坐bar枱位仲可以近距離睇師傅控火，火候精準到犯規，外焦內嫩，汁一滴都無走晒，水準真係有驚喜！人均around $400–500，散叫or Omakase都得我廢J當然鍾意散叫，想點幾多刁鑽部位就點幾多～ 有乜推介？◍•ᴗ•◍ ⚲ 雞翼+雞腿肉｜皮脆肉嫩，三黃雞味超濃⚲ 牛舌＋豬玻璃肉｜有驚喜，超級Juicy整體好好食，一班friend飲杯酒傾吓偈幾開心!! 下次想坐吧枱試下omakase ，望住師傅煮嘢食，個vibe 應該都幾唔錯。…Read More

銅鑼灣區的確係美食天堂，基本上想食乜，區內一定滿足到之餘仲要有得揀，西餐就係其中一種。位於銅鑼灣二期嘅The grill room，主打價錢貼地Fine dine，lunch time 做埋Semi buffet，98元一位，另加主菜，價錢由48到158元，價錢合理。基本上，Lunch 有前菜 湯 主菜 甜品 加餐飲，最平都係150元。Semi buffet，放於餐廳bar枱位置，有幾款沙律菜可以揀，最鍾意有凱撒沙律，可以自己加source 同芝士煙肉，mix and match。另外仲有蝴蝶粉，薯仔沙律等等。今日餐湯係周打蜆湯# Porcini Mushroom Risotto +58#牛肝菌蘑菇意大利飯揀咗個意大利飯，朋友推薦過係必食。上枱已經聞到好香，好香牛肝菌味。意大利粉啱啱好，係香港人鍾意嘅硬度。# USDA Prime Beef Oyster Blade Steak + 158#美國頂級牛板腱 配 磨菇燒汁另外嗌咗個肉，牛味好濃，牛腱冇咁肥膩，所以好香肉味。不得不讚下面嘅南瓜蓉，超級甜。另外嘅配菜都好好味。見到餐廳廚師嘅細心，唔係求其整啲菜搭單擺盤，反而有加啲心思。最後簡單食咗幾件甜品，再配杯咖啡，chill下食個午餐都係幾舒服嘅環境…Read More

中環區呢好多酒吧好多食嘢嘅地方，但有特色嘅就好少今日呢就去蘭桂坊嘅一間有埃及風情嘅地方食飯飲嘢chill下呢一間叫做balady lounge嘅埃及特色酒吧，菜式都好特別，味道獨特，好正宗。#Tacos🌮-$110有唔同口味，內餡係魚雞羊，睇圖以為一啖一件嗰種，但後尾發現份量好足，洋蔥同埋牛油果解膩，加埋肉一齊食，口感豐富#corn ribs with dressing-$80烤粟米係好少酒吧嘅餐前小食會有，呢度嘅粟米烤得啱啱好好脆口，加埋少少調味本身就已經鹹鹹地，再加上1個類似乳酪嘅醬，酸酸地好開胃配埋酒食就一流#Hummus-$75平時唔係好鐘意食豆類食物，但呢度嘅鷹嘴豆蓉唔會好重豆味，好滑，加上秘制醬汁，一啖接一啖#Mixed Grill Platter-$300呢個什扒拼盤份量好多，有羊扒，有廚師自家製嘅羊腸同埋雞肉。羊扒好juicy好有羊味，又唔係好臊。羊腸要讚，好驚喜，啖啖肉好香好多汁，完全冇科技與恨活，正呀一班朋友放工上嚟Chill下食下飯真係一個唔錯嘅選擇，下次都會再嚟試下其他食物🍻Balady Lounge (中環)📍中環蘭桂坊榮華里15號榮華大廈A座地下H號舖…Read More

