上海婆婆 (東港城)

營業中

休息中

坑口東港城終於開左上海婆婆😆啱晒一家人去食！// 黃金炒飯 //黃金炒飯份量好大碟，飯粒粒粒分明都炒到金黃色，滿滿嘅蝦仁🍤仲有火腿同埋鹹蛋粒超邪惡，但係好入又夠鹹香味// 黃金四季豆 //黃金即係鹹蛋黃炒四季豆，每一條四季豆都比鹹蛋黃包住，超香口又夠爽// 上海小籠包 //原味小籠包皮好薄，一咬開滿滿嘅湯汁就會流出嚟，要小心唔好焫親🙈// 蟹粉小籠包//另外仲叫咗個蟹粉味，蟹粉好鮮甜熱辣辣食先好食！我就鍾意點埋醋同薑絲一啖食// 炸銀絲卷 //炸銀絲卷外皮脆卜卜，一咬入去內裏鬆軟，一條條嘅層次好特別// 濃湯嫩雞煨麵 //嫩雞煨麵都好大碗，麵嘅質地煮得啱啱好，配料都好豐富有好多雞肉，同埋小棠菜，仲有蘑菇添// 桂花蜜汁火方 //每次必嗌嘅一道菜，火方用桂花醃製過甜甜地又帶鹹香，用麵包皮夾住連埋炸腐皮加埋青瓜好清新，一啖咬落去口感好豐富// 西湖太彫醉乳鴿 //花雕醉雞見得多，今次就試吓呢碟醉乳鴿，隻乳鴿好大隻又多肉！// 高力豆沙 //即叫即整，鬆軟嘅外皮包住滿滿嘅紅豆餡好滿足// 酒釀丸子// 酒釀丸子，桂花味好清香，粒粒嘅丸子好煙靭