最近工作太辛苦，所以決定今日放假就搵朋友去酒店食飯慰勞下自己呢間性價比好高，3道菜，前菜，主菜加甜品都係$268，每道菜都好吸引，好好食。我就叫咗香煎米紙魚餅，香烤羊臀肉同暖朱古力紅莓布丁。米紙魚餅大大件，用米紙包住紫蘇葉同魚餅再拎去煎，配上洋蔥同秘制醬汁，酸酸甜甜，再有啲沙律菜，好開胃。主菜香烤羊臀肉配有薯蓉、田園蔬菜、肉汁，羊臀肉好冧好嫩，唔會好乾，薯蓉好creamy 好好食。食到呢度已經飽咗8成，再食埋個暖朱古力紅莓布丁作結，凍冰冰嘅天氣食啲熱嘅甜品，配上糖漬紅莓及蔓越莓，酸味同甜味剛好中和，十分滿足。友人就叫咗鮮蝦凱撒沙律，經典炸魚薯條同薑味曲奇脆餅芭菲。鮮蝦凱撒沙律有白鯷魚、羅馬生菜、煙肉、大蒜油封麵包粒、烚蛋，菜好新鮮，作為一餐飯嘅開始好好。朋友嘅主菜叫咗經典炸魚薯條，有兩大塊嘅鮟鱇魚柳，炸得外脆內軟，炸粉唔會好厚，薯條係粗薯，即叫即炸，小朋友一定好喜歡。最後聖誕節快到，就叫咗個薑味曲奇脆餅芭菲應下節，用咗精選什錦水果皮，酸酸甜甜。…Read More

坑口東港城終於開左上海婆婆😆啱晒一家人去食！// 黃金炒飯 //黃金炒飯份量好大碟，飯粒粒粒分明都炒到金黃色，滿滿嘅蝦仁🍤仲有火腿同埋鹹蛋粒超邪惡，但係好入又夠鹹香味// 黃金四季豆 //黃金即係鹹蛋黃炒四季豆，每一條四季豆都比鹹蛋黃包住，超香口又夠爽// 上海小籠包 //原味小籠包皮好薄，一咬開滿滿嘅湯汁就會流出嚟，要小心唔好焫親🙈// 蟹粉小籠包//另外仲叫咗個蟹粉味，蟹粉好鮮甜熱辣辣食先好食！我就鍾意點埋醋同薑絲一啖食// 炸銀絲卷 //炸銀絲卷外皮脆卜卜，一咬入去內裏鬆軟，一條條嘅層次好特別// 濃湯嫩雞煨麵 //嫩雞煨麵都好大碗，麵嘅質地煮得啱啱好，配料都好豐富有好多雞肉，同埋小棠菜，仲有蘑菇添// 桂花蜜汁火方 //每次必嗌嘅一道菜，火方用桂花醃製過甜甜地又帶鹹香，用麵包皮夾住連埋炸腐皮加埋青瓜好清新，一啖咬落去口感好豐富// 西湖太彫醉乳鴿 //花雕醉雞見得多，今次就試吓呢碟醉乳鴿，隻乳鴿好大隻又多肉！// 高力豆沙 //即叫即整，鬆軟嘅外皮包住滿滿嘅紅豆餡好滿足// 酒釀丸子// 酒釀丸子，桂花味好清香，粒粒嘅丸子好煙靭…Read More

Gariguette嚟到香港啦！人氣法式千層酥品牌係銅鑼灣Fashion Walk開設首間海外分店，真係好期待！✨🥐 當然要試試招牌的 **Napoléon**（士多啤梨拿破崙 Mille-pressé）。酥皮外脆內軟，搭配特製吉士忌廉加新鮮士多啤梨，酸甜口感讓人一口接一口，真的好幸福！🍓🌈 獨家口味！香港限定的「奶茶忌廉芒果配黑糖合桃」真的是驚喜！香滑的奶茶忌廉與酸甜的芒果醬，還有黑糖核桃的點綴，口感層次豐富，讓人回味無窮！🥭👀 透明櫥窗觀看製作過程，超療癒的體驗！下次一定要再來，每一口都值得細細品味！…Read More

牛當家宗旨：想做就做 真正屬於香港人嘅牛丼飯見到呢句，就值得試下🫶🏻牛丼家，為齊柏林副線，專賣平價牛肉丼飯！最平$29就可以歎到招牌牛當家牛丼，重點！早上7點半營業至凌晨2點！夜晚夜咗，都有著落！▶牛魔王飯 由和牛特製，食得出係真材實料嘅。配埋特製嘅醬汁，唔算好漏，另外嗰飯仲有啲酸薑，可以清一清個味蕾。▶咖喱牛肉飯都只係$48 ，呢個價錢簡糧尾嘅恩物。牛肉唔肥，絕對唔係油淋淋嘅肥牛！咖喱就係甜甜地日本咖喱，呢個價錢真係冇乜投訴。加15同20元，可以轉餐！加咗個公仔魚同埋炸雞，另外揀咗冰紅茶同白桃汁，天氣咁熱，飲番杯凍嘅嘢飲真係好爽。兩個人平平哋埋單都係百二元！聽講出示學生證仲可以減價，N年前嘅學生證都用得…Read More

見今日lunch time有個半鐘，二話不說想食餐好！記得上次去過一間鐵板燒，價錢合理地方好坐，招呼又好好，好啱約個朋友一齊傾吓偈！即刻book位二訪！餐廳地點近利園，裝修好有情調！由日本師傅主理，連食材都係產地直送！飛唔到日本，都食返餐日本嘢！Lunch menu幾相宜，$480唔算好貴！今次再encore!! ►前菜｜季節のサラダ沙律前菜用咗新鮮芒果汁做醬，簡單蕃茄仔粟米生菜。►汁物Soup蟹籽蟹肉茶碗蒸茶碗蒸個底非常嫩滑，仲係即席係鐵板上面蒸，上枱之前再加啲蟹肉！暖暖個胃，準備食正餐！►進肴Entrée｜北海道産ホタテ貝柱のカツレツ奈良漬タルタルソース店員非常好，每一道菜都會介紹，道菜係點整，材料喺邊度嚟，非常貼心！巧妙咁用咗白粟米鬚包住日本北海道嘅帶子煎香，奈良漬配上少少蛋黃他他醬配少少三文魚子，整道菜有唔同嘅層次，講笑同朋友講，自己都要試吓整！►追行Seafood｜本日の魚料理銀鱈魚魚皮脆卜卜！師傅小心咁樣將魚皮拆開，煎到脆卜卜，魚肉嫩滑多汁，魚香味十足！旁邊有自制嘅紫菜汁，鹹鹹香香唔使太多調味►主来Main｜和牛薄燒和牛薄燒，用上A4宮崎和牛，好軟淋肉味濃，加上壽喜燒汁同蛋黃。好想就咁食碗白飯啊。►御飯Rice Garlic Rice►止腕Miso Soup 赤出汁►香物Pickles蛋炒飯好乾身好香，用上咗和牛一齊炒，配返個熱辣辣赤味噌湯，完全滿足！►水菓子Dessert｜Homemade Gelato餐廳自制嘅gelato，焦糖味，好smooth好香，少少哋一杯，完完全全係加分位！見到師傅仲準備緊鵝肝，店員話係用嚟整煲仔飯！全間餐廳都勁香，下次想再試吓！…Read More

銅鑼灣開咗牛站啦😍即刻約咗朋友收工去食，兩個人任食火鍋咩都唔使諗最開心！// SRF美國極黑和牛片 //我同朋友一人揀咗一款湯底，椰子雞湯同埋冬瓜瑤柱豬骨湯底，2款都好補好清甜！2個都係牛魔王，不停咁order牛肉食番夠本😁😁極黑和牛片我同朋友大推，雪花紋理好均勻牛肉味好濃，另外肩胛肉都唔錯較有咬口。海鮮我地食咗沙白蜆、帆立貝同鮮蝦都好新鮮冇沙銅鑼灣既面自助櫃好大，比起其他分店選擇更多！丸類、蔬菜類、基本都齊晒。呢到除咗任飲酒類，仲有有珍珠奶茶添😍，甜品都唔少選擇，椰汁湯底嘢、楊枝甘露、泡芙、榴槤蛋糕、芝士蛋糕等等等等，加埋Häagen-Dazs雪糕🍦任食quota已過😊…Read More

想食燒鵝，未必一定要入到深井！老字號陳記，原來已經進駐咗新界東，喺將軍澳天晉有分店！將軍澳嘅朋友，唔使四圍去喇睇地址，餐廳好似有少少遠，其實地鐵商場有條天橋接駁，基本上5分鐘就已經行到喇。今晚晚市，揀咗三個小菜，全部質素都唔錯，適合一家大細。// 燒鵝（下庄）// 餐廳話用咗祖傳嘅秘方醃製燒鵝，的確燒鵝嘅底味好香，唔會過鹹。燒鵝皮仍然脆身，肉質好新鮮，下庄都係158，呢個燒味價錢其實都幾抵。份量非常足，其實夠三個人以上。燒鵝好肥美，油香十足。鍾意食飯嘅朋友，好好送飯。// 黑椒牛仔骨 // 好耐冇食過牛仔骨，好有鑊氣，而且黑椒味啱啱好。火喉啱啱好，唔會太老。// 魚香茄子煲 // 有驚喜，少少鹹魚嘅香氣，海量嘅肉碎，令到茄子煲個層次好豐富。平時屋企好少煮呢個餸，去餐廳食晚飯都會好想食吓。…Read More

夜晚8點嘅尖東，真係靜到人影都無隻，究竟有咩好食？朋友話帝國中心有間好正宗嘅韓國菜，有得燒肉仲有得食醬油蟹！let’s go!!!! 帝國中心都翻新咗，白色為主，光猛咗好多。餐廳係UG層，即大堂上一層，好易搵。二人坐到四人枱，好鬆動，舒服嘅。未點嘢食已經有6個前菜，店員姐姐話係每日唔同，睇返其他介紹，話會有鵪鶉蛋，今日就無了，但係翠玉瓜都幾好味，基本上都唔使另外點菜類，免費refill 都幾唔錯。//醬油蟹 加 牛油飯 // 是日重點！250元一隻仲包一碗雞蛋牛肉飯，加埋入去醬油蟹度食。即係非常新鮮，店員話係每日即制嘅，唔會過鹹或者太甜，絕對係白飯小偷。蟹膏非常Creamy，真係好想食多碗飯。// 特製牛肋骨 // // 雪花牛肉 // 簡單點咗兩隻肉，因為套餐應該真係食唔晒，揀咗牛肋骨，同埋雪花牛肉。冇黃牛咁肥膩，但係都非常軟腍腍。得滯牛肋骨係一大條燒，最後先剪成一塊塊，可以保留住好多肉汁。全程可以搵店員幫手燒，咁就可以慢慢自己食。每枱韓燒，都會送一個蒸蛋，記得上枱就快食，唔係嘅話就變老！…Read More

#新蒲崗 #茄蕃湯 #牛骨髓 #良心小店 💛究竟百幾二百蚊碗麫，值唔值得？試過你就知喇～ 舖頭位於mikiki地庫，一田隔離。原來以前嘅餐廳，大部分都換晒，其中一間變咗蕃茄仔✨。如果你同我一樣係蕃茄鍾粉，真係要必試！最重要重要重要係食辣！佢個湯底好似用了一百個蕃茄整出來咁，超濃稠，基本上飲湯都飽，再加埋佢個麻辣，完全加分。//特級牛魔王//牛肩胛 | 和牛𦟌 | 厚切牛舌 | 牛骨髓有四隻唔同的牛，都係賣幾百幾蚊一個set!!牛骨髓要刮出嚟食，勁重油脂感，好濃好香另外和牛𦟌好腍身，好入味。呢個價錢，有咁多款牛食，其實真係唔算貴。我仲多滑加了芝士，韓式拉絲咁樣樣，細食女仔唔好學我，因為真係飽到full 。//牛魔王 配烏冬//牛肩胛 | 和牛𦟌 今次揀了稻庭烏冬，比其他更掛湯！個人更加鍾意，牛𦟌勁厚切，有陣淡淡的滷水味，而牛肌胛輕輕煎香過，好重牛味。Dinner Set 會有飲品跟甜點，果段揀了奶茶！茶走，係無得輸，香滑亦好濃味。記得記得要試！必食忌廉蟹餅，真係如其名，必食！ 外脆內軟好重忌廉味！ 跟餐仲有一小件蛋糕，餐後甜點都算唔錯架！…Read More

餐廳位於將軍澳popcorn ，地鐵一出站嘅右手邊電梯口嘅位置。每次行過都想order 甜品櫃嘅蛋糕🍰。不過一件細細件埋單都成80元，就真係唔係幾捨得！想食又想平啲啲？嘿，有個好方法🤭 幫襯佢晚市，半價就加購，圍起40元，係咪抵先！望下餐單，晚餐反而好公道，最平98元就有交易，仲有齊湯同餐飲喎，西餐嚟講都okie!! //麻辣醬汁大蝦意大利粉🍝// 未試過麻辣意粉，估唔到幾得意！佢個source唔辣，椒麻比較重，幾開胃，意粉唔會過淋，大蝦都好爽口！98呢個價錢，抵食！//炭燒澳洲穀飼黑安格斯封門柳// 198價錢仲有牛排🥩封門肉味比較濃厚，脂肪不多，相對質感。處理得幾好，無話咬唔到情況。// 蜜柑西瓜蛋糕LIGHT 招牌草莓西瓜蛋糕//試下蜜柑，都好味！好清甜嘅橘子蜜柑味，好清新！下層有西瓜，好爽好味！蛋糕係無麩質，當然無海綿蛋糕咁鬆軟，但口感好好！但要二揀一的話，都會揀返士多啤梨版！…Read More

Lunch time 唔知食咩好，搭叮叮四圍去，誤打誤撞入咗跑馬地，四圍搵食，就入咗呢間居酒屋🏮食日本嘢🎏裝修幾簡潔，以白色同木色為主，都幾舒服！Lunch menu唔算貴，可以試下！最平都係85元。//銀雪魚西京燒定食//西京燒本來已經好好味！燒得好焦香，魚皮都好乾身。魚肉好重油香味🤎好好味！//三文魚親子丼//朋友就食親子丼，三文魚有5大片，另外仲有魚子！加上生磨wasabi，質素都幾唔錯👍🏻//野菜牛肉烏冬//好好味嘅熱湯烏冬，烏冬好彈牙！湯頭亦都好甜。//日式牛肉炒鳥冬//上枱時熱辣辣，好香燒汁嘅味道！有少少蔥 韭菜 同洋蔥，味道都唔錯。牛肉份量可以再多啲就正啦！每個午餐仲包前菜同嘢飲，都幾唔錯。另外一種嗌咗個吞拿魚腩蓉小卷，魚油味好香🤭。…Read More

高質居酒屋 想食靚牛嘅首選地銅鑼灣真係美食集中地，尤其係日本料理，簡直雨後春筍，花眼瞭亂到唔知揀乜好。如果嗰晚想食日本嘢，唔係刺身壽司咁凍冰冰嘅，又唔係串燒啤酒🍻，想食和牛兼滿足感，多數會揀申子。先講氣氛，有啲情調又暗暗地，空間感好好，仲有卡位好座好吹水！今晚夜入座，有四人座，仲送和牛壽司🍣✨//申子海膽和牛燒//見隔離枱食緊和牛燒，吸引到我閃閃眼🤩唔執輸嗌一份，$378係唔平，不過2個人share呢，都值得試！有員工即場燒俾你，生熟度可以揀。有中間包住啖飯，重點加隻蛋黃！和牛味濃，加上有fancy嘅海膽同魚子🤭呢個質素 我會encore!! //鹽燒牛舌芯//呢個必試！即叫即整完全熱辣辣，軟淋淋口感好好，外面亦好香脆。唔使點樣調味，加少少鹽已經好好。//壽喜燒//天氣涼涼地，嗌個鍋試下。水準高，和牛當然無和牛燒咁正，但絕對好唔錯👍🏻 加埋蛋一流。如果可以配烏冬就正了！//蓬松玉子//即係芝士雞蛋卷，內裏嘅芝士係留心嘅！外面嘅玉子好香蛋味，鍾意食蛋嘅朋友仔記得要試吓。…Read More